火鍋撚 (染布房街) (已結業)

雷聲大雨點小就是這種。好難至book到，又限時限刻，地方又淺窄，坐又坐得唔舒服。但我以為越是期待越是美麗吧！終於有得食！我好期待㗎！我當然做好功課叫個鎮店推介-蜂巢豆腐白鍋同麻辣鍋啦！唉，我真係錯，點解我要坐得咁辛苦咁逼，枱又無位放食物，食個咁樣的火鍋紅白兩個鍋都唔掂，普通到不得了！個麻辣鍋根本就唔合格叫左雲吞，丸，牛肉等，全部普通貨色呢個價錢唔可以叫好食啦俾多少少誠意啦！全晚都抱著失望，仲要專心食快d，又係會叫人埋單提你夠鐘，食成千蚊餐飯趕到乜咁！你又唔上食物上快d最好食竟然係送嗰個腐竹糖水沙冰係咪攪笑啊？不如轉做甜品店，賣呢種沙冰，我實寫好評，勁讚

第一次食，因為6點幾黎既關係，無book都有位，好彩！一入到黎就覺得裝修好別緻，不過唔係太大間，難怪平時要排曬隊。湯底揀左麻辣同老火湯。老火湯要比十個讚，堅老火、無味精、好夠味👍🏼就甘當湯都飲左2-3碗先打邊爐。食材好新鮮，唔係平但個人認為值得。最驚喜既係個酒糟五花腩，必食之選！酒味夠濃郁但又唔會濃到頂唔順，唔飲酒既人都會食到！炸魚皮真係即炸，唔係平時放到靭曬個d。午餐肉炸左可以即食，好香口。最後，另一驚喜係竟然有甜品送！食落似腐竹薏米糖水味既沙冰，有趣！

香港人一年四季都可以打邊爐，所以香港的火鍋店真係百花齊放，日式/港式/重慶/四川/瑞士/韓式，當然重有香港人最喜歡的台式話說里間火鍋撚個名已經好特別，重要創新到玩外賣🥡都依舊訂位訂到full 晒。無理由唔試下啦湯底不用說吧，最多人點的—紅白湯底。紅湯麻麻辣辣，唔會將食材本身的味道蓋過🌶白湯藥材味好重，未落食材落去之前，自己忍唔住飲左兩碗😘飲完成個人都暖晒湯底本來都有鴨血，但是好味的野當然要encore 啦😘吸盡個湯底，味道一流（重點加配唔貴囉）魚皮是香港人最愛，淨食又得，輕煮又得📷大家一定一定一定要點，即叫即炸，重要係加左咸蛋黃去炸👍🏻👍🏻👍🏻👍🏻好味到不得了超脆超正，宜家諗返都重想食👅我見到魚雲，以為係魚卜，點知上桌原來係魚頭🤣算啦，望落幾新鮮，試下啦⋯⋯我覺得放係白湯到煮好味啲，好像飲魚頭湯禁🐟掛住啲牛肉係條竹上面，影相不錯，不過啲牛肉的筋多左少少，無牙婆咬唔開😔牛味的話就不過不失啦黑毛豬反而有驚喜，又香又軟👍🏻👍🏻👍🏻睇落好像好少，其實每朵花有成四片嫁四併餃子🥟老實講，唔覺得有邊款好驚歎，一般粉麵店的自家包水餃🥟🥟🥟打邊邊，重要食辣，一定要啤一啤手打牛丸，好吃哦⋯⋯重要係爆漿的大

同朋友放工喺旺角， 搵地方打老邊。見佢嗰名好得意就即管試吓。我哋叫咗個大辣湯底， 同老火湯底。 個經理過嚟同我地講不如試吓中辣先， 因為大辣會好辣， 我哋當然冇聽佢講， 因為本身我地都好食得辣😎 不過都覺得佢好細心👍🏼湯底本身唔算太辣， 不過個味好香用料非常新鮮！ 選擇亦算多！本身以為份量唔會太大， 所以肚餓嘅我叫咗十幾樣野食！ 但係原來份量都好大， 只有兩個人嘅我哋浪費左好多食物😭真係一間唔錯嘅火鍋店， 值得一試

晤系咁抵。貴得嚟。份量太少。每一粒牛丸，一塊牛肉，一粒雲吞，。大約要$10~12.@1粒。即系牛丸$58+10%、6粒果隻。啤酒同酒吧一樣$貴，，貴唔緊要份量多返少少會好D。晤系咁抵食。海鮮類又貴又晤抵所以無食海鮮類。，應該無下次。打邊爐依個$。大把地方可以食。得兩樣得藥膳湯底+安格斯牛。無Lu。"伙計阿姐都話我地$抵食喎。 見人見致。仲要限時交枱。仲有得一格洗手間太唔方便男女共用。但系乾淨。有一兩個排隊就麻煩D。

上次堂食發現有做外賣，點知外賣只送旺角區家有兩老，出入唔方便，想帶好野俾佢地食，為有外賣自取蜂巢豆腐白湯鍋（$128）有準備二盒一樣白雪雪既湯底for先滾湯飲，再加湯打邊爐，唔會話一盒係清湯。味道好濃郁飲得出帶甜味。配料一樣跟到足，有豆腐同鴨血，蜂巢豆腐吸左湯既精華，啖啖都係湯汁又有口感。鴨血質感比香港常食既豬紅較滑，感覺上更有台灣既味道另外散叫左鴨血（$22）酸菜白肉（$22）酸菜白肉本身熟既，做前菜一流，酸菜食左好開胃，令人食慾大增老油條（$37）係屋企食，就緊係食啲屋企整唔到既野老油條同我地食粥既油條唔同，但比較硬食脆口，好香脆味，怕熱氣就唔建議即炸響鈴（$49）食過即炸響鈴就知道口感，同盒裝差好遠，入口鬆脆，加上甜酸醬係精粹好夾。乾濕兩種食法任君選擇外賣自取確實有啲重，但真係冇偷工減料，味道一樣甘好食，包裝好好冇倒瀉，可以舒舒服服係屋企食，又係唔錯另一個選擇

冇食一年感覺質素明顯下降，地方好迫兩個人嘅枱根本擺唔晒d 野食，又冇地方擺袋，坐得完全唔舒服。洗手間又得一個，待應一堆企左係個廁所門口，都唔知點樣排隊，但你又唔怪得佢哋，因為成間鋪真係行嘅空間好有限，佢哋除咗企係廁所門口之外都冇地方可以再企。湯底好鹹完全失去左以前嘅精緻細膩嘅風味，而且每樣野嘅份量都好少，雙拼螃每款只有四件已經128，菜心苗＄48但係條菜仲老過個阿婆。兩個人埋單＄1000 話貴唔貴，中等價錢，但以空間，環境，服務同食物質素，我覺得真係下次要諗清楚先。

第一次食,成日經過一於試下,有book位，唔洗等!!!我地叫佐個白火鍋,湯底足料, 蜂巢豆腐,鴨血,同龍眼乾好好食響玲同魚皮, 炸得幾脆口, 仲有個牌仔提你灼幾多秒,幾細心賣相不錯, 不過唔重牛肉味清甜,爽口, 這份量係一份黑松露墨魚滑,不太重黑松露味, 不過墨魚彈口雲吞,入面d蝦幾彈牙幾爽口,不錯!最後送腐竹糖水沙冰, 超好味,腐竹味濃,清甜打完邊爐甘熱,食D凍野都幾正仲有2-3樣野食無影, 不過2人埋單都成1800頗貴的

同朋友凌晨12點係旺角打完麻雀想打邊爐宵夜 見佢仲未收就即刻入去 聽就聽得多 試就真係第一次 唔算多人 walk in即刻有位 只係見到2-3圍客 一黎就叫左個鴛鴦鍋 入面有我最中意既鴨血同豆腐 似足台灣 極品安格斯肥牛 賣相同肉質 黑松露墨魚滑+蝦滑 彈牙又新鮮 仲叫左烏冬 午餐肉 菜 響鈴等等飲品方面就嗌左竹蓆茅根 唔甜 好飲 份量比較少整體黎講食材新鮮 上菜速度快(可能宵夜時間無乜客) 環境一流 岩哂同朋友聚會吹水 最後免費送既冰沙好飲好透心涼

個名真係改得好，對於我呢D平時忍住唔爆粗嘅人，可以盡情叫火鍋撚吖，巧爽嘩哈哈哈哈😆😆😆😆唔玩喇入正題，食神朋友介紹呢間火鍋，尤其個湯底，真係會俾我飲哂㗎喎，又係個D藥材底杞子龍眼唔知乜參同紅棗我推介皇帝菜，墨魚滑，牛肉同豬肉都好好，如果你鍾意食蛋黃，你千祈唔好錯過有個蛋黃乜乜丸😅😅😅唔記得，真係正，不過食得太多會漏，所以開心share就非常好👍🏻不過個桶壕唔值得食，唔係咁好味可以不試另外佢地學台灣嘅餐後特飲非常美味，類似腐竹雞蛋沙冰，正👍🏻👍🏻👍🏻

朋友團聚話要打邊爐，一行十個嚟做火鍋撚!當然叫到成枱野食啦，象拔蚌、三文魚、帆立貝、手切牛肉、脆魚皮、餃竟然有午餐肉餃、手打丸...... 整體都新鮮好食!咁多款最出色係腐竹雞蛋糖水沙冰

终於試到想試好耐嘅火鍋撚喇😀 入到餐廳發現原來吾係得好多張枱，雖然細細間但好在枱與枱都可以保持一定距離，坐位亦都幾舒服。我地揀左鴛鴦鍋，辣個邊揀左小辣但小辣完全吾辣，所以都叫職員比辣汁我地加辣，可惜加極都吾辣，而且兩邊湯底都偏咸，有d失望食材好精緻，食鲜. 係份量有d偏小，桶蠔一份得三隻半，點解係半隻呢，因為其中一隻细到好似得小半隻咁😅 另外，因為我鐘意食咸蛋，所以叫左客咸蛋豬肉丸，但好失望，得個咸字😵其他大致都ok.最後有甜品送，好窩心，甜品係腐竹糖水沙冰，好味總括，一試無妨。另外值得一讚嘅係服務真係吾錯

週末夜宵約12點到，無需等位，但都坐滿7成，全場約只有十多枱，相信繁榮時間都等好耐下。老火湯底（猴頭菇粟米紅蘿白）+ 麻辣火鍋底（中辣）～～⭐️⭐️⭐️⭐️⭐️最鐘意麻辣湯底夠香、未油未太死辣食材選料用心，賣相吸引。有鹹蛋黃豬肉丸，同紫椎山所有特式。⭐️⭐️⭐️⭐️飲品賣相更為吸引，可惜太晚，腐竹白果沙冰賣曬，未能試到！但其他都非常好飲。⭐️⭐️⭐️⭐️特別要提既係，服務主動，每一次不用客人要求，都會主動幫客人加湯，真貼心⭐️⭐️⭐️⭐️⭐️

是晚朋友生日.咁出名去朝聖下.一行5人坐位：有點迫一邊3人會撞手掙.😩湯底：酸菜白肉.👍🏻👍🏻👍🏻👍🏻👍🏻。另辣湯底可以叫佢另比一碗汗唔夠辣再落.一般來講（小辣既人叫小辣都會覺辣辣）我個人要去到中辣先夠（食食下.會頭頂背脊慢慢滴出汗😋🔥）食品👍🏻：鴨紅煙煙韌韌、手切牛8第即食、脆脘魚爽口彈牙、鮮淮山（紫色）好特別、水魷全比鬚、食品👎🏼：響令唔得脆、黃沙豬潤唔得爽口飲品：腐竹雞蛋沙冰👍🏻👍🏻👍🏻😋真係要試價錢就人人唔同睇法...$2200/5人服務：中上態度👏🏼👏🏼👏🏼

呢煲足料湯底有齊人蔘、鴨血、蜂巢豆腐、粟子、杞子⋯ 淨係見到都覺得好補，值得推介！建議飲返兩碗先好落料食火鍋，唔喺嘅話個湯就會吸哂啲食材嘅味道，無咗嗰種清甜。 (黑松露墨魚滑+香菇貝鮑鮮滑)如果要用4隻字嚟形容呢碗魚滑，就一定係爽滑彈鮮，但係黑松露香就唔多聞得出，同埋只係一個細拳頭嘅份量就盛惠100蚊，貴～呢款手打丸的確係好彈牙爽口，咬落完全唔覺粉，所以都應該真係幾足料，無呃人！雖然午餐肉同菜甫都係好常見嘅醃製食物，但就從來無諗過要將佢地擺埋一齊嚟做餃子餡。 餃子皮都幾薄，咬落鬆軟多汁，菜甫嘅甜味啱啱好可以夾到午餐肉嘅鹹鮮，味道的確唔錯。(金針菇 美白菇 鴻喜菇 雞脾菇 鮮冬菇)打邊爐嘅時候，最鍾意就係落菇菌慢慢煮，然後佢地就好似海綿咁，吸哂成煲湯底嘅精華，十級滋味。我地好傻豬咁以為呢碟順德魚腐要淥完先可以食，點知原來可以就咁食，結果擺咗10幾分鐘，食嘅時候，表皮已經唔再脆口，不過仍然聞到好香嘅魚味～呢到食物質素中上，算喺幾高質嘅火鍋店，所以價錢自然都會相對貴啲～