灜鐵板燒

营业中

休息中

因為慶祝我考到牌 有人介紹我黎灜試下 所以同屋企人即刻book黎trytry 去到嘅時候個環境好靚好日式 分開兩邊 服侍好好 好好禮貌 廚師又好好禮貌 一個師傅服侍一枱客 個日我叫左一個大蝦 龍蝦 鮑魚 鵝肝，佢一開始有個前菜沙律提供 好開胃 清新 然後大蝦 睇住師傅整好有治癒嘅感覺 好入味 最岀色係師傅話話私人調教嘅柚子黑椒汁 勁好食 以為唔夾 但係在單止夾 仲好香好開胃，龍蝦同鮑魚好爽口 岩岩好 去到鵝肝 師傅用左新煮法 係焦糖鵝肝 好好食！！新嘗試 最後三個人加埋酒水 都只係千零蚊 二千蚊樓下 唔錯！

值得推介有日本風味尖沙咀既Omakase😋係最近4人限聚令底下，同兩位朋友黎呢間日本餐廳，亦都係我第2次黎呢間餐廳，食物仍然保留到一貫水準，食材亦都非常新鮮。今次負責幫我地煮野既廚師阿Ken，仲會一路鐵板燒一路介紹每一個食材菜式比我地聽，我自己就最鍾意呢兩個菜式😋紅酒啤梨鵝肝和牛薄燒大家黎呢間餐廳絕對要Order呢兩個菜式。另外，呢到既清酒都值得一讚。媲美日本質數既Omakase。下次絕對會再黎！

「兩個好酒小妹」繼續灜鐵板燒🍶鐵板炒飯🍚比大家食，自己點可以唔食!尖沙咀好多餐廳都食過，不過呢間係老闆娘最好玩，性價比非常好嘅鐵板燒專門店。我同姊妹三個人去食野連飲埋1.8L+750mL男山大吟釀，平均每人600左右落樓。難忘必食：鵝肝自製特色餃子🥟🥟芥末和牛/雞肉餃，老闆娘知道客人口味特製的。Ken Sir炒飯我同學仔去到食到嘩一聲!!鱈魚餃鮑魚特別煮法提提大家餐廳食物已經加足味道，我喜歡清啲及淡口啲，記得同師傅講輕手啲!! 如果會偏重口味~

去到瀛鐵板燒，地方骨子，有三張鐵板檯，新裝修，感覺非常好，好乾淨，由大廚兼老闆親自主理，由前菜開始，每一道菜都收到用心去整，黃金蝦非常美味，鮑魚煮得剛剛好，牛肉有口感有肉汁，炒飯顯出大廚既工架，非常滿意，最好食埋特色甜品，簡直完美，一邊食可以同廚交流，一齊品嚐美酒，有講有笑樓面員工也服務很好，餐廳還有一道屏風可以做包廂，人均消費700，以鐵板燒黎講價錢非常優惠，雪櫃有好多不同類型的清酒，下次可以試試

The food at this place was just DELICIOUS. Food was tasty and fresh with a good selection of live seafood. We had crab, abalone, huge tiger prawn, and they were just exceptional😋😋not to forget the goose liver and the wagyu beef, also very yummy😋Everything was perfectly cooked and price is very reasonable for a Teppanyaki restaurant. The chef and the staff were very friendly, excellent service and the place is clean and very comfortable. A very enjoyable evening and definitely will come back agai

今日帶住外甥同老公，因為唔係好肚餓就點a la cart, 叫廚師發辦，先來個沙拉同開胃菜，跟住大蝦配柚子黑椒汁，好醒胃好味，之後就係個我覺得真系真系好好好好食的龍蝦，哇，好食都不得了🤣。另外就有鮑魚，同鵝肝，個鵝肝唔係一般嘅鐵板燒做法，有點法式嘅感覺，似cream brûlée 好好味, 以為會係甜嘅，但是只有少少甜味，總之好多驚喜啦！最後以為埋單好貴，但是三個人加埋都係2千，覺得好值得！Yummy Yummy

我地一行人五個人去尖沙咀的日本鐵板燒餐廳，叫左一人一個套餐，好豐富，食得好飽，有大蝦，鮑魚，蚌，鵝肝，和牛，廚師仲送咗好多小食。海鮮好新鮮，和牛薄燒好好食加埋啲蔥蒜。廚師仲好好人，同我哋傾計玩得好開心。今日都有幾台人客，雖然疫情，都見佢哋都好小心又探熱，消毒，又問有無去外國，仲派信封放口罩，真係好貼心，服務做得好好。個經理仲送我哋啲啤酒飲，在場好多熟客，好似氣氛非常好。玩得很好心！下次一定要再黎幇親！

話說前兩日白色情人節，我男朋友叫我去揀食咩。我上司就介紹左呢到俾我，佢話佢可以幫我直接同呢間嘢嘅老細(executive chef) book位。咁我個日19:45去到，見到都有啲忙，個位executive chef 幫緊隔離房，有另一位師傅煮俾我地食。真心啲嘢係幾好食，佢個鵝肝真係出色，仲有龍蝦都好食好大隻，so far我自己覺得比係出面嘅鐵板燒，性價比都高。食到尾二道菜，師傅係我面前個堆碟到拎碟時，突然我見到有10幾隻曱甴仔擁出黎嚇死我。跟住我男朋友仲幫我捉，真係好癲！我嚇到傻左，已經食到最後，個師傅簡單講左句唔好意思，然後話洗過哂啲碟去，就繼續煮。我個刻，我嚇到呆左，無影底。亦都本來成餐飯好地地，嘢食又幾好食，我心明每間餐廳總會有曱甴老鼠，只係你見唔見到。我知宜家疫情下生意難做，我唔想話搞大件事，所以當刻無追究落去。到埋單走嘅時候，我地都無話因為呢件事已去R折頭。我明佢哋都唔想有曱甴，宜家生意難做，公道講句，我覺得嘢食係幾好食，所以全數俾哂2千幾蚊。點知返到屋企我同我男朋友都肚痾，我痾左幾次。到第二日，我上司whatsapp問返我食成點呀，我同佢講返成個故事。我同我上司講，可能個

成日都話人生如戲，戲如人生。我既人生就好似玩緊過山車，不斷高高低低。如果當佢係一套戲既話，可以係喜劇，亦都可以係悲劇，其實都視乎你用咩心態去飾演自己。但如果要好似舞台劇咁光芒四射，咁不如試下調節一下，享受下眼前既美好先？例如黎到尖沙咀呢間「灜鐵板燒日本料理」，一路睇住師傅企係你面前，飾演一個專業既師傅，將佢精湛既表演原形畢露，夫復何求？👇📌黑魚籽鵝肝蒸蛋 - $68👉係我食過鐵板燒最得意既前菜，用雞蛋殼做擺盤，係裡面加蛋漿，然後再煎香鵝肝放入裡面一齊去蒸熟，最後面頭擺上好誘惑既黑魚籽。份量少少但食落夠哂滋味，鵝肝一啖過口感一流，夾雜鹹香鮮味既黑魚籽，層次相當豐富！📌金沙大海虎蝦 - $168👉用上兩隻體型夠哂卡士既虎蝦，誠意十足，師傅先將虎蝦拆肉，然後切件，平均每件煎得金黃香脆。而食落肉質爽口彈牙，直頭係Q彈果隻。蝦頭d蝦膏入口相當夠甘香，又唔會太油膩，擺盤經過師傅悉心打扮後變得更加靚仔，呢個真係無得輸。📌活南非鮑魚 - $198👉出動到南非鮑魚當然唔會失望啦，Size有成隻手掌咁大，師傅會即時將新鮮既鮑魚清洗。擺上鐵板既時侯，顯然見到佢仲郁緊，雖然睇果陣真係幾殘忍，但咁樣證實到佢真係

慶祝週年紀念日 就帶男朋友黎食朋友推薦既餐廳~灜鐵板燒~叫左個蟹之鐵板燒 二人前 $1588前菜就正正常常刺身盛合 海膽新鮮冇苦澀味魚子醬鵝肝蒸蛋 個蛋好滑好清甜加拿大銀鱈魚風味鐵板蟹好香炸蒜味紫菜湯煮活蚌個湯好鮮甜佐賀和牛薄燒🙂因為慶祝6週年 鐵板燒師傅係燒飯前仲比左個surprise我地🧡🧡

香港地食鐵板燒既地方唔多，自己都未試過午餐食鐵板燒，難得行過餐廳樓下，見到都係$78一個LUNCH就決定試下!入到店內環境寬闊，落左ORDER後仲可以睇住廚師係面前即炒即燒未黎主菜之前，先品嚐下前菜同湯，味噌湯味道唔算太濃，幾易入口之後到上主菜啦! 今次點左三文魚扒，燒得岩岩好，唔會太嚡身，重點係連同配菜同日式炒飯都係熱辣辣，絕對夠晒飽，又好滿足!

Omasake 指廚師發辦，在台灣試過，相反在香港就未試過，由廚師挑選優質及時令的食材即場煮哂我哋食，用餐之最高體驗👍🏻在日日都閉關🤷🏻‍♀️心情好複雜🤯 時，的確令人心情舒暢不少，而且價錢好優惠！一家三口👨‍👩‍👦 或者幾個好友聚餐都好啱～不妨bookmark🔖分享下～#地點方便 餐廳位於海防道，不難找到#好有私房菜感覺 座位不多 照顧到每位客人需要 #每個座位都可欣賞到大廚烹調，所以帶小朋友去都唔怕悶親！🤓#食物方面道道出色 ...大廚嘅招牌菜有：😋#黑魚子鵝肝蒸蛋（超滑、海馬仔一個食哂🤪）😋#金沙黃金蝦（大蝦一隻手掌✋大又新鮮，配上咸蛋黃，一口又一口停不了）😋#黑松露活鮑魚（鮑魚未煮前活潑到暈🤪 煮完配埋黑松露，入口係一試難忘的滋味）😋#鵝肝多士（鵝肝入口即溶🤤）😋#磯香紫菜湯煮活蚌（一個字：鮮！）😋#和牛薄燒 （濃濃嘅牛味，海馬仔都食不停）😋#櫻花蝦炒飯（炒出來粒粒乾身！仲可以特別安排嘉賓炒呢😆）🍺#SUNTORY黑啤 叫杯配日本菜好夾大廚Ken師傅風趣幽默，擁有超過30年日廚經驗，一邊可欣賞佢嘅出色的烹調同時享用一道道美食，絕無冷場！ 海馬仔立時話想變做小廚師👨🏻‍🍳 炒炒飯

座落在尖沙咀市區，交通位置方便，甫就座便先嚐前菜，店員也奉上黑啤——「SUNTORY」的「究極鑽麥黑啤」，味道較為溫和，沒有德國黑啤那樣苦，適合配搭日本菜式。是夜「廚師發辦」（Omakase）食材十分新鮮，「黑魚子鵝肝蒸蛋」很特別，沒想到鵝肝配蒸蛋是這樣夾！「金沙黃金蝦」蝦肉很有咬勁！「磯香紫菜湯煮活蚌」十分鮮甜，沒嚐過如此好味的紫菜湯！而「黑松露活鮑魚」與「櫻花蝦炒飯」也是煮得香口！老闆更開了一支大吟釀與大家暢飲，相當高興！吃「廚師發辦」（Omakase）時，客人與主廚的交流也是重要一環，他談笑風生，也增進了用餐時的歡樂氣氛。席間得知原來他已經入行30年，真佩服其敬業樂業！總括來說，是次到「瀛」用膳，真的是一次不俗的體驗，期望有空再與朋友上來吃鐵板燒呢！

想試廚師發辦好耐喇！但係又擔心會好貴好貴。近排經濟麻麻，唔係咩特別日子都唔想使錢。之但係最近工作辛苦，所以今晚決定豪吓。瀛嘅位置大隱隱於市，中達大廈個招牌好細，唔留心都未必睇到。不過入到去間餐廳就覺得別有洞天，分開兩個部份，大細圍嘅客人都照顧到。今晚食咗：1.黑魚子鵝肝蒸蛋（無得輸，好滑好鮮味）2.金沙黃金蝦（咸蛋黃配咩都好食架啦，但隻蝦又大食又新鮮應記一功）3.磯香紫菜湯煮活蚌（個湯吊味是重點）4.黑松露活鮑魚（好味到一個點）5.鵝肝多士（鵝肝大過塊多士，油香令人忘記膽固醇）6.櫻花蝦炒飯（用沙律醬當油係好橋）7.炒雜菜（清清腸胃）黑啤配日本菜都係第一次，但我更鍾意支甜甜大吟釀😻兩款酒都易入口，我唔算飲得，都無問題。師傅好風趣健談，如果慶祝生日佢會畀你埋爐炒飯畀壽星食，好玩，不過其實塊鐵板好熱好難控制，都係畀番師傅炒好味啲。

這是一家開業不足一個月的鐵板燒店，鐵板燒師傅經驗却十分豐富，更難得的是不斷有創新菜式，幾度較特別的菜式如金泊磯燒鮑，味道清甜，口感豐富，咸蛋黃醬虎蝦，味道咸香，肉質嫩滑海帶象拔蚌湯，是師傅最近研發的新菜單，清甜鮮味另外還有小量刺身，亦相當新鮮這晚還品嚐了如鵝肝、薄燒牛肉及櫻花蝦炒飯等，由於太美味，又和師傅不斷交流美食，故完全忘記影相最遺憾的是櫻花蝦炒飯沒有影相，因為此飯師傅做得十分清香，口感十分細膩，令人一試難忘。