灜鐵板燒

营业中

休息中

今日天氣超好，決定去一間次次都有驚喜的鐵板燒餐廳， 配合下我個好心情。我同哪吒簡單嗌左2個鐵板燒Lunch Set ， 對住個九龍公園， 慢慢享受。 先來田螺和特色沙律做前菜， 田螺非常鮮甜軟腍 ；（停唔到口）主菜有大虎蝦， 海中蝦， 三文魚，活鮑魚仔， 鵝肝，安格斯簿燒牛肉， 櫻花蝦炒飯，炒雜菜。。多到不得了！鵝肝多士配紅酒梨~ 紅酒梨的清新去解除鵝肝的油膩感， Bravo! 黑松露三文魚子同活鮑魚好鬼夾三文魚~皮脆肉嫩好Juicy安格斯薄燒牛肉~ 精髓在於蔥粒櫻花蝦炒飯~粒粒分明又香口好滿足又有口福的星期六下午。

好特別的一個體驗。鐵板燒格局可以一邊食、一邊睇大廚表演（零油煙味！）。場地唔大但唔逼坐得好舒服，加上大廚同客人嘅互動，感覺好親切。女大廚很有型呀～今次散叫海鮮菜式，因為慶祝生日想食豪啲，訂位時問咗好多問題，十分感謝你哋有耐性嘅回覆！散叫得嚟又有啲廚師發板嘅元素、幾好（我唔知咩 sauce 襯咩海鮮嘛）。黑松露蒸蛋係跟其 openrice comments 叫，唔錯唔錯。象拔蚌紫菜湯係一絕！帶子配清新嘅海藻汁非常特別。下次想叫set 試吓個炒飯（今次太飽冇食）！佢仲加生日牌俾我呀～超美 der!加油加油！

今晚想食d好味嘢獎勵自己，既然無得去日本就食住日本野頂住先啦🇯🇵🤪呢度食Teppanyaki，喺你面前燒，好香！可以散叫亦都可以叫dinner set，d set其實個個都好似，分別主要係個海鮮。我地懶得諗就揀左個King Crab Legs Set ($1,588 for 2 persons)首先會有前菜同沙律，無咩特別唔影相啦跟住係Sashimi，幾fresh，唔錯然後呢個好特別好好味，係魚籽鵝肝蒸蛋，蒸得好滑，魚籽冇腥味，正👍🏽跟住可以揀鮑魚或銀鱈魚，我哋㨂左銀鱈魚🐟燒得好香，配埋個sauce幾好味長腳蟹，要襯熱食呢個係蜆湯，好鮮甜好好飲，有日本朋友話呢個最啱解酒毒，唔知係咪😂然後係Angus beef，加$300可以轉和牛，我地無加。五成熟，啱啱好最後會有炒飯同炒野菜，用雞蛋樱花蝦炒，好食，野菜冇咩特別冇影相附送甜品，豆腐雪糕，完滿嘅一餐，happy weekend!

前幾日男朋友生日同佢食左想食好耐的鐵板燒。因為第一次食，所以睇左好幾間同區的餐廳 搵間性價比高的試試。呢間係我睇咁多間menu 最吸引，滿足到男朋友想食魚又滿足到我想食鵝肝❤️大概7:30 我地就到左餐廳，因為疫情的關係客人不太多 我地就安排左坐正鐵板前面😄然後，我地點左一個二人蟹的套餐同埋叫左雞泡魚干佐啤酒🍻前菜的海膽同鵝肝蒸蛋十分出色 無令到我失望 而且仲令到平時吾食海膽的男朋友都大讚鮮甜😋其次我地最期待的炒飯 都同其他評論一樣，好有心機炒；重點係未食都聞到好香的櫻花蝦👻。最後，主廚同鋪頭的老闆同職員知道男朋友生日後都好熱情❤️送左兩杯啤酒比佢😂😂😂好似我地已經識左好耐咁，受寵若驚！哈哈....我地有機會會帶埋屋企人再試❤️❤️❤️❤️謝謝你們當天的招待❤️🍻

今次小弟女女做到嘢～搵到間好野疫情下真係生意難做～但呢間真心有❤️咁岩個日小弟牛一。食得特別開心因為冇晚市~所以訂左4:30～上到去。包場。一個客都冇。心諗。今時今日生意真係難做～講返間舖。先講裝修好有心思。好多野都好靚。好新～食物～擺盤。器皿。都好靚。自己睇相。係真心feel到有❤️。食材都算新鮮。午餐$2xx。有鮑魚。虎蝦。鵝肝。算係超值。佢仲有D平價lunch set$7x~8x。疫情期間仲要唔收加一。真係底底底底。牛一食好DD啦。加多100g牛扒。咁就岩岩好～最開心係有個特別整比我嘅生日甜品～真係多謝哂。唔係因為佢地對我地特別好～係真心feel到佢地有Heart。無論對食物定對客人。都一百分。係感覺到。真心好。叫左2個Set+100g牛扒沙律~酸酸地開左個胃。幾好味噌湯~正常野。你會飲得落鮑魚~超新鮮。仲識旭。燒到岩岩好。有鮮味。又彈牙虎蝦~超大隻。味道就得鹽同黑椒。加牛油會開心D鵝肝~好ok~唔知點解燒得咁好。外面脆。入口即溶。個漬物先係重點。勁好味。辣味蒜頭安格斯牛柳~都可以。不過冇嘅肉味。但燒到岩岩好。好彩有叫佢燒生D炒飯~落咗櫻花蝦但味道唔算好燶。配牛扒一流炒雜菜~鹽同黑椒

由於多了人在家工作。平曰常滿座的鐵板燒，今日亦只有寥寥食客，空間感十足，完全沒有擁擠的問題。鐵板燒午餐大約$58-$138左右，好抵食。今日試吓牛柳粒餐和三文魚餐。每個餐都包括湯、前菜、主菜、炒菜、炒飯和汽水。先送上餐湯和前菜。湯汁淡淡的，唔會好鹹，加埋胡麻汁靑瓜，是很清爽的前菜。牛柳粒$58這牛柳粒雖然不是入口即溶的和牛，但肉質柔軟，頗有肉味又唔乾身, 充滿鑊氣，以這價格，就是對板對位又抵食。伴的炒菜炒得香軟又唔太油膩，而且帶有黑椒的香，不錯吧。三文魚$78三文魚有兩件，煎得外脆內軟又無骨，啖啖肉，而且採用的剖分是近腩部位，肉質肥美，帶有一份魚脂的甘香。好吃！炒飯炒得粒粒分明，唔會太乾太濕或太油，而且味道剛剛好，味道鮮美，不錯。最後呷一口可樂，是很完滿的鐵板燒午餐。

超乎想像好食嘅鐵板燒，做到色香味俱全，外面食鐵板燒一般比較乾身，而呢度食嘅鐵板燒師傅用心調教每一道菜嘅sauce，每一道菜都有驚喜，賣相一流，每一碟擺法都好似藝術品，而且務求每一碟份量一樣，睇得出師傅對食物同客人嘅用心，完全係性價比高嘅一餐，一定會再去，略嫌環境太嘈吵，有少少影響咗心情

勁🥳🥳有生酮友專屬鐵板燒餐單！尖沙咀「瀛」鐵板燒日本料理推出咗個生酮菜單👍👍。菜單有足夠🥗🥬、油脂攝取，同時補充蛋白質，係高脂低碳👏🏻。香脆多汁～雞皮🐔餃子、肉味燻香口感軟綿～煙燻黑豚五花腩、爽口萵筍伴綿軟滑膩鵝肝、豬油炒三色椒西蘭花好油👍好脂，松子仁牛油大海虎蝦🐅🦐～清香可口又彈牙。蘆筍黑松露鮑魚～鮮味大提升。蒟蒻米炒飯🥢～香氣逼人低碳美食。仲有生酮🍦甜品，完美結尾😋😍。

今日係一個值得紀念嘅日子，我地一行四人夜晚八點幾多到餐廳。我朋友來過很多次，而我只係第一次來。餐廳環境唔錯，侍應好有禮貌。我地無叫set，只係講我地今晚想食咩，就由廚師用佢既方法煮比我地食。咁啱我坐正晌廚師對面，睇住廚師煮每一道菜，上碟，然後介紹要點樣食先好，好互動呀！先嚟沙律，味道清新。賣相好可愛嘅黑魚籽鵝肝蒸蛋，蛋好滑，口感一流。一路望住廚師精湛嘅烹飪技術，動作乾脆俐落，真係嘗心悅目呀！哈哈！！虎蝦配柚子汁，食到蝦嘅鮮味，點吓柚子汁，甜甜地好清新。焦糖鵝肝，廚師話用呢種方法煮，唔會太油膩。和牛，口感軟熟，唔錯。最後食埋個高菜櫻花蝦炒飯，好飽了！！

性價比高好好味的一餐生日飯，一行五人，叫一份二人餐，加2份一人龍蝦餐，廚師精心炮製，每道菜都有美麗可吃的装飾，少許汁，很有心的製成品。之前在铜鑼湾吃津二目已經關門大吉，再找吾到咁有心的製作，终於今次找到了。每位家人都十分享受，大大讚賞。仲有老闆娘的悉心介紹，真是十分感謝。

早排朋友請食飯, 想搵間坐得舒服又唔太多人的鋪頭，上網見到呢間好似唔錯，即管訂位來試下一入到餐廳，見到個經理非常有禮貌地同我地講：「唔好意思，麻煩你度一度體溫，消毒一下雙手」雖然隔住口罩，但都feel到佢係笑緊咁講，非常有禮，最細心係免費提供一個口畢套比我地，講真！一個口罩套值幾錢，送一個比客，個客會感受到呢種細心，值得加分我地坐低後，叫左兩個set，因為網上介紹話個set係咩都有齊又夠飽，所以試下，結果如下：方便大家睇, 用point form:1，前菜沙律+麻醬豆腐：酸酸地的和風醬都幾特別，豆腐好香豆味，有兩片漬藕片，好好食又脆口2，黑魚子鵝肝蒸蛋：原只蛋殼上，上面加左一粒鵝肝同好多黑魚子，蛋蒸到啱啱好，滑到落左喉嚨都唔覺，第二啖試真D就食到鵝肝油同黑魚子味，好香好正3，刺身什錦：每樣都有幾件，新鮮，厚切，但冇咩好講，直接跳過4，金沙大蝦：呢個夠哂特別，蝦非常彈牙，加埋咸蛋黃，真係絕配，師傅手勢純熟，起蝦腸手法乾淨俐落又唔會起走D羔5，紫菜活蚌湯：講真，對呢個湯原本冇太大期望，覺得一D都唔特別，但一食落就完全改觀，師傅先用牛油炒到象拔蚌仔大約7成熟，放左少少紫菜喺側邊，之後用滾湯撞

其實鐵板燒也吃不少，但上樓的便比較少，朋友介紹了這間”瀛”，吃過一次之後，前後一個月上了去3次，有自己吃飯，有與朋友gathering，剛剛前兩天為女兒慶祝生日，真心是好味，環境裝修也非常精緻，最重要是他們知道是女兒生日，特別安排了一些小佈置及為她準備了一個漂亮蛋糕，實在驚喜！食物方面也非常新鮮，及烹調味道一絕，我最想說的是，以往去吃鐵板燒，必定會叫汽水，但我在這裏，全晚也沒有喝過，證明他們的烹調方式很好，這是我最欣賞的！其實飯天天也要吃，但是用心煮的其實你會感受得到！

呢間餐廳食過幾次，真係食極都唔厭。食物好食之餘， 仲要有人情味。鐵板燒係要講求師傅互動，就好似食(廚師發板)一樣，佢會睇你食到去邊個地步先煮下一道菜。你見到佢地嘅功夫一啲都唔野少，好多鐵板燒都未必做到咁嘅工價。有一次我食過fusion 鐵板燒，有前所未有嘅體驗。

平時都有食開鐵板燒，所以今次同朋友揾D未去過既鐵板試下，就比我揾到間近九龍公園附近上樓舖既鐵板叫做「灜」😎 今次叫廚師發板 師傅幫我準備了黃金大蝦，用咗蛋黃醬來配搭完全好夾，蛋黃醬唔太多又食到蝦既鮮味，真係好正。之後再來黑松露鮑魚，鮑魚唔太老，剛剛好👍🏻接住就有個磯香紫菜湯活蚌，呢個湯好鮮甜，飲完真係想再黎多碗🤤緊住就到和牛薄燒，唔太熟剛剛好入口即溶到最後食埋個炒飯，真係相當滿足😋

新發現尖沙嘴飯堂，飲酒吃飯真係一流，價錢實惠。依家疫情想找個地方吃飯，都要特別小心，但係呢間餐廳真係令我好放心，入門口探熱派口罩套，環境衛生做足，雖然地方唔算好大，勝在人情味濃，人少少都吃得好有氣氛。我已經黎左好多次，每次都係盡興而歸，帶朋友黎吃飯絕對體面又開心，個個都話要encore我個人推薦椒鹽北極貝，厚燒鵝肝多士，西班牙黑毛豬，手作爆汁餃子，鹽焗奄仔蟹，還有和牛薄片（雖然唔吃牛，不過朋友次次都吃）必吃跳舞超飯，其實每次未到炒飯，我都好飽，不過炒飯送到，我都會清曬個碗，真係值得為左個炒飯而黎，好有層次既飯香，呢d真係師傅多年來的功力。常言道一間茶餐廳好不好吃就要試乾炒牛河，咁鐵板燒就一定係個炒飯，越簡單的吃物，越難整得好吃！我真係鍾意呢個炒飯