影片
更多
2020-03-16
264 浏览
話說前兩日白色情人節，我男朋友叫我去揀食咩。我上司就介紹左呢到俾我，佢話佢可以幫我直接同呢間嘢嘅老細(executive chef) book位。咁我個日19:45去到，見到都有啲忙，個位executive chef 幫緊隔離房，有另一位師傅煮俾我地食。真心啲嘢係幾好食，佢個鵝肝真係出色，仲有龍蝦都好食好大隻，so far我自己覺得比係出面嘅鐵板燒，性價比都高。食到尾二道菜，師傅係我面前個堆碟到拎碟時，突然我見到有10幾隻曱甴仔擁出黎嚇死我。跟住我男朋友仲幫我捉，真係好癲！我嚇到傻左，已經食到最後，個師傅簡單講左句唔好意思，然後話洗過哂啲碟去，就繼續煮。我個刻，我嚇到呆左，無影底。亦都本來成餐飯好地地，嘢食又幾好食，我心明每間餐廳總會有曱甴老鼠，只係你見唔見到。我知宜家疫情下生意難做，我唔想話搞大件事，所以當刻無追究落去。到埋單走嘅時候，我地都無話因為呢件事已去R折頭。我明佢哋都唔想有曱甴，宜家生意難做，公道講句，我覺得嘢食係幾好食，所以全數俾哂2千幾蚊。點知返到屋企我同我男朋友都肚痾，我痾左幾次。到第二日，我上司whatsapp問返我食成點呀，我同佢講返成個故事。我同我上司講，可能個
我上司就介紹左呢到俾我，佢話佢可以幫我直接同呢間嘢嘅老細(executive chef) book位。咁我個日19:45去到，見到都有啲忙，個位executive chef 幫緊隔離房，有另一位師傅煮俾我地食。
真心啲嘢係幾好食，佢個鵝肝真係出色，仲有龍蝦都好食好大隻，so far我自己覺得比係出面嘅鐵板燒，性價比都高。
食到尾二道菜，師傅係我面前個堆碟到拎碟時，突然我見到有10幾隻曱甴仔擁出黎嚇死我。跟住我男朋友仲幫我捉，真係好癲！我嚇到傻左，已經食到最後，個師傅簡單講左句唔好意思，然後話洗過哂啲碟去，就繼續煮。
我個刻，我嚇到呆左，無影底。亦都本來成餐飯好地地，嘢食又幾好食，我心明每間餐廳總會有曱甴老鼠，只係你見唔見到。我知宜家疫情下生意難做，我唔想話搞大件事，所以當刻無追究落去。
到埋單走嘅時候，我地都無話因為呢件事已去R折頭。我明佢哋都唔想有曱甴，宜家生意難做，公道講句，我覺得嘢食係幾好食，所以全數俾哂2千幾蚊。
點知返到屋企我同我男朋友都肚痾，我痾左幾次。
到第二日，我上司whatsapp問返我食成點呀，我同佢講返成個故事。我同我上司講，可能個個老細(executive chef) 未必知道有呢件事發生，如果想間餐廳好，一係你同佢講返呢件事。
點知我上司whatsapp 同佢講返之後，佢嘅回覆係”對不起🙇♂🙇♂🙏🏻我昨晚都得知這件事，我已經叫人馬上跟進及清潔！🙏🏻🙇♂至於餐廳內害蟲問題我已叫殺蟲公司處理！”
佢嘅回覆令人好失望，原來當晚你在場亦都知道件事，但竟然無親自出面同個客解釋道歉，從佢嘅回覆，感受到佢亦都無諗過作出任何賠償或想補救，挽救客人會再次回來嘅信心。
好失望，我真係不會再食，衞生咁差，食左2千幾蚊，但令身心都唔舒服
张贴
