瀛燒居酒屋

营业中

休息中

今日放假同媽咪去咗荃灣食好野依度有間居酒屋之前同朋友嚟食過覺得都唔錯，而且性價比好高，就算朋友聚會或者拍拖嚟食都唔錯！！！燒秋葵 $19 燒冬菇 $12我自己本身好中意食燒蔬菜，燒得好嘅會保留食物本身既汁，唔會好乾，又有好香嘅燒烤味，依間餐廳係即燒，上枱既時候仲熱熱地，好味道雞心 $19 雞腎 $19 白鱔$45每款都整得好好味，白鱔大舊又厚肉，魚肉燒得好香好嫩極上壽司盛盒 $218十件壽司加六小卷，每款都好新鮮，色澤靚，每片刺身都有番咁上下厚度，絕對係真材實料野菜魚奶白湯炭烏冬 $98好濃沃嘅魚湯湯底飲咗一啖之後就停唔到口，好鮮甜，個烏冬仲有其他茹菌、野菜吸曬魚湯既味道

今晚出咗荃灣同男朋友兩個去撐枱腳，突然有啲想食串燒&刺身，所以去咗間居酒屋dinner 餐廳提供超過二十多款唔同既串燒，即叫即燒我哋都叫咗唔少串燒#雞心#雞腎#牛舌#牛肝#白鱔，上檯嘅時候熱辣辣，仲有好香嘅燒烤味， 調味啱啱好唔會太鹹，保留到食材本身嘅肉汁同味道上刺身盛盒 $199#三文魚 #油甘魚 #赤身 #鯛魚 #帆立貝 各2件各款食材都好新鮮而且大大片有厚度，口感好好，價錢都算優惠始終呢度舖租唔算太貴，所以可以有優惠價錢食到高級野，餐廳仲好多唔同嘅嘢食下次再嚟試下

同朋友聚聚，book了荃灣的一間居酒屋，地點在內街，有點隱世的感覺呢，幸好很近舊公司，對這一帶也有點熟悉。店內貼滿滿滿的日本海報／廣告等，好吸睛。燈飾亦很漂亮，小店仲有二樓添呀。餐具乾淨，筷子用上即棄木筷。特上御前壽司盛盒（$168）先點了一份壽司share食，軟腍的飯，size剛好是一口一件，正。花魚一夜乾（$88）朋友愛吃魚，便點了一份一夜乾試試，聽就聽得多，吃是第一次，感覺是新鮮的魚乾（？），很鮮味呢。燒三文魚頭（$78）仲有燒三文魚頭，燒得剛剛好，三文魚肉仍是很嫩滑，加上肥美的魚油全迫出來了，十分甘香，好吃！照燒原條魷魚筒（$88）燒魷魚，有點硬，但很香口，也不錯。奶白金目鯛魚頭鍋（$188）店家推薦的魚頭湯，小小一鍋很暖心的。湯頭奶白色，十分鮮味，除了魚頭，還有大量紹菜和少許金菇，雞脾菇片同冬菇等，魚湯的鮮味絕不會被菌香蓋過。特式燒飯團（$48）最後還點了燒飯團，別看它們小小的，半個已十分飽肚啦，珍珠飯混了紫菜，芝麻，調味粉等，燒得香噴噴，入口帶少少鹹味，好吃。同朋友邊吹水邊吃很寫意，而且店家會控制著出品時間，不會一次過把枱堆得滿滿的，有誠意啊。

今日同朋友到荃灣行街，路過享和街一間新開嘅日式餐廳，叫做瀛燒居酒屋，於是就入左去試試。睇睇個menu先，呢度選擇都相當之多，有串燒、燒物、刺身壽司，亦都有主食同鍋物，真係目不暇給。嘢飲方面，我地叫左可樂同蜜瓜特飲，蜜瓜特飲真係好香好Fresh，超級特別。刺身方面，我哋就叫咗三點盛合，包含咗三文魚，油甘魚同鯛魚三款我至愛嘅刺身，合共九塊，新鮮肥美。食完啲生冷嘢開完胃之後，緊接其後就係燒物同串燒啦，我地叫咗雞腎、雞尾串燒、雞軟骨、雞髀菇同牛肝。 不得不讚呢度嘅雞腎同牛肝，十分有口感而且爽口，食落口真係相當有滿足感。除此之外，我哋仲叫左一份醋汁雞皮嘅特別小食，味道酸酸甜甜的，配埋彈牙嘅雞皮真係十分過癮，夠四個人享用。再黎就係大份啲嘅主食和鍋物啦，我哋叫左壽喜燒，花魚一夜干同兩件特色燒飯團。係度一定要表揚一下壽喜燒，香氣十足之外，亦落重料，大大煲牛肉都只係98蚊，超級值得一試。而花魚一夜平亦是超值，大大隻魚經烤烘後，香噴噴的，先賣88蚊！埋單一共五百幾，唔算太貴。下次約埋三五知己，過時過節，叫幾份串燒同一份啤酒，聯誼一下都是十分不錯的選擇！

今日和太太往荃灣瀛居酒屋食晚餐, 我們點了黑豚鐵板飯配燒汁,清湯菜鍋轉魚湯配白飯, 壽喜燒、雞軟骨串、阿波尾雞燒雞皮和青蘋果特飲。黑豚鐵板飯配燒汁豚肉食落惹味, 有油花, 白飯鋪上炸蒜和蔥花, 食落美味, 令白飯口感更加豐富, 配菜有西蘭花和椰菜食落新爽口, 鐵板飯帶點焦香, 連黑豚肉和配菜一起食, 醬v美味, 口感豐富, 食落有層次, 好味滿足；清湯菜鍋轉魚湯飲落清甜, 魚湯呈奶白色,有啖啖魚肉湯味, 冬天飲魚湯有提神保暖功效,清湯菜鍋材料有豆腐, 冬菇、白菜仔和黃牙白, 豆腐食落軟腍, 入口即熔；冬菇吸收魚湯精華, 食落爽口；白菜仔和黃牙白食落新鮮, 配白飯食口感豐富,很足料窩心的清湯菜鍋轉魚湯；壽喜燒配白飯醬汁甜度適中, 食落開胃,, 牛肉食落爽口, 蛋食落香滑, 配菜食落新鮮爽口, 白飯上牛肉拌上蛋汁食, 口感美味, 有層次, 份量十足的壽喜燒；雞軟骨串燒得金黃爽脆, 雞軟骨食落惹味, 口感十足；阿波尾雞燒雞皮阿波是位處日本四國德島縣的阿波尾雞, 雞尾燒得乾身金黃, 咬落乾身美食, 食落香脆有油花, 口感十足；最後我點了一杯青蘋果特飲, 甜度適中, 帶有青蘋果的香甜餐, 感覺舒

有一段時間已經沒有到荃灣食飯，今日要到荃灣享和街整車，經過這間裝潢有特色的”瀛燒居酒屋”，很有興趣一試，雖然是平日，入到餐廳，但都快滿座，應該無來錯。坐低看看餐牌，有串燒、刺身、壽司、炸物、鍋物、食事、燒物、佐酒小食和酒類飲品，菜式多樣。有筋位有咬口，越嚼牛味越出。牛舌好厚身好吸引，入口爽嫩，而且好入味，十分推薦。本來想叫一串試試，原來兩串起會有日本生雞蛋，那當然要两串啦。雞棒內有好多雞軟骨碎，好有口感，味道不錯，蘸上生雞蛋汁更正。好大一條，份量十足，咸香味豐富，蘸上點鮮檸檬汁，很提味。三文魚腩、油甘魚、吞拿魚、深海池魚、金目鯛、𩶘魚、蘿蔔小卷。壽司十分新鮮，魚都厚切鮮甜，當中最愛深海池魚和油甘魚。滿滿一鍋，牛肉鋪滿面，份量足，還有一隻生雞蛋，賣相十分吸引，底下還有煙韌的蒟蒻粉，配上青菜菇類等，湯底入味帶微甜，整體不錯。

雖然知道荃灣美食多，但因為不熟路所以平日都很少到荃灣，今晚幸有朋友帶路，一於應約！他毫不猶豫地帶我來到這間很日本風的「瀛燒居酒屋」。地方不大但勝在樓底高，牆上貼滿了日式招紙，有海報亦有清酒的名紙，再配上播放中的日文歌，很有風味。坐低看看餐牌，有串燒、刺身、壽司、炸物、鍋物、食事、燒物、佐酒小食和酒類飲品，菜式多樣。《自家製梅酒 $45》看見有自家製梅酒當然要一試，入口梅味香濃甘香，酒味不算太重易入口，余韻悠長。《免治雞棒 x2 $44》兩串起會奉送日本生雞蛋，那當然要點兩串！日本生雞蛋蛋黃很大，蛋黃下有醬油。免治雞雞肉入味而且混有雞軟骨粒，入口有嚼感之餘再沾上蛋汁口感更滑溜。《鰻魚玉子燒 $68》鰻魚肉亦比一般的多，所以入口除了甜蛋香外鰻魚味亦出。店員提示連蘿蔔蓉一起食，味道會平衡些和蛋味更出。《上.御前壽司盛合 $138》有精選壽司六貫和小卷1客。小卷中間有蘿蔔漬物，而是日的精選壽司有三文魚腩、油甘魚、吞拿魚、深海池魚、金目鯛和𩶘魚，款款都新鮮，而我最偏愛口感帶點煙韌的金目鯛刺身。

吃飯氣氛是最重要，所以一家人吃飯，多數選擇一些愉快的餐廳多於優雅的高級之地（笑）荃灣車行街盡頭有這家居酒屋，店子小小，說真的是比較迫，但笑聲處處，貼滿昭和時代的海報，吊著一盞盞紙波波吊燈，小朋友見到甚歡喜。八點晚飯時間基本上全場滿座，所以記得訂位又或是像我一樣來個early bird（笑）雖然店名有燒字，除了串燒以外仍有不少選擇的。刺身壽司丼飯不缺，賣相精緻一絲不苟。個人最like火炙三文魚，油脂再加飯粒的焦香，實在是最高享受。海鮮丼飯，非常有氣勢的擺盤。當中的呑拿魚夠肥美，讓人欲罷不能！很久沒吃過新鮮的刺身了！今天很滿足！如果可以以日本醋煮飯，會更加有日本風味。佐酒燒物有和牛粒串燒，火候一流，肉脂散發著陣陣焦香。比較少見的日本青椒仔，味道就是青椒的強烈版。燒原條魷魚筒，風味十足！三文魚痴，追加了一份三文魚頭湯。非常純粹的美味，趁熱喝，暖入心中。煲內的雜菜也是甜甜的，吸收了三文魚的鮮甜味。松葉蟹甜蛋卷（一客有六件），中間塞滿了蟹肉。第一次見配有蘿蔔蓉，心裡滿滿疑問。後來老細教，一口蘿蔔蓉和蔥花再一口蟹肉和蛋捲，更能吃到蟹肉的鮮甜味！整晚就沉醉於美酒佳餚之中，附近有情侶有一家人，愉快的氣

我同班死黨隻最鍾意食日本菜，今日又嚟呢度來打拼，我哋點了多款小食都係呢間餐廳嘅拿手好戲。一串串嘅雞腎煙韌彈牙，雞香濃密，滋味無窮。另一款燒雞皮更添色彩，大廚將一塊毫不起眼的雞皮 烹調得極之美味，香脆得嚟又鬆化。另一個燒魚乾，呢一款少啲功力都做唔到，柔軟蜜甜，一邊食一邊感受到幽幽香氣，非常滿足。一個滿滿壽喜燒非常出眾，食材豐盛，牛香濃蜜，肉質幼嫩，份量不少，伴菜都同樣出色。優質粉絲，煙煙靭靭又滑捋捋。一客精選壽司，每件都有它的特色，各款味道不同，包羅萬有，但有一個共同點就是每件都油光閃閃，顏色亮麗，新鮮真係無敵。一個吉列黑豚烹調得金黃亮麗，賣相已經贏曬，口感鬆脆至極，包裹著肉汁沒有一點流走，肉質幼嫩甘香。有兩杯特飲都好出色，每杯都有佢嘅獨特香氣恰到其分，調教得非常出色。

近荃灣西的一間小店，店內貼滿了日本的各種傳單，似日本後街內專吃串燒、啤酒的小店格局。必要推介的是日本德島的特產--阿波美雞，大家都知牛就是神戶牛出名，原來雞則是阿波美雞最為有名，點一客燒雞翼就可以食到它的美味，雞翼脹卜卜，外脆內有汁，雞皮香脆得來沒帶半點油膩感。另外燒牛舌也是超美味，店員說他們只選取牛舌內最中心的部分，所以味道最為濃郁。而牛舌剛上枱時我也誤以為來錯了一口牛，因為目測肉很厚，厚的牛舌口感很好，牛味亦強。刺身選了吞拿魚腩，$128/三片，顏色淡粉白色，見到清晰的脂肪條紋，入口即溶似雪糕，帶有濃郁的魚油香味。餐廳的生蠔做特價，$38買一送一，味道鮮甜，入味是偏淡的生蠔類別，口味較大眾化。

今晚食左間好正既居酒屋，喺荃灣西近荃灣廣場。環境舒服，影個店面俾大家認下。店內佈置得幾有和風feel,特別欣賞佢天花板既燈，好靚！話明居酒屋哩度有唔少特色下酒菜，好多款串燒揀，而且有d喺出面好少食到，哩度連雞尾都有😂串燒：雞胸軟骨 $28、冬菇$12燒得超香，軟骨好爽口，配啤酒一流。芝士年糕 $48食左有種幸福感！軟心流心芝士年糕炸到金黃色，香脆而芝士濃，熱辣辣嫁，好味。壽喜燒 $98都幾大鍋，擺滿各款蔬菜和肥牛。特別中意粉絲吸晒甜甜既醬油湯底。肥牛新鮮份量又多，抵食鍋物。野菜魚奶白湯炭烏冬 $98一上台我見到個碗咁細心諗咁貴既，好似冇咩特別。當我飲左一啖湯之後我收番之前既諗法，完全值哩個價錢。啖魚湯係超鮮甜，係我甚少喺街食到既鮮味，我係將所有湯都飲晒。哩碗烏冬看似平凡，但味道令人留下深刻印象。蒲燒鰻魚鐵板飯 $98哩度玩鐵板燒，超香，沙沙聲好過癮。鰻魚可以份量多d，飯可以少d，整體不錯。哩度冇收加一，食物質素幾高，值得下次再黎食！

今晚收工冰冰凍，約同事一齊食晚飯，早前朋友介紹過荃灣呢一間餐廳，佢啲鍋物非常抵食，一上枱 已經聞到香噴噴，特別係佢個牛小腸鍋，唔係度度都食到，大大窩材料非常豐富，整鍋滿滿的牛小腸 柔軟綿滑，牛香四溢，汁液豐富，連配菜都咁惹味，整鍋熱騰騰的夠曬驅寒保暖，還配上一碗暖粒粒珍珠米飯，顆顆圓潤飽滿，煙韌彈牙。一個松葉蟹肉玉子燒，同樣美味，蟹肉味濃，玉子 做得幼嫩滑捋捋。一個海膽甲羅燒，更顯功架，香氣逼人，海膽更添濃蜜香甜，整個密封甲羅燒被攻破後，真係滋味無窮。佢個飲品都好出色，一杯蜜瓜HighBall香氣怡人，清甜潤澤，飲後令人微醉薰薰，感覺身心舒泰。

其實這間在荃灣的小型日式居酒屋餐廳，內裏的環境挺不錯，掛滿了小型的旗幟🎏以及海報，甚有氣氛🎏。當然，在香港的餐廳，不會好像外地那麼侷促。特上御前壽司盛合（8貫+小卷一客），可以清楚吃到飯有加點醋在內，令到它形成一團；芥末是極度嗆的，但是味道又香濃。而意想不到的是，平日不算太喜歡吞拿魚，但是這件吞拿魚腩卻令我改觀，肥美得來不會感到太油膩，但是又能品嚐到它的魚香，魚油滿溢。串燒叫了幾串，有雞腎、雞尾、雞皮、牛舌、以及雞胸軟骨。之前在泰國已經介紹過友人吃雞尾，但其仍舊抗拒，真是走寶😛，因為其實雞尾往往非常香，這兒的，甚至比起泰式那些串燒更加香口，因為雞尾燒到面頭有點兒脆口，然之後內裏的肉有豐富多汁，鮮味非常。雞皮，其他串燒餐廳，很多都是用僅僅粗過竹籤的雞皮摺疊起來，因此吃起上來又細塊又不過癮；反而，這兒的雞皮大大片，脆而不堅，爽口但有肉，有煙韌感，極為香口。雞泡魚乾，小小一片，魚味濃郁，香口，質感有趣牛舌切得比較厚而大，偏向丁方形，因此口感比較彈牙，彈牙得來又具濃郁的牛肉味，味道香濃。清酒煮大蜆，這個就相對比較清，除了清酒之外，的確只有幾條幼蔥絲，底下的大蜆亦都比較大隻，因此蜆肉咬起上來會比

朋友帶我黎到呢間居酒屋, 裝修佈置幾特別, 氣氛舒適, 樓頂好高, 原來樓上仲有雅座食物種類都OK 多, 串燒, 魚生刺身, 熟食, 仲有好多日本酒, 係個適合飲酒既地方鍾意食串燒既朋友可以試下阿波尾雞, 好多部位都有, 不過我地唔食內贓, 都係試返其他串燒算了叫左三款刺身試下質素先， 三點盛合有三文魚，油甘魚，鯛魚，塊塊厚切，新鮮度十足，最鍾意鯛魚，油脂甘香，魚皮爽脆至於串燒類燒冬菇，唔會燒得太乾身，醬汁夠多牛肋筋，咬著帶點韌勁，牛味幾香濃豚腩串，表面焦香，層層脂肪，非常香口雞蔥串 ，雞肉和大蔥相間，大蔥帶甜爽脆，雞肉嫩滑松葉蟹燒玉子，熱辣辣，玉子卷內塞滿松葉蟹肉， 玉子蛋香濃厚吉列黑豚，炸粉幾薄，炸得香脆，揀選黑豚少少肥部位，肉質特別鬆軟，肉味豐厚，入口充滿油份，非常juicy蒲燒鰻魚鐵板飯，將鰻魚放在白飯上，食之前需diy 在熱辣辣既鐵板上快炒，加入鰻魚醬汁鰻魚魚肉油脂豐富，連鰻魚油脂也滲入炒飯中梅酒係自家製，一定要叫，梅子清香醇厚，好入口而另一杯係蜂蜜綠茶，我開初以為係某牌子既樽裝綠茶，原來係即時泡製，綠茶底有層蜜糖，飲時記得先攪勻

上個星期六去荃灣探完朋友， 就落去附近行下， 行行下又肚餓， 所以就揀咗呢間餐廳嚟醫肚。餐廳嘅裝修近似日本居酒屋，用左木色調，望落舒服。 呢幾客串燒，比平時其他地方食到更加香脆。 除咗免治雞棒燒得夠金香之外， 仲有口感夠爽。燒秋葵加上木魚碎， 令平凡秋葵都變得搶手。仲有日本蕃薯仔燒得金香，用上汁燒，令乾身既蕃薯鋪上一層醬汁更惹味。雞脾菇都係啖啖肉。鹽燒雞翼賣相相當吸引，配上黑椒就更加惹味，皮香肉滑。照燒肉丸夠彈牙爽口，不能錯過。壽喜燒配白飯， 火鍋用料豐富， 除咗有牛肉之外，亦有大量蔬菜， 好似金菇、白菜、冬菇等等。 火鍋湯底偏甜， 非常啱我口味， 煮滾後牛肉配隻滑蛋令我食起黎更覺口感順滑柔軟，肉質彈牙。黑豚鐵板飯，上板時滋滋聲，黑豚味超香，同普通豬肉完全不同，脂肪分佈平均，熱辣辣既飯同黑豚撈埋一齊食真係不得了，係冬日必選。最後仲有野菜魚奶白湯炭烏冬，湯底夠濃郁係我鍾意既湯底，每一啖都係魚香味，奶白色非常入味，喜愛魚湯朋友不能錯過，加上彈牙既炭烏冬，仲有爽滑野菌，夠晒暖胃，實屬唔錯。