瀛燒居酒屋

营业中

休息中

這間日本舖，之前食過，但改左名改了d裝修，午餐也改了。鐵板牛肉，跟罐裝飲品同熱飲。牛肉也幾多呀，自己加d汁煮熟佢，唔肥又唔鞋的，好味，飯素辣辣地，有d粟米。好味呀！蜜瓜特飲，顏色怪怪，味道假假地，甜甜地咁。豚肉，薄薄一片，份量不少，有黑椒汁，蒜蓉汁揀，飯有d飯素加葱，少少辣辣地。加埋汁落去再煮下就好好味。豬肉唔肥。好香，汁也是夠蒜香。特盛牛肉，牛肉也是幾多，加埋d汁煮到半生熟，好香好味。飯也是有d葱同飯素。

偶然找到這家食店，就跟男友來試試。推門進去看到店舖貼滿了和風海報，又掛了日本燈籠，真的有日本居酒屋的感覺。聽服務員介紹，點了燒牛舌、燒雞胸骨和燒白鱔。本人最喜歡白鱔，非常厚實，吃起來很有口感、新鮮。三文魚、帆立貝刺身也很新鮮。壽喜燒湯比較甜，牛肉算是新鮮，肉嫩如果白飯不用加錢就好了。另外還叫了燒魚鰭，加上檸檬汁，吃起來不太油膩，魚肉非常滑嫩，魚油脂很香，令人食指大動。又是一家有質素的食店，值得一試！

星期日family day同媽咪去食佢想食好耐既日本居酒屋呢間居酒屋近荃灣廣場望落唔係好大間 其實有2層架上層仲可以包場玩夠食夠添。.我地叫左個壽喜燒鍋物 2串牛舌2串雞腎三文魚腩刺身 海膽刺身同埋燒鯖魚食落其實都飽架 而且好滿足因為全部都係我地好中意食既.海膽叫左一板 配有紫菜同青瓜包住黎食真係一流 海膽鮮甜好好食三文魚腩肥美而且肉質好平均有3塊的 厚切.串燒我非常推介牛舌因為係厚身款架！好爽脆好香牛味牛舌一定要盡快食 因為凍左就變得無咁好食了.壽喜燒有粉絲係底 牛肉都唔少有生蛋自由加落個鍋度壽喜燒係甜醬油真係無得輸好開胃甜甜地 啲菜吸左肉汁同湯底真係好正鯖魚燒完都仲好juicy 唔會乾身呢間居酒屋真係好推薦呀😍

同個 friend到荃灣廣場買賀年糖果，跟住就係去附近嘅寵物店睇我鍾意嘅貓貓狗狗，行經享和街時，被呢間日式食店吸引了，我個 friend話呢度嘅食評唔錯，價錢亦唔貴，所以決定在此食晚飯了。我點咗一碗野菜魚奶白湯炭烏冬，第一次食炭烏冬，灰色嘅烏冬好爽彈，魚湯底好鮮甜，我成碗湯飲晒。我個friend點咗鰻魚鐵板飯，條鰻魚都幾大條，飯也大碟，應該夠兩個人食；我試了一嚿鰻魚，肉質好軟滑，呢度嘅食材真係唔錯。另外我哋仲叫咗一份吉列豬扒，大大塊，外面炸得香脆但內面豬扒仍然好juicy。飲品要了白桃特飲($29) 和蜂蜜綠茶($18), 價錢都好相宜。

上星期日嚟到荃灣廣場行街，見到場內的餐廳都大排長龍，我同女朋友都幾肚餓，唔係咁想等，就去左享和街嗰邊揾下有咩食，俾瀛燒好有日本在地居酒屋既外觀吸引左，見d價錢又唔貴就入去揾位坐！今晚天氣幾凍，坐底無耐就有杯茶味香濃既綠茶飲下，暖暖胃！我哋行左成個下晝，都成隻餓鬼咁，見到餐牌有鍾意既野食就係咁點！點完睇睇張單我哋都俾落單姐姐手靚字嚇親，好耐無見過落單都會寫咁靚既字！落完單先有時間睇下間鋪既環境，餐廳分樓上樓下，樓下主要有一張廚師bar檯同幾張圍住bar檯既4人檯，樓底勁高空間感十足！裝修同喺日本一般既居酒屋極似！播住輕快既日本樂曲，我有少少去左日本在地居酒屋既感覺！bar檯除左有同廚師互動既機會，仲會聞到啖啖既梅香，細心d睇下原來係自家製既梅酒，最衰食完之後要揸車，唔係既話$45咁平，真係想試返杯串燒好快送到，好有咬口既雞軟骨同賢先嚟到，除了焦香外，仲有淡淡既鹽燒味道，跟本唔雖要加任何調味，已經好好味！下一個到既係燒原隻魷魚筒，賣相吸引，份量十足，$88 好抵食下！肉味幾鮮甜爽口，相信都係新鮮製作！跟住要強烈呢兩串串燒，就係燒牛舌芯同燒鱔，厚切牛脷燒得有咬口，肉汁完整保留，牛味香！另外燒

見到呢間居酒屋好有日本風味， 吸引左我入去。店內的牆貼滿充滿日本味道的poster 食物價錢不算很貴，種類選擇多，有串燒，刺身，壽司，生蠔，窩物，小食前菜，炸物，送酒菜，丼飯麵食。極上壽司，十貫和小卷物。我最愛吃帆立貝壽司，帆立貝十分大粒鮮甜。一口和牛，牛味濃，咬下時，肉汁湧現。吉列豚肉，果然係店長推介。豚肉新鮮炸起，上碟後仍保持餘溫，外皮十分脆口，炸粉薄。豚肉厚切，肉味濃，肉間有小許脂肪， 食落更嫩滑軟腍。雞棒內有軟骨，一向愛吃軟骨的我，十分享受。叫兩串雞棒會贈送蛋醬。

朋友要黎荃灣交收上網買個隻高達🤣 (其實我邊隻打邊隻都生識分既人）出開黎一定要搵野食！係荃灣廣場附近行左幾圈！見到lee 一間日式居酒屋☺️係比佢既裝修震撼到😳好日系和風呀👀再睇下價錢又唔貴bro! 於是就坐低暴飲暴食🤣🤣🤣一黎咩都未諗食咩！叫杯highball 是必須的🤤可樂highball ($48)白桃highball ($48)再叫左芥末八爪魚🐙 （$48）送下酒先啦🤤！嘩！堅，係攻鼻既辣味😳左諗右諗左一大輪😆終於都出手啦！朋友一入黎見到menu 有燒秋葵（$19）、燒蕃薯（$15）、一口和牛（$28）、燒雞翼（$22)燒雞翼👍🏻 一咬落去有客親我，熱辣辣係基本la l！因為個雞皮堅係好脆！入面既雞肉爆juicy 🤤爆汁👀🤩大推其他燒物都好食🥰我見到帶壽喜燒（$98）🤤 我又點會放過呢👀好甜好濃豉油味嘅湯底加埋好多嘅蔬菜😻😻同埋肥牛上面仲有隻生蛋添係好味嘅收壽喜燒🤤🤤🤤松葉蟹肉玉子燒（$78)姐姐會提點每一台有叫玉子燒既人👀記得要撈埋蘿蔔蓉同埋蔥一齊食bro 🤪🤤 姐姐話咁先可以突出個蛋味更正😊聽話既我！就緊係check this out! 朋友同我都比lee 個玉子燒震撼到！因

今日同屋企人來荃灣行街，穩到哩間居酒屋，見到價錢合理就決定食。哩度壽司種類不算多，有三個盛盒選擇：上、特上、極上，最後我地叫左極上入面有：三文魚，帆立貝，海膽，三文魚魚子，鯛魚，吞拿魚等等壽司。燒物方面選擇都幾多下不過我地只叫左幾樣：燒魷魚，雞翅，白線片（鰻魚）飯糰，一口蕃薯，三文魚魚頭魷魚同鰻魚熟度剛剛好不硬，而且好入味。推戰。一口蕃薯外皮有少少乾，入面軟滑非常甜，係我最愛。雞翅外皮脆，入面有汁。燒飯糰第一次食，如果喜歡食煲仔飯飯焦人一定會非常喜歡哩個飯糰，有焦香味，外面脆，入面飯就同平時飯糰一樣。三文魚魚頭，雖然時間比較久，但好有水準，入面肉非常滑而且多汁，本人比較喜歡的一個。炸物我地叫左：雞軟骨，芝士年糕。2樣都好好食，注意距雞軟骨好好大碟下，年糕外脆內軟，中有一層厚厚芝士，勁好食。刺身選擇都有好多，不過人數限制，我地只叫左三文魚腩同帆立貝，2個都好新鮮同鮮甜，尤其三文魚腩，好有油份，甘香同甜。壽喜燒：原本用牛肉，因為牛肉賣曬改左黑豚肉，不過依然甘好食。柚子黑椒牛舌：初初以為係燒物，點知道上來係凍食，而且好大碟，薄薄一片片，點上汁，都不錯，不過份量太大⋯⋯總結價錢便宜，食物質素不

大姊早上來電，問我今晚有冇時間一齊食飯，咁啱就呢過年，公司冇乜嘢做，可以预早話比佢知，可以一齊食飯，佢係荃灣做嘢，而我就可以放早，所以約佢係荃灣地鉄站等，因荃灣我唔係咁熟悉，早咗去到地鉄站，但大姊話要等多佢一陣，冇幾耐大姊就到，佢話咁早不如行吓荃新天地先啦，行咗嗰零鐘，冇乜嘢買到，就問佢想食乜，佢話聽朋友講係享和街有間食串燒嘅店舖叫做 瀛 燒居酒屋，啲嘢食都OK嘅，叫佢有時間可以一試，因為距離荃新天地都有少少遠，可以慢慢行過去，到埗後，見到門口幾特别，但舖頭就細咗啲，侍應好熱情招待我地，餐牌都好靚，食物種類又多，大姊叫咗 一口和牛，牛味濃厚，又冧，跟住係三點盛盒，包括有(三文魚，油甘漁同埋鯛魚)，刺身非常肥美，好吃，重有係鰻魚鉄板飯，非常特別，上枱個鉄板非常熱，啲飯重有啲好似煲仔飯嘅飯焦，可口非常，又叫咗海膽玉子燒，玉子包住啲海膽，食入口啲蛋味同海膽啲味都好夾，明太子雞翼，雞翼釀咗啲糯米入去，外脆内軟，又唔太辣， 羊架就叫咗兩隻，無乜騷味，燒得啱啱好，要嚟配啤酒一流，最後整多個牛油焗帶子，鮮味十足，兩姊弟食咗一餐好美味嘅晚餐，非常感恩，多謝家姐埋單，下次我嘅。

星期六去了朋友新居入伙參觀完後, 坐巴士在福來邨附近落, 直接行幾圈睇下有咩好野食~路過見到呢間瀛喜差不多坐滿人, 即刻覺得有好野食! 最後樓下坐滿人, 原來樓上仲有位!!樓上一層都好日本風格!  我還看到一部遊戲機在樓上!主食要了上御前壽司盛合&牛肉鐵板飯, 壽司新鮮, 最重要是壽司飯好食!!就算連最普通的黃蘿白壽司都好正!牛肉鐵板飯的牛肉份量多!鐵板超熱~~ 牛油煎晒出來, 每粒飯都有牛油香~食到最後有飯焦~雞翼 一定要試, 真心好食! 睇返菜單才發現是日本的阿波尾雞, 難怪肉質很嫩滑，有淡淡雞肉味芝士年糕 好QQ, 不過食2件就夠, 要搵多D人一齊食~燒大蜆 一份原來有6隻, 不過真心是"大蜆" 好大隻呀! 即燒即食, 蜆汁都唔好浪費~這兒是2份牛油焗帶子, 可能左手邊的比較較, 改為燒2粒, 都幾公道冬菇燒完仲好juicy!!配上少許木魚絲食原來幾好!!白桃特飲+蜜瓜特飲, 我影完都覺得好有夏日feel~~我發現遊戲機是免費玩的!!!!!!!!!!!!!!不停無限復活打好鬼正!!!有熱誠的居酒屋, 難怪坐滿人~

愛蒲居酒屋的友人，帶我來這店享用美食，話這裡的食物和環境充滿日本風情魅力😜黎到時，已經差不多座無虛席，果然多捧場客好彩，鋪內還有樓上雅座環境一流，日本🇯🇵風情洋溢，吾怪得友人話要在這裏蒲下👏🏻😆刺身非常新鮮，有口感，魚生切得應厚得厚，應薄得薄，可見師父刀工一流，而且最囋嘆既系近目金時刺身，日本直送，店內師父操🔪，點上蘿白蓉、蔥粒和酸汁食用，帶出鮮甜美道哈哈😄串燒好美味喔！特別系牛舌芯，是切角的，咬入口即感覺如食緊肥肉，鬆化但沒有油膩見到menu 上有阿波尾雞串燒，即刻喜上心頭，太好食了，阿波尾雞就好似走地鷄一樣，脂肪少，肉質彈牙見到炸年糕砌出一朵花🌼，令我地❤️🌼怒放嘻嘻🤭太美味了，不知不覺間，食下食下，又過了一個愉快的晚上

來到荃灣有時會選擇困難症發作，就是因有太多美味食店可選，今次來到享和街一帶的一間居酒屋，門面裝修頗有東洋風味，茅屋頂紅燈籠，滿室的日式掛布和懷舊廣告，全都很有特色，令客人感覺置身於東京舊式地道居酒屋當中。望望餐牌，選擇也頗多，沙律前菜，串燒炸物鍋物均有供應，最特别店主還特别選用了日本名物阿波尾走地雞做串燒，這種雞以雞味濃厚，肉質結實彈牙而馳名，筆者當然也不會錯過，點來一試。筆者率先點來了阿波尾燒雞翼、雞皮、雞腎和雞肝，雞翼較一般的為大隻，以鹽燒手法處理，外皮燒得金黃焦脆，內裏肉質嫩滑肉厚多汁，雞香滿滿。雞皮烤得夠乾身，沒有太多多餘的脂肪，酥脆可口帶點點油香，是用心之作；雞腎燒得剛好不會過熟，咬落彈牙爽脆；雞肝則以汁燒手法炮製，燒得外層微焦不會太乾，醬汁帶甜香，入口軟滑粉嫩，那獨有的甘香在口腔內徘徊，讓人回味。果然日本人對食材的飼養處理就气人有自己的一套，質素有著一定的保證。試完阿波尾雞之後，大家還意猶未盡，再點來明太子雞翼，脹卜卜的賣相十分吸引，入口外脆無骨，內裏釀得滿滿的明太子辛香刺激，啖啖肉吃得過癮，Juicy惹味。而其他燒物也十分不錯，燒牛舌鬆軟中帶爽口，花魚一夜干肉質結實富鹹香

可以比你細酌慢食既居酒屋，氣氛好好，適合大伙傾計或者同情侶談心既好地方樓底好高，牆上貼晒日式既poster,好有日本既感覺豪豪地叫個廚師發辦既壽司盛合，有壽司十貫同小卷一客拖羅係正既，入口即融，池魚我都好喜歡，食落好一開始清清淡淡，魚味隨後擁上，久久不散其他既魚生質素都好好，新鮮肥美，而且飯捏得實，唔會散壽喜燒都好正甜甜既醬油湯，配上生雞蛋，令牛肉甜而不膩，非常嫩滑鍋底既粉絲吸收了湯的精華，又甜又彈牙，好想再叫多一鍋串燒亦係瀛燒的主打試一試免治雞棒同一口和牛，雞捧啖啖肉，咬到雞軟骨既粒粒，好有口感和牛牛肉味濃，不過油脂偏少，所以有啲咬口，但喜歡食有口感肉質既人會喜歡阿波尾雞，肉質偏實，肉味濃，有運動過既雞一夜乾外表乾乾地，筷子一吉落去，魚汁同魚油漏出黎，好嫩滑，必點既大推自家制梅酒，梅味重，酸酸甜甜，易入口整體食物質素非常好，略嫌上菜有少少慢，不過慢工出細貨，係值得去試試

叫左黑豚肉生姜燒燒？邊到有燒？完全係就咁煮仲要得個幾塊同張相一堆差好遠仲要張相d肉啡啡地色上到黎真係白色既肉片🤷🏻‍♀️仲要呢個價錢真係去吉野家好過完全唔得👋🏻👋🏻👋🏻no next time

由荃灣西地鐵話行琴依間居酒屋十分鐘左右好方便 周圍都係車房唯獨有間好有日本風味既居酒屋 別具一格好早去到所以未有人 但大約7點鐘左右就滿座了 叫左瑩光魷魚做小食 依間算係比得多 通常其他餐廳得4條左右 依間有7條+ 好滿足好有誠意叫左幾條串燒 明太子雞翼雞心雞腎 都好入味 仲叫左杯梅酒 有少少甜再叫左天婦羅軟殼蟹 超好味 周埋好少食到～天氣凍叫左個豚肉鍋 如果連埋gas爐上就更好 好快凍左d湯 叫左條花魚 好抵食 最後又叫左個大蜆 超甜呀 好味道