瀛燒居酒屋

营业中

休息中

My friend and I went to a restaurant called"Ying Shao Izakaya Restaurant"(瀛燒居酒屋) located in shop 1, G/F, Heung Shing Building, 5-7 Heung Wo Street, Tsuen Wan（荃灣享和街5-7號香城大厦地下1號舖。）You will see a chic, clean line saki bar once you set foot into the restaurant. Numerous Japanese ukiyo- e style posters are stuck on the other side of the wall.You will see colourful paper lanterns when you look up the ceiling."Grilled white eel skewers"燒白鱔HKD$45/ 串 skewerHad ordered twice...The skin is golden crispy wi

呢間D野食其實真係唔算太貴平民級價錢, 地方有小小偏和牛粒, 比想像中好食, 我地話油香味比較重, 脂肪比例比較好,搞到食完仲想叫多串食,壽喜燒好正統嫁啦, 湯底夠咸偏向日式, 因為有好多餐廳都係整淡左個個湯等岩香港多D正統既日本壽喜燒係比較咸.呢到串燒算唔錯, 香得黎脆得黎又唔會過左火變黑等,可見師博技術不錯的,魚成條整到金黃色, 火侯岩岩好, 再一次見到師傅功力,味道比較香, 因為火侯控得好, 肉身比較鮮甜.口感好鬆軟.野飲就正正常常無太大特別.份量都正常, 如果大杯裝D會更滿足.

我雖然唔係由細到大係荃灣住，但就由細到大都係荃灣遊走。依十多年荃灣由我眼中既工業區變成新城市～今日舊地重遊，好多野都唔同晒，好似沙咀道後面依條街，多左好多食肆。我地就走左入去一間日式餐廳試試。牛小腸鍋表面舖滿韮菜，當中包括蔬菜、菇菇、牛小腸、粉絲、東菇、蒜片、辣椒、金菇......個鍋帶少少辣，但好惹味。粉絲係粗粉絲，好爽好彈牙。係各種配料包圍下既牛小腸好入味，而且好爽；加上連著脂肪既牛小腸，香味更濃郁。特色燒飯團我最鍾意既燒飯團呀😍簡簡單單既飯團，加上味素調完味再燒竟然咁好味，而且帶著飯蕉既蕉香。白鱔串燒咬一口，肉質好香好滑，一點都唔老，材料新鮮，又要懂得處理食材和烹調先可以做得咁高質蕃薯串燒燒蕃薯上塗上特色醬汁，食落味道與平時既更多一份依度既性格。外面燒得好乾，裡面軟軟綿綿，好甜、好美味😋豚腩串串燒外面帶少少咸香，豚腩特色係帶點脂肪令豚香提升。香味方面，帶點义燒既香味，而且肉質軟。牛舌串燒牛舌薄切做得好唔出奇，依度竟然做厚切，但咬落竟然好彈牙，牛味直往口腔衝住去。外面脆，表面有一陣咸香，可能用左柚子鹽，增加牛舌既美味👍🏻秋葵串燒燒得好乾身，表面少少燒香，內面仲保留到黏黏既特性，燒得

睇完戲見餓餓地, 響附近搵D野食下, 呢間日本野新開, 平時行過都想試.一入黎已經好有日本居酒屋風味, 感覺好輕鬆舒服, 啱晒傾偈.清酒煮蜆, 蜆肉好鮮甜, 隻隻都開晒口夠新鮮, 肉質唔韌夠彈牙. 而個清酒味聞落好香酒味, 但入口又唔算好濃烈.試埋呢度既串燒, 有燒雞皮夠脆口, 曬D椒鹽已經夠晒味.雞腎爽口唔韌, 牛腸乾淨有嚼頭, 脆卜卜好香口.燒牛舌夠厚身肥美, 肉質唔韌, 牛味濃郁.吉烈豬扒份量十足, 個皮炸得夠金黃又夠脆, 食落唔油膩好香口. 豬扒肉質軟腍, 脂肪唔多但又唔會好乾.呢度比同位置既鋪開得較夜, 所以食耐少少都唔驚.

個人推介指數分7.5(10分為滿分)- 居酒居除日本正宗的口味外, 更融薈些本地風味和份量, 加上新鮮的食材和用心的製作, 是該區其中一個好選擇. 店員的服務非常好, 除介紹食物細心外, 還會和客人閒話家常, 有點像深夜食堂吧.是晚在荃灣天氣開始轉涼, 本應應該想吃些如打邊爐之類的食物, 但心中就是很想吃日本野, 終於說服了太太.不過難題來了, 小弟不材, 在這區要找有質素的日本料理店果真不易.幸好致電該區為食朋友, 介紹了這所開業不久的和風店居酒屋, 就讓我們好好品嚐.此店室內裝飾別緻, 充滿和風居酒屋的味道, 只是燈光比一些傳統的居酒屋為光猛, 小弟卻喜歡這樣.記得往日到居酒屋, 曾介紹進食的次序, 是晚我就來扮一次專家.先來是炸物, 好讓我和太太飲啖茶聊聊天. (本應是應飲啤酒, 只是太太不好酒)明太子釀雞翼 - 內裡如圖除了雞肉外還有满满的明太子, 外皮炸得香脆, 內裡又野味又嫩滑, 是炸物的必食之選再來是太太不喜愛的炸芝士年糕 - 外層香脆就不用說, 可見師傅在炸物上是有其心得, 內裡又香又軟的芝士緩緩流出,一口咬下, 混和上下兩層年糕, 芝士的味道被中和, 口感和味道都造到

今日放假同媽咪去咗荃灣食好野依度有間居酒屋之前同朋友嚟食過覺得都唔錯，而且性價比好高，就算朋友聚會或者拍拖嚟食都唔錯！！！燒秋葵 $19 燒冬菇 $12我自己本身好中意食燒蔬菜，燒得好嘅會保留食物本身既汁，唔會好乾，又有好香嘅燒烤味，依間餐廳係即燒，上枱既時候仲熱熱地，好味道雞心 $19 雞腎 $19 白鱔$45每款都整得好好味，白鱔大舊又厚肉，魚肉燒得好香好嫩極上壽司盛盒 $218十件壽司加六小卷，每款都好新鮮，色澤靚，每片刺身都有番咁上下厚度，絕對係真材實料野菜魚奶白湯炭烏冬 $98好濃沃嘅魚湯湯底飲咗一啖之後就停唔到口，好鮮甜，個烏冬仲有其他茹菌、野菜吸曬魚湯既味道

今晚出咗荃灣同男朋友兩個去撐枱腳，突然有啲想食串燒&刺身，所以去咗間居酒屋dinner 餐廳提供超過二十多款唔同既串燒，即叫即燒我哋都叫咗唔少串燒#雞心#雞腎#牛舌#牛肝#白鱔，上檯嘅時候熱辣辣，仲有好香嘅燒烤味， 調味啱啱好唔會太鹹，保留到食材本身嘅肉汁同味道上刺身盛盒 $199#三文魚 #油甘魚 #赤身 #鯛魚 #帆立貝 各2件各款食材都好新鮮而且大大片有厚度，口感好好，價錢都算優惠始終呢度舖租唔算太貴，所以可以有優惠價錢食到高級野，餐廳仲好多唔同嘅嘢食下次再嚟試下

同朋友聚聚，book了荃灣的一間居酒屋，地點在內街，有點隱世的感覺呢，幸好很近舊公司，對這一帶也有點熟悉。店內貼滿滿滿的日本海報／廣告等，好吸睛。燈飾亦很漂亮，小店仲有二樓添呀。餐具乾淨，筷子用上即棄木筷。特上御前壽司盛盒（$168）先點了一份壽司share食，軟腍的飯，size剛好是一口一件，正。花魚一夜乾（$88）朋友愛吃魚，便點了一份一夜乾試試，聽就聽得多，吃是第一次，感覺是新鮮的魚乾（？），很鮮味呢。燒三文魚頭（$78）仲有燒三文魚頭，燒得剛剛好，三文魚肉仍是很嫩滑，加上肥美的魚油全迫出來了，十分甘香，好吃！照燒原條魷魚筒（$88）燒魷魚，有點硬，但很香口，也不錯。奶白金目鯛魚頭鍋（$188）店家推薦的魚頭湯，小小一鍋很暖心的。湯頭奶白色，十分鮮味，除了魚頭，還有大量紹菜和少許金菇，雞脾菇片同冬菇等，魚湯的鮮味絕不會被菌香蓋過。特式燒飯團（$48）最後還點了燒飯團，別看它們小小的，半個已十分飽肚啦，珍珠飯混了紫菜，芝麻，調味粉等，燒得香噴噴，入口帶少少鹹味，好吃。同朋友邊吹水邊吃很寫意，而且店家會控制著出品時間，不會一次過把枱堆得滿滿的，有誠意啊。

今日同朋友到荃灣行街，路過享和街一間新開嘅日式餐廳，叫做瀛燒居酒屋，於是就入左去試試。睇睇個menu先，呢度選擇都相當之多，有串燒、燒物、刺身壽司，亦都有主食同鍋物，真係目不暇給。嘢飲方面，我地叫左可樂同蜜瓜特飲，蜜瓜特飲真係好香好Fresh，超級特別。刺身方面，我哋就叫咗三點盛合，包含咗三文魚，油甘魚同鯛魚三款我至愛嘅刺身，合共九塊，新鮮肥美。食完啲生冷嘢開完胃之後，緊接其後就係燒物同串燒啦，我地叫咗雞腎、雞尾串燒、雞軟骨、雞髀菇同牛肝。 不得不讚呢度嘅雞腎同牛肝，十分有口感而且爽口，食落口真係相當有滿足感。除此之外，我哋仲叫左一份醋汁雞皮嘅特別小食，味道酸酸甜甜的，配埋彈牙嘅雞皮真係十分過癮，夠四個人享用。再黎就係大份啲嘅主食和鍋物啦，我哋叫左壽喜燒，花魚一夜干同兩件特色燒飯團。係度一定要表揚一下壽喜燒，香氣十足之外，亦落重料，大大煲牛肉都只係98蚊，超級值得一試。而花魚一夜平亦是超值，大大隻魚經烤烘後，香噴噴的，先賣88蚊！埋單一共五百幾，唔算太貴。下次約埋三五知己，過時過節，叫幾份串燒同一份啤酒，聯誼一下都是十分不錯的選擇！

今日和太太往荃灣瀛居酒屋食晚餐, 我們點了黑豚鐵板飯配燒汁,清湯菜鍋轉魚湯配白飯, 壽喜燒、雞軟骨串、阿波尾雞燒雞皮和青蘋果特飲。黑豚鐵板飯配燒汁豚肉食落惹味, 有油花, 白飯鋪上炸蒜和蔥花, 食落美味, 令白飯口感更加豐富, 配菜有西蘭花和椰菜食落新爽口, 鐵板飯帶點焦香, 連黑豚肉和配菜一起食, 醬v美味, 口感豐富, 食落有層次, 好味滿足；清湯菜鍋轉魚湯飲落清甜, 魚湯呈奶白色,有啖啖魚肉湯味, 冬天飲魚湯有提神保暖功效,清湯菜鍋材料有豆腐, 冬菇、白菜仔和黃牙白, 豆腐食落軟腍, 入口即熔；冬菇吸收魚湯精華, 食落爽口；白菜仔和黃牙白食落新鮮, 配白飯食口感豐富,很足料窩心的清湯菜鍋轉魚湯；壽喜燒配白飯醬汁甜度適中, 食落開胃,, 牛肉食落爽口, 蛋食落香滑, 配菜食落新鮮爽口, 白飯上牛肉拌上蛋汁食, 口感美味, 有層次, 份量十足的壽喜燒；雞軟骨串燒得金黃爽脆, 雞軟骨食落惹味, 口感十足；阿波尾雞燒雞皮阿波是位處日本四國德島縣的阿波尾雞, 雞尾燒得乾身金黃, 咬落乾身美食, 食落香脆有油花, 口感十足；最後我點了一杯青蘋果特飲, 甜度適中, 帶有青蘋果的香甜餐, 感覺舒

有一段時間已經沒有到荃灣食飯，今日要到荃灣享和街整車，經過這間裝潢有特色的”瀛燒居酒屋”，很有興趣一試，雖然是平日，入到餐廳，但都快滿座，應該無來錯。坐低看看餐牌，有串燒、刺身、壽司、炸物、鍋物、食事、燒物、佐酒小食和酒類飲品，菜式多樣。有筋位有咬口，越嚼牛味越出。牛舌好厚身好吸引，入口爽嫩，而且好入味，十分推薦。本來想叫一串試試，原來兩串起會有日本生雞蛋，那當然要两串啦。雞棒內有好多雞軟骨碎，好有口感，味道不錯，蘸上生雞蛋汁更正。好大一條，份量十足，咸香味豐富，蘸上點鮮檸檬汁，很提味。三文魚腩、油甘魚、吞拿魚、深海池魚、金目鯛、𩶘魚、蘿蔔小卷。壽司十分新鮮，魚都厚切鮮甜，當中最愛深海池魚和油甘魚。滿滿一鍋，牛肉鋪滿面，份量足，還有一隻生雞蛋，賣相十分吸引，底下還有煙韌的蒟蒻粉，配上青菜菇類等，湯底入味帶微甜，整體不錯。

雖然知道荃灣美食多，但因為不熟路所以平日都很少到荃灣，今晚幸有朋友帶路，一於應約！他毫不猶豫地帶我來到這間很日本風的「瀛燒居酒屋」。地方不大但勝在樓底高，牆上貼滿了日式招紙，有海報亦有清酒的名紙，再配上播放中的日文歌，很有風味。坐低看看餐牌，有串燒、刺身、壽司、炸物、鍋物、食事、燒物、佐酒小食和酒類飲品，菜式多樣。《自家製梅酒 $45》看見有自家製梅酒當然要一試，入口梅味香濃甘香，酒味不算太重易入口，余韻悠長。《免治雞棒 x2 $44》兩串起會奉送日本生雞蛋，那當然要點兩串！日本生雞蛋蛋黃很大，蛋黃下有醬油。免治雞雞肉入味而且混有雞軟骨粒，入口有嚼感之餘再沾上蛋汁口感更滑溜。《鰻魚玉子燒 $68》鰻魚肉亦比一般的多，所以入口除了甜蛋香外鰻魚味亦出。店員提示連蘿蔔蓉一起食，味道會平衡些和蛋味更出。《上.御前壽司盛合 $138》有精選壽司六貫和小卷1客。小卷中間有蘿蔔漬物，而是日的精選壽司有三文魚腩、油甘魚、吞拿魚、深海池魚、金目鯛和𩶘魚，款款都新鮮，而我最偏愛口感帶點煙韌的金目鯛刺身。

吃飯氣氛是最重要，所以一家人吃飯，多數選擇一些愉快的餐廳多於優雅的高級之地（笑）荃灣車行街盡頭有這家居酒屋，店子小小，說真的是比較迫，但笑聲處處，貼滿昭和時代的海報，吊著一盞盞紙波波吊燈，小朋友見到甚歡喜。八點晚飯時間基本上全場滿座，所以記得訂位又或是像我一樣來個early bird（笑）雖然店名有燒字，除了串燒以外仍有不少選擇的。刺身壽司丼飯不缺，賣相精緻一絲不苟。個人最like火炙三文魚，油脂再加飯粒的焦香，實在是最高享受。海鮮丼飯，非常有氣勢的擺盤。當中的呑拿魚夠肥美，讓人欲罷不能！很久沒吃過新鮮的刺身了！今天很滿足！如果可以以日本醋煮飯，會更加有日本風味。佐酒燒物有和牛粒串燒，火候一流，肉脂散發著陣陣焦香。比較少見的日本青椒仔，味道就是青椒的強烈版。燒原條魷魚筒，風味十足！三文魚痴，追加了一份三文魚頭湯。非常純粹的美味，趁熱喝，暖入心中。煲內的雜菜也是甜甜的，吸收了三文魚的鮮甜味。松葉蟹甜蛋卷（一客有六件），中間塞滿了蟹肉。第一次見配有蘿蔔蓉，心裡滿滿疑問。後來老細教，一口蘿蔔蓉和蔥花再一口蟹肉和蛋捲，更能吃到蟹肉的鮮甜味！整晚就沉醉於美酒佳餚之中，附近有情侶有一家人，愉快的氣

我同班死黨隻最鍾意食日本菜，今日又嚟呢度來打拼，我哋點了多款小食都係呢間餐廳嘅拿手好戲。一串串嘅雞腎煙韌彈牙，雞香濃密，滋味無窮。另一款燒雞皮更添色彩，大廚將一塊毫不起眼的雞皮 烹調得極之美味，香脆得嚟又鬆化。另一個燒魚乾，呢一款少啲功力都做唔到，柔軟蜜甜，一邊食一邊感受到幽幽香氣，非常滿足。一個滿滿壽喜燒非常出眾，食材豐盛，牛香濃蜜，肉質幼嫩，份量不少，伴菜都同樣出色。優質粉絲，煙煙靭靭又滑捋捋。一客精選壽司，每件都有它的特色，各款味道不同，包羅萬有，但有一個共同點就是每件都油光閃閃，顏色亮麗，新鮮真係無敵。一個吉列黑豚烹調得金黃亮麗，賣相已經贏曬，口感鬆脆至極，包裹著肉汁沒有一點流走，肉質幼嫩甘香。有兩杯特飲都好出色，每杯都有佢嘅獨特香氣恰到其分，調教得非常出色。

近荃灣西的一間小店，店內貼滿了日本的各種傳單，似日本後街內專吃串燒、啤酒的小店格局。必要推介的是日本德島的特產--阿波美雞，大家都知牛就是神戶牛出名，原來雞則是阿波美雞最為有名，點一客燒雞翼就可以食到它的美味，雞翼脹卜卜，外脆內有汁，雞皮香脆得來沒帶半點油膩感。另外燒牛舌也是超美味，店員說他們只選取牛舌內最中心的部分，所以味道最為濃郁。而牛舌剛上枱時我也誤以為來錯了一口牛，因為目測肉很厚，厚的牛舌口感很好，牛味亦強。刺身選了吞拿魚腩，$128/三片，顏色淡粉白色，見到清晰的脂肪條紋，入口即溶似雪糕，帶有濃郁的魚油香味。餐廳的生蠔做特價，$38買一送一，味道鮮甜，入味是偏淡的生蠔類別，口味較大眾化。