瀛燒居酒屋

营业中

休息中

今日收工黎荃灣食晚飯，本身都知荃灣廣場後面都多野食，咁岩見到一間新開既居酒屋，就入左去試試餐廳既環境都好日本風，牆上面仲痴住左唔同既日本poster，真係好似去左日本咁呀！黎到居酒屋緊係唔少得叫串燒黎食下啦！我地叫左幾串黎食，包括牛舌、免治雞棒、雞皮、雞肝、一口和牛、蕃薯仔同牛小腸等。我就覺得牛舌同免治雞棒就最好食，雞棒再點埋生蛋黎食，味道緊加嫩滑，真係另一番風味。我地另外仲叫左明太子雞翼同明太子玉子燒，玉子燒做到一層層既口感，再配埋明太子，味道相當夾。而明太子雞翼，雞肉裡面滿滿都係明太子，加上雞肉相當嫩滑，明太子控真係值得一試呢兩款小食！燒魚乾，一上菜就聞到一陣陣既魷魚香味，切得細細地，但幾有口感，不過略嫌要整得唔夠乾。最後一樣餸當然唔少得就係食壽喜燒啦，壽喜燒入面有肥牛、金菇、同菜，另外仲有粉絲添，再加埋生蛋撈埋一齊食，相當惹味。如果唔夠食既話，仲可以配埋個白飯食。飲品方面就叫左青蘋果特飲同埋蜜瓜特飲，味道不過不失，不過蜜瓜特飲就有d甜，如果中意飲甜既話，都可以試下。

荃灣嘅商場算幾好行，行完拎住一袋二袋戰利品咁搵地方食晚飯，好多地方都大排長龍，所以行遠少少睇下有咩食。呢間餐廳坐落於角位，地理上唔算特別起眼，但佢哋嘅食品價格親民，而且服務態度都好親切，係值得推介一下嘅日式居酒屋！🇯🇵 ·餐牌上有好多菜式選擇，有「選擇困難症」嘅我用咗唔少時間先揀到...... 🙈 為咗可以試多d唔同嘅菜式，我哋專登揀多d小食！😋·【炸物】🔸 芝士年糕（$48）作為「芝士控」嘅我非常滿意！😍 年糕熱辣辣，表面脆脆地，入面係半溶嘅芝士🧀，6舊裏面我食咗4舊！記得一定要趁熱食呀！🤤 ·🔸 脆炸雞軟骨（$48）估唔到係咁大碟！😱 雞軟骨炸到好脆，口感一流！·【串燒】眾多串燒之中，我推薦豚腩串同牛舌芯！豚腩串肉質腍身，好入味，勁正！👍🏻 牛舌芯又係好吸引，口感帶點脆，好味道！☺️🔸 豚腩串（$28）🔸 牛小腸（$28）·🔸 牛舌芯（$32）🔸 一口和牛（$28）🔸 牛肋筋（$20）·🔸 免治雞棒（$22）·【燒物】🔸 明太子雞翼（$24）雞翼入面饟咗滿滿嘅明太子，絕對係誠意之作！🙆🏻‍♀️·🔸 羊架（$60）大推！！！職員好細心咁介紹俾我知，要輕輕滴2滴檸檬汁落去食羊架度係最正宗、

好朋友最近失戀了，作為朋友當然陪伴是最好的安慰，晚上我們二人就在這間日式居酒屋吃飯啦，餐廳在內街，比較清靜一些，裝潢又很有日式風情，很適合朋友傾計。燒大蜆，原汁原味，好大隻，又沒有砂。味噌廣島蠔鍋，很香的味噌味，廣島蠔很大隻又飽滿，配上大量蔬菜感覺很健康。極上壽司盛合，有蝦、赤貝、帆立貝、三文魚、油甘魚、青瓜壽司卷，刺身很厚身，新鮮且甘香，仍吃得到魚油的鮮甜味。燒阿波尾雞皮，雖然是雞皮，但一點也不肥，燒得很香脆，還吃到一些膠質。另外又點了雞軟骨、花魚一夜乾、日本青椒仔秋葵和京蔥，燒得外表金黃，肉質仍保持嫩滑，幾多汁。酌一杯自家釀製梅酒，酸甜的梅乾，喝一口很爽，喝第二口是香醇的酒精。入口很舒服，和朋友這頓晚餐亦坐得很舒適、自在。

今日係荃灣行街，朋友帶我去呢間居酒屋晚餐。我地兩個人，叫咗以下野食…鐵板鰻魚飯 - 上檯後，將d鰻魚汁、飯、芝麻、紫菜炒埋一齊，香口美味，將一啖飯加少少鰻魚一齊食，是絕美配搭!海膽玉子 - 温暖嘅玉子做到一層層嘅口感，海膽夾在每件玉子中間，份量ok﹐但蛋味有d搶咗海膽味。白鱔串燒 - 我本身唔係好食鱔，不過朋友話正，就即管試試，果然啖啖肉，又唔會燒到乾身，幾好食。牛舌串燒 - 厚切、啖啖肉，燒得剛好熟，正!10件壽司盛盒 - 最最最最想講係拖羅壽司，堅好食!總括食物價錢係中價位，但都睇得出亦食得出係用心做嘅，所以呢餐都好滿意。

自從有左阿女後, 已經小左好多同老公出去周圍搵食. 就算有都未必可以之前咁周圍食, 因為好多野都要戒口. 今日產檢完一切都已經進入大直路所以就可以放鬆小小. 同老公開車去到見到一間氣氛唔錯既居酒屋就去試一下. 入到去氣氛真係好好, 好有日本FEEL. 店員都勁熱情咁招待同介紹番好多佢地既特色食物. 佢介紹左一隻係日本直送到香港既魚可以做刺身.... 真係聽到都心郁郁呀! 不過再望番自己個肚...佢都話下次你黎呀, 生完再食. 服務真係貼心到又熱水唔俾茶, 仲介紹有咩係孕婦食得唔食得... 真係好似媽媽關懷女女一樣. 好快我地已經ORDER晒所有食物. 小店都有小店既風味手寫既單令到我都好清楚睇到自己叫左D 咩.老公望左MENU 見到$68呢個價錢飲一杯日本WHISKEY 又真係好抵, 所以佢都SAY唔到NO!! 仲放棄左店舖中一個FREE FLOW 日本BEER 既機會. 叫左一杯余市HIGHBALL. 我當然又係有得睇冇得飲啦. 等食之際, 我就要去一去TOILET. 細心店員就陪我去啦驚我整親. 上到去樓上別有洞天WOR. 我當然就多口一問...E呢度係PARTY ROOM黎嫁?

終於有時間同老公去食飯，撐枱腳啦！瀛燒居酒屋ge裝修好日本feel.牆上貼滿了日本的海報和文字。感覺好似舊式的日本。地方不是很大，但位置都很鬆動！我六點來到，7點已經坐滿人。店長和服務員非常友善，好認真為我們解答所有問題和介紹食物，和有禮貌。食物方面，我記得整體都很好，今日了平時好少食的：燒雞皮和燒白鱔，真係好香好入味😍😍😍我仲點左杯美酒，係老闆自己浸de，真係好正，好夠濃，好香甜！好想買一支翻屋企飲😂😂😂

刺身即叫即切 好新鮮！環境舒適 ，地方闊落唔會坐得好迫，餐廳背景音樂柔和，串燒一流👍🏻👍🏻👍🏻牛舌咬落好嫩👍🏻👍🏻唔會太un🤤價錢平民 荃灣隱細小店👍🏻

耐不耐要到荃工作，今天喺荃灣做完嘢，順道搵下美食逛下逛下，見到一間新開日式居酒屋，於是入內一試居酒屋裝潢簡潔、舒適，好有親切感覺店員姨姨推介拖羅刺身，刺身油脂分佈平均，賣相已經吸引拖羅魚油豐富，肥美，入口即溶天氣涼涼地，叫個壽喜燒鍋，暖暖胃鍋物份量好大，有肥牛、粉𢇁、金菇、蔬菜等等肥牛肥瘦適中，煮得啱啱好，唔駭，粉絲滑溜，而且吸收左醬汁，相當惹味燒油甘魚餃喺我必食菜色，魚頭好大魚頭表面燒得膿膿地，咬落脆卜卜，食到停唔到魚胶肉質雪白，入口新鮮、又滑，一尐都唔駭

今晚又同男朋友食佢鍾意嘅串燒🙆‍♂️🙆‍♀️ 仲搵咗一間新嘅日式餐廳係荃灣😛 睇吓有冇驚喜先🙋‍♂️🙋‍♀️餐廳嘅裝潢都幾日式路線 牆上貼滿左日式海報💁‍♂️ 仲掛咗幾個日式燈籠🏮 幾有設計感💁‍♂️餐廳有兩層 樓上仲有得打機同玩boardgame💁‍♀️ 一家大細嚟都得💁‍♀️食物方面 我哋先叫咗啲串燒先 有幾款都覺得唔錯嘅💁‍♀️牛舌雖然係一嚿嚿咁上 而係一片片 但厚度相對地更厚 正💁‍♀️💁‍♀️💁‍♀️ 更加估唔到嘅係店員話佢呢度有牛小腸 男朋友即刻要試下🙆‍♂️ 男朋友話外脆內軟💁‍♂️💁‍♂️ 由小腸入邊嘅脂肪比例比較高 所以食落軟林林💁‍♂️ 但表皮又好脆 都唔錯 唔係到到有得食💁‍♂️💁‍♂️雞腎 雖然細細粒但係味道濃郁 只係$19咋超抵！💁‍♀️💁‍♀️免治雞棒入邊有超多雞軟骨粒💁‍♂️ 所以超有口感 調味如果再濃啲會好食啲💁‍♂️ 不過可惜叫一支原來係冇蛋汁點架 想要蛋汁嘅話記得叫兩支啦💁‍♀️食完串燒 我哋就叫廚師發辦嘅壽司 特上盛合有八件壽司再加一客小卷都只係$168💁‍♀️💁‍♀️💁‍♀️💁‍♀️CP值超高呀！🙆‍♂️🙆‍♀️ 每塊刺身望落紋路都好正 好有色澤呀 尤其係吞拿魚😋 有一舊簡直媲美得上拖羅呀💁‍♂️ 好幸福

12月真是一個增肥月份, 冬至吃中菜, 聖誕吃了好幾餐西餐, 還有無數的BBQ, Party food, 每次也飽得捧着肚走. 數數看, 似乎最喜歡的和風料理從缺, 於是佳節過後, 踏入新一年, 打頭炮吃個日式晚餐, 希望今年一樣日日有食神, 當然最重要是身體健康啦~ ​帶着小孩不想去太遠, 但又不想又是屯門元朗, 坐幾站西鐵微出城來到荃灣西, 在荃灣廣塲閒逛一會後, 就來到附近旳瀛燒居酒屋用膳. ​新開的居酒屋, 店子並不大, 卻是滿滿人情味. 本來訂座安排了較內的位置, 但見我們有小孩, 主動讓我會坐在近門口的大枱. 濶落和光猛一點, 小小的體恤, 已令好感度提升不少. ​店內充滿日式風情, 波波紙吊燈有很warm很家常的氣氛. 日式居酒屋常見的貼滿昭和時代的畫報, 這裡也一樣, 另放置了很多日本酒, 令氣氛跟傳統地道日本居酒屋更相似. ​ ​食物方面亦不只有爐端燒, 刺身, 壽司, 廚師發板也是主打之一, 其他如炸物, 燒物, 食事等也有多款選擇. 每天亦有豐洲直送水產供應. ​上刺身盛盒 ($199) 分別有三文魚, 油甘, 赤身, 鯛魚, 帆立貝各2件. 5款都是我們比較喜

My friend and I went to a restaurant called"Ying Shao Izakaya Restaurant"(瀛燒居酒屋) located in shop 1, G/F, Heung Shing Building, 5-7 Heung Wo Street, Tsuen Wan（荃灣享和街5-7號香城大厦地下1號舖。）You will see a chic, clean line saki bar once you set foot into the restaurant. Numerous Japanese ukiyo- e style posters are stuck on the other side of the wall.You will see colourful paper lanterns when you look up the ceiling."Grilled white eel skewers"燒白鱔HKD$45/ 串 skewerHad ordered twice...The skin is golden crispy wi

呢間D野食其實真係唔算太貴平民級價錢, 地方有小小偏和牛粒, 比想像中好食, 我地話油香味比較重, 脂肪比例比較好,搞到食完仲想叫多串食,壽喜燒好正統嫁啦, 湯底夠咸偏向日式, 因為有好多餐廳都係整淡左個個湯等岩香港多D正統既日本壽喜燒係比較咸.呢到串燒算唔錯, 香得黎脆得黎又唔會過左火變黑等,可見師博技術不錯的,魚成條整到金黃色, 火侯岩岩好, 再一次見到師傅功力,味道比較香, 因為火侯控得好, 肉身比較鮮甜.口感好鬆軟.野飲就正正常常無太大特別.份量都正常, 如果大杯裝D會更滿足.

我雖然唔係由細到大係荃灣住，但就由細到大都係荃灣遊走。依十多年荃灣由我眼中既工業區變成新城市～今日舊地重遊，好多野都唔同晒，好似沙咀道後面依條街，多左好多食肆。我地就走左入去一間日式餐廳試試。牛小腸鍋表面舖滿韮菜，當中包括蔬菜、菇菇、牛小腸、粉絲、東菇、蒜片、辣椒、金菇......個鍋帶少少辣，但好惹味。粉絲係粗粉絲，好爽好彈牙。係各種配料包圍下既牛小腸好入味，而且好爽；加上連著脂肪既牛小腸，香味更濃郁。特色燒飯團我最鍾意既燒飯團呀😍簡簡單單既飯團，加上味素調完味再燒竟然咁好味，而且帶著飯蕉既蕉香。白鱔串燒咬一口，肉質好香好滑，一點都唔老，材料新鮮，又要懂得處理食材和烹調先可以做得咁高質蕃薯串燒燒蕃薯上塗上特色醬汁，食落味道與平時既更多一份依度既性格。外面燒得好乾，裡面軟軟綿綿，好甜、好美味😋豚腩串串燒外面帶少少咸香，豚腩特色係帶點脂肪令豚香提升。香味方面，帶點义燒既香味，而且肉質軟。牛舌串燒牛舌薄切做得好唔出奇，依度竟然做厚切，但咬落竟然好彈牙，牛味直往口腔衝住去。外面脆，表面有一陣咸香，可能用左柚子鹽，增加牛舌既美味👍🏻秋葵串燒燒得好乾身，表面少少燒香，內面仲保留到黏黏既特性，燒得

睇完戲見餓餓地, 響附近搵D野食下, 呢間日本野新開, 平時行過都想試.一入黎已經好有日本居酒屋風味, 感覺好輕鬆舒服, 啱晒傾偈.清酒煮蜆, 蜆肉好鮮甜, 隻隻都開晒口夠新鮮, 肉質唔韌夠彈牙. 而個清酒味聞落好香酒味, 但入口又唔算好濃烈.試埋呢度既串燒, 有燒雞皮夠脆口, 曬D椒鹽已經夠晒味.雞腎爽口唔韌, 牛腸乾淨有嚼頭, 脆卜卜好香口.燒牛舌夠厚身肥美, 肉質唔韌, 牛味濃郁.吉烈豬扒份量十足, 個皮炸得夠金黃又夠脆, 食落唔油膩好香口. 豬扒肉質軟腍, 脂肪唔多但又唔會好乾.呢度比同位置既鋪開得較夜, 所以食耐少少都唔驚.

個人推介指數分7.5(10分為滿分)- 居酒居除日本正宗的口味外, 更融薈些本地風味和份量, 加上新鮮的食材和用心的製作, 是該區其中一個好選擇. 店員的服務非常好, 除介紹食物細心外, 還會和客人閒話家常, 有點像深夜食堂吧.是晚在荃灣天氣開始轉涼, 本應應該想吃些如打邊爐之類的食物, 但心中就是很想吃日本野, 終於說服了太太.不過難題來了, 小弟不材, 在這區要找有質素的日本料理店果真不易.幸好致電該區為食朋友, 介紹了這所開業不久的和風店居酒屋, 就讓我們好好品嚐.此店室內裝飾別緻, 充滿和風居酒屋的味道, 只是燈光比一些傳統的居酒屋為光猛, 小弟卻喜歡這樣.記得往日到居酒屋, 曾介紹進食的次序, 是晚我就來扮一次專家.先來是炸物, 好讓我和太太飲啖茶聊聊天. (本應是應飲啤酒, 只是太太不好酒)明太子釀雞翼 - 內裡如圖除了雞肉外還有满满的明太子, 外皮炸得香脆, 內裡又野味又嫩滑, 是炸物的必食之選再來是太太不喜愛的炸芝士年糕 - 外層香脆就不用說, 可見師傅在炸物上是有其心得, 內裡又香又軟的芝士緩緩流出,一口咬下, 混和上下兩層年糕, 芝士的味道被中和, 口感和味道都造到