瀛燒居酒屋

营业中

休息中

我同班死黨隻最鍾意食日本菜，今日又嚟呢度來打拼，我哋點了多款小食都係呢間餐廳嘅拿手好戲。一串串嘅雞腎煙韌彈牙，雞香濃密，滋味無窮。另一款燒雞皮更添色彩，大廚將一塊毫不起眼的雞皮 烹調得極之美味，香脆得嚟又鬆化。另一個燒魚乾，呢一款少啲功力都做唔到，柔軟蜜甜，一邊食一邊感受到幽幽香氣，非常滿足。一個滿滿壽喜燒非常出眾，食材豐盛，牛香濃蜜，肉質幼嫩，份量不少，伴菜都同樣出色。優質粉絲，煙煙靭靭又滑捋捋。一客精選壽司，每件都有它的特色，各款味道不同，包羅萬有，但有一個共同點就是每件都油光閃閃，顏色亮麗，新鮮真係無敵。一個吉列黑豚烹調得金黃亮麗，賣相已經贏曬，口感鬆脆至極，包裹著肉汁沒有一點流走，肉質幼嫩甘香。有兩杯特飲都好出色，每杯都有佢嘅獨特香氣恰到其分，調教得非常出色。