澳洲牛奶公司

营业中

休息中

好久沒來老牌著名的澳牛茶餐廳超光速落單後侍應以超光速送上炒蛋多士蒲一放下已心感不妙 以前這的炒蛋又香又滑 現在得炒蛋有點乾味道還是可以但已失準許多了當然待客態度仍然差劣

每年來香港，次次都來澳牛~一次失望過一次，今日食完，都唔會再來了。炒蛋越來越油多。服務員態度都越來越差。以後來香港，要多試試其他食肆，光看排名，推薦和like是不夠的。關鍵還是要睇有幾多local做回頭客。

從澳洲回來休假的K先生相約吃飯,習慣了晚晚紅酒生蠔牛扒的他,回港後竟然說想試試地道香港口味,特意約我出來跟他品嚐一番而這個所謂地道香港口味,當然是香港名產茶餐廳,今天他選擇的正是傳聞中香港神級茶餐廳,凡是有香港身份證的人都知道的澳洲牛奶公司在 當年網絡打手還未盛行的年代,不知是巧合還是真的大受歡迎,澳牛的名字經常在報導及某些討論區提到,內容大都是提到厚多士是怎樣怎樣好吃,炒蛋是怎樣地道 的.多年前亦曾經慕名而來,老實說水準還不錯,但服務水準絕對是強國級的,難得的是每天依然有一班被虐狂排隊入內享受款待不過今天朋友遨請,只好硬著頭皮再闖虎穴晚上8時,雖然還是滿座.但沒有大排長龍,會不會是什麼啟示呢入內後立刻被安排到搭枱,但明明旁邊是有空位,一貫澳牛的風格 如果要找一樣東西是澳牛最值得欣賞的地方,便是它的餐牌,只有茶餐及快餐可以給你選擇,省卻了考慮食物的煩惱被安排在路口位的我們,差不多每隔半分鐘便被侍應撞到一下,可以選擇的話我們寧願坐這種自閉位澳牛光速餐,落單3分鐘後便會神速地上枱.叉燒通粉,通粉尚算可以,口感適中,沒有浸得太林,不過湯底太咸,感覺麻麻而叉燒只看顏色已知道不能有什麼要求,

The service was so quick and the food is okay. It seems to be a local restaurant so it is worth it to try it before leaving HK. I recommend the french toasts and the scramble eggs.

自從澳牛升左上神枱級後，至少有5年冇食澳牛，即使有機會經過，條人龍長到唔會想排，當然特別係你見到一半以上都係國內既同胞時更加唔想排。但當年質素的確是不錯。今日又有機會經過，5點多剛過下午茶又未到晚餐的時間，完全沒有人排隊，這個機會我當然要把握。因為衝著炒蛋而來，那叉燒意粉我明知質素不會高，就叫了一個快餐，熱奶茶，多士炒蛋。一貫澳牛文化，1分鐘都未有就來了。先吃多士，厚度是我喜歡的，但外唔脆內唔軟。炒蛋方面還是不錯，滑與香，但不是神級質素。36蚊的價錢係而個市區來說唔係貴但也不是抵。想起前幾天係太興的早餐一樣是多士炒蛋加奶茶還要多個雪菜肉絲米，盛惠38，給我選擇我會揀太興。因為至少它多士外脆內軟，炒蛋也不錯。

是晚，再次來到牛澳，人在佐敦，1個人的晚餐，我只想到牛澳，超快，ok靚正。水準一直都在，味道不用多說，人未坐下已決定要茶餐，叉燒通粉，炒蛋多士。是晚驚喜，被安排坐近水吧，第一次近距離聽到老闆指揮出餐，快，狠，準，難怪伙計被訓練到機械式快速出餐。叉燒依舊足料，湯好像比以前淡了點。通粉還是細管傳統茶餐廳通粉，就是不太喜歡吃有坑紋薄身那款，中間通心部分較多，沒實感。厚多士均混塗上牛油，烤得剛好。(我不敢停下來慢拍，所以都吃到一半)火腿沒特別，用水煮而不是用煎的，是什麼原因要用這個煮法嗎？因外面都會煎香一下。炒蛋牛油咪很香，但沒以前滑。一個茶餐，每個人都有自己的吃法，我愛把火腿炒蛋放到多士上吃，同枱有人瘋狂下胡椒粉到鮮牛通，火腿蛋也一併倒進去。也有一口湯粉一口麵包，每次來到都可以人間觀察，因真的坐得很接近。大家又接受各種潛規則默默的吃，死忠fans會明白我的感受。

澳牛其實唔使多講香港人一定識, 香港當地既鬼佬一定識路, 連黎香港旅遊既都必定會黎!!  因為旅遊書都會介紹到既『澳牛』, 就知佢既出名程度每次黎親呢度一定係要排隊, 今日係非繁忙時間黎到, 雖然唔使排隊一入就有位, 不過入座率接近爆滿黎得澳牛識食一定係食佢呢度既---------蛋🍳例牌必叫既一定係呢個個叉燒通 + 火腿炒蛋, 唔中意食白麵包既不妨轉為烘底-----多士炒蛋蛋味香濃而且食落好滑溜, 好似加左3.9牛乳落去滑咁,真係用文字講唔出有幾咁好食! 每次黎緊永遠冇失手, 食到d客個個like, 難怪生意真係滾滾來!

成日見D人話澳牛D炒蛋幾咁巴閉,D態度有幾差,一直想去領教一下,今日終於膽粗粗去試下!嘩!!!D炒蛋真係堅.真好食,態度真係無得輸,全城最差==真係唔明點解開左咁耐都要排隊,野食選擇又唔多,不過有時有D野,你要真係試過先知點解,我試過,我真係試過,所以我明左!

係澳牛對面食完晚餐開始入夜，都黎到澳牛門口緊係食埋個燉奶先走。難得入左夜終於唔洗排隊食。叫左個蛋白燉奶做今晚糖水，＄28碗燉蛋就講真貴左少少，因為食材都幾平不過香港地一半錢都拎左黎交租，都係要食架啦～可能係期望太高，所以食落有少少失望。燉蛋係滑嫰既，好滑，好重奶味。不過就太甜喇，糖味仲重過奶味，而且仲細碗左少少，杯五六啖就無哂。所以係有少少失望！

澳牛出曬名服務質素差，但都吾明點解成日仲有咁多人排隊入去食，我見今晚冇人排隊，所以就入去比他們虐待下先。常餐，43大元，包义燒通粉，火腿炒旦配多士，熱飲一杯。以為好少义燒。原來全部放在通粉底，义燒薄薄，附有少少肥肉，咬起上來不致太乾身，湯底一流。多士好脆，塗上牛油，好香口。炒旦份量不少，好香牛油味，肥死。有人話炒蛋是用全蛋黄炒，因蛋白攞去了做燉蛋白，所以炒旦特別好味，但膽固醇相對就較高了，由於這只是傳說 ，所以是真是假就不得而知了。再加個凍燉蛋白。蛋白真是震下震下的，最衰只可比相你們看，如拍movie, 你就知到點震其實似雙皮奶，分两層，好有濃烈奶味，不太甜， 難怪要28蚊一碗咁貴。

澳牛一直都係我非常喜愛嘅餐廳之一，快靚正係我對佢嘅評價。每次去到都係食一樣嘅嘢常餐，炒蛋多士配叉燒通粉。澳牛嘅炒蛋確係一流，有蛋味不特止，仲要非常juicy，佢嘅多士，麵包鬆軟加上一層厚厚嘅牛油，味道好香，配埋炒蛋一齊食真係不得了。但係佢哋唔單只炒蛋好食，其實叉燒都係一流，咬落去有一陣好香嘅香味，真係唔知點形容。正

一早聽過澳洲牛奶公司大名, 難得來佐敦, 決定去試試去到就見到長長人龍, 起初都怕會等得耐, 點知澳牛的伙計很醒目, 識得善用空間, 不消5MINS我們就有位坐了叫了著名的炒蛋多士。澳牛完全體驗佐香港精神--就係做野快! 唔使1分鐘, 一個香噴噴的炒蛋多士已經送到我們面前了果然名不虚傳,很有蛋味,口感細滑帶少許蛋汁, 味道不鹹不淡炒得剛剛好!! 好好食!!多士上枱時仲係熱辣辣,烘底后外脆內軟, 配上炒蛋一起食,好正!由於太多人等位, 迅速食完就要走人了。雖然食到趕頭趕命,一個餐可以在10分鐘內完成,但它的炒蛋多士,真的好好味,好味到令人回味再三

中學時代很喜歡吃澳牛的炒蛋，滑而嫩蛋香四溢，加上厚多超喜愛。久違十多年今天陪朋友食早餐，人龍不算多，5分鐘已可入坐，依舊餐廳坐無虛席，點了 2份早餐，炒蛋、厚多、火腿絲湯通粉、熱奶茶、凍檸水。炒蛋不覆當年嫩滑有蛋香，比較老很普通。厚多依舊鬆軟，好味 通粉比較淋身，湯底鮮甜。奶茶中規中舉，沒特別茶香奶味！整體只是普通味道，厚多依舊水準，炒蛋失準有點失望……

同事返工咁岩經過 叫佢順便幫我買左一份雞蛋三文治，雞蛋加左牛奶炒又香又滑，麵包又厚又鬆軟，好真材實料，17蚊都買得過，個鮮奶麥皮拎到返公司仲熱騰騰，正！今日個早餐又健康又豐富！

澳牛有別其他茶餐廳之處，沒有太多港式西餐及中式食品。來的人為的都是他的名物炒蛋多士，奶茶等等⋯⋯是日朋友想食，就特地選擇下午2時左右時段去，人流較少，不用等位。澳牛裝修就是上一代港式風格，在食景的這年代來說愈見珍貴。但算整潔，地下至少不油黏。伙計還是一樣的快準，但尚算有禮，放下兩杯茉莉茶，還提示有凳可以放袋。友人點了茶餐，我剛吃完飯，所以只點了燉奶。茶餐＄43 包括：牛油包炒蛋或煎蛋。火腿叉燒通粉飲品（凍飲需加2元)友人選擇了牛油包炒蛋及叉燒通粉跟熱朱古力。－多士是厚的，而且烤的均勻，厚的麵包哎下去很有滿足感，還有剛好的牛油香，就算不放蛋進去包著，只吃多士也不錯。當然，兩吃（包蛋跟不包蛋白去吃）是必須的。－炒蛋，這家的滑蛋比某些連鎖店早很多推出及出名，但滑蛋泛濫，加上做法其實很簡單，有點牛油香，但沒有太多驚喜。－火腿，不過不失，大路貨，但品質不算差，色澤可以，炒蛋的陪襯品。－叉燒通粉，叉燒偏乾瘦，應該是預先切好的，通粉是某品牌包裝快熟通粉的味道。－熱朱古力，平時的粉開朱古力。如要選還是選回奶茶比較好。－燉奶＄28質感算滑溜，半固體像半熟蛋白，奶味不算特出，被甜味蓋過了。價錢味道環境相比