澳洲牛奶公司

营业中

休息中

當日我到既時候排到去零食舖, 許留山, 眼見最少有30人.雖然我要等埋我老公先入座, 因為唔知要排幾耐所以我先排隊.不消20分鐘,我已經排到第一個位, 而我老公仲未到.入座快, 離座更快人齊即刻可以安排入座, 四方枱細細的坐滿4人, 如果4人同時都叫茶餐的話, 枱面肯定放唔哂由於沒有甚麼選擇, 最簡單就係叫茶餐喇~成為$43大洋一位原來依家餐飲係後叫架, 都岩既, 一次過叫咪又係放唔落.炒蛋依舊好食, 係比較濕左少少. 通粉湯底夠濃,但係唔夠熱啊~扣分我最鍾意就係杯奶茶, 夠香, 茶味濃!光速餐最後係15分鐘內完成.澳牛既伙記唔係無禮貌,可能見既人太多, 招呼都要相應地配合佢地.  我覺得可以接受.而且雖然係話光速餐,其實用餐全程佢地唔會打擾.可以靜靜咁食完個常餐.不過一個常餐要$43就比較貴了, 抵唔抵食就見仁見智囉但可能過左1年半載, 想食時都會幫襯既, 但唔會黎得咁密

蛋白炖鲜奶 strongly recommended, smooth and taste very nice! other foods just normal, nothing special. Waiter that served us is quite rude, others are nice and polite. We met the wrong waiter😂

金黃色的燉蛋好靚，味道好重蛋味(好甜)，有淡淡杏汁滲出(好香)，口感好滑 蛋白燉鲜奶，上枱時整碗甜品震震下(好得意)味道好重牛奶味，蛋白打得幼滑，味道甜甜的(相比下😆燉蛋甜d)鴛鴦冰蓮子+红豆+椰奶(味道好甜)燉甜品雖然外表平凡，但味道好味(而且養顏)這餐……好滿意

今日星期日，都要去油麻地開工😵未食晏晝，距離番工時間又唔多，醒起附近有澳牛，快靚正岩晒星期日都係排住長長既人龍無論幾時都係好彩我一個人食，特別快有位入到去即刻叫伙記落單「炒蛋，多士，通粉」一副熟客仔既toneOrder左十二點後既茶餐一分鐘後，野食已經上齊晒由於太肚餓既關係，已經食左塊包🙈🙈不過講真，星期日既水準比起平日真係差唔多唔知係咪因為為左應付人流，好似整定好多好多份，搞到d野食有d凍同平日黎食有咩分別呢：1. 份多士唔夠脆，又凍左，做唔到平時多脆內軟又spongy既感覺2. 蛋炒得太熟，油落得太多，多到有陣油味出埋黎。油我知係必須，但今次真係too much其實我食澳牛，主要為左食兩樣野，一係燉奶，另外就係炒蛋多士，份通粉只係附屬品，冇咩特別🙈不過點都好，食澳牛，好多人會話，佢既野食唔係真係咁特別。但食澳牛，對我黎講，係食香港既特色，依度既氣氛同節奏，絕對係香港既代表。遊客黎香港，塊澳牛食野，絕對係體驗香港文化既好活動🏃🏻🏃🏻🏃🏻不過作為香港人既我，食物質素都係重要既，下次我都係揀平日黎喇😂😂😂

呢期熱愛食炒蛋，尋日食完今日經過澳牛都要買番個蛋治過下口癮。上次食已經係兩三年前既事，我印象中係好好食好有蛋香。但今次買黎食已經無之前咁有蛋香咁好食，好似仲油左。蛋治烘底盛惠$19大洋

已經預左服務差，但比預期更差首先飲品漏單，仲要賴係顧客責任，收銀程序非常混亂，伙記見住我起身，唔俾單我，我直接去收銀，誰知收銀呼喝我返埋位等單凍飲比一般茶餐廳細，用熱飲杯加勁多冰，憑什麼加 $2 一般茶餐廳比佢做得更好! 簡直影衰香港

第一次黎澳牛係咁啱係附近工作 趁四點幾無咁多人既時候黎唔洗排隊直接有位坐食左午餐 所以試唔到最出名既光速餐凍燉奶 係落單後幾秒就送上果然係澳牛既高效率呢碗係我食過最正既燉奶佢唔係極濃奶味既燉奶但質感滑嫩 唔會過甜食完一碗會意猶未盡 想點多碗

波枱上K.O. 了同事明天的早餐後，我以光速溜走。從小就當過班長，我被培訓出對領導者的絕對服從和包容，因而相信局長，在金鐘站多等一班車。士多啤梨蘋果橙！在銅鑼灣月台上，我差點要像基斯坦奴擦花來擺脫自由行客的行李箱。我大方得忘記被局長騙了六班車的時間！「唔該借借！」我大聲並不代表無禮貌地喊了幾次，終於成功離開佐敦站，一個箭步轉入白加士街。「唔係掛？」我花了三十分鐘，從港島走到九龍，因為認為澳牛的黃昏，是一班高登毒巴打胡亂吹噓，我不體驗不心息。眼前所見，澳牛門外竟然無人排隊，我打定輸數，準備在Facebook的Status承認自己才是最毒巴打。既然己經黎到，無論如何我都要體驗澳牛十分鐘三道菜的「光速餐」。畢竟免了排隊到另一街口之苦，輸極有個普。「一位埋邊。」還未開口，伙記沒用半點眼尾說。無錯！一個人在澳牛，只可以坐四份一張枱。兩秒鐘後，同枱另一單丁位被年輕的男客人坐下了。「炒、意、多。」男客人用熟練的澳牛方言道。我用了三秒時候來對照餐廳唯一餐牌，原來是叉燒意粉、炒蛋配多士的意思。「一樣。」為免浪費我寶貴的口水重覆一遍，我臉上裝著漫不驚心地說。在我準備再點一杯熱奶茶之際，伙記已不見踪影十秒之

每次路過澳牛，一定會大排長龍至少都有二三十人一直排，排到街尾，旅客又有，上班族又有，所以澳牛從來都不是我食lunch的選擇，因為食飯時間有限，排完好耐隊，入去食又要倒水咁倒落口😅不過有次好難得地見到澳牛竟然無人排隊，入面仲要有空位😳（可能因為黃雨，天雨路滑的關係🤔），所以同事就捉住我入去食😂由於事出突然，所以我和同事入到去的時候，都真係要諗下食咩先🙈雖然澳牛出名快、靚、正，但也因為要快，伙記都出名「惡」，據聞落單要快，食要快，食完就會收晒你d野，想你快d走😂我地口窒窒地落單，因為太少黎食，不過好彩個日幫我落單的伙記心情好，所以即使佢企左係到等我地諗好食咩的時候，都無催我地，可能「惡」伙記只是個別事件👻澳牛有早餐（7:00-12:00）和茶餐（12:00-23:00），和全日供應的快餐我地去個陣係12點，伙記就叫我地叫茶餐啦😂茶餐有牛油餐包、火腿煎雙蛋、叉燒湯意粉、咖啡或茶（凍飲要加$2）原本以為叉燒湯意粉可轉別的餸，如沙嗲牛肉，但原來叉燒係無得轉 只可以轉麵😟所以我就轉左叉燒湯通粉火腿煎雙蛋可轉炒蛋眾所週知澳牛炒蛋出晒名，識食一定係食炒蛋🙈叉燒湯通粉一睇就知湯底都唔簡單，呈金黃色，可能

今晚OT，回報自己的勤力，趕到去澳牛雖然已經好攰，食慾低迷，見到义燒通粉，立即醒情通粉仲係爽口不糊，仲粒粒有口感湯底香濃，都算清甜义燒好入味，又林得來有趙口加埋杯杏霜，甜而重杏汁味，又滑又潤

成日聽啲人話澳牛上嘢超級快，膽粗粗嘅我今日終於的起心肝黎試吓睇吓有幾快！隊呢例牌都要排，平日見佢要排隊，今日假日就更加唔使問阿貴，夠加要排！排完隊入到去一坐低望吓個menu，諗唔到食咩就試吓傳說中嘅蛋白燉鮮奶，速度之快就係令我眼都突⋯一分鐘唔使個蛋白燉鮮奶已經上到枱面，咁我一個麻甩佬一支公食個燉奶都唔使好耐嘅，只係我勢估唔到喺我食緊最後一口，隻匙都未擺落個碗度，個碗就咁畀個侍應收走咗！我都未無奈完已經有人幫我抹埋張枱⋯咁我都無法子唔埋單喇，如果趕時間嘅朋友，我諗真係可以黎哩間澳牛試試；但若然你想慢慢嘆，都係搵番出面啲餐廳好啲，因為所謂嘅光速原來都真係非常之光速架⋯

澳牛既炒蛋真心好好食，好食到一個點。8點幾，2位等左5分鐘就入到，入到去即叫2個常餐，野飲多數係你食到7788先主動幫你落order, 啲哥哥仔雖然粗粗魯魯，但真係好有效率，又好記性。入去食野，對我黎講，好似打仗甘，叫野食要快，食野要快，埋單要快，咩都快手快腳，野食好食，缺點就係太急太趕。食完常餐，有點消化唔切，飲緊杯熱飲，就落定order燉蛋白牛奶燉蛋白&杏汁燉蛋，好香滑，但甜左少少好多大陸人食，同台有2位大陸人，望住電話落order,應該睇緊食評，呢啲咪好食傳千里囉😂😂😂

今日行過呢頭, 好耐都冇食過澳牛喇, 好掛住佢個蛋一如已往, 落完單之後都係以光速送到個炒蛋同之前都係好滑加埋火腿多士何其滿足叉燒意好簡單既配搭食出香港最傳統既常餐加埋杯醒神茶走, 今日全日都元氣upupup!

澳洲牛奶公司，非常出名，在週末經過店外，往往大排長龍。想一想，只是茶餐廳食品，要排長龍，就打消光顧的念頭。今天晚上，Honey要在佐敦附近工作，我陪他吃晚飯。見還未到晚上7時，餐廳內還有座位，所以決定一試。這麼出名的小店，在裏面，食客幾乎只叫兩種食品：一，茶餐；二，燉奶。 我和Honey各點了一個茶餐。 果然！是最正宗的港式茶餐廳、最傳統的味道！炒蛋香滑，奶茶香濃！而奶的濃道也適中，並不會太過濃，令人太膩。落單不到三十秒，就上餐了！但，炒蛋和煎蛋都是熱呼呼的！不油，剛剛熟！炒得、煎得嫩滑！一般茶餐廳的叉燒，都是被冷藏得又乾又硬。但，這裡的叉燒，切得薄薄的，入味，肉稔嫩，好好味。就連通粉，都煮得熟透(最怕連鎖快餐店，將通粉岀水後，待岀菜，才淋上湯，通粉又硬又不夠熱)。通粉滑滑的，夠熱又入味。果然是出名的本土小店，怪不得，一直都大排長龍啦！

如果你想找一間餐廳去反映以前茶餐廳的服務，澳牛肯定是經典坐低马上吐出常餐，炒蛋，熱奶茶七字真言，快靓正就是香港精神。 意粉下面有几塊薄薄的叉烧，意粉雖然唔係我喜歡的生生地，但軟度尚可接受。多士香脆，炒蛋保持水准，可以伴火腿吃，亦可以自制炒蛋多士，各适其适。奶茶不算太浓，达标。没有惊喜，没有失望，只是一个平常人的常餐