澳洲牛奶公司

营业中

休息中

如題，d炒蛋係好好味，但d伙記真係次次嘅服務都好一致同平均地差。好奇怪咁多人肯受氣去食。今次因爲夜去，差不多9:30，所以不用等位。叫左個餐有叉燒意粉，d叉燒浸到無晒味，d粉又淋，不好吃。炒蛋係無得輸，好香好味。杯熱好立克好淡，不過有奶香味，咁啱我喜歡淡味，所以覺得幾好。今次去坐卡位，對面係一對台灣遊客，d伙記普通話又聽唔明，d遊客問多句又嫌煩，真係好差，我身為香港人都好唔好意思。不過咁多年d態度都係咁，大家繼續受罪啦！

聽人講呢間澳洲牛奶公司好出名 今日終於的起心肝揸車出去食早餐一去到己經要排隊入 排十幾個 但係5分鍾內都入到去一入到去叫左個多士 炒蛋 通粉既例牌叫完之後三十秒已經黎左 隻蛋真係好好正其他食物就一般般啦 38蚊黎講都算過得去下次會再去既話都係為左食佢隻蛋

一直都只聽而未試過澳牛，今日係附近行過，見無咩人排隊就入去試下😋其實都唔係好洗諗，一黎就點左個茶餐，叉燒通份、多士、炒蛋，野飲後叫就叫左熱奶茶。基本上三分鐘就齊哂野食，個位極細，放完兩碟已無位，明哂點解野飲要後叫，因為一定放唔落🤣🤣🤣先講通粉，我估應該一早整好哂就咁倒落碗度，所以通粉都軟哂...非常一般，而叉燒味道同口感都係唔錯，幫佢拉返高少少分數。而到多士，超好食，搽滿牛油之餘佢炕到岩岩好！面脆內軟超一流！火腿普通而炒蛋好味，而且份量好多... 差少少就食唔哂。而最驚喜最好味！係熱奶茶！超香超滑超驚喜！如果黎一定要點黎飲下！總結而言，$46茶餐其實略貴，但份量算大，味道除通粉外都中上，其實黎呢度除食外係真係感受一下澳牛文化精神，係值得既。不過呢，如果要我排隊的話應該就不了🙈🙈🙈

澳牛🐄有幾多人排隊大家實聽過，佢嘅茶餐大家又有冇真係試過呢，又有冇俾人誇張左呢🤔.早餐 $38火腿通粉🍜呢個通粉食落同平時普通茶記冇分別，間間單單都幾惹味，金寶雞湯味都好突出🥫整體評分:7/10.炒蛋多士🍞🍳呢個真係成個茶餐嘅亮點🤩質素水準一直都係咁高👍🏻多士烘得啱啱好外層唔會太焦但內裏又非常鬆脆，搽上溶化左嘅牛油食簡直係極品🥰炒蛋嘅蛋味香濃囗感軟滑，應該用左奶油一齊炒，配搭多士夾埋一齊食都係一個好好嘅選擇🍳🍞整體評分:7.5/10.花生醬多士🥜 $14超邪惡嘅一個配搭😈鬆脆嘅多士配上搽到滿嘅花生醬，諗起都想食呢😍不過醬多啲就更好整體評分:6.5/10.澳洲牛奶公司 (佐敦)佐敦白加士街47-49號地下.

原本都知道呢間澳牛係非一般的茶餐廳，員工非一般態度差，點餐同食野速度要非一般的趕急，坐位非一般的迫，但有心理準備所以唔緊要，照來食因朋友覺得呢度的食物好食！入到茶餐廳已立即坐低，趕快睇完要食乜就點餐，都係要一人一個茶餐而已。問題來了，朋友點完餐到我，我開口講幾句，員工就無啦啦勁細聲問唔知咩係唔係，我就大聲 d 講要乜，我朋友就話係，然後員工突然走左，令我 O 哂咀。跟住仲拎埋個錯既餐黎俾我，我都冇話要炒蛋佢就俾炒蛋唔係煎蛋，野飲拿拿聲叫住佢話我未叫先叫得返，通粉好淋畢兩畢就爛，炒蛋都唔滑了，快餐店或麥當勞炒蛋都滑同香過佢。以上講到我未叫野飲佢又走左去，我叫返又要黑面好似我唔應該叫野飲咁。算！以後唔會再去。

名不虛傳的光速早餐估唔到一大清早 八點幾就有咁多人排隊 諗住行過 食個早餐姐 好彩一個人食 等左兩三個字就有位一如往常 我輕輕的來了 又輕輕的走！由坐低 點餐 到上餐 都在一分鐘內！實在令人佩服，味道保持水準，難得的是聽到服務員講唔好意思同多謝曬 ！

終於都輪到寫一寫澳洲牛奶公司。其實係冇嘢好寫, 因為無論係好嘅食評或唔好嘅食評, 佢門口都係一樣大排長龍, 問你怕未!?唔經唔覺, 茶餐已經加到46蚊。但係如果你發現佢旁邊個啲「二打六」茶餐廳都係賣緊呢啲價錢, 你就會覺得澳洲牛奶公司一啲都唔貴。我哋嗌咗兩份: 茶餐, 多士, 轉炒蛋, 轉叉燒通粉, 一個熱奶茶, 另一個叫凍檸茶。(以上係落單嘅「急口令」, 要練熟咗先至好入去澳洲牛奶公司 落oreder, 否則會被「伙記哥哥」嘴藐藐。真係唔講啲嘢好唔好食喇, 再講都嘥氣啦~~~ 只講一句啦: 「澳牛炒蛋, 香港 No.1; 奶茶香濃幼滑; 通粉湯底濃、厚、味鮮。」- - - 佢哋收晚上11點。由於我哋10點30分嚟食宵夜, 人流唔算繁忙, 伙記哥哥們地都好友善, 有講有笑, 氣氛輕鬆。我哋亦都唔需要以光速嘅速度去完成。去到10點50分嘅時候, 伙記哥哥跟前面有一檯嘅客人講: 「Last Order, 仲有冇嘢叫?」, 客人唔識死, 回答:「遲啲先, 等我睇睇……」, 呢個時候, 我見到伙記哥哥嘅嘴巴已在微微郁動, 看似是用無聲嘅咀咒緊依這位客人。 客人都知道瀨咗嘢, 隨即 order

很久沒有吃澳牛了, 每次見到長長的人龍, 都讓我打退堂鼓去附近隨便吃。這次走過居然沒有人排, 走入去吃個炒蛋, 凍燉奶。其實餐牌不容易看, 旁邊的遊客都十分迷惘, 但澳牛員工居然超有耐性解釋! 以前來過一次, 只記得趕叫趕上趕食, 趕到我都忘了味道... 這次見員工多了, 亦沒有催落單。可能是刻意改善了? 食物方面可以保持到以前的水準, 只是炒滑蛋已經比比皆是, 所以這次再吃也沒有驚喜了。燉奶還是澳門比較好吃, 遊客的話去朝聖是可以的。

無論何時何地，炒蛋都會係早餐首選，澳牛個炒蛋係食過咁多地方入面，頭三強。蛋炒得好滑，仲有少少蛋漿在中間，食落一D都唔dry. 多士方面，識食一定係加$1烘底，成件事先叫完美。另一推介係熱奶茶，重點係茶味重，奶又滑，同夠熱。總而言之，久唔久都要去一去。

嚟咗澳洲牛奶公司咁多年，今日咁岩喺附近又唔知食乜好所以再入去試一試。淨係見到出邊條人龍咁長，都知道依一間快餐都仍然非常受歡迎。今日我哋咁岩有四個人，所以被安排坐卡位，感覺上會舒服一啲。叫了茶餐，要炒蛋，蛋炒得夠滑但不是太油，同印象中一樣咁好食！叉燒通粉相對之下有一點點失色，通粉湯底唔夠好味，略嫌有一點太味精。但整體來說水準是keep到的。嗰一種香港獨有的感覺仍在，下一次經過的話也會一定在線！差啲唔记得，呢一度嘅奶茶依然是我喺依區的最爱！

午市太旺冇等候，7時多路經再去看一看，排隊的只有十個八個便去跟隊，不消一會便可以入內👍🏻現在較少過來，以前是常光顅，這裡叫餐要先想好，他們下單很快呢！我們三人都是叫常餐，但內𥚃都有得選擇，例如你叫餐包定係多士，煎蛋還是炒蛋，叉燒湯意粉還是你會改通粉，哈哈像玩遊戲。我們同樣是叫「多士，炒蛋，通粉」x 3，方便快捷。好快有得食啦，叉燒通粉是我喜愛的，但今天的通粉腍了些，叉燒一貫的好味。炒蛋是他們拿手的，炒得很滑還有些蛋汁，而且份量也多足夠你的營養。多士又鬆脆，牛油份量也不少。他們的奶茶香滑，有回甘，不錯。之後我哋叫咗甜品，杏汁燉蛋和燉鮮奶，兩樣都非常非常之滑，燉蛋有蛋香杏汁味 不太濃，燉鮮奶好香奶味，滑滑的好想食多碗。

澳洲牛奶公司吃了好多次，還是最喜歡他的「蛋牛治」！在台灣吃不到這樣的三文治，每次去一定點這一味，酥酥軟軟的吐司，裡面夾著香滑的嫩蛋還有牛肉，一大口咬下去好滿足！每次去人都很多，而且店裡的人手腳非常快速，從下單點完不到10分鐘就出餐了！還有他的燉蛋白也不錯，熱熱的吃很滑很香甜，但有一點偏甜，一個人吃會好飽！西多士也是每次去都會點的，但這幾樣食物裡，我最愛的還是「蛋牛治」至少目前在我心目中的排名是第一推薦大家可以試試他的蛋牛治！

🇭🇰#香港捐窿捐罅記比澳牛🐮鬧既人冇一個係無辜？見住個話題咁Hit 我當然親身去體驗一下 佢地出名既炒蛋🥚 同更出名既服務態度啦🙂 睇下值唔值排隊去食啦🐮-咁以我去過兩,三次既經驗 只要你醒醒目目 聽住佢指示 都唔會冇啦啦罵你🙂 而且以我做過半年侍應既經驗 佢地真係好勁好快手👍 冇十年以上工作經驗都唔會咁熟手👍 抵佢有2萬人工🙂 而且我見佢對小朋友同長者都幾好 例如比卡位佢地 語氣比較溫柔等等😂😂😂 算係幫佢地平反少少啦😂 -炒蛋係佢地最出名既菜 但佢地係無加任何cream或牛奶係入面🐮🙂 佢地係溝蛋 好似係將中國蛋,美國蛋,日本蛋溝埋一齊 🤤🙂 的確好香好滑 蛋味亦十分之重👍 好味🙂 但其他就比較普通 包括佢既通粉 多士都比較普通 其他冰室都係咁既味🤣🤷🏻‍♂️不過佢仲有兩個出色既甜品 蛋白燉鮮奶 同杏汁燉雞蛋 🥚🍼 兩個都好滑同重味🙂 對女士非常適合 對皮膚亦好🙂總結而言 大家去之前做足功課 就唔會比人話😂 未試過既值得去一試😋😋😋😋-🎈佐敦白加士街47-49號地下-平均傷害：$38好味值：6.5/10

We came here because of the restaurant’s reputation. The subpar service were expected where the waiters publicly curse in the dinning area. We found a dead cockroach in the butter sandwich. This is unacceptable! It doesn’t matter how good the food tastes, the restaurant has to be sanitary. Big fail for this restaurant.

今日放lunch就專登去咗食澳牛，一去到都有成20幾個人喺度排緊隊，但係10分鐘左右就已經有位。點完餐之後嘢食都好快就上枱。食物嘅質素其實同普通嘅茶餐廳都差唔多。