澳洲牛奶公司

营业中

休息中

今次係第二次同老公黎食，行緊去仲諗緊會唔會排好耐，點知去到一分鐘就已經安排到我地入座。光速落單後，野食都好快上台。我地坐正個冷氣出口位，D食物好快就被吹到凍哂。炒蛋正常不過，唔會特別滑同香，多士反而比較整得出色，牛油分佈好平均，而且烘得好好火腿好快被吹到冰凍🥶叉燒通粉亦係正正常常，個湯唔算特別濃，相比之下九龍城果間好味得多再試埋個燉奶，滑係幾滑既，不過就甜左少少咁囉⋯⋯奶茶係唔錯既，老公都大讚👍🏻

一般香港人去澳牛, 一坐低就知要點嗌, 畢竟得三個餐! 炒蛋定煎蛋, 多士定方包, 意粉定通粉, 叉燒定牛肉…午飯時間去到唔算好長龍, 等3張枱就有位! 摩打手哥哥們其實幾有禮貌, 只不過急左少少, 講嘢又快, 所以好多人都有負面感覺! 佢哋其實有講 “唔該”! 而當顧客係 “非香港人” 既時候, 佢哋都算係 “幾耐心” 咁解釋! 會主動問要炒蛋定煎蛋, 多士定方包, 而唔係照餐牌寫既咁落就算! 澳牛個多士同炒蛋真係好好食, 食晒呢2樣已經飽到一個點, 杯奶茶又香又滑! 我決定下次食快餐!  (叉燒通粉都好食, 通粉軟硬度非常適中, 不過真係太飽 jar)註: 我曾經見過有人喺早餐時段, 大搖大擺咁拎份報紙嚟睇, 即係好似人哋酒樓嘆茶嗰 d 咁! 佢睇唔夠5秒就收返埋份報紙啦….唔知係咪感受到嗰份壓迫感 (周遭目光) 呢? 

呢間出哂名態度差既快餐店，其實而家態度改哂lu。今次都係食返常餐！其實佢d叉燒又唔算好靚！但係佢加埋意粉、湯底，就唔知點解硬係好好食！仲有佢個炒蛋！真係好滑🤤🤤🤤

十年前食過無再去，十年後有人請，破天荒去左。食完再次證實d 野只係好普通。講真，就算某種人話好食，平心而論，好多地方d炒蛋好食過呢間嘢。上至cordis自助早餐嘅scrambled egg, 下至港島某老麥嘅炒蛋火腿包，係consistently better。既然俾錢，點解要受氣？有人話，仲有咁多人排隊你奈佢唔何。我只知道，大多數人都是愚蠢的。不過如果你要同d 好唔想約嘅人食飯但又推唔到，咁去呢度就絕對係好選擇。

真係好快手呀，門口排隊已經要諗定食乜。一坐低講就你食乜，如果夠膽講等等先，就會比人黑面。不過我就醒水啦，叫常餐烘底多士，順手叫埋個凍檸茶。不過認真講，呢啲野試一試就夠，其實一般般，你都係食佢個culture.

Food extremely normal. I don't understand why this can be rated so good and recommended. we tried few popular desserts and dishes but seriously don't think it tastes good. not to mention the expensive price in Hong Kong. for noodles, it's tasteless. maybe this is good for local but definitely not for Malaysian.

平時去澳牛一定會係大排長龍。今天一個人下午兩點過左繁忙時間黎到都要排一陣隊。入到去被安排面對牆嘅單人位。好窄同好迫，坐得唔係太舒服！又係例牌常餐，先來炒蛋多士。炒得大約七分熟,蛋味幾香濃..配上2片小火腿。火腿就正常，薄薄地。牛油多士,用上厚片麵包,烘得微焦。包身仍鬆軟。沾滿牛油香...多士配上炒蛋食好滿足！至於叉燒以粉都唔錯。裡面都有5至6塊叉燒。叉燒半肥瘦，食落幾腍⋯⋯湯底非常好味，不是平時茶餐廳的清淡味。奶茶茶底濃仲好香奶味。

元宵佳節晚上，食完晚餐，好想食一碗糖水，所以就嚟到呢一間澳洲牛奶公司食糖水。（其實本身呢一晚想去佳佳食糖水，但係條龍實在太長，要等嘅話相信都要20分鐘） 有兩款糖水可以選擇，我哋就揀咗蛋白燉鮮奶，一如既往，都係咁滑，咁新鮮，咁好味！好夠熱！價錢來講，唔算太平唔算太貴。我哋仲加叫咗一杯凍奶茶，價錢就有少少貴，$24。但係都好香滑。澳洲牛奶公司一如既往都係好多人手，服務態度都非常好，但係同普通茶餐廳，一樣都唔適宜坐咁耐。

幾年前食都覺得幾好食咁啱路過佐敦，又不用排隊，就去懷舊一下十個有九個都會食他們的常餐炒蛋火腿多士，配叉燒通粉炒蛋好滑但味道過鹹多士外脆內軟好好食叉燒湯通粉，十分失望通粉好似煮比冇牙婆BB仔都可以食但係要讚一讚，服務員的態度係比以前好咗懷舊一下就算啦，冇咩特別都唔會再返嚟

蛋白燉奶:這裡的招牌哦～白白噠、滑滑噠、甜甜噠！我非常喜歡～ 杏汁燉蛋:這個也算是招牌、我也非常喜歡～每次去也是必點噠～ 炒蛋多士:雞蛋炒的很鬆軟、加上麵包、覺得還挺不錯噠～但是次多了會有膩的風險哈哈哈 花生醬多士:麵包上塗抹滿滿一層花生醬、哇哦～只想說好次！ 牛肉文治:啦啦啦～這個要隆重推薦一下！因為是我的最愛！麵包必須烘底、熱熱噠、脆脆噠、再加上炒的乾松的牛肉、簡直完美！ 奶茶:我反復來這家店的原因之一是奶茶啊！他家的奶茶是醇厚的苦、正經的港式奶茶、而不是糖精勾兌的味道～我不喜歡加糖、喝完這杯略帶苦味的奶茶、真的有力氣逛遍整個兒海港城！  此外凍檸茶和西洋菜蜜也十分值得嘗試～

澳牛都算係局長最愛既飯堂之一d人成日都會話澳牛態度好差 d伙記好惡 但局長又唔係好覺 所以一直都有keep住幫襯一坐低就叫我最鐘意食既叉燒意炒蛋多士先講下個叉燒意 其實都係普通茶記食到既水準叉燒唔係特別好食 意粉唔係特別好食 個湯都只係味精水但哩d就係老香港既情懷 第二度食唔到同埋係d成日食都唔厭既野黎！因為飯堂最緊要就係食唔厭 你先可以keep住黎食架嘛然後就到左黎澳牛不得不食既炒蛋 大家都知道一份常餐好唔好食 就係睇佢份炒蛋炒蛋炒得老 話知你其他野食曉飛呀 都無用但澳牛隻炒蛋就好似曼聯博格巴咁 如果博格巴係曼聯最頂級既球員 係漆黑中既螢火蟲咁哩份炒蛋就係澳牛既博格巴其實而家越黎越多冰室都食到哩隻味道同質地既炒蛋所以你話係唔係仲係好似以前咁特別好食呢又唔會 但局長我就係食慣左澳牛既炒蛋夠滑 蛋味香濃又唔會太過多油 絕對係炒蛋界既曼聯最後想特別講下澳牛既奶茶 雖然個個吹奏澳牛既人都會講佢既炒蛋但其實局長認為佢杯奶茶都係好尾機 茶味夠 奶味夠 又滑香港黎講都算係top 10或者你地會問局長同澳牛係乜野關係澳牛同我係互相支撐既關係 唔係普通既客人同鋪頭可能我唔真正認識澳牛個老闆 入面d伙計

澳洲牛奶公司，差唔多每一個香港人都一定會去過。 通常排隊佔了成個用餐過程的50%， 排隊用上十五分鐘，通常唔洗十五分鐘就會完成成個點餐，進食，埋單的過程。 就算lunch只有一個鐘，都絕對有足夠嘅時間，食完即走。仲可以返公司瞓一陣。我是很奇怪他們是如何做到的?好多人都會食常餐，今次我沒有點常餐， 我跟同枱的遊客一樣叫了一份蛋治， 燉蛋和燉奶， 到時一些遊客會叫的，依然是非常好味。不知是否職員都是訓練有素， 我留意到隔離枱 的食客竟然分別用泰文同日文同個店員溝通。

年年過年澳牛都放大假，襯佢未放假食多次先～年廿九晚原先無咩人，坐得5-6枱，點知坐坐下突然人群湧現😥牛肉通粉+炒蛋多士可惜一個茶餐已經食到好飽，又食唔落蛋白燉鮮奶豬年見～

有一種食物，隔了一陣子會令人掛念！呢個人稱‘光速餐’就係其中之一！每次都係食呢個餐，只需選擇炒旦/煎旦/多士/牛肉/叉燒/意粉/通粉就可以！由落單到送上枱一分鐘內, 牛肉湯底今次有d咸，加胡椒粉調味，牛肉偏腍，意粉亦係！炒蛋一樣咁滑，用黎同多士一齊食，回魂之選！再飲啖奶味十足嘅香滑奶茶，幾十蚊貨仔已相當滿足！

澳洲牛奶公司出名在於快 超快 勁快有光速餐既稱呼！🤪🤪🤪🤪🤪🤪已經食過好多次，但今次真係要打一打評價。基本上大家都係叫茶餐架喇，總之坐低後，你只需講「多士/麵包」、「通粉/意粉」、「炒蛋/煎蛋」就夠。餐飲千其唔好叫住！我一黎已好熟手叫左「蛋士、炒蛋、意粉」，10秒後已送到！！真係光速既表表姐！但今日食，炒蛋真係好好好好好鹹，完全失左準！！！鹹得好緊要！雖然質感仍然是滑的，但真心太鹹需要扣分！叉燒意粉煮得太腍，口感唔多好！😔😔😔😔😔食左咁多次 都覺得好食，但今次真係失晒準！希望只係師傅一時錯手啦！