澳洲牛奶公司

营业中

休息中

顧客量用川流不息來形容這間食肆一點也不誇張，店外長期要排隊。尤其星期六、日及公眾假期，排隊情況仲誇張。全店除收銀外，全男班。粗豪落單無廢話，速度奇快。食物唔夠1分鐘巳上枱，所以排隊也不需等太久的。一張4人枱面積不大，中午時侯，大部分人都會叫一個茶餐或快餐，這個角位大小要放晒一個茶餐連茶，真有些勉強。旁邊坐的是外地人，一路說普通話與朋友介紹這間是網紅店呢！4個人4個餐，枱面都放唔晒，自然令你加快速度吃完，伙記亦合作無間，問你食完未，然後迅速收碟。經驗話你知，唔好叫飲料住，等吃完多士炒蛋和湯意粉後，收完碟才叫會鬆動很多的，不用趕呀趕的。牛油多士火腿炒蛋，厚多士鬆脆，火腿只是鋪在炒蛋上，味道正常。特別在炒蛋是快炒成細碎的蛋皮，已凝固和流動的半熟蛋汁混合在一起，令炒蛋變得更嫰滑和juice。义燒湯意粉，懷舊的味道，义燒尚可，意粉煑得過熟，偏軟冧。如只想吃佢最正的炒蛋，可淨叫炒蛋多士，唔駛咁飽之餘，更能細味滑溜溜的蛋醬包。

經過佐敦，朋友建議食澳牛，快靚正，咁就去食啦！由於我哋拎住行李，都驚入門口嘅時候會俾人鬧，但出奇地職員冇鬧我哋，仲安排左個靠牆位俾我哋添！心諗會唔會係被之前畫畫個妹妹受影響呢！哈哈！入到去澳牛，都不外乎食茶餐！所以我就叫咗個茶餐加凍檸茶啦！凍檸茶好快就黎到啦！個杯好的骰啊！我朋友問係咪一啖飲完呀，我記得我落order嘅時候，係嗌少甜小冰嘅，但嚟到我面前嘅呢部的骰凍檸茶，應該係多甜多冰，朋友即刻話，佢點會理你丫？😢即刻明明有少少希望都變成失望啦！到咗主菜茶餐！朋友話最出名係雞蛋！嘩，一食落去，咸到一個點......好想問究竟落咗幾多鹽呀？我覺得成個茶餐最好味係個多士~~~~ 個通粉湯底都好咸.....相信個廚師分吾到咸味架啦.....食得多真係會生腎石呀我諗我以後都唔會再去呢度食嘢㗎啦～

要動作快要諗定食咩先去既澳牛🤭每次去到門口都有好多人排緊但因為大家都要食完就走所以好快就有位啦~由落單到上菜侍應哥仔都好快手又好順暢👉🏻常餐炒蛋多士牛肉通粉$46落完order好快就有得食個炒蛋真係超好食! 又滑又有蛋味到底點先整到咁好食!!多士烘得啱啱好又搽滿牛油~牛肉通雖然唔係重點但都唔差加少少胡椒粉湯底即刻好香~牛肉唔會韌 我覺得都幾好雖然成日話侍應態度差但其實都會同你有講有笑可能係慢吞吞先會俾人鬧掛😂😋 味道：★★★★☆💰 價錢：$🌈 環境：★★★☆☆💜 服務：★★★☆☆

傳說澳牛伙記態度其差，又傳說大肚婆有特別優待⋯⋯你地狂鬧，但繼續好多人排隊，隊長而家大住個肚，係附近做完產檢決定去試下係咪有特別優待，又去望下係咪對普通客態度甘差。我去到就過左lunch hour，不過仍然要排隊，因為第一次食啦，雖然大住個肚，不過都乖乖地係隊尾排隊，等到伙記哥哥問有無一位，我就上前行出去，仲被阿哥笑我點只得一個伙記確實對孕婦係溫柔d，因為卡位未執好，佢叫我係隊頭等一等，執好左行入去，個個都叫我小心地下跣，同我搭檯卡位仲有一對陸客情侶，我當然無被催落單，但對面對陸客都一樣無話一坐低就被人催落單喎，佢兩個仲係甘望住個電話對番要點咩野食，都望左一輪⋯⋯當然，到我落單時，伙記就叫佢地順便落埋單啦，佢兩個一邊指住個電話問，伙記都唔係態度差，都有話番比佢地知邊樣野賣晒。其實佢得果幾樣野賣，combination都係得果幾款，你都唔需要諗甘多，不過茶餐無得轉鮮奶，如果孕媽媽想飲就自己散叫勒。果然係光速餐，呢頭攪緊杯Horlick，果頭已經上碟多士炒蛋，塊多士都幾厚，不過牛油味唔夠，炒蛋份量都幾多，而且都炒得好滑而又唔係唔熟果種水汪汪，跟住上埋個叉燒通⋯⋯我以爲自己睇錯係齋通粉，原來

其實呢間餐廳的餐牌上無乜選擇，所以根本唔洗點諗就揀到。記得一定要好好的諗清楚先好叫伙計下單，炒蛋算是特色。但其最大的特色是在下單後才發生的，下單後記得唔好眨眼，你點的食物會神奇地光速出現係你的眼前。雞蛋多士很一般，就是煎雞蛋+麵包，杏汁燉雞蛋太甜了給人的印象就是加了糖的雞蛋羹。炒蛋的質素沒變，炒得剛剛好的蛋香嫩滑，每次都很想知道是怎麼做到的。加了杏汁的燉蛋比普通的燉蛋更有層次，燉奶有點像雙皮奶，但沒有雙皮奶的膩，更幼滑。

食物非常普通，一般茶餐廳質素。衛生更是普通，我們點了兩個燉奶一個燉蛋，燉奶上面有一些灰塵，唯有撥開上面一層吃下面。這裡的侍應根本不明白什麼叫尊重，點餐時我想了想慢了一點點就兇我，我們三個女生都被嚇到了，吃飯過程裡面稍微停下來聊聊天，通粉明明還剩一半，黑臉侍應就三番四次走過來想要收走。對講普通話/廣東話的人態度一樣差，但是對外國人就好聲好氣，以後一定不會花錢買罪受了！永遠差評！

最簡單的常餐 $46  ☺️牛奶公司的常餐是我最愛的 因為細個個時媽就帶我黎食 個時未有大陸人黎食唔洗排隊 ...好多人話D伙記好惡 但我就覺得佢地咁多年都keep到呢個style 好有親切感 其他茶記真係抄唔到 🤣碗通粉永遠係熱辣辣 總覺得有D牛奶香 通粉質感有咬口唔會煮到淋哂 😚牛油多士烘得脆脆的 炒蛋又厚又滑 如果塊火腿可以煎埋就好😛

早前老公在澳牛附近工作，所以時不時都會去食野。其實都需要稱讚下澳牛D侍應，佢地由排隊，入座，落單都不能不佩服咁流暢。就係因為咁樣，所以客人先可以好快入座，雖然都有人話佢地無咩禮貌，但個人認為都OK既。最中意澳牛的炒蛋，好香好滑。另外差不多次次都會叫常餐，火腿通、多士都係必食之選。一餐飯由坐低到食完到埋單，基本上半個鐘可以解決。如果要食個快餐，我會揀澳牛，快靚正。之前陀B時去，澳牛侍應非常貼心，會幫我安排一個好D既座位，又會提醒我要小心。在商場林立的香港，呢類餐廳真係少之又少。

出晒名快靚正嘅澳洲牛奶公司，點個餐慢啲都會嚇死你。但今日我唔係來食常餐食快餐， 而係食飽飯想食返個甜品。呢度嘅燉奶其實真係好好食。燉奶每一口都係如絲般細滑，牛奶香味非常之濃郁，食過一啖之後就真係停唔到口。

澳洲牛奶創於1970年，興旺48年了，早過了銀禧，邁向金禧（2020年）。經營，食物，發展均十分神秘，充滿傳奇。忽發奇想，驚覺它和熱播的清宮傳奇女子劇，有不少相似之處。🏆它出身平凡家庭，家庭色彩濃，最重視家人，收銀員都是家人擔任，如女主角不忘一切是為兩位姐姐復仇。收銀處上方的牌匾是1985年擴張時所寫，提及開業十多年，門面招牌都是出自同一人手筆。文中盛讚蛋白燉鮮奶為首選，次選是杏汁燉雞蛋。可證初時是以燉澳洲鮮奶為招牌食品。其鮮奶與順德雙皮奶不同，除了是單皮之外，更重要是不用水牛奶，用澳洲鮮奶。據悉，鄧林泰原是海員，見識廣，在澳洲時，曾在農場察覺鮮奶之美味，回港後開業。他領略致勝之道是用料靚，故令燉奶奶香且滑，比澳門名店的順德燉奶香醇令人回味。現時食客多點選套餐，遺忘燉奶才是店名點題食品。我覺得它的燉奶未必摘冠，杏汁燉雞蛋才是「唯我獨尊」。杏汁馥郁的燉蛋，十分罕有，令我垂涎欲滴，真是「涎希」！雞蛋香撲鼻，濃稠得宜，比一般甜品店優勝百倍。我喜吃熱的，自製黃溝白，兼取蛋香與奶白，亦是一絕。外賣我則買凍的。🕰它甘於平實，生意如何興旺，人龍如何漫長，都不開分店，如瓔珞視生育為一腳踏入鬼門關 ;

澳洲牛奶公司。無論香港人同遊客都唔會陌生，長期爆滿，爭取每分每秒，想嘆奶茶就唔可以揀啦，如果想快靚正就OK無論早午晚都會有一班人喺度等候，中午仲要大排長龍😭😭😭搭枱係必然落單超快、出餐速度快、快到驚人店員都粗粗魯魯，但好有禮貌😝火腿通粉火腿通粉還不錯吃，湯蠻清香的，通粉也蠻Ｑ的蛋白燉鮮奶！！！燉奶真的好好吃～好嫩～好香！口感更綿！好吃～～芝士蛋三文治　　蛋超級好吃！！！超級滑嫩！滑溜棉嫩！必吃吐司也超級鬆軟綿密

學劉華話齋，香港人要有好客之道🤝 雖然我今朝真係好想瞓晏啲，不過有朋自遠方來，梗係要帶佢行吓、幫襯吓 澳洲牛奶公司 Australia Dairy Company 呢類咁貼地嘅餐廳啦😁#澳牛 幾乎由全男班主理，不得不讚吓佢哋勁有系統嘅安排同經營方法，由排隊、安排座位、落單... 都一樣咁流暢💨💨💨 食完嘢之後包保唔夠十秒一定有人埋嚟清枱，座位流量極快... 難怪門口成棚人排隊，都效率咁高🤣 唔知 #澳牛 啲蛋喺邊度入貨呢？jumbo size嘅煎雙蛋又厚又juicy、叉燒通粉配濃濃嘅胡椒粉，味道更好😋 人氣咁高真係得來不易！

每次一去佐敦就好想食澳牛。好喜歡佢啲炒蛋，好香好滑。雖然啲粗獷staff 係太man, 但係果種味道係正嘅！基本上都係食果個常餐架喇，必點炒蛋、火腿通、多士。成餐飯由坐低到走，大概半個鐘真係食快餐。飲埋個谷古！正呀！

呢間餐廳每日都有好多遊客係門口排隊個日同朋友行到佐敦唔知食咩好於是決定入去試吓入到去第一個印象係店員服務態度不太好 全程都俾人呼呼喝喝我地試咗佢嘅常餐炒蛋味道太鹹🤢意粉湯底也非常鹹🤢我哋一路食一路飲水最後頂唔順食淨左好多餐廳很多人所以必須要跟別人搭枱去之前要有心理準備而且食完要即刻走唔可以坐太耐以茶餐廳嚟睇我覺得食物不太值這個價錢外面有很多更加好吃而且更便宜的選擇好唔明白點解keep住咁多客人黎食我地應該唔會再嚟第二次

澳牛，我諗5洗點介紹，個個都知道佢出名快靚正既茶記，我幾年前食，因為要排隊既關係，又食得急，所以好耐無嚟了今日再次舊地重遊，同以前一樣，超多侍應，整嘢食嗰度都勁多人，5怪得可以咁快出餐同樣地，無咩嘢可以揀，一係要麵一係5食麵，就係咁simple ,我地因爲係食晚餐既關係，6點已經到，人流5算多，都5洗排隊Waiter 無變過，爽快，由於無嘢揀既關係，所以就叫左茶餐轉多士，同可以轉通粉的，食到1半先叫嘢飲意粉好彈牙，份量都夠，抄蛋出色，有蛋香味，夾去多士度，正如果人流都係咁既，我諗我會成日幫襯，佢個奶茶茶底勁香，依d連鎖店係5會有既想快靚正，既要try try