潮館 (創紀之城五期(apm)) (已結業)

easter 都已經0係度飲過一次la，係幾抵law，人均20 左右ok la，可能我地人多所以食到多d 野la ^^推介第一樣係個xo 醬蘿蔔糕，唔會因為早茶抵而hae 落xo 醬，都真係幾多的~!另外想講蜆介鯪魚球，上枱都仲熱熱地，唔錯^^不過問題真係等到頸都長埋，環境方面幾優美

已黎過呢間野2次印象極差第一次黎問個知客拿飛,問左幾次先理我佢話9點鐘宵夜平D,問我入宵夜定晚飯我見都差唔多9點,就當然揀宵夜點知佢叫我去排隊等位我一望....嘩...打哂蛇餅見佢態度又差又咁鬼多人排即刻落兩層食其他野算第二次黎經過上次後,原本我都唔多想食呢間野但我妹係都話要黎呢間食,無所謂啦6點半左右就拿左飛. 雖然係父親節,但諗住咁早到應該唔會等好耐掛, 而且佢話起碼7點先可以入座,就周圍行下. 點知一等就2個鐘,問佢竟然仲有十幾張台要等, 搞錯! 一D效率都無,等咁耐先清得果十幾張台, 個個企哂響出面呆等乜招呼都無泊車費都蝕幾十蚊畀佢結果係我黎2次都無幫襯過佢呢間野就算食左會痾金我都唔會幫襯

放工後一班去潮館宵夜估唔到星期二都要等成十五分鐘無辦法實在太抵食啦六個人叫左十個樣ya埋單都係五十幾冇加一係唔同d服務都唔錯叫加水都即係有反應不過食宵夜有個唔好處就係好多ya都賣哂law我地想食風沙雞都冇最後叫左個x椒雞(唔記得exact name)唔好食~~大家千其唔好叫蠔餅同沙茶炒面好正!!!必食!! 大眼雞就細條得滯...唔夠分另外地方實在舒適夠寬敞

本來諗住開開心心同亞婆３個人食餐飯，８點打去話宜家無得訂枱，要去攞飛等位！８點４去到攞飛，個知客問我晚飯定宵夜，我見宵夜要９點後入坐，同埋已經有人排緊隊等食宵夜，就話食晚飯啦！俾左飛我之後話如果到時過左９點先入到去都無特價，我亦都話ｏｋ無問題！呢個時候有第二個知客叫我俾返張飛佢，話食晚飯都要等到９點後，要我跟宵夜條輪排隊攞飛，我見我老公未到咪照排囉！而我攞到飛ｏ個陣係８點半，排我前面有１０張枱！佢地門口ｄ椅俾人坐晒，我就問個知客可唔可以叫人拎張椅出黎俾我亞婆坐住等，佢望一望我，之後望入去指一指入面張俾人擺左野既椅，叫我嗌人拎開ｄ野自己搬黎坐！之後未到９點已經入左好幾張３至４人枱，諗住會好快啦！但係過左９點之後，只係入左９至１０位同兩位既枱，我亞婆就話差唔多９點半，不如問清楚要等幾耐啦，無理由成個鐘都未有位，呢個時候我老公黎到，我就去廁所順便睇吓有幾多４人枱！眼見入面４人枱都唔少，但係都唔似會好快走囉！我即刻出去搵個知客問仲要等幾耐，佢話要等多４個，我就問佢究竟有幾多４人枱，佢話都唔少嫁，不過８點半既４人枱客都要等到１０點度，我即時火都黎埋，同佢講我頭先話黎食晚飯，唔係黎食宵夜嫁，要等到

約兩星期前,一家人星期五到來食消夜,九點來到,等到九點九.想試試紅衫魚,可惜賣晒.激死.鹵水鵝片---幾好味,鵝不太鞋口,墊底的沙角幾好味風沙雞---風沙雞差得很,鞋口,無肉.吉之島$20的燒春雞還好食蠔餅---不差糖醋麵---把麵餅煎到脆脆地,再加些糖和醋食.並沒有其它配料,個人認為麻麻,第三塊已經滯滯地總括:今次只能比中立.而服務人手真的不足,我們坐在最埋邊的窗口位.感覺是被人獨立了,叫極職員都沒人理.

Our company had booked a room (2 tables)for lunch last week. The minimum charge for each table is $1500. We found the food is below the standard and it's totally not worth the money.

前幾日同男朋友黎APM行街.. 經過呢間餐\廳.. 咁就入去試下.. 由於都幾早既關係(大約6點半).. 所以間舖冇乜人.. 侍應俾左張最入既望窗位我地.. 但個景唔靚.. 而且張太入.. 侍應都睇唔到我地叫佢\既.. 食物方面.. 叫左我最like既糖醋麵.. 滷水併盤.. 糖醋骨同埋金華火腿津白.. 糖醋麵好好味.. 真係做到外脆內軟既感覺.. 併盤ok.. 冇乜特別.. 糖醋骨查實係咕嚕肉.. 好唔鍾意.. 明明係糖醋.. 點解會變左做咕嚕肉架?? 激死.. 金華火腿津白. 都ok既.. 最後仲叫埋個楊枝金露.. 一般而已~~整體方面黎講.. 食物味道唔差.. 好大碟.. ok啦!!

知道9:00後有特價就攞張飛排隊,門口大約十多人,嘩!太好了唔使5分鐘就有枱,我地三個人叫咗七樣嘢鹵水拼盤-----OK炸多春魚-----粉太厚油盬水雞腳----OK煎蠔餅-----麻麻九菜豬紅------OK風沙雞半隻-----好食蝦球炒芥蘭------芥蘭非常老(仲有三個飯同三支汽水)風沙雞同蠔餅係一SET $98.00 埋單$ 288.00 不過叫好耐都無侍應,人手不足

一家四口等左二十五分鐘就入得去,雖然係晚上九點幾,但係依然好多人等位!!!!叫左風沙雞-----佢d蒜粒好香,不過隻雞唔知係咪纖體完,冇乜肉嫌"鞋鞋"地............潮式乜乜伊---彈牙,出面食果d伊係一"pat",不過呢度d伊食落有口感,而家諗起都想再食!!!蠔仔餅---落足蠔仔,不過煎得左少少.........白粥----潮色白粥,唔稀!雖然好多人，不過竟然坐到window seat,但係個view係地鐵站,都好丫,有風景望下!!!hahahaha

午飯點心不詳述了,一般水準龍蝦伊麵-侍應哥哥的是日推介,第一次送來的龍蝦件件都”黑蚊蚊”反映過後,換過另一碟,好樣d,但好鹹,絶對唔推介蠔仔粥-又係比平常黑,味道一般薑米海鮮炒飯-賣相差了,好似被削了一邊,無乜海鮮鹵水拼盤及鹵水鵝片-多沙葛少料,唔抵食以價錢來說還是抵,但食物質素退步了

早排好開心, 有人請我食飯!! 因為請客o個個想食中菜, 結果o黎左呢度.七點零o黎到, 冇乜人等位, 即刻入座. 本身坐左個兩人位, 有o的逼... 要求掉位, 去左門口附近一個兩至三人o既卡位坐. 雖然好近門口, 有少少嘈, 不過個位design 得好, 坐得比之前舒服.兩個女仔, 一人一大碗粥, 另外叫左雲腿津白, 鹵水鵝片拼鹵水豆腐, 煎蠔酪.我o個一大碗蠔仔瘦肉粥都幾甜, 鹵水鵝片拼鹵水豆腐都好好味. 個煎蠔酪我以前食過更好o既, 而且比我心目中o既"好味蠔酪" 少左好多蠔仔. 個津白就... 唔係太好, 冇乜味又好似油膩左o的. 另外叫左橙汁飲, 不過我飲唔出係橙粉加水定係咩, 只知唔係鮮橙汁, 但係十五蚊一jar 就唔好嫌三嫌四啦!甜品就... 我個椰汁燉雪烚都叫"正常" (但係我下次唔會o係呢度食呢味). 我個同事想食薑薯湯圓, 但個侍仔話冇左薑薯好耐(但又冇改menu 咁搞野?), suggest 我個同事食"淨湯圓". 好啦, 即管叫下... 結果真係o黎碗"淨湯圓" -- 白開水浸住幾粒芝麻餡o既湯圓!!! 我諗下次都係叫佢地落片薑加番片片糖先至得... 又或者我

一行九人是晚去食團年飯，9:30pm 囉飛等位，差不多10:00就已經有位啦，可能係大檯既關係，所以唔需要等得太耐。入面裝修唔錯，幾舒服同特別。我地是晚叫左一個好抵食既宵夜套餐，包埋加上，明碼實價真係收$1080，而且冇話每碟係好少，味道都好ok，真係值得推介。而要讚賞既係佢地服務態度非常之好，又醒目，very good呀!!! 下次一定會再去。

昨晚公司係度食年夜飯,6個人係星期一中午至訂星期二晚都仲有位,好食有限啦.叫左以下食物1)雜拼--有滷水鵝片/蛋/紅腸/墨魚片/沙葛片同蓮片:唔太好食,碗底幾多油(拼盆係用以前的大雞碗,所以好難夾下面的食物)2)雙面黃--普通3)西蘭花帶子--普通4)糯米炒飯+石班魚(呢味係是日特價)--糯米飯都幾大碟下,味道普通不過都好油.石班魚炸過再燴,唔覺有魚味但唔霉囉.5)甜品食左雷沙湯丸--一碟4大粒,跟同事share食,整頓飯最好食就是這湯丸($15/4粒)這酒樓不收茶介和加一共$510,所以抵食比3分咁多啦.p.s.呢度坐位比一般酒樓無咁迫,呢樣幾好

部門食飯,新舊同事聚首一堂因為同事陸陸續續到,所以每次只是點兩,三個菜由於是本人去拿位,所以當晚由頭食到尾,好飽煎蠔”絡”-食潮州菜,本人必點,這裡做得不俗胡椒豬肚湯-本人another喜愛的菜式,這裡亦不錯鵝片-今次”墊底”的是蓮藕,好油,on diet者不宜蠔仔粥-幾多蠔仔,唔錯香酥鴨-幾油又唔好食,唔推介?糕骨-甜甜酸酸幾醒胃避風豆腐-淨食豆腐無味,要食埋d炸方魚才有味,但唔推介這個菜西蘭花帶子-帶子好大隻,不過味道一般奶油津白-一般潮州炒飯-唔覺有特色,不過炒得幾乾身甜品:上次食過青衣潮樓的馬蹄綠豆爽極難食,所以今次叫楊枝甘露,味道一般

初開時黎過一次, 今日無野做同屋企人四大一細到潮館飲茶. 10時多到達, 原來佢地11點前入坐點心半價喎, 仲免茶錢免加一, 幾底喎!我地點左: 蝦餃x 2籠, 皮夠薄, 唔錯. 燒賣- ok, 煎蘿蔔糕- 都幾多蘿蔔, 幾好. 叉燒酥- 其實我唔食叉燒酥, 但佢個皮整得都幾鬆脆, 都幾好. 糯米卷- 糯米淋左d. 叉燒包- 無食, 但個樣幾好. 鳳爪- 我唔食的. 豆苗餃- 我既至愛, 亦係最清既一樣點心. 千層糕- 唔太甜, 都幾好食. 春卷- 皮薄又鬆脆, 唔油膩,幾好. 煎薄餐- ok. 芋頭蒸排骨- 呢個都無食. 煎花枝餅- 過得去. 唔知有無寫漏, 淨係記得係咁食係咁食無停過!!總括黎講d點心唔可以話好好食, 保持到平均的水準. 但味道普遍偏咸而且重味精, 一路食一路灌水...服務唔錯, 食完既碟同籠好快有人收, 沖茶速度都幾快! 埋單只係$138 你話係咪平好笑? 唔計小朋友每人都係$