影片
更多
2006-02-20
43 浏览
早排好開心, 有人請我食飯!! 因為請客o個個想食中菜, 結果o黎左呢度.七點零o黎到, 冇乜人等位, 即刻入座. 本身坐左個兩人位, 有o的逼... 要求掉位, 去左門口附近一個兩至三人o既卡位坐. 雖然好近門口, 有少少嘈, 不過個位design 得好, 坐得比之前舒服.兩個女仔, 一人一大碗粥, 另外叫左雲腿津白, 鹵水鵝片拼鹵水豆腐, 煎蠔酪.我o個一大碗蠔仔瘦肉粥都幾甜, 鹵水鵝片拼鹵水豆腐都好好味. 個煎蠔酪我以前食過更好o既, 而且比我心目中o既"好味蠔酪" 少左好多蠔仔. 個津白就... 唔係太好, 冇乜味又好似油膩左o的. 另外叫左橙汁飲, 不過我飲唔出係橙粉加水定係咩, 只知唔係鮮橙汁, 但係十五蚊一jar 就唔好嫌三嫌四啦!甜品就... 我個椰汁燉雪烚都叫"正常" (但係我下次唔會o係呢度食呢味). 我個同事想食薑薯湯圓, 但個侍仔話冇左薑薯好耐(但又冇改menu 咁搞野?), suggest 我個同事食"淨湯圓". 好啦, 即管叫下... 結果真係o黎碗"淨湯圓" -- 白開水浸住幾粒芝麻餡o既湯圓!!! 我諗下次都係叫佢地落片薑加番片片糖先至得... 又或者我
七點零o黎到, 冇乜人等位, 即刻入座. 本身坐左個兩人位, 有o的逼... 要求掉位, 去左門口附近一個兩至三人o既卡位坐. 雖然好近門口, 有少少嘈, 不過個位design 得好, 坐得比之前舒服.
兩個女仔, 一人一大碗粥, 另外叫左雲腿津白, 鹵水鵝片拼鹵水豆腐, 煎蠔酪.
我o個一大碗蠔仔瘦肉粥都幾甜, 鹵水鵝片拼鹵水豆腐都好好味. 個煎蠔酪我以前食過更好o既, 而且比我心目中o既"好味蠔酪" 少左好多蠔仔. 個津白就... 唔係太好, 冇乜味又好似油膩左o的. 另外叫左橙汁飲, 不過我飲唔出係橙粉加水定係咩, 只知唔係鮮橙汁, 但係十五蚊一jar 就唔好嫌三嫌四啦!
甜品就... 我個椰汁燉雪烚都叫"正常" (但係我下次唔會o係呢度食呢味). 我個同事想食薑薯湯圓, 但個侍仔話冇左薑薯好耐(但又冇改menu 咁搞野?), suggest 我個同事食"淨湯圓". 好啦, 即管叫下... 結果真係o黎碗"淨湯圓" -- 白開水浸住幾粒芝麻餡o既湯圓!!! 我諗下次都係叫佢地落片薑加番片片糖先至得... 又或者我地應該去番附近food court o既滿記...
食完繼續傾, 發現呢度原來係八點到九點後先至有人排隊...
唯一complaint 係呢度好似唔係好夠侍應, 定係我地個位o既問題呢? 沖水, 叫野同埋叫埋單都要等一輪先有人見到.
因為係我個好同事請我食, exactly 食左幾多錢就唔知o勒, 大概一個人百五蚊, 食餐晚飯呢個價都OK. 不過最緊要係可以慢慢食慢慢傾, 過左好開心o既一晚.
张贴