潮館 (創紀之城五期(apm)) (已結業)

聞說這裡的下午茶好抵食又幾好食，今次試下晚飯。7點左右黎到等位，等左好耐，人真係好多呢~~~入到去裡面，一個小廳得兩個staff睇，上一手的碗筷都要等幾分鐘先有人黎收……叫野食都等左幾分鐘，係咁叫住個staff先叫得佢停，因為佢地實在太忙喇……叫左個糯米大腸、凍大眼雞、紅燒豆腐同埋胡椒豬肚湯……味道都唔錯，不過小心走單由於d staff太忙的關係，佢會無啦啦收左你的醬/碟，同埋佢地個tray仲會撞到你個頭食唔食得過就見仁見智啦

這裡的食物味道一般﹗服務就較差﹗昨晚有兩個"孖寶"，分別有潮式水煮魚+蠔餅（$168.00），及龍蝦伊麵+蠔餅（$298），兩款的蠔餅都可以轉炒菜﹗由於我們人多，兩款"孖寶"都要，其中一個蠔餅，就轉了付乳通菜﹗不過論份量（細碟），論食物質素（一般），論價錢（貴），都算勁唔抵（份量同價錢成反比）﹗不過其他食物價錢都唔算貴﹗另外，服務員質素都唔係太好。有個跌碗，差點整到我的朋友。另外，收碗碟也好快，好像有心趕我們走咁﹗有個還好像向我們發脾氣，明明有個空檔位用來上菜，佢一定要在旁邊兩個人中間上菜，我們叫佢在空檔位上菜，之後佢就好大力咁放碟菜在枱上，之後每次有菜來，都好大力﹗

我叫滷水拼盤、豬耳仔、豆腐、墨魚紅腸、牙菜豆卜、牙帶、蠔餅、蠔仔粥、方魚芥蘭......但唔知解，所謂紅腸唔係傳統，而係司華力腸，搞架！其實，味道都唔錯，但好奇怪，佢滷水食係用蓮藕、紅腰豆墊底，可能係新派菜式做法。但蓮藕爽爽，又好味喎！喱度唔駛加一同免茶，都o.k.！

不知何解，此時此際再看這局，不無唏噓。是糾纏了個來月的約會，約左又取消又再約又轉地方，最後在各朋友的努力安排下，九時許，大家齊齊整整的坐低等開飯。住在最埋邊的一張四合一的方檯，十四人雖然坐得迫迫地，一樣熱鬧高興。大家各司其職，點菜自然是我的責任。這裡是集團式潮州菜，菜牌選擇都算不少，水準不可預期太高，隨手掀，隨便點也可以了。要了胡椒豬肚湯、脆炸雙併、鹵水併盤、護國菜、爆膳球、生炒骨、煎蠔烙、鹹肉炒紹菜、油泡蝦球，單尾來個糖醋麵及欖菜肉碎飯，應該已足夠。是晚「全紅」，先由托斯卡尼的奇安提再去法國最後又以意大利的梅鹿作結，同埋加映梅酒一盒，絕對豐富。菜色陸續上檯，碟數多，所以每碟也淺嚐一點就算。胡椒豬肚湯如雪怡所言，聞起上來真的幾香胡椒味，但喝起上來又覺得淡了一點，還可以更好；脆炸雙併是蝦卷併蟹棗，都炸得香口，點起甜甜的桔油，味道不會差；鹵水併盤要了大的，有鵝片、鹵蛋、墨魚、鹹肉、香腸等等一大碟，一邊綠一邊白，兩儀分天下，賣相不錯。護國菜即蕃薯葉打碎做的湯羹，有其獨特的味道，個人而言幾喜歡，不過不喜歡的食友會說是「草青味」，都叫得過；鹵水味道不夠，吃了幾片也是淡淡地。切得也太薄了一點，吃得

晚上10時才到apm找東西吃, 商場reception說潮館營業至很晚(2am), 一試.點了dbs信用咭的優惠2人餐:鮑魚鹵水拼盆: 鮑魚片大大塊, 鹵水拼盆份量不多但很惹味海寶翅: 味道較淡, 翅用細細塊的翅, 份量算慷慨了生煎大海蝦: 做很入味, 新鮮, 爽身, 大大隻. 只是這味蝦足令我再光顧一次火腿絲津白: 芥蘭售罄, 津白代替. 火腿絲真的是絲, 只有5-6條. 津白卻很大碟, 可以當飯吃芒果布丁: 不過不失$248 已連茶水加一. 論這個質素, 甚抵吃.

一行大約八個人去飲午茶.叫了個套餐再加點心.鹵水拼盤–只吃了鵝片和腎片, 唔過老但鹵水唔太香.炒通菜–唔太油, 幾好.什菌扒生菜–不過不失.京都骨–無食, 但幾大舊.雞粒炒飯–偏油, 麻麻.蝦餃–幾彈牙.蘿蔔絲腸粉–皮太粉, 一pat pat.仲有些點心忘記了, 今餐幾抵食, 但服務一如以往麻麻地.

本來對潮館印象都唔差, 自從今餐之後, 已被列入黑名單了...昆蟲孖寶(當時急於叫經理, 所以冇影相):蠔仔粥- 勁多蠔殼, 食食吓比阿嫂發現碗粥有條牙簽咁粗既蟲(唔係誇張)... Cancel之後轉左炒飯.糖醋骨- 即係咕嘮肉, 其實唔差! 但食食吓比我發現到有隻曱甴仔, 即時反胃呀!**********************************************風沙雞- 唔錯! 雞肉好嫩滑.蔥爆駝鳥肉- 好多油! D蔥仲多過駝鳥肉.潮州炒飯- D飯好硬.半煎煮龍利魚- OK! 比想像中大條. 味道唔錯.滷水拼盤- 滷水鵝較UN, 其他一般.煎蠔餅- 唔差, 好多蠔仔.火腿津白- 一般! 又係多油.基本上見昆蟲孖寶之後已經冇晒胃口, 經理知道後淨係識講唔好意思, 係我地主動問佢先送番糖水比我地食, 希望今晚冇事啦...

今晚跟同事找個近地方食晚飯, APM 都近公司又多食肆.我地選了潮館試下.菜單:1) 鹵水鵝片拼墨魚: 鹵水系列都係招牌菜啦.不過用蓮藕做底就慳皮D. 大約10片鵝片, 10片墨魚, 不過墨魚好細塊家. 2) 咸豬肚湯: 太多黑胡椒, 有些辣, d豬肚都好爽.. 一d都唔腥, 不過可以做好些. 5人1人一碗.3) 煎蠔餅k la. 都多蠔, 不過唔夠咸. 4) 川辣鷄球: 有些失敗, 似川辣鷄柳多D. 唔係一球球咁. 味道尚可. 5) XXXX炒四季豆: 味道一般, 可以唔選的菜色6) 潮式炒飯: 太乾.埋單: $350, 不用加一和茶錢, 都可以一試. 味道尚可.

上幾個禮拜來食晚飯，叫左滷水鵝片拼掌翼，蠔蛋, 三檸蒸烏頭同埋清湯生菜。原本以為D滷水嘢會係豆腐底，点知上枱係蓮藕底(有d失望)。但係佢地D滷水味道幾好味，又香又入味。條魚味道都ok，唔會太酸，直得一讚嘅係放係條魚上面D冬菇絲and豬肉絲。酸酸地，好送得飯。蠔蛋比出面D酒樓好，但係如果多些parsley味道會清香D。本人知道因為酒樓成本，都唔會expect會有好多蠔。總括來講，食物質素同味道尚算美味，下次會來試多佢地幾款滷水菜式。

之前過晚飯,今次lunch,貪佢訂左唔洗要我地再等,因為觀塘區lunch度度都爆,d酒樓明明訂左都要再等15-20mins.我地13個人,叫左26個點心,再加3碟炒粉麵先$710,抵食.因為太多,所以我淨係講d好食同唔好食ga啦!花姿餅煎得好香,蘿蔔絲酥餅,又鬆又脆又夠蘿蔔,腸粉就不過不失,個芥蘭菜莆炒飯幾正,其實整體上都唔錯,但係我見有幾個侍應都好似未醒咁,招呼我地個仲差,我地落單,話唔該幫我地數叫左幾多碟點心,講左3次佢都無反應,咁我地咪自己返數lor,點知佢自己寫完之後意圖想搶我地張點心紙,話你地等我落左單先啦!仲要係面黑黑個隻wor!之後食到差唔多,我話仲有一碟未,如果未整唔該取消啦,佢聽完行左去,之後返又繼續做其他,無覆我,我同其他同事講,咁即係有無取消呀?唔知係咪佢聽到我講,之後先好細聲話緊喇!

七點同姐妹們gathering飲早茶以為會平ｄ，但錯了叫左大約十五碟野食，有七個人但埋單每人四十有多，如果野食好味我都肯俾，但ｄ野食普通到不能再普通街坊酒樓都可以同佢比特別係個薄"撐"，煎得唔夠脆，好淡味，唔夠熱叉燒腸又係好淡，入面得少少叉燒服務態度冇特別一般餐廳既水準

東龍島體驗完兩日一夜的野人生活後, ,返回官塘已是下午2點多了,正想搵個舒適的酒樓歇一歇,朋友提議到此.已是下午3點多,不消一會已被安排到一兩人坐位,店內裝潢新潮,以深色作主調,與這個潮人商場格調配合得恰到好處．滿面鬚根兼身上透出陣陣男人體臭的我,身上背著一個超大背包,外表像極難民.與鄰枱坐著一名打扮高貴的婦人有莫大對比,看看這位太太的眼神,再嗅嗅自己的體味,先入為主的觀念已使我把這個婦人貼上一標籤名為’白鴿眼的貴婦’．跟前坐位實在太狹小,除我倆之外已容不下我這個大背包,侍應態度愛理不理,似無意替我這個大袋找容身之所,正當徬徨之際,貴婦突然主動地讓出坐椅予我的背包,我連聱道謝之所餘亦不禁對自己的主覲汗顏.XO醬蘿蔔糕-----蘿蔔糕煎得香脆,麵粉皮又夠薄.蜆介鯪魚球------鯪魚肉新鮮軟熟,配以潮式介醬,唔錯.金錢肚陳村粉---特別但粉好厚,好在金錢肚夠味.椰香南瓜糕-----香甜的南瓜糕與淡淡椰汁配得剛好鮮蝦炸雲吞----如其名,蝦又大又爽,雲吞皮又薄又脆.呢餐味覺得到滿足,但心靈上有小許內疚.如果一開始放下心中的偏見,口袋中的標籤,咁呢個國慶假期就可以好完美咁劃上句號..

上星期黎過飲茶,都ok喎,比想像中好.佢d燒賣幾好食.尋晚去食晚飯,7點幾,唔太多人啦..3個人食0左5樣野..較好的有火腿津白,真的燴到d菜入味的.個春菜白鱔湯都好飲,d鱔真係新鮮劏的,唔怪得要等啦..友人請客,謝.

一向都欣賞稻香的飲食和服務，今晚去了觀塘APM，行完成7點，見到有間叫做潮館，跟稻香的潮樓一樣，以往試過潮樓也不錯，就去登記，等了半個鐘有位，滿心歡喜，點知就食到一肚氣。個d女侍應不知所謂，叫而不應，問都竟然唔答，抹檯好求其，肥膩膩都唔理，就放杯碟上去，裝修幾好都無用啦！重有泵低個2塊濕紙巾都係肥肥地，嚇死人！d食物更差，尤其是煎蠔餅差到極，蛋鞋到死，蠔仔好難入口，油多到驚人，食左即時覺得好唔舒服。香酥荔鴨亦都係油膩到死，叫人點食！雖然價錢收得唔貴都唔係俾d咁野人食嘛！街邊隨便搵間都好過佢，以後點會再黎！食完就好快有人執野，又係求其抹幾下，檯面還有殘渣都唔理，茶壺無水也不加。搵人埋單都唔容易，d女侍應祇識黑起塊面執野，埋完單連杯功夫茶都欠奉，當然連多謝一聲也無。幫襯稻香集團以來從未試過，這間潮館無樣掂，真係樹大有枯枝？

星期日至四過左9點半所有打冷都半價呀... 我地等左好耐位先等到呢!! 多人到呢~.~超肚餓o既情況下.. 2個人叫左5樣o野..全部都係半價...hee~~ 1) 咸豬肚湯: 好多黑胡椒呀.. 個湯有少少辣.. 唔係太喜歡.. 但係d 咸菜幾好食.. d 豬肚都好爽.. 一d 都唔腥..我覺得呢個似一個餸多過係一個湯呀!!2) 煎蠔餅: 今次食幾好食bor!! 多蠔.. 夠味.. 熱辣辣!!3) 海哲: 多到飛起.. 有芝麻係面.. 爽口抵食..4) 炸多春魚: 出面d 粉真係好厚... 好熱氣.. 但係入面條多春魚係完整冇缺o架.. 條魚好食.. 朋友仔就最鍾意呢個.. 佢話好好食..5) 鹵水拚盆: 呢個都好好食..好多料.. 鵝片.. 鵝掌..蛋.. 墨魚.. 紅腸.. 蘿蔔..蓮藕.. 每樣o野都ok...最喜歡鵝片(有鵝味.. 入唒味).. 蓮藕(好爽呀)6) 支裝汽水10 蚊3支叫左5樣o野.. 打包左3份1 番屋企.. 攬住個肚走... 埋單都只不過係150 蚊.. 免加一免茶錢.. 抵食到爆!! ^__^