潮館 (創紀之城五期(apm)) (已結業)

生日午飯, 十三人為兩位壽星仔女慶祝! 凍烏頭, 中規中矩, 跟昨天標記食既滑啲, 但都唔夠創發既凍魚好食 !鵝肉, 墊底既蘿蔔, 幾好食!豬耳, 呢個估唔到幾好食, 唔會死實爽脆, 係腍腍地...我鍾意呢個!胡椒豬肚湯, 胡椒好多, 辣咗少少!涼瓜黃豆排骨湯, 涼瓜仲係苦苦地, 未夠腍, 湯都夠味!韮菜豬紅, 韮菜極少, 唔滿意!話梅豬手, 有話梅味, 但麻麻!魚片湯米粉, 無食, 但同事話唔夠味!點心:蝦餃, 燒賣, 排骨, 潮式糯米卷, 叉燒包, 奶皇包, 叉腸, 蝦腸, 排骨, 牛肉, 煎蘿蔔糕, 灼津白, 蒸魚雲....無食哂, 我鍾意既奶皇包都幾鬆軟, 魚雲無咩食得野, 灼菜一般!甜品:潮式綠豆糖水(送既), 水晶包, 雷沙湯丸, 蛋散, 芒果布丁....綠豆好腍, 太飽, 其他甜品無食, 不過, 芒果布丁有兩隻小魚兒, 夠精緻!服務唔錯, 因為識得部長/經理, 洗手間只有三格, 好污嘈, 味道整體合格, 如果想食得好味啲既去創發, 想服務及環境好啲就去潮江春, 不過, 十五人食飯, 十三人俾錢, 每人夾 $75, 好抵食!

繼上次去了青衣城的潮館後，今次再去這同一飲食集團的分店，由於大家早一段時間也吃過一次打冷，大家也不想重覆，決定不點滷水食品，改吃一些較冷門的潮洲食品。不計打頭陣的香酥鴨和手撕雞，大體以清淡為主，吃了較少吃到的春菜，基於帶點微苦的特性，用來煮排骨的效果也算不錯，連其湯汁也可飲用。另也不想吃蠔餅，改點一個冷門的金瓜鉻，煎得甚有蛋香，而內裡的金瓜，可像菜脯般爽脆，其味也香甜。蠔仔粥還算足料和鮮味，而另一主打是石榴雞，用上蛋白煎成薄蛋皮，包好餡料後再索好，最後炆煮而成；很花功序，吃下的味道也不錯，不過一碟只得四隻，不太夠分。來多一個糖醋雙面黃，兩面也香脆，但就欠了一點麵香。至於同場的沙茶牛肉炒河，不提也罷。甜品有綠豆爽、擂沙湯丸、水晶包和芋泥，除了水晶包沒吃之外，其他甜品大體不俗，緃觀今餐加上啤酒，每人只不過八十餘元，不收任何雜費，是很抵食的。味道方面沒甚麼大亂子，但就是欠了一點精彩的感覺，至於是甚麼，真是難以具體說出來。或者可以這樣說，想吃一些傳統風味的潮菜，始終去一些舊派店子較有信心。作為普通的飯聚，這裡是值得光臨的。

上星期同中同去食tea, 叫點心叫了潽里茶, 味道普通接著叫了七個點心, 包括牛肉球 : 一般牛肉腸 : ok蝦蛟 : 一般, 皮勁厚芋泥糕 : 賣相雖然黑媽媽一舊咁, 但係好好味！叉燒so：　好味, 但有小小油利左鹹水角: 幾好(還有一個點心不記得)整體算係不錯, 服務ok, 沒什麼特別會再去

放左工同左成班同事來潮館食飯我地叫左半圍的套餐鹵水拼盤：嚴重不足鹵水味.鹵蛋 . 墨魚 . 鵝都好一般炸雙棗 : 炸竽泥 + 蝦丸.....同個名有少少格格不入.唔係個侍應講我都唔知係咩勝瓜炒墨魚片:勝瓜都爽脆翅 : 啖啖都有翅 . 上湯都整得唔錯蒸東星班:火喉過火.魚肉有點韌蒜香雞:算係最對板的.好香口..好味!雜菇扒小白菜:呃錢! 難食...菜同菇的味道不合水晶包 : 飯後甜品.奶皇味唔夠成班同事來食飯實屬難得.雖然味道一般.但環境尚算寬闊

中秋節來了做節，因遷就公公行動不變，已來了第三次，真的不想再來，因食物質素麻麻，服務質素極差．來了兩圍，當然要了套餐，以往是罐裝汽水，今次改了支裝，或許是好飲一點，但上台時，全開了，又沒有問我們要甚麼汽水，那麼汽水是之前有客不要開了的？還是想我們要一些沒汽的，而且有些更是不凍啊！食物該有的醬料，又沒有取來，要問了多次，而且已客了一頓時間才取來，真是無奈．叩侍應要一點醬料時，人完全沒有反應，不知是否聽到我所需．我不是不尊重新移民的工作者，有些也是好的，但我知稻香集團多是請來新移民（或者是我亂講，不過每次到稻香內的全是由他們作服務）而且很多是馬馬虎虎，加上態度差，好像我們作客是不對的，有點像趕著，要我們快快吃完，我明白說話有鄉音，但可以慢慢講，但往往他們自己講完就算，我真是有時隻字也聽不到．不過我想強調，今天雖是中秋節，但今天真的不是太多人，我見有很多空位的．食物方面，上試有些可取，今之又是差了，用二千七百完一圍，吃的是那樣，真是要三思鹵水拼盤：鵝片，鹵蛋、墨魚、香腸等，一般貨色，沒有特別，鹵水味不夠炸雙棗：好像蝦丸，因我不吃蝦，但家人吃過，很硬身！鮑魚片扒菜膽 ： 完全沒特別，菜也很硬，

生日晚飯，一枱十幾人。1) 咸菜豬肚湯: 較淡，胡椒味不足，不過豬肚夠淋，幾好食。2) 鹵水拼盤：鵝片，鹵蛋、墨魚、香腸等，一般貨色，鹵汁味不夠濃。3) 風沙雞: 肉質不夠嫩滑 ，味道較遜色。4) 凍烏頭魚: 也是普通貨色，魚不夠肥，肉質較粗。5) 白雪尋龍: 即是蝦球加蒸蛋，又係普通料。6) 麻辣豬耳: 麻味夠，但辣味不足, 味道還不錯。7) 加拿大蟹伊麪: 蟹肉霉不新鮮，大扣分！！！！8) 糖醋麫: 外脆內輭，口感不俗。9) 蠔仔粥: 蠔仔有鮮味，火喉剛剛好。10) 蠔餅：太乾，煎過火了，不是正宗做法，似pizza多些。11) 豬大腸糯米卷：這個不錯，香而不膩，大腸加糯米口感特別。燕京大啤5蚊支，抵飲！埋單盛惠1,200，價錢算合理。整體而言勉强合格，用料和功夫有待改善；裝修環境服務尚可，可以有下次。

由於爸是上夜班的, 所以能一起上街吃晚飯的機會不多~今天有機會吃飯, 當然要選他比較喜歡的中菜~apm的中菜選擇較少, 加上這裡九時後有七折, 理所當然的, 一行五人就選擇這裡~等了約十分鐘, 就可以就座, 值得一提是這裡空調較大, 怕冷的要帶備外套~叫了九款1) 咸菜豬肚湯: 一般, 胡椒味比較輕, 姐較喜歡喝下去有重重的胡椒味~2) 鵝翼拼海哲: 我只吃了海哲, 爽口但味道有點怪, 但可以接受~3) 椒醬肉: 我第一次吃時很惹味, 今天冷了點, 只有咸的感覺, 味道較遜色~4) 汾酒牛X: 沒有酒味, 只是普通的, 但我喜歡吃~5) 卥水兩味: 選了大腸和鵝肉, 只吃了大腸, 有些不新鮮, 有陣味~6) 麻辣豬耳: 沒有麻辣味, 只有麻油味, 但味道還不錯~7) 炸多春魚: 好咸, 粉好重, 吃了一條便沒有再吃了～8) 沙薑雞腳: 沒有吃9) 川椒雞: 味道還可以, 但不太惹味, 可能是不夠熱~難得爸有雅興, 叫了一支啤酒, 另外姐及弟各要了一碗楊枝金露, 男友要了一支汽水~結賬共340.5~雖然味道不算太突出, 人手不足, 但一家人能齊齊整整吃晚飯, 實屬難得加上價錢尚算合埋,

一大班同事柴哇哇去吃晚飯, 有人請客, 在此謝過.鹵水拼盤 – 鵝片薄又不鞋, 但鹵水味很弱, 不香濃, 汁泛油光.XO醬炒吊片 – 雖然也炒得偏油, 但吊片是我至愛之一, 爽口彈牙.翅 – 雖然翅量不多, 但湯底呈奶白色, 鮮甜而不過杰.鮑魚片扒生菜 – 都幾重獻, 輕手些更好.魚湯浸什菌勝瓜 - 什菌也是我至愛之一, 什菌量多且清甜.蒸東星班 – 火喉剛好, 魚肉不鞋不韌, 算不錯.蒜香雞 – 幾香口, 但雞肉炸得偏乾也鞋, 好睇唔太好食.壽包 – 包鬆軟, 蓮蓉饀不過甜.

我們夾埋兩家人共十二人去食。本來訂左七點鐘，當晚六點三有個待應打電話來叫我地「早d到得唔得」。我問佢咩叫「早d」？（早十分鐘定早廿分鐘先？）佢猛咁話「早D」，我問左佢至少五次「即係要幾早？」到最後佢話「六點半」。大佬，當時都六點三啦，我約好晒人七點鐘嘛。我話「唔得喎，我七點鐘準時來有無位先？」咁佢又話有。我諗佢想我地早D去早D走做多輪生意啦，但都唔係臨到果時先叫人「早d到」囉。坐落，我地未點菜，有幾個侍應不停咁叫我地點套餐，但係套餐唔多合意，我就叫話我們散叫可以了。但係幾個侍應輪住鍥而不捨地推介我們點套餐，我話我想食的東西套餐無，所以都係散叫啦。佢仍然叫我地點半圍套餐，再散叫其他想食的東西。我拒絕左三、四次，都仲係sell。我諗佢地係收commission的。後來我點左風沙雞、龍蝦伊麵等，個侍應又sell一個「伊麵+炸子雞」的set，我話我想食風沙雞，炸子雞唔適合。佢話「風沙雞即係炸子雞」。我真係好confuse喎，風沙雞點同炸子雞呀？佢堅持話「我地呢度風沙雞即係炸子雞」。我覺得D侍應好煩。不過食物水準，可能我要求唔算高，都不俗的。但份量不太多。

今晚一行七人,訂左8點,但點知都要等到8:45先入到!有個客訂7:45,結果等足一個鐘!個個客都問個知客同一個問題?..."點解訂左檯都要等禁耐??"(包括我們).....如果訂檯時一早話要等一個鐘,我可以選擇唔食你!...但來到先話要等.我駛鬼訂檯!未食已一肚氣!一坐抵,無人理,可能太忙!點了八個菜,食物質數一般,比較細碟,要再加三個菜先夠食!如果唔係免茶芥免加一就唔抵食!總括......如果唔係訂檯個度安排禁差,論食物質數及價錢都算ok!

上星期四同同事一齊去食lunch, 但係... 冇乜特別, 又係果d野食, 不過就唔貴囉, 我地四個人, 叫左d點心, 潮洲併盤等等等等, 都係一人四十幾蚊, 唔駛五十蚊, 平過係footcourt囉.

先說早茶。點心一般來講都是水準以上，胡椒韮菜餅尤其冶味，蝦腸粉很滑，蝦也碩大新鮮；家母最喜歡吃潮州粉果，她說這兒的粉果是她吃過最好的喎；糯米雞也不錯，不過餡略少。甜的點心只試過奶黃包，是香滑而不是流沙那種，欠了點口感。早茶好像有優惠，三個人飲茶，埋單很少過一百元，每次都十分驚歎。宵夜時段由2100開始，有六折，每次一定會叫滷水併盤，鵝、掌翼、紅腸、豬耳、蛋等樣樣有一點，樣樣都好味，以前墊底有蓮藕，又軟又入味，最近幾次去是用白蘿蔔，味道差一點。蠔仔粥也是必選，一碗足夠兩三個人吃，蠔仔量很多，頗大粒，一咬下去便湧出濃烈的鮮味，但是蠔餅就不太好，像紙那樣薄，又不脆，還是喜歡一大團炸得又香又脆那種。這兒開到0200，我想是apm開到最夜的食肆，過了2300沒那麼吵，真是宵夜的最佳選擇。

同朋友食過好多次但都冇寫過這間每次都等20:30後入坐因為全部小菜7折鹵水鹵味5折，必食推介鹵水鵝片墨魚大腸鹵味拼盤全部都有蓮藕墊底後來先知可以改鹵水豆腐墊底，方魚炒介蘭，炸蝦棗，方魚蠔仔粥，川椒蝦球，咸肉炒津白，潮州炒飯，鹽焗雞，紫菜魚蛋河，細樽可樂＄10 三樽 以上菜式都係過往常食款式，另外全日免茶介加一　

　　同愛人幫襯過潮館起碼十次，試過佢的鹵水拼盤、梅子糖醋骨、石榴雞、原盅燉花膠魚翅湯、鳳尾魚及椒鹽九肚魚都係唔掂，惟一有兩樣野好食，就係潮州鹹菜同埋潮州粥。　　潮州鹹菜佢會送一小碟俾客人，但係我通常都會order一碟$30蚊。　　潮州粥我食過方魚肉碎粥及蠔仔粥，一窩$70蚊，一碗$35蚊，個人較喜歡後者，蠔仔夠鮮夠肥，無碎殼，絕對唔腥，而且剛好熟，口感唔韌。　　未改制度之前一碗$35蚊用大碗上，後來改用細碗，變相加左價。　　踏入鼠年之後都冇再幫襯，唔知有冇加價呢？

星期六晚同成家人同埋嫂嫂屋企人黎呢度見面食飯因為大家都係首次見面,於是...就好好睇睇帶黎呢度食飯見面及提親喇......8個人叫左個套餐$1480.....有鹵水拚盤.....竹生魚翅.....都幾多魚翅食既.....仲有虎蝦伊麵....D蝦仲細隻過草蝦......同埋唔Fresh囉....不過d麵幾好味.....仲有雙蛘炒瓜....一般一般啦....仲有呢...有大海斑.....um.....麻麻地....總知八樣野....齊晒.....不過食唔晒.....同埋冇先後次序落菜咁樣係一個大問題.....如果有埋甜品....會唔會落左甜品比我先呢....?今次就起親家面前有小小失禮晒囉.....