潮館 (創紀之城五期(apm)) (已結業)

30/03/09我家人約我在apm食dinner, 我dad話他同事介紹他食"潮館", 現在做promote 1 蚊雞有一隻雞, until 31/03/09, 所以我們當然去食番一餐!潮館在APM五樓, 吉野家旁邊, 雖然是商場裡面的一角, 但他的紅紅的招牌已經好容易看到, 裡面的地方好大, 沿途兩面都是開放式的房間及一張大圓枱,吊著好美的花燈, 適合for party 的客人, 佈置都好傳統的中式枱&椅,裝修好清雅,地方好乾淨,雖然是星期一, 但未夠7點已經有8成的客人, 氣氛好熱鬧, 1 蚊雞有1 隻雞的魔力真是好大!!!我們都是第一次在潮館食dinner, 都不知有什麼東西是最好食, 最後order了......潮州小炒皇$68有芽菜, 有韮菜花,加上有炸芋頭絲, 食落好煙韌, 好crispy...潮式煎蠔酪$70食落好似芙蓉旦餅, 好香口, 不過美中不足是d蠔太細, 食了都不覺是蠔, 再煎耐少少很好,點魚露幾好味...砵頭梅子穗香雞--$1有1隻,$0.5有半隻食落d雞酸酸地, 雖然好多油浸住隻雞,都不覺好油膩, 有梅子味的雞食落都好特別, 雞肉不是"鞋"口都好滑, 我們4人

原本以為一蚊雞優惠去到三月尾, 故今晚特地來潮館吃一蚊雞點知落單阿姐話做到四月尾, 咁早知就唔使咁急來吃我們一行九人, 同一個九個月baby吃了2砵一蚊雞, 糖醋面, 煎蠔餅, 煎南瓜餅, 老水拼盆, 一個唔知咩名的蛋白包帶子, 同埋唔記得左食咩. 可能因為識人關係, 之後仲有一打壽包送, 有功夫茶飲, 有流沙湯圓同楊枝甘露食, 真係好飽!我食左咁多, 覺得潮館的份量細左, 味道都退步左但個一蚊雞帶點酸香, 糖醋面又脆和香口, 楊枝甘露又好食過滿記n倍所以雖然比起以前有點失色, 但都係一間很不錯的餐廳最緊要係服務唔差, 款式又多, 又冇加一, 仲有一蚊雞promotion,所以, 我地四月一定有second try!9個人+1個嬰兒= $491= 超飽!

一位好耐冇見既朋友話想黎食雞. 又同左佢地黎食3個人叫左2隻雞同一碟沙茶炒麵$65雞就唔多講不過食過兩次潮館既麵, 都係麻麻上次糖醋麵, 出面雖脆, 但入面係林. 食得唔暢快今次既沙茶炒麵, 問過哥仔係炸麵黎原來係煎粗麵, 個配搭都幾新鮮. 不過我expect 佢係炸到鬆起既幼麵哩個粗麵, 同上次既糖醋麵都係一樣, 一餅野咁, 可能潮式既炒麵係咁掛.我就唔太喜歡食左兩次麵都係唔太得, 已經將佢既麵類black list牛肉有點韌不過沙嗲醬幾好食, 聞起好香

同屋企人近近地黎潮館食$1 雞叫左3隻雞梅子就唔係好覺, 有少少酸酸地既, 要好認真咁"答"先食到, 真係少少雞肉都好滑糖醋煎麵 $60, 哩個麵似值$1 多d.個麵外面脆, 但中間林. no good, 都係炸麵好食加d 糖同醋, 個麵都係不外如是.加d 雞湯仲好咁就$60, 真係食水幾深, 不過都幾多人叫喎每次黎都叫既雷沙湯丸 $16太飽, 冇食, 不過見佢地食d 咸滴晒出黎, 好多阿媽叫左個泥芋 $10原來用DBS 信用卡簽帳有糖水送, 送左馬蹄露本身唔太鍾意馬蹄, 所以都係一般

買左飛睇戲，唔敢行甘遠，所以就近近地試下呢間餐廳.裝修幾好.坐得好舒服.其食物不算太出色，也不會難吃.豐儉由人滷水鵝片: 這個比較入味, 鵝片肉也算鬆化。略油膩值得一讚的是煎蠔餅, 蠔的份量亦多.吃得出蠔的味道.極少油服務好一般，唔多夠侍應，叫order都要搵好耐至有人黎.免加一, 免茶介埋單合共一百元

是晚睇完戲.朋友建議話去打冷.一行三人便去了這間門外企咗大把等位嘅人等候取了一張輪候票.等2張枱後入座.店里滿晒客人全場得幾個侍應.因為太多人.叫極都冇侍應.等左十五分鐘就有一個侍應招呼.叫左都幾多野食凍烏頭.魚身肥美，有黃油.配甜豆醬味道更勝一籌豆腐拼鵝片.鵝片好淋.可惜豆腐於底部吸咗好多豉油.好喊而且很多油蠔仔粥.清清地幾多蠔仔好肥美.脹卜卜.粥夠熱.十分好味煎蠔烙.其實是煎蠔蛋餅多D.蠔的份量也很多.點魚露幾好食韭菜煮豬紅.豬紅夠辣口.韭菜鮮嫩夠惹味.甜品.桂花紅豆糕,幾多紅豆,有甜甜的桂花味.正路侍應都好ｎｉｃｅ.忙都會好好招呼面上帶有笑容環境方面幾優美.想搵個地方坐得舒服聊天 .哩度實在不錯.免加一免茶錢.價錢抵食

黎潮館食飯係好耐0既事lu..不過第一次黎寫~小菜好味啦!!! 9點後黎仲抵食今次係想推介,,韮菜豬紅..原來呢到0既好好味架佢個湯底(汁) 好正..好濃呀仲有dd蒜香味..我直頭飲埋d湯..如果9點之後黎食..仲有7折呀呢個小食..又好味又抵, GOOD!!

有一段日子沒有過來, 是日時間比較多.約朋友又來了這裡晚飯及聊天, 鹵水鵝片份量算大, 有的豆腐係底, 鹵水大腸相當入味, 份量亦多蠔餅 - 呢個煎蠔餅煎得好香脆.好似係我食過中最對味最好食的，凍烏頭,有啲鞋口烏頭質感係咁既唔難食,但又唔係好好食,方魚肉碎粥: 聞落好香, 食落味道亦不錯招呼麻麻, 禮貌一般.不過食環境.裝修是簡約清雅，給人一個舒適的感覺.朋友聚聚最適合不過.埋單唔貴都唔駛$200. 全日唔收茶錢加一, 抵呀!

今晚放工和朋友二人黎呢度食, 而家經濟真係好低迷呢, 人流吾算多, 不過黎得呢度食, 當然要試下一蚊雞,二人叫咗:一蚊話梅雞 - 真係好抵呀, 你叫一蚊雞, 侍應吾會覺得你cheap, 仲服務態度好好, 真係符合今 時今日既服務態度, 講番隻雞先, 都ok大隻, 味道都吾錯, 不過就好似無咩話梅味 但只係一蚊, 當然係物超所值啦卤水拚盆($80) - 味道ok, 但就略喊囉, 不過墊底既蘿蔔, 幾好食雜菜煲 ($58) - 呢個吾錯, 清清地二人共食咗$149, 真係好抵呀, 好飽, 見到好多人都係叫一蚊雞, 有d仲連叫2隻要encore呀, 唉. 呢個年頭個個都要睇住黎洗, 希望經濟快d好番啦

今日同家人一行9大2小去左APM 潮館開飯訂左七點半, 七點到已經滿左9成啦..仲有好多人等添..$1雞的威力果然勁!當然有叫梅子雞啦, 價錢夠吸引..食落有D失望,雞肉無質感, 唔滑,無味,唔好話梅子味,連鹽味都無..不過$1蚊就算啦..我地叫左2隻..不過食完一隻先準叫第二隻其他菜式就無特別,條大青斑就好值得讚既..好新鮮,好大條..岩岩熟...都係$188間野叫潮館,不過潮洲野就麻麻地啦!小炒都唔係好夠火侯...都唔知點解甘多人排隊可能係因為無加一,無茶位, 部份菜式有8折囉...感覺好似高級茶餐廳甘...

星期一晚黎試左一蚊雞喇,幾正呀坐窗口位,都叫做有D景睇添呢間推介係1蚊隻"砵頭梅子穗香雞"叫了以菜式:1.砵頭梅子穗香雞(一隻份量)味道唔錯,幾有雞味,汁帶點點鹹酸,幾惹味架2.砵頭梅子穗香雞(半隻份量)因為連女伴都話唔夠喉呀,要整多半隻3.方魚炒芥蘭,芥蘭脆嫩,配上方魚的香味,效果不俗呀4.豉汁蒸烏頭,魚味略淡,但豉汁的惹味補救番,合格咁啦砵頭梅子穗香雞一隻 $1砵頭梅子穗香雞半隻 $0.5方魚炒芥蘭 $36豉汁蒸烏頭 $48白飯一碗 $10合共 $95.50用DBS信用卡簽賬,每位仲有糖水送,今晚係送"馬蹄綠豆爽"總結食物味道ok啦,服務都幾好,你叫一蚊雞佢地都開心咁幫你落單,再叫亦冇話比面色你睇,好大方,環境同衛生亦不俗,一定會再試

早排同一班舊同事去食,好旺場,明明訂左位都要等,之後竟然被安排坐路中心!!!大佬我地10幾個人,應該安排大圓枱,竟然用幾張方枱拍成一張枱同坐路中心,叫人點食?結果被我地一行人鬧到個經理狗血淋頭先幫我地安排過另一張最抵食係果個18蚊既雞燉翅凍魚唔好食,可能雪左幾日先攞出來

和阿姨做生日, 就她來官塘.就食APM啦, 反正大家都交通方便點.姨只食中菜, 最後選擇了來食潮餐.來到勁多人等位, 好采之前訂了檯.真的估不到咁多人!入內裝修好靚, 清潔, 也光猛.有窗口位坐, 可見到街景, 不錯呢.但是坐到最入內, 冇人見到你, 也冇人理你; 有好有唔好啦.嘩有6折, 都係來到才知的, 唔當然唔complain 啦於是叫了:18蚊的菜膽翅梅糕骨蒸烏頭竹笙玉子豆腐糖醋麵蠔仔粥.冇叫滷味, 今天不太想食.菜膽翅都不細, 18蚊都已很足料, 有些豬肉, 雞腳等, 味略清.仲想點?梅糕骨一上, 和張相差什遠, 完全不是橙色的, 有少許酸但又說不上是梅味.骨都係約3cm 一條, 比起相短得多.蒸烏頭係用檸檬蒸, 食了少少檸檬, 勁酸勁苦; 烏頭肉質不差, 也不腥. 上有少許豬肉條的, 擺上烏頭上蒸, 好入味.但個人來說都係喜歡凍烏頭多好多.玉子豆腐ok 啦, 獻略厚. 菇多, 但菜卻不多.蠔仔粥係即整的, 要等一陣; 蠔仔都有不少, 味不錯.糖醋麵不算肥了, 但可煎脆點就更好. 已切好4x4 即16份, size o岩好一啖一塊.服務方面, 人手極不足, 我們又坐於角落位

一行八人點咗啲大路潮州菜：胡椒豬肚湯：味精超勁，味唔濃，水咁卤水鵝片：一般水平煎蠔餅：比較好既一個菜豬紅韮菜：好鬼咸沙爹牛河：一 pat 嘢水晶飽：ｏｋ仲有啲其它嘢都唔記得喇，因為唔好食。唔知仲咩，好鬼旺場，所以十世都無人應你，伙記少到暈。走既時候門外仲大排長龍，真係搲晒頭。

星期六,不用上班就一家人黎呢度飲茶兼食埋lunch 了。10:15拎飛,10:45 已經可以入座。11點前仲有特價點心。不是想吃什麼特色點心,所以叫了一些特價點心,旨在飽肚。煎炸的,通常不用等太耐。芋蓉煎堆,芋蓉煎餅(不記個名),日式餃子。也是普普通通。陳村粉,叉燒飽, 不是我杯茶,所以無食小籠包,有湯汁,熱辣辣。一口一件, 正!XO醬羅白糕。眼見好多人都有叫樣點心。羅白糕沒有料,另加小量XO醬炒起,水準及味道都一般。鳳爪排骨飯,肉片飯。沒有早上吃飯習慣,所以無食。鳳爪不錯。叫左「黃金豬」(類似名字), 都無黎到。值得一提,座位好唔舒服,頂腳。坐卡位比較舒適。