潮館 (創紀之城五期(apm)) (已結業)

某日朝早11:00, 睇下apm有咩食......利苑11:30先開, 唯有試下同層既潮館潮館係稻香集團旗下, 應該都唔會差得去邊呱.........叫左 :鳳爪 - 一陣雪味, 又唔熱, 又唔入味蝦腸粉 - 我以為自己食緊粉果層皮, 又厚又un, 每條腸粉只有一隻蝦蝦春卷 - 只食到春卷皮, 蝦肉只有少少, 係少得好可憐個種炸鯪魚球 - 正常, 不過冇介蜆醬蝦餃王 - 正常, 不過食得出d蝦係細蝦整奶王卷 - 正常不設茶芥/加一, 埋單$130.點心多是大點, 特點, 搵唔到有小點我未食過夜晚, 唔知有幾好. 不過早市就一定差食街邊up dup點心都好過呢度

明知是稲香集團下之店舖，信心希望有保證,可惜...事與願違二時入座的下午茶，排隊者眾，在帶位待應下剛入的十步還可以,越入越...枱椅比人感覺好舊，好地灘，膠碗又舊又退色,感覺由如自身在官塘舊式酒樓一樣，算吧...記坐之就安之!叫上了差不多十一樣食物,包括...鹵豆腐拼鸭踭（勁唔好食、好似頭頭尾切完唔要拼上喋）蝦腸,綠豆爽糖水（好稀）,魚球,蝦餃,還可..擂沙湯圓都唔錯九菜、豬紅（又老又鞋）全碟食咗兩件豬紅,就..放...氣...雞扎（無味）小籠包（全冇記憶）埋單冇茶芥/同加一好似food court咁比食物錢就可$223.

十月七日 (星期五)老公仔中學時期熱愛做義工認識了是晚的好朋友,更認識了一些需要幫助的人白駒過隙,十年過後,再度重遇,是晚來過重聚醉翁之意不在酒,隨便點了一個套餐就是了以下略略介紹原隻鮑魚,入口頗鮮頗有嚼勁,汁也扣得甘甜有點喜出望外傳統的鹵水拼盤份量夠,略嫌鹵水鵝肉較韌反而鹵水豆腐頗入味梅膏大蝦頗入味蝦肉還算爽口,頗大隻的酸酸甜甜,老公仔為我和好朋友拆蝦殼忙得不可開交呢!花姿片很煙韌炒得甘香,地瓜很爽口是日推介材料足,而且真材實料班腩肉質煙韌,很鮮甜豆腐滲入魚香,也倍覺美味雞肉有點韌,而且沒什雞味不宜為此浪費肚內空間很大個的壽包遺憾只有蓮蓉,沒有蛋黃,未能盡興我們獲安排的枱較準了冷氣口位置餸菜到來不消一會就立刻變凍希望店方要留意這點整晚有說有笑,大家都不亦樂乎正如老公仔所說,下次再聚不用再十年!

在apm只有1間酒樓.如果計服務,就不錯,至少待應肯同客人交流下.客人不滿.也盡力解釋.是在這個集團的飲食經驗.服務係最好二間.點心拼盤:16元.6件不同點心真係便宜.不過味道不可要求太多.熱度不足.味道比超市點心還差.只可說價錢補救.炸雲呑:呢種食物.雖則微暖.但尚算卜卜脆.表面也無油...不錯...潮州糖水:綠豆茸,味道較淡..不是太甜...合格總括而言.十分平淡

今晚我爸媽提早和他們的新抱仔(即係我老婆)食生日飯,媽咪早排睇報紙話潮館有個套餐幾抵食,尤於約埋我外母嘅關係,所以選擇咗apm間潮館,因為我外母住附近,商場有泊車優惠,消費滿$100有1小時免費,如此類推最多3小時,所以駕車來都很方便,我們叫了個名為(潮●雨影仁霞)的套餐,足12位用,可以有半席足六位用,半席$588,有8樣菜1碟伊麵加6個壽包,算幾抵食.鹵水唔夠香唔夠濃,品質一般.香脆黃金炸得幾脆,咬落有芝士流出來,但芝士味爭少少.鮮甜足料,唔錯.有脆玉瓜,雞肉和花姿,幾惹味,脆玉瓜和花姿片都好爽口.咁多樣菜,最名貴,但冇尼聞味,完全唔好食.條魚都算新鮮,而且蒸得幾滑.用啲腐乳煮,但可能啲腐乳唔靚,腐乳味唔香唔好食.雞肉質都算幾滑,但汁嘅味道就好一般.這一餐雖然唔算太出色,但加埋伊麵和壽包都只係$588,仲唔駛加一,茶錢,抵食搭夠啦!

:潮樓位於旺角新世紀原來佢夜晚九點後就做六折架喇!我地為左食打冷野就等九點不過佢既打冷就一般始終都係真正既打冷鋪好!凍大眼雞佢個醬汁真係好入味同條魚好夾我係咁'梅'個汁再黎粒粒梅高骨佢抄完個排骨再加埋蕃薯粒好味!!金菇牛肉粉絲煲通常有d粉絲煲放耐左會好'傑'但佢又無喎!唔錯唔錯!鹵水拼盤真係零感動又唔入味d料又霉無左個個衝動去享受佢!海鮮羹原來羹係唔可以凍/暖咁飲因為一放耐左佢就會原形畢露超咸.___.所以話你落得多味精係會飲得出架都係屋企湯水最好!下次我想打冷都係去街邊個d喇!四個人 每人150-200蚊

睇open rice見到啲人叫平，又話好好味，仲無加一，上來試下。真係無加一，不過唔算平，埋單$238，叫咗一set $138: 茄汁大蝦 & 胡椒豬肚湯、$80潮式拼盤，1粥1飯各$10。９點後六折，真係要９點後落來食宵夜先會平。潮式拼盤：真係唔錯，唔會太醎，唔會太多豆腐芽菜放底，只有少許蘿蔔喺底；茄汁大蝦：好好味，夠晒入味，食到我口lam lam；胡椒豬肚湯：好醎，根本唔係湯，醎到飲唔到，太多醎菜，成兜剩返晒，無乜食得到。

前陣子路經apm, 見這間潮館的晚飯很抵食, 於是一家人來吃晚飯. 當晚食客不太多, 雖然侍應推介套餐, 但不大合口胃, 所以我們從餐牌上散點了以下菜式:海哲拼鴨舌 - 海哲拼鴨爽口, 麻油味香; 鴨舌味濃但肉不多, 當然味道比台灣的老天祿差得多.鹵水鴨腎 - 又一爽口小吃, 鹵水味不重, 可惜量不多, 除了最上層是鴨腎外, 下面全是大豆芽, 有點搵笨.蟲草花燉竹絲雞 - 一直以為蟲草花沒有甚麼味道, 又沒有藥用價值. 原來, 與竹絲雞煲出來的湯味道很甜, 十分好喝, 而且蟲草花本身也很爽口, 而藥用價值也不俗, 實在是意外地好!XO醬爆象拔蚌 - 微辣的XO醬用來與象拔蚌和翠肉瓜, 雲耳等同炒, 味道很配合; 象拔蚌和翠肉瓜都很爽口, 但可惜象拔蚌較少.特脆蝦卷咕嚕肉 - 蝦卷很少, 每人連一件也沒有, 香脆但不算特脆; 咕嚕肉則沒甚特別.梅糕骨拼香酥鴨 - 梅糕骨的味道和咕嚕肉相似, 香酥鴨則一般而已.川椒雞球 - 整個菜都比較油膩, 川椒味道一般南瓜海鮮煲 - 南瓜沒有吃, 但據說不錯, 翠肉瓜OK, 海鮮種類少, 一般貨色. 整體來說份量算多, 味道偏濃郁, 上菜速度很快;

去飲茶,點心好普通,但係叫左碟煎蠔餅,真係好得呀!好脆好新鮮,但係唔太油,好多脆邊,蛋同蠔都好味,唔會腥,七十蚊一碟份量好足,夠五六個人食,絕對值得叫!另外推介蠔仔肉碎粥,一窩七十蚊,夠六個人分,又係好足料,食左一碗都飽左一半,不過唔及煎蠔餅咁吸引。點心係普通,不過都可以試下千層馬拉卷,一籠四係,好似迷你瑞士卷,唔太甜,唔太漏,一件細細岩岩好,OK啦!服務方面麻麻地,可能午市多客啦,有時唔係好搵到人理你咁囉…

預先訂位, 一行9人到潮館晚飯, 圓枱和餐牌都大到不得了...一氣過叫了10樣野: 1. 壹蚊雞 - 晚市6-9時可以$1食一碟雞, 味道似豉油雞, 雞油好滑好好味!2. 鹵水鵝片 - 到潮館食潮州野應該好掂, 的確不出所料, 很好吃, 但以$90黎講, 份量略小... 3. 川椒雞球 - 味道特別, 賣相不錯~4. 子班腩煲 - 熱燙燙, 班腩少, 但好似有些豬頸肉的物體~5. 南瓜鮮煲 - 南瓜&翠肉瓜好味, 海鮮都算多... 6. 沙嗲牛肉煲 - 冇驚喜, 可以不試... 7. 欖菜肉碎四季豆 - 略油, 但好味~8. 蟹肉津白 - 唯一不太濃味餸菜, 蟹肉鋪滿成個碟, 正!9. 蠔仔粥 - 蠔仔寥寥可數... 10. 沙茶牛河 - 正!整體: 份量多(最終食唔晒要打包), 味道濃(好夠味), 上菜速度高, 侍應效率低晚飯完畢諗住叫人收碗碟, 叫左幾次先有人收, 點知黎收個陣, 侍應竟然問: 係咪有蛋糕呀? 「神秘蛋糕」穿晒煲!!

好耐冇去潮館，所以一家三口嚟飲下午餐。其實味道方面，只屬一般， 勝在價錢平，免茶、芥同加一，所以就算服務差，味道嘛嘛，間唔中都同家人幫襯一吓。今日叫了任選套餐，午市要$138，下午餐時段實收$108，另加三樣點心。套餐叫了茄子龍脷球煲，份量夠大煲，味道好濃同偏鹹，茄子同魚塊都用油炸過，齋食都幾油，叫碗白飯一齊食會好少少。蒜香雞粒炒飯好油膩，雞肉好乾，整體味道嘛嘛。沙薑雞腳味道偏鹹，雞腳整得唔夠腍，好硬，老人家同細路唔係好啱食。點心叫了家鄕咸薄罉，材料唔多，粉漿質感軟糯，可惜有少少油臆味。潮州粉果，外皮算煙韌，沙葛同花生餡爽脆，但調味過鹹。叉燒腸，粉皮厚，質感唔滑，叉燒味道一般。此餐埋單$159,論價錢尚算實惠，味道就認真嘛嘛，不過純粹用來填飽個肚嘅話，我會繼續幫襯。

來到觀塘，如果怕戶外打冷會冬天太凍，夏天太熱的話，大可以考慮到這個商場內的餐廳，雖不是裝修豪華，但都算是坐得舒適。不能錯過的潮州菜式當然是咸菜豬肚湯、鹵水拼盤及煎蠔餅。這個菜豬肚湯在天氣涼時進食絶對是最佳之選。辣辣的黑椒配上咸菜，惹味之餘還十分暖胃。豬肚亦煮得夠軟，絶對可以在不顧它的膽固醇有多高的情況下而盡情地吃。鹵水拼盤的表現就一般。鵝肉、紅腸、蛋、魷魚等材料都有，只是味道尚可而已。蠔餅就算是合格吧。薄薄脆脆的。唯一個人不喜歡的就是蠔仔不夠多。除了這些，今次的用膳還叫了其它的小菜。首先是南乳豬手。豬手夠軟，加上南乳的味道及蓮藕的配搭，真的很可口。另外一味是紅燒豆腐煲。雖然是放在一個煲仔肉，但豆腐的皮仍可保持煙韌，而內裡就十分軟，不錯。最後，點了一個雙拼套餐，有龍蝦伊麵及炸子雞。龍蝦伊麵就一般，伊麵較碎。炸子雞就不錯，最重要是外皮夠脆。

潮館-我唯一的宵夜首選勝地。 9點後很多食物半價，但質素依然都維持住。這是絕對吸引身為潮洲人的我去進吃。在10號，跟朋友在這吃了團年飯慶祝新年。不錯的一餐飯。質素也是不錯。價錢絕對是我們這些平民可以負擔的。

這是第一次在apm 飲早茶,潮館是朋友的推介 ,試過感覺不錯，可以推介！早上的apm是難得的靜悄悄， 我們八時多到達不必等位 , 多好!踏進潮館， 已聞一片熱鬧之聲，不少街坊已在嘆茶我們在靠窗的坐位坐下，窗外是無敵觀塘街景。觀塘酒樓多，但能居高臨下飽覽街景的是鳳毛麟角。鮮蝦腸粉、擂沙包，XO醬炒蘿蔔糕、燒賣和杞子椰汁糕為我們點的食物，先上的竟是甜點杞子椰汁糕，感覺有點怪！ XO醬炒蘿蔔糕是朋友推介，蘿蔔糕切成一小口, 拌有炒辣辣的XO醬，好惹味！ 擂沙包味道不錯，涵料頗甜，可能不是人人喜歡。最緊要免茶位免加一，望住太陽照射下的觀塘樓景也讓用餐心情好了不少！輕鬆嘆茶，品味美食和好生活，我就是愛這種從容不迫的感覺!

今天休息本想再多睡一會 , 但要陪奶奶+姑奶飲早茶 , 9時到達不必等位 , 她們每日必來飲茶因為抵飲 , 三免免茶位免加一還有一免忘記了!抵飲但出點心慢 , 有時要等30分鐘才有點心吃 , 雖然抵飲但要與其他人同桌 , 因為多是大桌好多時同一桌分座了3,4班人這是我不太喜歡的地方, 味道一般 , 早上多是公公婆婆光顧 , 今天吃了8碟點心$77算是抵吃吧!上星期來吃4人晚市套餐4碟小菜$498味道不好不抵吃 , 大蝦伊麵沒味道 , 什菜粉絲煲一般 , 潮州鹵水拼盆很咸 , 全晚最好吃是清蒸多寶魚, 全晚的菜被奶奶彈到一文不值 , 以往來吃小菜打冷味道比現在好多了, 是換了廚師嗎?! 晚飯不會再來了!