更多
2011-04-02
29 浏览
好耐冇去潮館,所以一家三口嚟飲下午餐。其實味道方面,只屬一般, 勝在價錢平,免茶、芥同加一,所以就算服務差,味道嘛嘛,間唔中都同家人幫襯一吓。今日叫了任選套餐,午市要$138,下午餐時段實收$108,另加三樣點心。套餐叫了茄子龍脷球煲,份量夠大煲,味道好濃同偏鹹,茄子同魚塊都用油炸過,齋食都幾油,叫碗白飯一齊食會好少少。蒜香雞粒炒飯好油膩,雞肉好乾,整體味道嘛嘛。沙薑雞腳味道偏鹹,雞腳整得唔夠腍,好硬,老人家同細路唔係好啱食。點心叫了家鄕咸薄罉,材料唔多,粉漿質感軟糯,可惜有少少油臆味。潮州粉果,外皮算煙韌,沙葛同花生餡爽脆,但調味過鹹。叉燒腸,粉皮厚,質感唔滑,叉燒味道一般。此餐埋單$159,論價錢尚算實惠,味道就認真嘛嘛,不過純粹用來填飽個肚嘅話,我會繼續幫襯。
其實味道方面,只屬一般, 勝在價錢平,免茶、芥同加一,所以就算服務差,味道嘛嘛,間唔中都同家人幫襯一吓。
今日叫了任選套餐,午市要$138,下午餐時段實收$108,另加三樣點心。
张贴