潮館 (創紀之城五期(apm)) (已結業)

睇open rice見到啲人叫平，又話好好味，仲無加一，上來試下。真係無加一，不過唔算平，埋單$238，叫咗一set $138: 茄汁大蝦 & 胡椒豬肚湯、$80潮式拼盤，1粥1飯各$10。９點後六折，真係要９點後落來食宵夜先會平。潮式拼盤：真係唔錯，唔會太醎，唔會太多豆腐芽菜放底，只有少許蘿蔔喺底；茄汁大蝦：好好味，夠晒入味，食到我口lam lam；胡椒豬肚湯：好醎，根本唔係湯，醎到飲唔到，太多醎菜，成兜剩返晒，無乜食得到。