潮福蒸氣石鍋 (已結業)

自從在青衣吃過一次潮福的海鮮鍋, 味道新鮮好吃, 草帽把海鮮汁鎖得充滿水份, 一直都想再去. 介紹了給很多友人, 吃擺都說我沒介紹錯, 可惜大家都因為那"海鮮價"而長嘆~ 從同事口中得知最近潮福轉了做任飲任食, 還記得上一次人均消費四百元左右, 任食應該會抵好多, 起碼知道 budget, 不用就住就住, 可以任點. 而且蒸氣鍋任食是第一次見, 我第一時間又組團去吃. 任吃有分三個時段, 中間的時段較貴, 但時間就腳,$338. 點菜紙是一臺計的, 裡面食物的數量是一人計. 西洋菜唐排每人一盅的老火湯, 令整餐蒸氣鍋都弄的很健康養生. 老火湯很油, 最好自行把油份掉走才飲用, 那層油, 表示那湯是原盅蒸的而不是一大鍋煲好再分盅吧.而老火湯雖然味道不太濃郁, 但原盅煲真夠誠意.先上海鮮定食中的貝殼盛盆包括花甲公和花蜆. 花甲, 蚌花甲是蜆類中算得上鮮甜, 產量多但價錢都不算太便宜, 花甲公顏色紅紅的肉質有嚼勁. 花蜆和蚌很大隻, 啖啖肉, 乾淨無沙, 顏色金黃, 見到蜆汁都流落去低層的粥裡, 很滋味.南非龍蝦每人半隻很大堆頭, 而且龍蝦比臉蛋還要長. 龍蝦肉質未算十分彈牙, 但很多肉

今次食飯真係有種下次一定要睇清計楚既感覺, 食海鮮真係唔會亂黎想黎幾次, 今次終於黎試到! 我諗次再黎要諗吓先!坐底唔知點叫, 問服務員佢只係話出去點海鮮, 我緊係問有冇餐牌! 望到餐牌就預算點蟲草雞半隻, 梅菜蒸菜遠! 其餘去咗另一邊水池點海鮮! 首先唔記得睇吓openrice 咩comment ! 失策其實冇諗過貴得咁過份! 叫咗蜆 - 呢個都價錢可以接受, 咁多樣黎講呢個最鮮甜花竹蝦 - 三百幾兩隻, 都好食多肉聖子 - ok, 加咗蒜蓉粉絲上面蒸, 冇咩特別蒸扇貝 - 大隻都好鮮, ok花蟹 - 呢個誇個價錢, 大拿拿七百幾蚊, 好鮮但唔洗咁貴呀蟲草蒸雞 - 都唔錯尤魚 - 普通粥底(加元貝)- 呢個好好味, 因為蒸完啲海鮮汁落晒去, 原汁原味好甜其實唔係咁貴都係唔錯既, 蝦蟹小心計住黎食會好啲 我全餐共二千幾... 真係睇到張單都覺誇!

大概上年(或前年)在大台看過飲食節目有間用「草帽」蒸海鮮的食肆之後每次有人話「食蒸野」、「食海鮮」我都會問：「係咪草帽個間呀？」佢的形象早已深入我心佢服務風評不佳我也是知道的佢收費不便宜我也是知道的為左讓自己有更多心理準備預先睇左很多負評，預先睇左「技巧樹熊」寫的「給最有霸氣的知客」一文預先睇左各項食物的價錢預先同所有朋友講「不要遲到」、「訂左到齊都要等架」、「會被趕走架」……瘋狂密集式洗腦之下，大家都READY了咁就開始啦！瘋狂whatsapp定位追踪朋友位置(不要遲到x3)勁早到兼齊人 (一周前已訂左7:30)當日生日的朋友A亦不敢遲到，仲上去巡視一round先我一到場即衝去同知客小姐舉手報到，佢算特幾有禮貌，說話亦有口音「究竟佢係咪傳說中的霸氣知客劉小姐呢？」佢沒有掛名牌，加上我尚未入座，我不敢貿然造次，免得打草驚蛇果然即使訂了位仍然要等但有位坐，吹吹水，冇乜人爭，冇受難堪待遇在大堂坐到7:50左右，入得！心情就像3T過頭關咁「YEAH」出黎！座位寬敞，可愛的草帽已擺在檯上其實我內心好想將草帽放在頭上影相，但理智阻止左我要自己出去揀海鮮事先正想同朋友夾夾，揀d價錢公道的海鮮免得中

諗住食做冬飯去試下啦!老爸話蘇施黃介紹.價錢偏貴都算都預左，出街食海鮮係咁上下。點知枱面有小強曱，全程望住你食野(應該死左係度但冇人抺枱清左佢)。。。另外食具都污joe個不銹鋼蒸架有上一手食物殘渣。唔會再去。失望。

今日又做冬，今次適逢侄仔在英國回來放聖誕假，所以家人就建議來這家貴夾唔飽既話題酒家，其實我已是第二次來潮福蒸氣石鍋喇，黎之前已提醒過家人，這裡真的是旺角地區收緊中半山價錢架…但大家都好有期望，那就小心叫菜喇!! 哈哈!! 這裡的蒸氣石鍋與時興的九層塔唔同，佢檯底有個蒸餾水水桶(當然用水喉水架喇)，將加壓水蒸氣迫上檯面那黑色的瓦鍋底，開爐既時候鍋底就好像火山爆發咁滋滋聲噴出水蒸氣，職員就將生米同肉粒南瓜等放在鍋裡，到時蒸不同的海鮮時，連同D肉汁滴到鍋裡，食到尾就會生成一鍋好正既海鮮南瓜粥，當然我就叫大家記得留肚最後刷翻兩碗靚粥啦！我地人多佢就比大房我地，服務好D，個代價就係超凍，凍到飛起，大家下次多人黎就要注意喇！佢地個海鮮吧應有盡有，有聖子象拔蚌虎蝦花蟹肉蟹帶子生蠔花螺扇貝元貝外，還有虎斑星班鼠班等，經理會伴住我地一起揀，你會發現經理大哥最常講既果句就是"一斤唔夠架，兩斤好無？"…...人地開咁多間分店一定有佢原因既，你地話係咪?! 哈哈!!今次都叫左好多靚海鮮，但呢到出名既唔單止蒸海鮮，還有馬拉糕同糯米飯，有小朋友都要叫架啦！這裡好Professional, 有個專侍候我地呢台既阿姐

這天去了潮福, 就算book 了位, 門口都要等上15分鐘也不是第一次食蒸氣火鍋, 但都被桌上的蒸罩吸引住目光, 好得意呀! 我們出了去揀食材,  基本上海鮮為主, 而且來自海外, 價錢不便宜哦! 另外, 我們可以在外面隨時揀選醬汁配料, 選擇很多呢!! 有 剁椒,炸蒜蓉, XO醬, 花生醬, 莞茜, 沙嗲醬 ,蒜蓉, 蔥, 桂林辣椒醬 , 甜醬, 菜甫但最後我們都發現海鮮都很鮮, 其實沒必要用醬料把味道蓋住, 都沒怎麼用上 食這個懶人餐全程會有一位員工在場幫忙下廚, 因為所以食物是一盤蒸完才來一盤, 有別於出面的層層塔而且側邊會有 timer 計時! 海鮮都在剛好的時間即食, 不會出現 over-cooked 的問題 排骨粥 ($60) 做底, 會一邊蒸海鮮, 一邊煮粥, 海鮮的鮮味都在最後滲入在粥中, 值得一試!! 紐西蘭鑽石蜆 ($148):很大粒的蜆, 只要蒸上4 分鐘就可以食, 超鮮甜而且多汁!! 大紅花蟹 ($684): 這個是鮮, 但要用超貴來形容! 一隻$684......而且店員很不老實, 我們在點單時叫他幫我們量一量幾錢, 問了3 次都唔肯! 再鮮都覺得被騙了! 紐

朕呢期成日覺得口淡淡，隨從們就提議去食海鮮，仲要蒸既添，咁咪仲口淡淡，但隨從們堅持試過先知！好朕就去試下！朕聽講呢度啲阿姐好有霸氣，但係朕又唔係好覺喎。呢度個餐牌除左有啲餸名同價錢，仲有既就係蒸既時間，當隨從們興高彩烈咁叫完啲海鮮之後，阿姐就張啲米同排骨，南瓜同埋蒸格放落去個鍋度，唔使加水，跟手揾頂草帽放喺上面！準備完了！清蒸花蛤皇，餐牌寫住需時五分鐘，隨從們準時五分鐘開帽，點知全部蜆都未開口，呢個時候有個阿姐由橫邊閃出，緊係未得啦，繼續蒸啦！跟住阿姐就全天候監控，隨從們就唔使睇火，剩係掛住食就得啦！花蛤皇味道鮮甜，肉身夠厚又有咬口！蒜茸蒸開邊中蝦糯米飯，開邊中蝦有膏夠香，蝦肉又夠爽口，而蒜茸亦無搶過中蝦本身既鮮味，在蒸既途中糯米亦吸收哂啲蝦膏同埋蝦汁，令到糯米香軟稔口得黎，又有蝦既鮮味，識食既就緊係食糯米飯啦！肉碎蒸什菌，肉碎先炒熟放上面，在蒸既途中什菌吸收左肉碎既肉汁，肉香味濃，什菌爽口。蒜茸蒸日本大元貝皇，元貝皇新鮮新甜，肉質爽口彈牙，蒜味香濃，即蒸即食，食海鮮最緊要鮮味！薑蔥蒸美國石蠔，蠔身飽滿，加埋薑蔥同埋油，令到食落更加滑口，不過鮮味就稍遜！最後就緊係主角，精華所在既新鮮排

雖然訂左位，但早左到都要等成半個鐘先可以入。一坐低就見到里頂好得意的草帽，我諗應該係用黎保溫的😁坐低無耐，啲姐姐就叫我地自己出去睇下有咩海鮮想食，即叫即磅。見到海鮮選擇唔算好特別，都係個啲基本野：魚蟹蝦聖子帶子鮑魚蜆本來上網見到啲人食鑽石蜆好大隻，點知道今晚無囉，姐姐就推薦里雙蕃薯蜆，聽都未聽過，不過見佢夠大隻好像半隻手掌禁大，就叫一斤試下啦，百五蚊左右一斤有九隻。蒸熟真係幾鮮甜的👍🏻👍🏻👍🏻推介老虎斑-見到幾靚咪要件魚腩試下，因為朋友唔食骨😊里一味係唯一一樣無問價錢，點知十兩重埋單要三百蚊😱😱😱㕷有啲貴囉😓😓不過味道可以的生蠔唔算貴，一斤都係二百蚊啫，肉質好厚，剛拿來的時候啲蔥只有小貓三兩條，叫姐姐加多啲啲都無黑面😊😊生蠔底下放左少少粉絲，不過一路蒸住食，淋晒⋯⋯最重要係啲生占蠔上桌之前應該係用味精整過，食完喉嚨超乾好唔舒服😢😢蟹飯味道可以，但係貼心的店家將隻蟹壓得太碎，啲殻掉左入去啲飯到，要小心👎🏻飯的調味差左小小咸味，要另外加鼓油。（都係木有味精）最後試下個粥底，無大家講禁有海鮮味，感覺只係普通的排骨潮州粥😓都係飯還飯水還水講真，貪新鮮試下就可以，下次應該唔會再試。因為同樣價錢我

聽聞時興蒸汽火鍋⋯⋯慕名而來。係旺角，上綱查到地址電話，8:15pm打電話過去訂台，知客姐姐話冇枱吖，你過來等啦，去到都系冇枱，但系話等到9點就可以有8折，卒之等到930終於都可以上去...一排好似街市的海鮮檔咁卑你揀,揀左象拔蚌仔，元貝，賴尿蝦，肉蟹糯米飯，蒸茄子，蒸雜菇,仲有半打花卷包。坐了十幾分鐘，個爐仲未見有動靜，吾係甘黑仔丫嘛，好彩隔離枱都走啦，部長姐姐幫我地轉過去，終於都可以開始啦⋯⋯先來大元貝，姐姐幫我地較好時間，蒸到啱啱好，吾錯，,再來象拔蚌仔，可惜老左少少食落去韌，咬吾到，由於肚餓的關係，要求䒱左蟹飯先最滿足的是未䒱的賴尿蝦摆係隔離車仔個碟仲郁緊...蟹飯蒸好個飯嫌硬左少少，茄子同雜菇就要點醬汁先食到，實在太淡味啦⋯⋯食左几樣,覺得味道太寡啦，貪新鮮食法，試過就算，還是喜歡厨師煮出的美食總括來說招呼還是不錯的，價錢人均$400，還是偏贵，這個價錢，可以選擇更多⋯

用蒸氣石鍋蒸海鮮是近年潮興煮海鲜方法，朋友大力推介，大家即管去試試吧！訂位時没有告訴我們要限食一個半小時，有朋友遲到，所以我們在短短九十五分鐘食完所有海鲜，簡直是一大挑戰，燙到咀都熟 大家一坐下就要被迫揀海鲜，食海鮮當然海鮮價，好彩所有海鲜質素不錯，揀完後會送入厨房清洗調味，大部份都加入金銀蒜，超好味。最值得試是粥，海鮮汁流入粥底，加上珍珠米，超甜無比，非常好味。

今日成家去試呢個石鍋，好緊張!! 之前試過韓國果隻9層塔 ，我就覺得OK但冇咩特別，因此一次過蒸好多款海鮮，沒有計時，全程自己處理，有時煮得太耐，有時又太熱唔知點拎出黎..最後海底打邊爐，但個湯底就同海鮮冇乜關係，今次呢個逐款上，又有專人計時同埋專人SERVE，最後用煮海鮮的倒汗水煮粥，所以好好多，又特別。因為肚餓，先叫了幾個前菜，應該係話所有唔駛煮可以即食的我地都叫了，海哲青爪 + 豬手 + 口水雞.. 我認為3款都冇咩特別的...味道正常之後佢將米、少少南瓜同豬肉放係鍋下面，再放一層有窿的架係上面，就可以開始煮海鮮了!!第一款是虎蝦...好大隻好新鮮，有兩隻放左上台仲有郁..好驚呀!! 之後食大蜆，有少少咸水味，好鮮甜，好味!! 跟住就係魚，鼠斑...好滑，好鮮甜，好味!! 再之後就到蟹...味道冇咩特別..亦唔算好肥大，偏瘦...象拔蚌SASHIMI，三文魚SASHIMI，味道都幾好!叫左豬肉丸，意想不到咁好食，好滑!! 帶子，就加GARLIC同粉絲，但帶子唔係幾好味，唔鮮，而且我地一致認為好似唔係原隻的，意思就係用左個殼，但粒帶子唔似係一齊

今日我黎堅尼地城呢邊探下朋友順便周圍行下，點知玩下玩下又到左食飯時間，跟住就同佢落街睇下有咩食喇，之後過左無幾耐就見到呢間潮福，之前係MK都有見到想試一直無去到，今日咁岩見到於是就即刻同朋友入去試下同睇下好唔好食。一入到門口，就看到濃濃的蒸氣同埋聞到蒸海鮮味。之後我地就開左個靚位，一坐低就見到個好似粗繩帽咁嘅野，真係好鬼新奇。之後我就食住花生坐定定睇下餐牌有咩食咁，點知一睇發現原來都真係幾多野食下，有好多款海鮮，肉或者青菜，真係令人花多眼亂。跟住朋友同我就發揮左我地大胃王嘅本色，叫左好多唔同類型嘅肉同海鮮，再加埋個細嘅排骨粥底。等左無耐，首先係個粥底黎先，侍應將所有材料放入煲底，不過呢度有樣野好特別嘅就係餐廳一開始係唔會加入去架，倒晒啲材料入去之後侍應就開了蒸氣爐，當蒸氣爐預備好可以開始煮我們的晚餐時粗繩帽就會透出一些蒸氣，就好似話俾我地聽I am ready一樣。跟住職員就將我地嘅第一味海鮮(鈕西蘭鑽石蜆)放左入去蒸，跟住過左一陣就蒸好了，當一打開粗繩帽，就見到隻隻蜆都開晒蓋，之後放入口時完全食得出蜆果種鮮味，根本完全唔需要點其他調味料，淨係食佢本身個味都已經好足夠。係我地食緊嘅同時

引言: 寫此食評之前其實擱了一大段時間沒有寫寫寫了。今天真的又有新奇美食刺激到本小姐的寫作雅致，所以都係決定寫返啦。來來來！生於「有圖有真相」的年代，小的用了幾分鐘collage左食物相給大家參考參考一番。這間位於登打士街、即女人街廣華入口 靠左行幾分鐘的「潮福蒸氣石鍋」是屬於厚福集團旗下的，相信短期能於港九新界開張達6間亦是該集團好有決心的一次美食大革命，誓要從年輕人市場上分一杯羮。呢個進取而富有野心的商業決定雖暫時未foresee到長遠目標既sustainability，但就飲食潮流方面，他的需且確是走著潮流尖端得黎又不失本身的創意性及獨當一面之優點。朋友今次可是吃過翻尋味帶我黎試的，所以愛吃海鮮的我到了後，跟朋友喜孜孜地去海鮮檔揀海鮮去了。話說小女子數月前到韓國食RM介紹的，位於奉天的九層海鮮塔實在失望到一個點---> 食完拉大隊轉場搵姜東虎的韓燒去！不只RM伏我，還有台灣某BLOGGER 的文伏到我真想hi auntie。話說回這間潮福，當日海鮮檔一格格整齊排烈好元貝、蠔、鮑魚、斑等的挑擇，有些似韓國的貝瞉市場。可能海鮮因為以蒸為主，所以可以選擇的海鮮類別比平時食海鮮的

今晚同仔訓醒個下午教已經夜晚11點幾.老公就提議夜晚食清蒸的呢間比較好.來到原來夜晚仲有6折.已經令我呢個海鮮友有個借口嗌多d野食.之前已經見有人擺上網話好正.今晚終於有機會食到.他呢到有個海鮮bar甘的.擺左海鮮系到比你揀.場內一個個蒸寵d蓋已經吸引住我個仔.他已經覺得好得意，最得意系他用蒸氣原理會系底到擺d珍珠米.之後你就會有所以海鮮蒸完的粥食.幾得意.細的只是60元.我們今餐6折後1000頭.不過以後都應該會11點後，攞他個6折haha

一行五人訂了蒸汽石鍋，海鮮不錯， 帶子，聖子都很新鮮，鑽石蜆確實有點貴， 只得十幾粒但收＄148埋單時賬單無列明花竹蝦幾＄兩，只係寫個總數，計多了＄48/兩, 好多人會唔留意， ......所以記得要對單!