潮福蒸氣石鍋 (已結業)

上星期本想到這館子一試，怎知爆滿，因此預訂了今晚，來試試它有多鮮味。內裡陳設簡潔，有卡位亦有圓枱，大致寬敞。我們點了兩個半小時任飲任食放題，啤飲、汽水、蔗水等任飲，已經令我們開懷大飲。先從放題海鮮類揀四款，但只可選一次，我們點了象拔蚌、蟶子皇、大元貝和龍躉魚件。另外，每位客人有半隻龍蝦，每枱一份三文魚刺身和蜆貝拼盤。侍應先替我們開啟蒸鍋，先把鍋下粥底白米和淮山瑤柱倒下，然後將海鮮等材料逐樣放下並調校時間。時間到了，侍應便把香味撲鼻的海鮮分配給我們吃。蒸出來的海鮮可品嚐到它的原汁原味，象拔蚌鮮甜爽口，蟶子皇鮮味非常，元貝亦嫩滑無比，龍躉魚件更是鮮甜肉嫩，全因蒸的時間火候恰到好處，把海鮮的鮮味完全逼出，真使人再三回味，龍蝦貝殼類蒸出來同樣鮮味十足，肉嫩多汁，唯一美中不足的是在放題中只可吃一次，故唯有轉戰任吃菜式，包括蟲草花蒸雞、和牛片、豬頸肉、苦瓜釀冬菇、梅菜豬肉丸及手打肉丸等。蒸雞非常嫩滑美味，至於和牛及豬頸肉則需要靠醬料增添味道，丸類蒸過後同樣彈牙可口，絕不比打邊爐時遜色。我們更點了勝瓜，果然令人有清新鮮甜的感覺，不禁要多次安歌。甜品方面，馬拉糕是此店的招牌菜色，糕身鬆軟，甜度恰當，又

嚟潮福食蒸氣石鍋，見到有好幾款冷盤都好吸引，唔爭在試埋啲冷盤，睇下味道如何。口水鷄都夠辣夠入味，鷄肉滑度中上，冷度適中，當頭盤刺激下味蕾都幾唔錯。青瓜海哲 - 海哲算幾爽身，青瓜就普普通通，唔算太清甜，可以一試。食完冷盤，開始食主菜蒸氣石鍋。侍應一路幫忙放材料、計時、上菜，做足程序。清蒸就能食到海鮮嗰種鮮味嘅質素。由於材料全部都係生猛即蒸，所以非常新鮮。海蝦，蜆肉，聖子都很清甜而且鮮味十足，不用點醬油味道已經幾好，係食「食材」本身嘅條件。另外食了蒸餃子，稍嫌太濕，皮太淋，一夾即散，不過味道還可以。清蒸馬拉糕，這個不可不試。真係好食得難以形容。不會太甜，好鬆軟，熱辣辣非常有口感。肉蟹糯米飯就稍為失色。蟹中型size, 肉不多，味道一般。糯米飯太硬無味。最後食粥吸收了海鮮精華，當然好鮮甜。

我自問海邊大咩海鮮都食過，之前食過一間好有水準，口痕見呢間咁多廣告可能掂就試下。睇到標題應該明我講乜，蒸氣鍋要食原汁原味，否則冇晒鮮味幾錢都唔值；太花巧又粉絲又蒜蓉又切碎晒先蒸? 咁食蒸氣火鍋有乜特色? 花竹蝦2隻加埋8両，咁大隻做咩要加竹纖?火鍋嗎？蒸出黎竹纖彎晒，仲難處理過脫殼。職員唔專業，蒸緊走黎開你蓋，計時黎做乜，全晚只聽到個個待應比壓力你快趣交枱，查實食左一個半小時都好唔自在……

第一次食海鮮蒸氣石鍋，真係難忘兼失望既一次飯局。首先; 我地一行10人選擇自選海鮮而不吃半自助，之後去揀海鮮，有海蝦一斤; 大約手板長度，龍蝦5隻; 大過手板少少，龍躉魚; 斤半，蟶子10隻，鮑魚仔10隻，手板大元貝10隻，桂花蚌5隻，蟹糯米飯2龍，菜心，勝瓜加14支啤酒一共六千元。講ㄧ講味道，海蝦，龍蝦，蟶子，鮑魚仔，桂花蚌，菜心，勝瓜; 味道不過不失，龍躉魚有些少酶; 味道冇鮮味，大元貝有鮮味; 吾錯，蟹糯米飯有蟹鮮味; 糯米飯有咬口，粥都吾錯。但係六千大元食這個份量以及質素既海鮮，一定冇下次。

如果想食到原汁原味嘅海鮮，呢間潮福真系唔錯嘅選擇！！！位置系旺角地鐵站a2出口附近，呢間店下晝五點半左右開門，夜晚8點半入座可以享受七折優惠，我地啱啱好6個人，仲有白酒送添！！~~~ 呢間特色就係蒸氣石鍋海鮮啦，海鮮都好新鮮，點單嘅時候就望著啲海鮮點，我地點咗美國石蠔、排骨粥底、芋頭、南瓜、蟲草花雞、馬拉糕同紅棗糕、龍蝦、蕃薯蜆。 石鍋下面先放排骨同埋小米，上面再放好蒸爐。第一步先蒸海鮮，每樣海鮮都會有服務員負責，方便 至於酒水飲料呢，系自助嘅美國石蠔自帶鮮味，蒸出嚟口感嫩滑，而且好大隻，非常抵食，一啖我可以食完一隻，一人一隻都唔夠喉啊！！！ 龍蝦系第一次嘗試食蒸嘅，啱開始以為會無味，不過加咗好多蒜茸落去一齊蒸，味道鮮得嚟，又保留著龍蝦嘅香味，肉質爽滑 蟲草花雞真係現蒸嘎！！將蟲草花同雞肉一齊擺落個蒸爐，雞肉本身嘅油脂會隨蒸嘅時間變長慢慢蒸發出嚟，所以根本唔洗加任何調味料就已經好夠味啦... 馬拉糕同紅棗糕飲茶就食得多啦，自己動手睇著佢蒸都係第一次！！馬拉糕咬落去好軟熟，紅棗糕甜甜地好過癮 蒸蕃薯蜆，蜆肉入邊蒸出嚟有好多汁，感覺蒸出嚟嘅汁都係精華吖~~！

未去之前其實都睇左好多食評先去，留服務態度既評語好兩極，有人贊有人彈，但本住一個餓底的精神同埋本身我個人都好歡欣既關係，我覺得我未必會碰上工作態度唔好既姐姐。首先一去到本身訂左7位但之後改左6位知客姐姐都好快俾我上去，第一關過左，唔似啲人話訂位都要等好耐。再嚟就考慮食咩了，由於係8點半後入座，正價可以打7折，而佢又有任食餐，我地都商討左半粒鐘先決定，商討其間姐姐有走嚟催幾次但都比我地笑哈哈既氣氛融化左，我地最終揀左任食餐，第二關又過埋。任食餐送龍蝦同蜆拼盆，另外仲可以送5款海鮮，我地揀左鮑魚仔，蟶子，象拔蚌仔， 龍躉同石蠔！開始前姐姐落米，瑤柱，水等材料喺鍋底。跟住就蒸蜆了，驟眼睇落有2款蜆。我個人咩醬油都唔點，豉油都無落，但食落超鮮甜！無沙跟住就係龍蝦，好大隻都好多肉蟶子，象拔蚌仔就好厚肉，而且洗得好乾淨，一粒沙都無，加埋蒜蓉粉絲，鮮甜好味道！龍躉份量好少，而且蒸完好韌，皮又唔林又韌，失望石蠔都幾大隻，不過好多沙而且有朋友食到有點苦，唔好跟住去到呢個時候，姐姐已經開始將啲嘢食一炮過蒸，我地任食點左和牛粒，和牛肉同牛仔骨，姐姐一炮過同鮑魚仔蒸，鮑魚仔就啱啱好唔韌，但所有牛就完全食唔落口

非常有緣嚟到旺角道嘅哩間潮福蒸氣石鍋,之前食過另外一間覺得味道都幾唔錯下，希望哩一間都可以俾到驚喜我喇，畢竟作為一個為食貓已經無咩要求喇。我覺得對我來講最艱難嘅就系揀醬汁喇，因為實在係太多種多樣喇。蒸鮑魚，好好味，鮑魚數量好多，我自己一個人就食左兩件，哎呀，差小小就忘記咗蒸釀涼瓜，涼瓜切成厚厚嘅一塊，中心挖開，然之後就釀入肉餡，將肉餡同蔬菜類混合起來，每一啖都系好濃郁嘅味道，其實仲有一個原因就系我媽咪都鐘意咁釀涼瓜，好熟悉嘅配方。蒸栗米我都覺得好正，好甜，唔知系邊度入貨咧。我除此之外仲食咗碗粥，粥系現場就可以見到佢地煮嘅，落料好多，排骨味道濃郁，不同於市面上嘅好重各種調味料嘅口感，排骨粥入口都唔覺有太多調味，淨翻低好自然嘅粥，同時味道又唔驚太寡，越食越覺得好味。

我地六個人見呢間食肆評分不錯，就去試下。點知一路食一路背脊骨落！！！！！佢果度分「任食」同「散叫」，我地幾個都細食，「任食」似乎太多，加上我地當中有人對部分海鮮敏感，於是就決定散叫。個侍應係個中年女士，一開頭不斷叫我地叫「任食」、叫「龍蝦」、叫「海鮮」。一聽到我地話散叫，就馬上燶面！我地6個人，叫佐5個餸，都唔算太少啦！個侍應一直黑口黑面，態度奇差，粗聲粗氣不特止，仲要連我地埋單找數，佢遞返張信用卡比我時，都係單手好求其咁離遠隊埋黎。咁都算，最火滾係，見到佢指住我地張檯，同個同事講：「係囉~~~果張檯又唔叫任食，又唔叫龍蝦!」現場環境都有D嘈，我地都仍然聽得一清二楚，大家想像到佢講得幾大聲，擺明係比說話我地聽啦!係香港真係未遇過咁既服務! 好似返佐大陸咁，唔係呀嘛! 我地都係點餐牌上既餸，有乜問題？想淨做任食海鮮蒸氣鍋，咪取消曬D散叫佢囉。想淨做大客，咪set最低消費每人$400囉。E+咁態度算點?

過年之後，逢Monday下午得閒就會同同學去上海街果邊參加過讀書會。雖然呢邊離我住嘅地方比較遠，不過因為我都好鐘意睇書，所以都堅持到宜家，而且仲認識到好多一樣嘅書友。大家討論下自己鐘意嘅書。上幾次去呢邊嘅時候，剛好果排落雨，同幾個書友約定早D去果邊食野。我系呢邊都唔系好熟，其中一個系附近住嘅書友就推薦咗潮福，話蒸海鮮食嘅，唔會熱氣，有D涼爽地可以食喇。     我同我同學到先，見到有人排隊唔系好多人，倆個人等咗10幾分鐘就到了。距地都好快就來到大家都話點野。貝殼盛盆。呢個就系整花甲，分量多，一盤都系。一般如果死咗嘅，蒸熟咗唔會開嘅。呢個花甲打開就系一股海鮮味撲來。唔係腥，系海鮮果種鮮美。食落好滑口，而且口感好嫩。蒸嘅時間五系好耐，10MINS左右？時間巖巖好，唔老，而且覺得乾淨。幾個人食下飲下，一陣就食曬。蟶子皇。nee個我覺得比花甲更加好食。,肉味鲜美，加埋粉絲蒜蓉，一啖裡面都系鮮味，加小小醬汁，食落又爽口，又嫩滑。真系好滑啊，D蒜味剛剛好，唔會好濃。象牙蚌仔。洗得好乾淨都系搭配粉絲嘅。D肉質細嫩，口感好鮮甜仲有D粉絲嘅爽口。之前食刺身呢，覺得有D軟，呢個五會咯，口感好好一D都唔會老

最近大熱既潮福蒸氣石鍋推出左任食，今次專登同女皇約埋其他朋友仔去旺角果間試下。任食餐牌每位HK$338 + HK$15 (醬油/花生)，另收加一服務費瑤柱鮮淮山粥點了瑤柱鮮淮山粥，女侍應馬上拿來材料準備。貝鼓盛盆份量十足，有花甲，大蜆，每人約有6隻，十分鮮甜。花竹蝦 + 鮑魚 + 和牛粒花竹蝦很大隻，而且送到時蝦還會動，感覺很新鮮。想不到這裡的和牛粒十分出色，完全感受到和牛的油香。鮑魚處理的很乾淨，沒有沙子和其他髒東西，吃下去十分彈牙及鮮甜。鮮蝦丸 / 墨魚丸鮮蝦丸和墨魚吃起來很有嚼勁。鮮蝦丸吃的時候感覺吃到蝦肉。 墨魚丸很緊實，但較為普通。馬拉糕馬拉糕剛蒸好還是熱騰騰的，甜度適中，感覺比酒樓的好食。吃完海鮮後, 粥底完成了潮福有一個特色就是在你蒸海鮮前先下材料煮粥，等你蒸海鮮時把精華漏到粥底。粥果然很濃海鮮的清甜味，米粒一粒一粒的，沒有很重的淮山味，不愛吃淮山的人也可以吃。我們一行5人吃完都大叫好飽啊，完全有走不動的感覺。(又要去陪女皇跑步了)

之前去過幾次潮福蒸氣石鍋，都覺得味道唔錯，今日行街行到真系好攰好攰啦，又唔知食乜，經過旺角道，又見到潮福，唸都唔洗唸就行咗入去食嘢啦，去嘅時候已經比較夜啦，所以唔需要等位就已經有位啦，因為覺得自己單點嘢食實在太麻煩啦，所以乾脆直接嚟一個蒸氣鍋海鮮餐！！！！方便快捷~~粥底同埋燉湯都係2選1，仲可以任選5款海鮮添，咁就唔洗浪費咁多時間唸要食啲乜啦···· 而且酒水系任飲嘎！！我鐘意嚟呢度嘅原因之一都係因為呢個，因為食飯嘅時候成日都想有啲嘢濕下個口，有自助就啱曬我啦~~有啤酒、有汽水，正吖~！！ 美國石蠔，一隻都已經好大啦，放少少油落去蒸，蒸出嚟唔單只有蠔嘅鮮味，而且有油嘅香味，味道好鮮好甜，蠔嘅肉質好嫩好滑~~一啖就可以食完一隻啦！！！ 馬拉糕，幾乎系我每次嚟呢度都會點嘎，因為我覺得佢呢度蒸得要比一般嘅茶樓要好味！！馬拉糕蓬鬆嘅感覺啱啱好！！仲有紅棗糕，甜甜地又唔會覺得好膩~~~！ 蒸蟲草花雞，蒸出嚟蟲草花嘅味道好濃郁，啲雞肉好嫩，食落口，成個口都系好香嘅蟲草花味道！~新鮮排骨粥，感覺排骨嘅味道精髓全部滲曬入啲粥入面，味道一級棒！！！仲有各式各樣嘅瓜類，南瓜、勝瓜、芋頭

星期四收工後，一於去覓食6點半黎到旺角的分店，時間尚早，無咩客人。一坐底，就遞上熱茶並不覺得waiter 既服務差（因為之前聽講呢間服務態度差😂）台面擺左個草帽，好吸引～影張相先我地今日叫的是328蚊任食的套餐（包5款海鮮+丸類/蔬菜/汽水 任飲任食）😁雖然係任食，但都行個圈，睇下新鮮海鮮（如果散叫，可以先揀自己想食既海鮮） 但我覺得任食抵d~ 於是同男友兩個人就叫任食的點完後，waiter 首先在鍋內倒入生米同排骨+南瓜～ 呢d都係鋪係底～最後先食然後好快手地，就上左個湯，湯入面有排骨同冬瓜～好清甜～仲好熱😂😂lak親個嘴～要抖一陣先食到野第一個海鮮出場啦： 有蟲草花鮑魚+貝岩岩好好味～係無添加任何調味料既情況下，食到鮮甜味。然後就係龍蝦同帶子龍蝦好彈牙～肉又鮮甜waiter 調較既時間岩岩好～帶子好大粒～而且彈牙～配埋粉絲蒜好好味跟住就係蒸肉蟹我會俾10分滿分～ 蟹好多肉～清甜～蟹味十足～感覺上好新鮮～食完想再食再之後就上象拔旁+聖子：聖子就同平時屋企食既差唔多都好味～反而有驚喜既係象拔旁好彈牙～好甜接近尾聲啦～最後蒸既係馬拉糕～食之前都有睇過下食評～食家都話必試～雖然飽飽地～但馬

睇到電視有一日介紹蒸氣石鍋有任食蒸海鮮, 等節目完咗就即刻留意一下係邊間(因為完之後會有店舖名稱的,) 原來係潮福蒸氣石鍋. 知道之後即刻約朋友去食啦. 因為之前食過, 每人最少要450蚊左右. 而家只需要$338+10%. 有湯, 飲品任飲, 五款新鮮海鮮, 龍蝦(每人半隻), 什蜆, 菜, 什鮮肉丸, 馬拉糕, 紅棗糕, 珍珠雞, 蟲草雞.....任食. 如果早一個時段仲平, 只需$298+ 10%我地因為去咗旺角行街, 所以就揀咗旺角道分店. 呢間比較唔就腳, 所以一去到就有位. 不過唔知係咪唔夠職員, 我地叫完食物及食物到咗之後, 隔成15分鐘才有職員幫我地蒸食物. 湯: 西洋菜唐排. 有雞腳, 唐排(即係豬骨), 原盎上, 但油份比較多, 最好先行撇油, 好熱辣辣. 貝殼盛盆- 大花甲, 馬刀貝, 蕃薯蜆. 大大粒蜆肉, 爽口彈牙，入口無沙，超級新鮮南非龍蝦 - 龍蝦不是太大隻, 好彩肉夠厚實, 不會有霉爛感覺, 而且非常生鮮, 肉質彈牙爽. 加埋香蒜更顯鮮甜. 生猛肉蟹 - 2人只有半隻. 但隻肉蟹好多糕, 舖滿蟹殼, 而且味道甘香鮮甜. 象牙蚌仔 - 比較細隻. 不是太多

哩個月我系機緣巧合之下我又來到了潮福蒸氣石鍋哩間餐廳，真系覺得好有緣咯，不過哩次系因為我上次推薦一個朋友佢要過嚟咯。食粥有好多好處，藥材粥或者海鮮粥，我們嗌咗瑤柱鮮淮山粥，瑤柱淮山粥味道裡面我覺得瑤柱味道太濃而且感覺重口，不過哩個粥可能系因為有淮山嘅中和，所以感覺瑤柱嘅味道沒那麼濃，粥粒都系用靚米嚟煲嘅，粥都系黏黏嘅口感，而且帶有淮山同瑤柱嘅混合味蕾刺激，不錯喇。南非龍蝦，系第一次點，龍蝦個頭不大，而且龍蝦味道比較寡淡，可能系驚太過複雜會損失龍蝦鮮味吧。蟲草雞，好特別嘅一道美味，雞肉系挑選不肥不瘦嘅上等雞肉，經過蟲草嘅搭配之後突然之間爆發出一種好特別嘅口感，味道淡中帶香，簡可以用齒頰留香來形容吖。大連鮑魚，鮑魚個頭好大，我認為鮑魚好好味咁。仲有美國石蠔，分量雖小，但系不容小覷，石蠔帶有大自然嘅包容性味道，無論點調味都好難掩飾佢嘅味道。

蒸氣石鍋海鮮想試好耐架啦但一值都覺得食海鮮要好大BUDGET，遲遲都未去直到朋友話近期做任飲任食就去大飲大食一番啦~~~由於我地揀時間比較早六點入座，所以未算多人見到草帽真身啦一入座已經有花生俾你邊等邊食住先架啦店員都好詳細介紹我地既選擇先揀粥底：分別有排骨粥或瑤柱淮山粥再揀五款海鮮如果大家覺得唔夠喉，可以自己再行出去睇下想揀咩架咁當然要加錢啦有三大個海鮮櫃俾大家選擇　揀完五款海鮮就可以出去個自助調味吧混醬一番調味吧整齊配料夠多芫茜、冬菜、辣椒、ＸＯ醬、麻醬、生蒜、熟蒜等等都有齊最開心就係見到有剁椒呢個醬喜愛辣的大家不要錯過這個剁椒混醬後，店員就會俾原盅燉湯西洋菜燉唐排湯不太油同鹹，一盅既份量都多，如果驚飲唔曬就SHARE 會比較好到主角啦~先來貝殼盛盆，分別有馬刀貝、蕃薯蜆、花甲王初嚐一口，沒有任何調味，透出淡淡海水的鹹味蜆肉爽口，清甜鮮味完全不需沾之前的混醬中蝦每隻都有手掌般大小仲要隻隻有膏，蝦肉彈牙蟲草花鮑魚通常係屋企都係用果皮蒸今次一嚐用蟲草花的配搭，感覺新鮮鮑魚肉爽口另外店亦都會幫你把內臟先清好到最驚喜的南非龍蝦，每人半隻會有少少生熟蒜作為調味但信義妹就覺得唔駛生熟蒜都好夠鮮