潮福蒸氣火鍋 (已結業)

蒸氣海鮮鍋是近年興起的新火鍋食法，而當中有一間元祖級的蒸氣鍋食館最近進駐深水埗區，還加入了火鍋元素，實行蒸氣鍋火鍋包辦其中，一位邊爐躉朋友收到消息後便相約筆者一齊去試下。說到火鍋店，深水埗區内實在為數都不少，但大多為平民食堂，又或路邊大排檔，要找一間裝潢OK，坐得舒服的又真的不是太易找到。今次來到這間新店，佔地全層，地方寬敞，裝修時尚，坐得舒適，卡座或大枱數量頗多，有足夠的私人空間，無論兩小口子，三五知己或一大班朋友都照顧得到，屬該區少見之選。原本這間火鍋店最出位應該是蒸氣海鮮鍋，聽店員講他們還自家設計過爐具，讓客人可隨時轉蒸海鮮或火鍋，一爐多用，但朋友話想試它新推出的邊爐鍋底，唯有下次再試吧。望望點餐紙，鍋底選擇不算太多，但都很吸引，計有絲苗粥水鍋，花甲海鮮鍋、冬瑤翅群鍋和椰子清遠雞鍋，豐儉由人。而火鍋配菜也十分豐富，肉類、餃類、丸類和菜蔬均不乏選擇，筆者二人由於不太肚餓，所以只點了一碟細份量的本地手切肥牛，還有即炸鮮腐皮(響鈴)，北海道鱿魚、蟹籽鮮蝦滑和蔬菜籃，而鍋底就要了花甲海鮮鍋。這裡設有兩個調味料自助吧，讓客人自己調配適合口味的醬汁，多款調味料如蒜蓉、辣椒絲、金蒜、乾蔥、芫茜

潮福好奈之前都想食啦, 今次就終於約埋朋友一齊食, 正😋👍😋👍可以簡任食同自選，我地一家大細食量驚人就簡左任飲任食~😁😁首先就黎個姫崧茸燉螺湯，湯好足料，味道唔會好重味精~飲完已經成個人暖晒跟住叫左燒乳鴿半隻，味道都唔錯，燒得岩岩好主角黎喇，食左我至愛既龍蝦先！開邊生猛龍蝦，擺落個鍋仲識跳跳紮架！可想言之係咁幾新鮮！計好時間蒸得岩岩好，肉質爽口彈牙，一定唔可以錯過另一樣蒸火鍋必食既蒜蓉粉絲蒸扁貝，大大粒元貝啖啖肉象拔蚌每人一份好足料，食起上黎有淡淡海水咸鮮味，完全唔需要再點醬油，淨係食佢既原味已經足夠美國桶蠔超大隻，相當飽滿，連平日唔食蠔既我，都覺得好食啊！最後當然唔少得盡得蒸火鍋既精華不得不吃既粥底，綿綿既粥有濃濃既海鮮味，食完相當滿足

之前都同朋友食過幾次潮福蒸氣火鍋，今次反僕歸真，食返最傳統嘅打邊爐。呢度雖然唔係任飲任食，但係勝在價錢公道，貨真價實，就好似呢個花雕醉雞湯底咁，原隻鮮雞配上藥材，花雕味又充夠，所以整個湯底都好入味。打邊爐點少得肥牛。雪花牛肉脂肪比例平均，肉質嫩滑而有油香，牛肉味都夠晒香濃。手打丸拼盤：蝦丸墨丸都非常彈牙，兩者都係用新鮮肉打造而成，所以肉味鮮、質感滑。最後仲叫左新鮮即劏鱔片同埋牛拍葉，係湯底滾大約一分鐘，鱔片魚身夠嫩滑就食得; 而牛拍葉吸收左花雕嘅湯底，彈牙而又夠味美。

正所謂冬大過年，跟一班朋友齊齊做冬，一定要食好啲食豪啲啦！有些朋友早兩日才打過邊邊，唔想打得咁密，所以大家決定，做冬就去潮福食蒸氣鍋。香港家下周街都係蒸氣鍋，但據我所知，這種玩意，潮福才是鼻祖。塞車，我差不多是最遲的一個，不好意思。人齊就開餐了！蒸嘢要時間，先來碟乳鴿，食住等。乳鴿皮香肉嫩多汁，比預期中出色，有個好開始。 蒸氣鍋當然以海鮮作主導，由於是任食，大家呢晚真係癲左，帶子、貴妃蚌、小象拔蚌，蒸完一輪又一輪，成品要鮮甜有鮮甜，應爽口既爽口，貝殼放滿一桌，好Crazy。 蟶子體型唔細，簡單配上蒜茸粉絲蒸熟，口感彈牙，原汁原味，不比豉椒炒遜色。 鮮鮑魚口感同樣彈牙，又沒有太韌，不會「趙」到牙骹都軟，但我留以有待，與好友分了半隻，滿足矣。 蠔也來了兩款，分別是美國桶蠔，與石蠔，個人較喜歡連殼的石蠔，會有更親厚質感。 當一隻又一隻龍蝦連身帶鉗放入蒸鍋時，大家又再起哄。嘟嘟嘟，夠鐘蒸好，打開草帽，整鍋紅紅的龍蝦，確實好有氣勢。我分到了龍蝦身，味道無問題，只嫌稍稍韌了些少，龍蝦鉗相信會好啲。 女士們恩物，花膠也要出場。在席各位女生如獲至寶，我也要識做，將我的那件，拱手相讓。 蒸氣鍋並不一定全

深水埗, 這個繁榮電腦之城, 走完黃金電腦商場, 不知道吃啥好, 就來到了轉角位的一間火鍋店-蒸氣火鍋, 近這兩年才在香港興起的名字, 主要是吃素材的原汁原味為主;走進去, 裏面居然集蒸汽火鍋和傳統火鍋於一身的店, 可謂男女老幼都適合。我們4個人看著菜單, 感覺傳統火鍋的選擇多, 而且比較經濟, 所以就來了一個花甲海蟹鍋; 數件蟹件呈現於鍋裏, 花甲沉於湯底, 慢慢地滾滾著, 海鮮味隨著隨烟揚揚升起, 鮮味撲鼻。鮮黃的蟹糕佈滿蟹蓋, 蟹肉鮮美, 花甲肉鮮味濃, 生猛的海中蝦, 大支串直, 肉爽彈牙, 蝦味濃郁; 火鍋怎少得脆肉鯇, 晶瑩剔透的魚肉, 顯得格外新鮮, 滾呀滾呀, 時間太久了, 肉有點硬, 但魚鮮味仍然存在, 美味極了;極品黑豚肉, 一大盤鮮紅色的豚肉, 每一片都肥瘦均勻, 熟後, 肉嫩多汁。響鈴, 是吃火鍋的必選之物, 這裏的響鈴, 比較好吃, 夠厚, 燙2秒鐘, 外軟內脆, 味道齒頰留香。火鍋, 最緊要料鮮, 款多及湯濃, 深水埗果然是一個美食天堂, 各式各樣的美食都有。

講到蒸氣火鍋大家應該都唔會陌生吧！講到底火鍋好，蒸氣火鍋也好最緊要就係用料新鮮，不過吃一頓有質素的蒸氣火鍋價錢真係唔平呢！車媽媽今日有好介紹潮福蒸氣火鍋任揀任食任飲海鮮餐$338/位起，每位有滋潤燉湯，有乳鴿或貝殼盛盆，又有生猛龍蝦或刺身拼盤，仲有數款自選海鮮，另外還有不少任點任食的選擇，重要任飲啤酒，汽水，竹蔗水及韓式飲品，您哋話抵唔抵呢？一上到潮福感覺跟一般蒸氣火鍋店好唔同，裝修好優雅而且地方光猛又乾淨。魚池內擺滿各式各樣生猛游水海鮮🐟🍤🐚🐙，見到都流曬口水呀😋。今晚一行十人預早慶祝冬至，真的十分十分熱鬧好開心呀😄。首先揀選粥底有兩款選擇，新鮮排骨粥或者瑤柱鮮淮山粥，識食梗係揀後者啦，用上珍珠米出來效果應該好綿滑。任食套餐內還會每位贈送滋潤燉湯一盅，有三款選擇西洋菜生魚燉陳腎，老黃瓜燉排骨西洋菜今日沒得選最後全部揀姬松茸燉螺肉，燉湯味道幾清甜仲好足料呢。另外每位客人都會送上脆皮乳鴿半隻或貝殼盛盆🐚，乳鴿幾好肉又入味，肉嫩多汁好好味喔😋。貝殼盛盆內在花甲，花螺和青口，全部都新鮮非常，味道鮮甜喔！還有刺身拼盤，生猛龍蝦半隻二選一，我哋選了生猛龍蝦，隻隻肥大肉厚，質感爽彈，味道鮮甜。而且

冬至已過了數天一早在20號已約咗兩位老死去打個邊爐，順便喺今年聚一聚就老友方便約去深水埗新開的潮福蒸氣火鍋。先點個椰子清遠雞鍋，湯底好多料而且有好濃郁椰子香味。麻甩佬打邊爐肉係好重要架，極尚安格斯牛肉呢盤268蚊抵食，和極品黑豚肉。牛肉雪花豐盛，食落肉質夠滑而且有油香，牛肉味都夠香濃。極品黑豚肉肥瘦均勻，灼熟後肉質較挺身，肉味尚算不錯。北海道鮮魷，令立立的魷魚，見到都想食，吃落煙韌彈牙又夠鮮掂呀！即炸鮮腐皮勁香脆，空口食都正到冇朋友，落湯浸幾秒又另一個口感，必食之選。炸魚皮大大兜好夠食，炸得幾脆冇硬實實的質感，最重要係唔會油膩膩。高山雲耳好爽口，降血壓架，多食有著數。皇帝菜新鮮嫩綠，勁灼後索哂椰子香味好好食。最後打完邊爐的那口湯才是精華，椰子味勁香濃，加埋啲肉味正到不得了呢！

今晚食蒸火鍋~~正呀！深水埗呢間潮福係新開無耐，係黄金廣場1/f全層！位置方面，門面闊落！店員都好落力，雖然爆場但都為我地起鍋夾食物拎飲品，做左晚廢人！！咩都有人幫手脆皮乳鴿做到咁甘香！陣陣乳鴿香散發出黎皮薄帶脆身，加埋d淮鹽，喼汁更惹味肉質樕滑~龍蝦落鍋前我仲見到佢郁架！！勁新鮮龍蝦肉爽口彈牙帶點膏~甘香濃郁美國桶蠔size巨型，蠔肚既位置十分飽滿，蠔汁濃郁就算蒸完都無乜縮水！配埋d蒜粉絲食，味道更出色。手切和牛片，色澤油潤！片片蒸完都油脂都好平均，入口樕滑！乾埋d惹，麻醬食！！不得了呀個蒸馬拉糕真係必食呀入口鬆軟綿綿，唔知點鮮有陣陣既雲呢拿香滲出黎~香甜好味最後個排骨粥食哂今晚d海鮮精華都係哂呢碗粥到喔！

蒸氣海鮮初體會, 第一次食海鮮係用蒸氣朋友約我時我都幾期待,仲要係半任食任飲海鮮餐我朋友話每樣食物都要計時(每樣食物時間唔同),所以每樣食物開始蒸時都會倒數, 倒數完就食得又得幾意,講到咁一定要黎食啦好啦廢話唔多開波,幾得意,成座山咁湯水方面,今日有老黃瓜燉唐排/姫崧茸燉螺肉簡, 咁我就簡左姫崧茸燉螺肉姫崧茸燉螺肉一坐底飲番盅燉湯暖暖胃,好清甜,好正身為一個湯迷既我對於第一道菜感到相當滿意每位都會送貝殼盛盆同埋脆皮乳鴿既, 2選1既就係生猛龍蝦或者刺生拼盤, 今日打算全海鮮所以我簡左生猛龍燒乳鴿燒到啱啱好又卜卜脆,又夠肥,唔錯到主菜海鮮喇,龍蝦,蟶子,生猛大元貝,北寄貝,貝殼盛盆,用蒸氣火鍋去整嘅海鮮,超級鮮甜,再加上本身又非常新鮮,連啲汁都甜過人,好味手切和牛粒牛粒厚切咬感一流,又有肉汁,幾正啖啖肉,肉汁味濃,尚算新鮮食完咁多肉肉食返D勝肉清清地又幾正最後食埋個粥底, 呢個係瑤柱鮮淮山粥D粥滲透哂新鲜既汁,非常正,好鮮甜,第一次咁樣食,非常難忘今次蒸氣海鮮體驗相當滿意,店員都非常友善幫我地整哂所有野,唔駛自己整,非常好,一定會再黎幫襯

今次途經深水埗，突然好想食海鮮，但呢區又邊到會有呢？朋友一句潮福蒸氣火鍋咪有囉，係喎，唔講咁多，gogogo任揀任食任飲海鮮餐姫崧茸燉螺肉清清地嘅燉湯作為頭盤，尚算足料，幾好！燒乳鴿勁香口，好脆，肉質肥美龍蝦,大元貝,象拔蚝，北寄貝，蟶子用超新鮮嘅海鮮用蒸氣嘅煮法去整，原汁原味，咬落去好彈牙，同喺西貢食差唔多。總結:價錢同食物成正比，仲有其他食物可以任食,有和牛粒，勝瓜，豬頸肉，荷葉飯....等等，海鮮足料又新鮮,服務又好，抵讚

自從上年首次吃過蒸氣火鍋後便愛不擇手。今天找來潮福ssp新店,試試海鮮任食plan,星期一至四只收$338一位!今次選了瑤柱鮮潐山粥。套餐可選5款海鮮，先蒸海上鮮，龍蝦、聖子、蝦、帶子、鲍魚。新鮮從魚缸撈出，即蒸，鮮味無比，連鼓油都不用加！最後是粥底。今次只煮了2小時，粥出奇地綿，充滿海鮮味！

講起蒸氣石鍋點可以唔來呢間「潮福」！聽講佢係深水埗開左，咁近我，一定要黎食！呢度做緊個「任揀任食任飲海鮮套餐」真係幾抵，海鮮雖然唔係任食，但勝在夠多款揀！仲有刺身拼盤添！識食粥底火鍋一定要叫得多海鮮，個湯底先會甜。親眼睇住佢地係魚池度即點即捉出黎，有夠新鮮，個粥底一定好甜！睇下蟶子幾大！仲有粉絲，好入味！

同同事買完電腦零件，行過呢間蒸氣火鍋，決定入去打下邊爐。眼見都幾旺，可能係因為星期五啦！我同同事被安排到新魚池位，見到好多新鮮海鮮，環境都幾乾淨。我地叫左個冬瑤翅群湯底$168，真係落足料！同埋叫左碟肥牛、炸響鈴、鮑魚、墨魚丸等火鍋配料！而肥牛同埋響鈴真係我的最愛！肥牛好新鮮，好有牛味！響鈴一睇就知佢地即炸架，放係湯底度滾3秒就食得，真係好好食！

聽朋友講深水埗新開了蒸氣火鍋，今日放工約上朋友就來嚐鮮。門面很大氣、辨識度高。成層都係佢地嘅，唔怕冇位。店內座位很多，很適合大班人聚會。吃蒸氣海鮮就係要坐得舒服，靠窗的卡位還有些小資氣氛。我們最終決定吃火鍋。豐富鍋底可選，豐儉由人。火鍋配菜也十分豐富，甚至有些特色菜我們點了醉雞鍋，冬天食雞滋補一下很快便上菜了。一大碟雞，睇落都幾新鮮。肥牛必點。雪化肥牛，又係好大碟脆皖魚骨：以前食開皖魚片，脆嘅魚骨又係點呢？睇落柔軟的魚片，煮熟後真係脆架！冇試過魚肉煮火鍋可以咁脆。冇骨，放心食。雜丸拼盤：朋友特別鍾意墨丸，於是叫了拼盤。蝦丸墨丸都十分彈牙，手打丸就係唔同。我地仲追加了一份墨丸竹笙：冇辦法，太鍾意竹笙浸雞湯後的口感，脆脆的有汁，好享受。北海道魷魚筒，成個魷魚筒切開，煮熟後變左細細舊，都易入口。生菜綠油油，好吸引！好大份！侍應態度很好，不時行埋來問好唔好食，要不要加水，服務咁好、食物質素咁好嘅餐廳，值得推介

臨近聖誕，攻煮個mood 好好。同行友人話打邊爐但身為女性既，真係堅驚爆瘡，所以建議食下蒸氣鍋。㨂左間新既分店，開左唔夠一個月。唔知係語係太新，伙夥間其實沒太有默契，安排同出菜有少少亂，好在最後有個後生靚仔經理招呼，頓時安心哂。我地雖然揀任食set ，但海鮮則有限quota，確保海鮮質素是高質的。蒸，是中國人發明的其中一項廚技，唔熱氣之餘，靠蒸汽加熱的熟物保留了原汁原味。今次點的海鮮美蒸煮後亦沒有點調味品，已覺得味道岩岩好。經理心水清，記得哂每種食物的䥋煮時間，再係計時器慢慢輸入，保證食物唔會過熟。薑蔥蒸美國石蠔手掌般大的美國石蠔肉口感濃郁，熟左奶香猶存，十分creamy 。一向抗拒食熟蠔既攻煮都即刻「開綠燈」。厚肉得來鮮甜，滿有濃濃的海水鮮味。蕃薯蜆呢隻蜆同平時果d唔同，坑紋較淺但肥嘟嘟，鮮甜度較優勝，而清蒸時來得幼嫩細滑，每隻都有鮮甜的湯汁。蜆約有三分之一隻手掌般大小，而肉也似番薯，是黃色的，令攻煮很著迷。清蒸象拔蚌/扇貝日本象拔蚌/扇貝已處理過，加上蒜蓉及粉絲，蒸起來更鮮，入口爽脆之餘已經入口d蒜味。沒有渣，嫩口非常，重要飲埋殻上的汁先係重點。食完海鮮，跟着來的是蟲草花蒸鮮雞及和