潮福蒸氣火鍋 (已結業)

之前都同朋友食過幾次潮福蒸氣火鍋，今次反僕歸真，食返最傳統嘅打邊爐。呢度雖然唔係任飲任食，但係勝在價錢公道，貨真價實，就好似呢個花雕醉雞湯底咁，原隻鮮雞配上藥材，花雕味又充夠，所以整個湯底都好入味。打邊爐點少得肥牛。雪花牛肉脂肪比例平均，肉質嫩滑而有油香，牛肉味都夠晒香濃。手打丸拼盤：蝦丸墨丸都非常彈牙，兩者都係用新鮮肉打造而成，所以肉味鮮、質感滑。最後仲叫左新鮮即劏鱔片同埋牛拍葉，係湯底滾大約一分鐘，鱔片魚身夠嫩滑就食得; 而牛拍葉吸收左花雕嘅湯底，彈牙而又夠味美。