潮福蒸氣火鍋 (已結業)

和朋友逛完黃金商場，正想找一間餐廳食晚飯，發現有一間新開的蒸汽火鍋，當然的去做一回小先鋒。首先選了一個花甲海蟹鍋的湯。湯，海鮮濃郁的鮮味, 又不油膩。花甲肉爽口, 海蟹也挺新鮮的, 蟹糕爆棚，滾耐了仍能品嚐蟹的鮮味, 應該是即叫即整的原因。生猛海中蝦，晶瑩剔透的蝦肉, 不但大隻，蝦肉還充滿彈性，一口咬下去，肉汁鮮味, 一口的滿足。打邊爐少不了的常客，美國肥牛，大大片的, 鮮紅的肉, 顯得十分新鮮, 滾一會兒, 牛肉香滿溢, 入口即化, 鮮味無窮吃了一整晚，最深刻的必推薦的是即炸鮮腐皮。吃前就帶著一股香味，夠厚, 再放進鍋中數秒，外軟內脆，又吸收了海鮮湯的精華，齒頰留香, 讓人欲罷不能

我今日中午去深水埗分店飲茶，點解坐卡位要收HKD10/位嘅？但係啲職員帶我坐底時無講過要加錢架喎！你都當無眼寫明喎！好伏喎啲食物就一般般啦，本身係做晚巿海鮮嘅我都唔會要求你中午茶做得好好食，中規中矩咁啦

朋友心血來潮話想食蒸氣火鍋，我就奉獻左我第一次食蒸氣火鍋嘅機會俾佢啦！見潮福咁多分店，應該無伏掛，即刻試下先！任揀任食早D嘅時段係$338/位，又唔算好貴嘅，比起其他散嗌蒸海鮮算平啦。蒸海鮮個part,其實唔係任食，只係一檯任揀四種海鮮，份量都係每人每款一、兩隻，唔算話好多。任食係蒸雞、點心、丸類及蔬菜類，仲可任飲啤酒、竹蔗水等等。見到呢個籠就好exciting!We 're ready!🙆🏻🙆🏻🙆🏻除左海鮮之外，每人一盅燉湯同半隻脆皮乳鴿。燉湯方面，我地揀左姬崧茸燉螺肉，有唔少雞肉，仲有一件蜆肉，湯飲落唔錯，無咩味精味，飲完唔會好口渴，但真係好熱，小心燙口！脆皮乳鴿-雖然上楂檯唔係熱辣辣，但仍然脆皮，唔會淋曬，同埋唔算好油，一人兩件，唔會太多滯住個肚。竹蔗水幾fresh,唔算太甜，但要小心會越飲越覺得甜！😂貝殼盛盆-每檯都會有架！其實係沙蜆仔黎，入口清甜，無咩沙。另外，龍蝦半隻或刺身拼盆揀其一。龍蝦質素唔錯，唔會話d肉變臭左。鮑魚仔（每人一隻）算幾有誠意，比起平時係街市買返黎自己蒸都較為大，配上少少姜蒸黎食，幾香。大元貝-已經起左肉，用粉絲墊底，用蒜蒸好入味，唔會差。美國桶蠔-一上檯

今天和朋友一起打邊爐，大家圍著一個鍋，有說有笑，我夾菜給你，你夾肉給我，十分盡興！老實說，這間酒樓的入口不容易找到。我們都以為在電腦廣場一樓，結果沿樓梯走上去，卻見都是賣電腦產品的商鋪。之後兜了一大圈，看見有兩條扶手電梯的商場，走上電梯才去到酒樓門口。走進酒樓，感覺空間寬敞，環境舒適。裝潢新潮，黑色牆壁繪上白色大鳥籠，再配以焟燭狀白色燈泡，黑白配搭，型格時尚。叧一面牆以點心蒸籠作裝飾，頗為特別。座位有圓桌，卡位可供選擇。酒樓提供了不同醬料，有花生醬、醬油、沙茶醬、辣醬、芫茜、蔥花等等。我選擇了醬油加芫茜，醬油因此更香而又不會蓋過食物的味道。朋友喜歡食蟹，所以點了個花甲海蟹鍋。等了約15分鐘，火鍋送上枱。內裡有完隻海蟹和約十隻花甲。湯呈茶啡色，喝著鮮味十足，蟹肉和花甲新鮮，味道鮮甜。之後我們點的食物陸續來到，一碟碟放在餐車上，方便我們要吃的時候才拿上枱。北海道鮮魷，份量頗大，在燈光照射下更見光澤，看上去很吸引。放入湯中燙熟，呈現可愛的小魔怪外型。魷魚厚身，有嚼口，入口鮮美，忌不住吃了三小塊。自家製鮮蝦水餃，皮薄餡靚。內裡的鮮蝦彈牙入味。可惜一碟只有6 隻水餃，價錢略貴。竹笙原來雪白的顏色

同朋友行完鴨記黃金搵野食 見到呢間野 ， 之前朋友東涌食過呢類蒸氣火煱讚口不絕 第一次即管試下 粥底選排骨粥每人乳鴿半隻， （自選）龍蝦半隻， （自選4）海鮮 （一次）任點和牛 蝦丸等海鮮鮮甜 上完首輪食物後 ， 再落單任點放題食物 ， 結果足足45分鐘齋坐 ， 三番搵侍應追單 ， 45分鐘後攞左二人份量菜藍 二人份量牛肉 其他一概沒有搵部長/經理黎小 ， 終於經理攞黎 二人份量菜藍 ， 五件釀苦瓜（無點，而且二人應該兩件）， 唔記得四件定五件粟米（無點，一樣二人應該兩件），丸類每種兩件 ， 牛肉（份量正常）到呢個時間 已經無心機食落去 ， 食埋菜同苦瓜算數 ， 其他都費事食 ， 食埋個粥底 ， 可能因為太耐煲乾水 加左一次水 ， 粥底淡而無味埋單加一連茶介 兩人八百幾食到成肚氣 覺得勁唔抵食睇住隔離檯熟客唔停上食物 ， 我地就齋坐深水埗區食八百幾 ， 我去尖沙咀乜都食到

個人黎講真係好鐘意去潮褔食蒸氣鍋貪佢夠鮮 同埋份量多 而且粥底堅好食今晚約埋男人去睇電腦野 順便食黃金新開嘅潮褔 排骨粥底係必食嘅 燉湯方面 㨂左下火嘅老黃瓜燉唐排夠清無咩味精 而且夠足料我地㨂左乳鴿 貝殻盛盆同龍蝦即叫即炸嘅乳鴿 皮脆肉嫩 正！龍蝦新鮮 肉質鮮甜彈牙 都大隻架貝殻盛盆 分量超多 有久違了嘅東風螺當晚店員推介大元貝 我地緊係信佢啦果然 超大隻 無令我地失望 而且入口鮮甜餐廳又好好咁加左松草花係鮑魚上令到佢更香更滑 北寄貝亦係勁鮮甜食完呢啲海鮮已經飽飽地 但都點左少少肉丸同埋和牛粒 超超超好味

約了一班朋友慶祝冬至，友儕中有人提議吃蒸氣石鍋，天氣剛好轉冷，真是一個好提議。朋友選址於深水埗黃金數碼廣場內的潮福，離地鐵站只有五分鐘路程，大家當然沒有異議。中間的大魚池將店子分為左右兩邊，看着內裡各種各類的海產已令人食指大動了。調味料是採用自助形式的，葱花、莞茜、XO醬、沙茶醬，花生醬、炸蒜茸、生蒜茸、指天椒、大頭菜和醬油，各式其式，任君選擇。餐單竹蔗水～甜度太高，反正汽水、啤酒任點，當然是另作他選了。我們選擇了瑤柱鮮淮山作粥底燉湯每人可選一款，分別有：姬崧茸燉螺肉、西洋菜生魚燉陳腎及老黃瓜燉唐排，我選擇了姬崧茸燉螺肉；菌香加上螺肉的鮮美，滋味非常；喝罷亦不會有口乾的情況出現。脆皮乳鴿（每位半隻）～熱騰騰兼脆囗，有食就趁手，千祈唔好等。生猛龍蝦（每位半隻）～肉質彈牙而味鮮，雖說每人半隻，但看那粗壯的蝦鉗也知「來頭不小吧」！自選食物：生猛海鮮大中蝦～同樣新鮮好味，但珠玉在前，中蝦便給比下去了。😓美國桶蠔及石蠔～桶蠔碩大肥美，石蠔size稍遜；卻是蠔味十足呢。北韓鮮鮑魚～放上蟲草花同蒸的鮑魚質感彈牙而不過硬，雖小巧卻也不俗呢。已吃至七、八成飽了，有人提議食馬拉糕，二話不說馬上行動。馬拉糕

天氣急劇轉涼得返十幾度，媽咪又話今晚凍到唔想煮飯，一家大細食咩好~梗係想揾啲食完可以暖笠笠既野啦～蒸氣火鍋絕對係一個幾唔錯既選擇！深水埗黃金商場最近竟然開左食蒸氣火鍋好出名既潮福平日每位都係3百幾蚊, 有得任食任飲, 幾抵喎首先飲左個燉湯, 係老黃瓜燉唐排, 好足料, 飲落好清甜, 溫度又可以KEEP得好長時間, 唔錯再食個乳鴿, 半隻份量剛剛好, 皮燒得夠脆口, 肉質好SOFT吾痴牙大元貝好鮮美，連本身無味道既粉絲都因為吸收左大元貝既鮮、蒜蓉的香、豉油的咸特别好食我最鍾意食就係鮑魚啦, 新鮮鮑魚味道好鮮甜，肉質好Q彈上面加少少蟲草花，好惹味, 味道提升左吾少喎!另外手打蝦丸都食到彈牙既蝦肉，絕不兒戲, 蝦味又濃粥底係新鮮排骨粥, 因為吸收晒海鮮既精華, 特別鮮甜依個價錢食到咁新鮮既海鮮，相當超值，下個星期都要叫埋啲friend再黎食多轉先

當打爐已經未能滿足我的舌頭，又愛吃海鮮，我必言推介蒸煱潮福蒸氣火鍋，大家都已經耳熟能詳收費大眾化2個人的套餐包半任飲任食$777姫松茸燉湯～足料香甜紅燒乳鴿～皮脆肉嫩刺身拼盤～三文魚肥美，其他刺身不過不失大蜆、花甲丶東風螺冇沙，鮮甜，新鮮爽甜是貝殻類的特點鮑魚～啖啖肉，打破了我的傳統觀念棄用果皮，配上蟲草花又加添一份美味仲有大元貝、美國蠔、蟶子皇，同樣新鮮美味任食系列～牛頸脊、和牛好有牛味手打蝦丸彈牙😍大大粒誠意推介甜品～馬拉糕，鬆軟綿密鮮味粥底將所有精華集合於一身，怎又豈能錯過呢所以食物都已經很好，最後西瓜也成為齣號

好友們相約冬至飯聚, 選址在「潮福」。之前對「潮福」也略有聽聞, 但ㄧ直未有機會到訪, 於是並沒有細問詳情, 反正就是大伙兒的開心飯聚, 時間上能安排上便應約! 位於深水埗的「潮福」，面積不小, 而且裝修束新、亮麗, 估計是新近開設的分店! 除了舒適的卡座, 當然亦設有傳統供大伙兒的圓座, 由於我們人數眾多, 所以分兩檯入座。 脆皮乳鴿 入座後, 方發現是任食的安排, 原來只限該店及旺角道分店, 而且優惠多多, 看得我眼花撩亂! 優惠ㄧ: 脆皮乳鴿 (每位半隻)及貝殼盛盆! 脆皮乳鴿名符其實的脆皮, 入口仍帶暖意, 肉質扎實而不老, 味道不會過鹹, 不錯也! 貝殻盛盆 至於貝殻盛盆則包含花甲、花螺和青口三種, 以原汁原味品嚐，不失鮮味! 老黃瓜燉唐排 優惠二: 每位任選ㄧ款滋潤燉湯。 當晚備有西洋菜生魚燉陳腎, 老黄瓜燉唐排和姬崧茸燉螺肉, 可惜我至愛的西洋菜已沽清, 唯有退而求其次, 選了老黃瓜燉唐排! 湯色清澈, 湯温非常熱燙, 只是味道偏淡而已! 生猛龍蝦 優惠三: 二選ㄧ的刺生拼盤或生猛龍蝦, 擁有精明眼的我們選了生猛龍蝦! 美國桶蠔 好了, 至於食物方面又如何? 每枱可在自選

天氣凍，最好約上三五知己sabusabu, 今晚剛好是男朋友生日，便順便於酒樓慶祝。來到酒樓時已經是8:00左右，酒樓未算太多人，基本上不用等位便可入座。一樓全層是酒樓，座位數目多，寬闊，牆身以鳥籠為主題，配上黑白色增添神秘感。因為男朋友生日關係，大家一致選擇sabusabu, 為慶祝壽星仔當然要食好少少。酒樓菜式選擇多，有小菜，有海鮮刺身等。 湯底方面揀選了花甲海蟹鍋，蟹味鮮甜，肉質爽口。食材方面，選擇了北海道鮮魷，肉質爽口彈牙，熟透後的鮮魷就好似小羊頭般可愛。 另外有生猛海中蝦，蝦約有10隻，基本上涮不足3分鐘已全熟，蝦不但新鮮，而且彈牙，又大隻，值得一試。其後又叫了北寄貝刺身，數量約8塊，質感薄身，沒有太大驚喜。後又叫了多款菜，例：生菜，菠菜及油麥菜，均是新鮮及碧綠，當然為解解油膩。食到飽一飽，最後要喝上飲品先算完美，飲品不可自行取，需要服務員去取，我與朋友各叫了不同口味，飲品是出至韓國lotte, 個人認識芒果味飲品最好飲，原因是芒果不太酸，甜度剛好。唯一不足的是小食沙薑豬手，因為醬油味較重，薑味淡。 今天, 我跟我的朋友都吃得很開心, 滿足愉快~

有一段時間沒有蒸海鮮了， 就趁冬至跟朋友團圓一下。說到蒸海鮮，第一時間想到潮福。深水埗這家新店甚有裝潢啊！擺脫傳統酒樓形式的格局，換上簡約時尚的設計，吸引更多年青人惠顧﹗一上扶手電梯就看到超多海鮮，蕃薯蜆、花甲、蟶子、象拔蚌.......這裡有打邊爐的亦有蒸海鮮。我嘛，是個海鮮迷，加上有任飲任食海鮮餐，一定是選這個啦﹗任飲任食海鮮餐， 每人敬送滋潤燉湯、乳鴿半隻、龍蝦半隻、貝殼盛盒， 如果不想食龍蝦，可以選刺身拼盤。任飲啤酒汽水竹蔗水及韓式飲品。乳鴿炸得香口，皮脆肉嫩啊﹗滋潤燉湯三選一，我選的是滋補姬崧茸燉螺肉，好濃郁鮮甜啊！蒸海鮮的精粹在於最後的粥底，放米及材料後，就開始美味海鮮宴了，我們選的是瑤柱鮮淮山粥呢~不要以為送的就沒有質素，大大隻龍蝦，爽彈鮮甜，值回票價。每枱計自選海鮮4款， 綜合各人喜好，選了美國桶蠔、生猛大元貝、蘇格蘭蟶子皇、北韓鮮鮑魚。美國桶蠔幸而沒有太重蠔味，嫩滑非常。元貝一開二，配上粉絲同蒸，最簡單卻能不搶鮮味的吃法﹗蟶子皇沒有沙，吃得痛快；另外，再點了貴妃蚌，鹹鮮的味道令人回味。要睇頭的，有北韓鮮鮑魚，搭配性平味甘的蟲草花同蒸，讓原本屬無味的鮑魚，增添了些味道，

喺呢一個世代識人好過識字 但計我話乜都係假最重要就係有個好老闆 我讀書唔多但勝在有個好老闆 好似今晚咁樣 老闆同老闆娘除咗請我之外仲叫我帶埋條女去酒樓食蒸海鮮去到酒樓我當然識做 由老闆揸fit佢叫乜就乜啦 始終我唔係畀錢嗰個老闆話蒸海鮮好 有得任揀任飲任食嘅蒸海鮮餐就更好 所以就叫左任揀任飲任食蒸海鮮餐雖然話係任飲任食 但係有一啲海鮮只可以叫一次 係乜嘢海鮮可以任食我就唔多清楚我哋食 瑤柱淮山粥 先落粥底每人一杯燉湯 湯好清甜 係唔係滋潤我就唔知 因為我對滋潤係冇概念 總之就好飲而且足料跟住蒸海鮮 排名不分先後 大元貝 好大隻又好鮮甜 食落仲好嫩滑鮑魚 我係窮家仔有鮑魚食梗係好食啦 上次食鮑魚我都唔知係幾時囉 鮑魚就有鮑魚味 鮮甜好味龍蝦半隻 好新鮮好鮮甜 好有龍蝦味 不過我係男人嘛梗係鍾意食鮑魚多啲仲有一堆蜆同東風螺之類嘅貝殼食物 其實我真係覺得d味道好難形容囉 我又唔係蔡生我識鬼形容咩跟住就食丸類 牛丸 蝦丸 梅菜肉丸 鯪魚肉丸 真係乜丸都有 仲有荷葉飯 全部蒸佢一鑊熟 蟲草蒸雞 蒸起之後又香又好味 我自己覺得好似有一啲鄉下農家嘅味道咁樣 牛肉 牛肉粒 蒸牛肉我真係好少食 感覺有

成日聽朋友講潮福呢間蒸氣火鍋好高質素，咁啱呢日去開深水埗買電腦野，就順便過嚟試吓先。價錢唔算貴，每人三百幾蚊埋單，但係食到捧住個肚走，而且食物款式夠哂多！一開始先來一人半隻乳鴿，乳鴿熱辣辣上枱，肉嫩多汁，好食。一人兩件，絕對唔會濟。之後仲可以揀刺身拼盤或者半隻龍蝦，我哋揀咗後者。龍蝦大大隻，絕不欺場，而且煎既時間岩岩好（好似蒸左5分鐘?）唔會變得鞋口。海鮮可以自選四款，我哋揀咗象拔蚌、石蠔、鮑魚同埋元貝。樣樣都夠晒新鮮，其中最欣賞係象拔蚌，夠晒彈牙，而且仲配埋蒜茸粉絲。石蠔大大隻，有薑蔥調下味，一D都唔會腥。雖然每樣得兩隻，但勝在款式多，可以試多Ｄ唔同既野。除咗海鮮仲有好多任食嘅食物。呢個蝦丸絕對不得不讚，夠晒爽口彈牙，絕對唔係街市貨。仲有見到個個都叫嘅馬拉糕，我當然唔執輸啦。果然冇叫錯，馬拉糕蒸完之後夠晒鬆軟，而且黃糖味香，用來做飯後甜品一流呀。佢嘅飲品都係任飲，我哋揀咗竹蔗水，有點偏甜但係都夠清新，可以下下火冇咁熱氣。佢仲有其他汽水同埋韓式飲品可以選擇。聽講呢間係新開嘅，服務一流。每樣食物都有專人幫我地拎去蒸，較時間，平日夜晚黎食都幾多人，大家去之前記得book位啦！

入冬以來最凍的一天, 只有11度, 我的手指腳趾全也冰凍得僵硬了, 除了著保暖服, 最好就是吃! 吃能保暖, 增強能量嘛~ 相信這兩天, 火鍋店必定滿座. 翻看相片, 早前往潮福吃火鍋, 以椰子雞鍋做湯底, 又甜又暖胃, 好想今晚再去吃啊~位於深水埗黃金數碼廣場的潮福位置便利, 就在黃金商場後面, 十分易找.大部份人到潮福是吃蒸氣鍋, 吃其原汁原味, 再有充滿海鮮精華的粥底, 就連我自己亦十分喜歡. 不過今次選了火鍋, 貪其鍋內材料在翻滾, 感覺上暖些, 而且不需太過去計算每款材料要蒸的時間, 可慢慢吃. 訂位時最好說明是吃火鍋抑或蒸氣鍋, 因爐頭不同.本想吃花甲海蟹鍋, 可惜當日售罄, 次選椰子清遠雞鍋, 塞翁失馬, 反而吃到清甜鮮味的.全隻$248, 半隻則$128, 剛好是一半份量一半價錢.沒多久, 鍋已煲起, 不妨在放火鍋料前喝半碗來嚐其原味, 椰子味濃, 而清遠雞肉確是嫩滑, 放火鍋料後再喝湯, 味道會稍有改變, 但依然香甜.吃火鍋, 怎能不吃響鈴! 一般來說, 我會放在鍋肉滾3秒, 就能吃到半軟半脆的口感. 點響鈴另一原因是能吸湯汁, 不經意又把湯喝進肚.魚皮鬆脆, 要當心