潮州合成甜品

营业中

休息中

日同老公食完好好味"清真牛肉餅"之後,其實我地兩個都已經飽到行唔郁咁滯喇,但點知老公話仲想食甜品,於是就過隔離間"合成"食糖水喇......一入到去個waitress 就好有禮貌咁招呼我地喇,好nice,好親切,我地諗唔到食乜好,佢仲主動介紹俾我地添(不過唔知佢係咪老闆娘呢)老公要個"蓮子雪耳雪梨"(唔係好記得個名喇)我就要個"雪耳百合西米"(都係咁上下名)......好好味呀!唔係太甜,好!就算我地咁飽情況下都食晒!正!

好鍾意綠豆爽百合蓮子加清心丸，不過清心丸太多，一個人食會太飽。因為太大碗，所以價錢較貴。

好出名0既潮洲糖水, 每次食完飯都特登留肚去食.首選, 椰汁百合蓮子薏米黑糯米糖心, 又補血又開胃,好正0架~ 想潤d,可以食燉雪梨加川貝,包保食過返尋味~

昨晩 與媽咪一齊去食!o麻o麻地o乍!覺得唔係太好食!我覺得都係松記好食d,而且價錢仲好合理添!呢到o個d貴到可食一餐飯囉!但係d service 都幾好ga!

看了食評，才醒起讀書時，經常和同學結伴來這兒食糖水，最喜歡他任溝，好似澳門間杏香園咁，只要你講得出佢就整得到，而且老闆超好人，會問你覺得味道怎樣，會推介一些心水配搭給你。最喜歡她出品的馬蹄沙，很清甜，加埋湯丸、青心丸或綠豆爽同吃便是最完美組合了。

可能有人認為差不多三十元一碗糖水只吃綠豆,蓮子, 百合是一件不值的事,..但來這裡試了後便會覺得物有所值,這裡控制糖水的味道剛好, 不太甜也不會不甜, 差不多隔個星期都來, 食物質數保持得很好..推介.. 綠豆邊蓮子百合馬蹄沙有時坐在閣樓, 因為空氣較差, 吃完後覺得很熱, 很侷促..

昨晚食完晚飯，大家都心思思想食糖水，友人提議到合成食，於是我們便去了！我以為自己未來過，點知原來自己攪錯左。我們四個人點了不同的糖水，有蓮子綠豆沙蛋，太甜但好開心有加臭草，另外有馬蹄沙，清清地唔錯，至於我就叫潮州綠豆邊意米馬蹄沙再加清心丸，一個不錯的配搭，又唔會太甜又多料，但我都覺得價錢略貴，因為成本係非常的便宜，最後一碗係椰汁蓮子黑糯米，沒有什麼特別，只是又是略甜了少許\。

食完清真牛肉館,其實都有小小飽,不過又心思思想食糖水,所以對同街的糖水店,都有興趣試試,不過就在於有d飽同埋好奇下,都係散下步,八下呢個美食區,有咩甜品食,其實不遠處,有間口甜舌滑架,仲有三款用榴槤做既甜點,真係好想試下囉,不過鑑於友人中討厭果王既,所以商議後,都係去返合成食潮式糖水,入座時,呢道好明顯較冷清,入座率得三四成,有d擔心水準唔得,不過係平日,呢個入座率,應該係正常既,看看餐牌,嘩!!有成七十二款糖水咁多!!!花多眼亂,某部份既名,仲水蛇春咁長,真係睇到有d頭暈眼花,睇左幾樣後,都無咩頭緒食咩,所以就向個d雜誌訪問內容埋手,千辛萬苦下,終於各人也揀左想吃的~~綠豆沙湯丸~~煲得好夠火候既糖水,d豆起晒沙,有點杰身,但不過份,食味好好,而湯丸係黑芝麻,一咬開,d餡蜂擁而出,好正,不過唔知點解,d芝麻餡,唔似平時食開既,黑芝麻,黑得黎唔夠黑,而d綠豆沙,又係綠得黎,無平時個d咁綠架喎,真有趣!!蓮子紅豆馬蹄沙加百合~~呢個味道都唔差,不過就好似稀左d,食落去,係今次三個糖水之中,最清淡既一款潮州綠豆邊意米馬蹄沙~~黎到,舀一匙看看材料先,嘩嘩嘩!!!!d料多到爆呀,每一羹都係料

想食凍紅豆沙, 不過佢冇, 其他又唔想食, 唯有要了熱蓮子紅豆沙. 紅豆沙好足料, 夠杰同有沙, 唔會食紅豆水+ 紅豆. 蓮子入口化晒, 我平時通常食紅豆沙都會唔食蓮子, 呢次都食晒~ 不過可能出去食慣凍, 一食熱, 就覺得好甜, 食唔晒。

我食過十幾次得出既結論係只需從食紅豆沙或蓮子冰二選一就可以.雖然佢有好多選擇.其實其他糖水味道一般(唔係差但唔出眾),不過蓮子真係超正.所以叫蓮子冰最好,由其是大熱天時.因為有好多蓮子你食,其他糖水既蓮子會少好多.而佢d紅豆沙都好有水準,唔想食冰都可以考慮下.所以去試食既人請信我:蓮子冰or紅豆沙

如果下下要超豪裝修先至食，咁你一定錯過唔少"正"野啦。合成既糖水都算唔錯嫁,不過正如之前評論,如果佢唔係加冰會再好D。

呢度擺到明就係街坊鋪格，好難要求人地有好grand既裝修。呢度既糖水水準都唔錯，雖未至於超班，但選擇多同水準穩定，對我黎講都食得過。

去親都成大班人, 樓上樓下都好cheap 既裝修, 睇見都唔想食, 大概佢咁hit,係因多糖水選擇呱?至出名既蓮子清心丸冇try 過!

哈哈,,,食完小曼谷0既雞翼,就緊係行埋過黎食呢度0既糖水啦,我叫左個意米蓮子百合雪耳(熱0既),幾好食,甜度一般,但我諗佢地唔係即煲,而係溝出黎0既,人地有雪耳0向入面0既話,應該會係杰身少少,但佢地都仲係水水的,好似唔係好夠潤,不過料又ok多0既,不過不失啦,男朋友仔叫左個蓮子腐竹旦(凍),都ok啦,不過蓮子唔係好多囉,有少少失望!~

大熱天時去到九龍城,當然要食合成既蓮子冰.因為唔係住向附近,所以有一排冇食.上星期食番,味道依然咁正.oh!