潮州合成甜品

营业中

休息中

尋日同男朋友係九龍城遊遊蕩蕩，天氣太熱就入左合成食糖水，係第一次試。可能因為下午四五點，間舖都無客，不過見門口過兩步已經有另一分店，估計平日生意一定好好啦。　　唔知係咪佢地覺得紅豆凍食唔好呢，話紅豆一係要熱，要凍既就只有紅豆冰，所以試左一碗熱紅豆蛋（＄15），一碗凍腐竹薏米清心丸（＄22）～　兩樣都好好味～清心丸出面少見，煙靱彈牙，正啦

相信大家都試過這個行程，先掃泰苑熱氣、火辣的泰國菜，然後行行獅子石道買買衫，稍有空間就到合成，來個清熱消暑的糖水，希望可沖淡生暗瘡的憂慮。我是這個想法的，所以和朋友在獅子石道掃完貨，也到合成來個清潤甜品。入坐後，選擇實在是太多，但十分相似，所以很努力才找到自己想吃的。我和朋友都喜歡在糖水加入柿餅，除了味道不錯也勾起不少童年記憶。不過我們就不太喜歡加冰，因為令糖水變淡了。蓮子鬆化可口，下次會再試其他甜品﹗加上店中播放的懷舊金曲，又是加了分，相信是老闆的特意的安排﹗

大伙兒未吃完泰國菜，便已嚷著要吃甜品。在幾位食友的不約而同的推薦下，甫離開市政街市，就二話不說拉大隊來了這裡。呢度舖面不大，好在有兩層，我們就坐進了閣樓。baby_sakana 說銅鑼灣甘潮同呢度都有段故事，難怪幾款甜品名都熟口熟面啦。大家叫自己喜歡吃的，照例是百花齊放，款款不同。我要了椰汁蓮子黑糯米，蓮子非常鬆化，椰汁香甜，味道不錯。但粒粒蓮子吃下，吃到半路已飽上加飽，所以剩下了一小碗也放棄了。論賣相，應以豬娜叫的一碗最好，因為有個雪糕球。埋單25蚊，唔算好貴，味道又唔錯，可以一試。

同男友share左綠豆蓮子百合清心丸，好正，都ok多枓，又唔太甜，好味道～但價錢真係貴左ｄ喇，差唔多碗碗糖水都過$20！

一向都只鐘愛西式糖水甜品既我, 聽d friend 推介我li間中式糖水. 一去到見所有都係蓮子, 百合果d野, 嘩, 玩野麼, 所有都係我最怕既野, 但都膽粗粗試o下. 點知, 真係好正wow, 又唔太甜, 最正係個老闆,當你們一大班人去, 老闆就會過黎介紹ga啦, 好正ga, 有機會真係要試o下啦!

腐竹蓮子薏米湯丸- 湯丸夠大粒，餡料又多，好味！糖水清甜，蓮子鬆化，好味道！

BBQ 完, 食番個湯水潤一潤. 本來不知道有呢一間合成糖水, 本來會食大良八記, 最後係條街兜左一圈, 見到好似幾特別, 又未食過, 又幾多人幫襯喎, 咁就入左去食了. 入到去睇餐牌, 原來係潮州糖水, 好耐之前睇roadshow 仲介紹過, 原來地點係九龍城., 叫左蓮子綠豆咩咩(唔記得), 西瓜汁西米等等…全部都好大碗, 又唔會太甜, 而且真係好多料. 佢出既糖水都係潮式, 特別, 出面冇咩機會食到, 價錢平均10-30 蚊左右, 好算抵. 好過成日都係食紅豆沙, 芝麻糊個d….. 可以一試!!

日前晚上路經九龍珹,肚子空空的,見此店的蓮子幾出名,甜品癮又起,豪不猶豫走入去幫襯。Menu選擇多,又可隨意併,啱晒我。選了蓮子綠豆邊珍珠丸。蓮子有五、六粒,入口即溶,十分鬆化!綠豆邊其實像其他潮式糖水的綠豆爽,乃綠豆走皮,粒粒飽滿,不錯!珍珠丸是大粒西米,純粹過吓口癮,淋得來帶點煙靱。整体來說真的不錯,大大碗幾抵食,值得推介,尤其是不要過蓮子啊!

尋晚好"潮"呀!! 同朋友去九龍城食潮州打冷再黎合成食潮式糖水, 仲去左和記隆買左d潮州小吃返屋企, 你話"潮"唔"潮"?因為食得飽, 所以想食d清清地既糖水, 我叫了一個腐竹蓮子清心丸糖水. 蓮子依然好鬆化不過就碎左d, 腐竹同清心丸就唔係好得,腐竹"鞋"口既? 清心丸係第一次食, 口感un又唔係好un, 食落怪怪的, 我就唔太鍾意! ps 1 今晚食完飯返屋企, 我同朋友都發生肚痛事件??!! 究竟係打冷有問題定係糖水有問題？？ps 2 打冷個間係同一條街的, 間野叫成乜/ 乜成, 唔記得... 不過d野唔食好, 唔會再去!

晏晝去完西貢bbq,於是夜晚黎呢度潤一潤,未到9點已十分多人;叫左個雪耳清心丸糖水$20,幾清甜,清心丸幾有口感,煙煙韌韌,不錯!地方亦幾光猛乾淨,但價錢略貴.

我鍾意呢度既糖水夠清甜, 做飯後甜品岩岩好!我最鍾意佢既蓮子百合糖水, 真係入口即溶, 正~~另外佢地既椰汁紫米露都係我既至愛, 不過最好唔好食飽飯食, 唔係實飽到得唔郁呀!

今日冇乜胃口，咪食糖口水當正餐。我企係門口，個老闆娘就走埋黎招呼。我同佢講冇胃口食乜好，佢介紹馬蹄沙。入到去左睇右睇，more than 72種睇到頭暈呀最後叫左熱0既雪耳薏米馬蹄沙(佢話熱好食d)。之前冇听左馬蹄沙,今次最一次食一食的確唔錯清清地,正合我心意d馬蹄好有口感,趣趣地d糖水唔算太甜而d料真係多到無得頂(難怪賣呢個價)雪耳冇乜特別,但好多最正莫過於最出名0既蓮子~!!!嘩...係即溶架我起初食唔覺但之後記起呢到d蓮子好出名所以特登pick一粒蓮子出黎一放入口溶左...呢到0既糖水唔平,但好有水準而且service好好

雖然紅豆沙唔夠起沙，但清心丸仍舊有咬口，蓮子好腍，十多元一碗，可以一試。

呢度清心丸珍珠丸有口感, 正. 又唔算太甜, 蓮子同百合又多又靚, 冷熱食都係咁料多好味, 伙計重幫手睇住你泊左嚮出面架車添. 雖然係貴, 但都值得一再幫襯.

熱的尚可，有些不是別容易吃到的。例如："齒"餅，清心丸等。推介熱食，因為凍食會加冰，影響口感和味道。懷舊金曲點題。