潮州合成甜品

营业中

休息中

話說今日心血來潮想放lunch時去金滿堂, 點知佢地話3點先開...>.< 於是就encore了這兒~~!今次叫了 ~*海底椰蓮子燉雪梨*~小女子坐低望住個餐牌心大心細, 老細好好人走埋0黎介紹鏡上的各款甜品, 款款30大洋, 明解0既...見老細咁好招呼, 就順下意點個價值30大洋的燉雪梨.一上檯, 超喜歡那原盅燉品的賣相! 先有張紙封著, 鎖住水份, 以免蒸燉時水份蒸發出去得太過份. 然後揭蓋~整個過程都好有懷舊感呀~~~~XD 老細處理整個程序, 招待幾好呀~~~(好有可能當時無人幫襯)一入口, 清甜的雪梨味! 食唔到添加甜味喎!! 好有種original的感覺!! 海底椰經燉煮後軟硬剛好! 切得厚度適中! 足料~!!! 成盅0野都覺得佢好滋潤~~再加上天氣仍冷, 食個熱呼呼的滋潤甜品, 暖到入心呀~!!!只係...有一點掃興的時...食到尾聲發現了一條眼眉毛...老闆, 是你的嗎?

1-1-2008今晚11點幾黎到唔係太多人......我食左個椰汁蓮子黑糯米加湯丸......要左個凍的，原來凍的要加$1........所以要$27................個凍椰汁蓮子黑糯米都好大碗，兩個人食都夠....d蓮子好多，成碗都好足料.............湯丸係另上的，一碗有4粒熱的芝麻湯丸....湯丸都好好味.....所以合成都係唔錯的選擇.............臨走的時候親戚外買個腐竹雞蛋糖水，聽到侍應大聲叫出面的人整個"捉雞"令走，原來腐竹雞蛋糖水的簡稱係"捉雞"，學多樣野啦.....哈哈.........

去到都好多人,叫咗個蓮子綠豆邊馬蹄沙, 未食過咁嘅組合, 幾特別.d綠豆, 係黃色, 好似綠豆蓉果種.馬蹄沙係第一次食,幾爽口.味道唔錯,不過又唔係超好.我覺係睇自己的口味.

身為一個潮州妹，都唔知道潮州糖水可以有這麼多款式，去左幾次之後，都係覺得蓮子做得最出色，同埋要食熱的，因為如果你叫凍的話，佢地會落d冰粒，攪到好奇怪，而且又好"難"食，因為要食糖水又食唔到冰，的確係高難度動作。

試過蓮子腐竹清心丸,碗糖水好多蓮子,料比糖水多好多,適合喜歡食糖水渣的人因自己是潮洲人,故一向媽咪都會煲這些糖水,覺得這兒好有屋企糖水feel價錢覺得偏貴,但會為了食清心丸而來,因這兒是最好食的

蓮子椰汁黑糯米加薏米$22唔太甜~! GOOD!蓮子真係夠鬆化~! GOOD GOOD!椰汁黑糯米都夠杰身~! GOOD GOOD GOOD!糖水都好足料~! GOOD GOOD GOOD GOOD!所以, 整體上真係食得過! 會再去啦~!!!

見咁多人都say 好食~~就去苛trytry啦~~叫左個雪耳蓮子清心丸同腐竹薏米糖水~~~佢d 料好多~~~又真係好好味wow~~~~~~其實我唔like 食蓮子都覺得好好食~~~清心丸都好好食~~可以下次再來~~~support~~

喜歡這裡的綠豆蓮子清心圓,而他總會選擇腐竹蓮子清心圓.短短數月,光顧了5,6次.每次都是跟他來的,吃著糖水,聽著老歌.....甜在心.

星期六第二次黎呢間糖水店，揀咗必食嘅馬蹄沙，$14，料勁足，啖啖都有蓮子同馬蹄咁滯，價錢非常合理，最好嘅係佢唔太甜，感覺好滋潤！朋友叫咗個腐竹雪耳糖水，亦唔太甜，味道好好！唯一覺得有d奇怪嘅係呢度除咗寫明係凍嘅糖水之外，其他糖水要凍的話就要加$1，仲要係加冰令佢凍，食落有d冰個人就唔係咁鐘意，但係就一定夠凍，同埋亦都影響唔到個味道！

中式糖水來講，配搭都算多…因為一碗至少含有3種料以上先有得叫…所以每碗糖水名都好長好長…有時都無心機睇字，睇圖來叫。對貪心的香港人來講都唔錯…佢亦唔會太花巧做一D令佢失手的糖水，明智之舉。不過奉勸堂食好D，因為外賣唔知點解用個咁碗咁細，同堂食大大碗好似有D唔係咁抵的感覺…

經過九龍城想起食評勁讚，所以一心試試。的確不錯，我要了一碗黑糯米+芝麻湯圓，湯圓好似有5粒，每粒都大大粒，咬一口，內裡的芝麻滿瀉，大大碗的黑糯米可以當lunch。而媽媽則要了一碗馬蹄露+綠豆沙(?)，老闆說可以清熱，試了一口，味道也不錯，很爽口，下次可以吃下這碗代替涼茶。

食完飯都飽到上心口架喇﹗不過由於太乾燥，決定補番下﹗燉雪蛤同埋雪梨，好味道﹗夠哂滋補清潤﹗睇番0的相同0的廣告牌先知原來潮州式糖水最緊要多渣，怪不得見佢碗碗都成碗飯咁啦﹗真材實料，下次未食飯先食個糖水打底一定慳番好多﹗

住了呢區10 幾年, 印象中只係約7 年前幫襯過一次, 食完亦唔覺得佢特別好食, 一直唔明點解佢0係Openrice d 笑面會多得咁緊要... 不過今日之後, 總算明0左d 喇.試了個熱蓮子清心丸綠豆爽... 碗0野0黎到嚇了一跳, d 綠豆邊多得厲害, 成碗糖水都變了鮮黃色. 蓮子一粒粒完整的, 咬落非常鬆化, 好好食, 果然係招牌0野! 綠豆邊糖水味道都唔錯, 唔會太甜, 又唔會太杰/稀. 清心丸就得啖笑, 形狀同size 都不一, 有d 係cubes, 有d 就係長方形(因為兩粒cubes 黐埋一齊), 不得不提係其中一條長方形0個d 入面係有隻小昆蟲(應該係蟻) suspended in it, 雖則食我唔死, 但賣相實在嚇人, 當然0個條我亦無食到啦.環境無特別, 不過播的音樂係鄭少秋(?) 唱腔的"禪院鐘聲", 感覺"懷舊" 非常XDDD 招呼ok, "蓮子大王" (見圖右) 幾有禮貌.整體ok 啦... 會唔會再0黎食, 我都唔敢講, 不過d 蓮子真係值味道4 分同笑面的.

約咗去食泰國菜, 點知大家都遲到.... 走咗去食個糖水先~ 整咗碗: 蓮子+馬蹄露+清心丸+薏米. 無諗過蓮子可以咁好味, 係甜咗d, 但係煮得好腍~ 好味!!

昨日去開九龍城,本想試一試清真牛肉館,不過可惜太多人了!!最後去了付近的合成糖水,總算到此一遊吧!!糖水的種類激多,實在令我花多眼亂,最後點了蓮子腐竹清心丸(唔記得啦!個名太長)第一次食清心丸,幾好味!口感不錯~~糖水的料很多,食完真係好飽!潮州糖水還是第一次食,有機會再來!!