漢城美食

营业中

休息中

今日又食咗韓國街另一間韓國嘢，餐廳由韓國人打理，環境乾淨，而且闊落🤭食物都幾抵食，而且佢哋仲設有學生優惠價添！食韓國嘢梗係唔少得食前菜，呢間都包左三四款小菜，味道唔錯😛蜜糖蒜蓉雞翼 $88超推介❤️❤️我最鍾意食呢個！雞翼，外皮酥脆，裏部肉質嫩滑多汁，蜜糖和蒜蓉嘅調味啱啱好，仲配埋啲炸年糕，超滿足🫶🏻💖芝士炒年糕$95呢個炒年糕一啲都唔辣，超香芝士味啱晒啲唔鍾意食辣嘅朋友🤓年糕好煙un，搭配融化既芝士，口感豐富👍🏻牛肉紫菜飯卷$84食韓國嘢必成紫菜卷吧🤡口感豐富，色得飽滿足料，每一口都帶來滿滿的滿足感。紫菜卷調味，而且都唔會太多麻油，係比較清新嘅口味🙌🏻炸醬麵 $89呢個炸醬麵都算多醬得黎，又唔會太鹹，不過我自己再偏愛啲再煙un 啲嘅麵條🤪成個面份量超好！我會你多到最後都食唔晒🙈

早排睇了韓劇moving異能，劇裡柳成龍經營的那間炸雞店令人印象深刻。搞到我都想特登去食下韓式炸雞。繁悶工作完成後，坐船去尖沙咀展開我的食韓式炸雞之旅，撫慰疲憊空虛的心靈。今次搵到了位於位於金巴利道的漢城美食，金巴利道被譽為香港的韓國食街，街內韓式料理林立，最少起碼有十多間，有燒肉、火鍋，任君選擇。首先映入眼簾的是漢城美食整潔舒適的用餐環境，原來該餐廳在2001年已開店，至今已有22年，由韓國人主理，係一間正宗的韓國料理店。寬敞的座位非常適合家庭聚餐，這裏還特別設有學生優惠價，對於預算有限的學生朋友、拍拖的後生仔女，無疑是一個不錯的選擇。而且菜單的食物種類繁多，總有一款適合你去點。雙重滋味炸雞(原味、蜜糖蒜蓉味) - $199這份雙重滋味炸雞，一邊是脆皮原味，另一邊則是蜜糖蒜蓉味，兩種風味的完美組合。雞肉炸得脆脆，肉質嫩而彈牙，而蜜糖蒜蓉味則是甜中帶蒜的獨特口味，讓人回味無窮，除了炸雞還有薯條拌菜，零舍滋味。炸雞還配有酸蘿蔔配菜，可作為緩衝小吃。香辣魷魚石頭飯 - $129這道香辣魷魚石頭飯絕對是韓式料理的經典代表。石鍋底部的米飯煎得恰到好處，底部有飯焦，口感鬆脆。魷魚的新鮮與香辣醬的

呢間係尖沙咀韓國街開咗20幾年嘅韓國餐廳, 餐廳門口寫住由2001開業, 餐廳好簡約, 環境乾淨, 門口又保留咗一個舊舖嘅牌篇; 舖內座位寬敞, 用左木檯木椅, 適合同屋企人或一班朋友聚餐, 而且仲有特設學生優惠價, 真係幾抵食呀! 餐廳菜式種類繁多, 主打韓國菜, 有炸雞, 醬油蟹, 湯麵類, 肉類, 湯鍋類, 飯卷等等, 嚟緊天氣開始凍, 仲有冬天之選燉湯系列推出啦。前菜小三碟一坐低就會有韓國開胃小碟前菜比你食下先; 有韮菜煎薄餅, 炒韮菜花同傳統泡菜。我最喜歡泡菜, 酸酸辣辣, 好開胃呀!真露Soju - $77食韓國菜, 點少得Soju! 餐廳真露款式好齊全, 有6-8款, 且仲有其他韓國酒, 我揀咗最愛嘅西柚味真露, 甜甜地, 酒精濃度唔算高, 只有12%, 用小號酒杯, 慢慢嘆一口, 爽呀!韓式牛肉炒粉絲 - $109韓國對牛肉烹調偏甜, 韓國粉絲較煙靭和粗身, 晶瑩通透, 濕濕地身, 味道又香, 麻油味香, 很開胃, 但係唔鹹, 令人好喜歡。 牛肉都都唔硬, 配埋其他雜菜, 好味呀!辣豬肋骨鍋 - $198辣味程度低, 易入口, 但有啲偏咸。豬肋骨好大舊燉得好淋, 好咬

【🪅漢城美食Han Sung | 韓廚主理夠晒正宗🇰🇷】「漢城」對好多後生仔女都比較陌生，其實係韓國首都首爾嘅舊名稱，係好耐之前首都曾經命名過做「京城」及後再改為「漢城」，到2005年最終改為「首爾」，改名其一原因係「首爾」比較近似韓文Seoul發音。時至今日大家都習慣了首爾，仍然記得「漢城」的人，都證明有返咁上下閱歷😄。今晚嚟到尖沙咀金巴利道，以前曾經婚紗店林立，時代變遷，婚紗店引退，現在已由多國特色餐廳取代，今次「漢城美食」係尖沙咀開業二十多年，是第一批尖沙咀韓式餐廳始祖，而且由韓國人主理，味道相當正宗，難怪屹立多年！唔少附近讀過書嘅朋友仔都話食過，學生優惠到今日都仲有做呀，完全係回憶系列！可能學生們都長大了，今晚見到唔少家庭客呢！食咗咩🇰🇷前菜小三碟一小碟的前菜，稱之為「반찬」（banchan）。今次係煎薄餅、炒韮菜花和傳統泡菜。我最喜歡泡菜，睇吓下次嚟又會遇上啲咩banchan啦！..🇰🇷真露JinroJinro是我的韓餐主菜😁缺真露不可！餐廳真露款式好齊全，起碼有6-8款，而且仲有其他韓國酒，我揀咗最愛嘅西柚味真露，店員會遞上真露專用小號酒杯。為朋友斟酒是禮貌呀！來！😆「鏘（

下晝同朋友去咗尖沙咀金巴利道食韓國菜。餐廳由韓國人🧑‍🍳主理，味道美味正宗。餐廳環境整潔，座位寬敞，適合同朋友🧑‍🤝‍🧑傾計聊天，亦適合一家大細嚟食飯。餐廳菜式地道且多元化，我同朋友叫咗芝士🧀炒年糕、醬油雞翼、炸醬麵同牛肉紫菜飯卷。芝士炒年糕食落有嚼口，既有辣醬嘅辣味🌶，亦有芝士嘅甜味，但整體味道更偏甜。醬油雞翼炸得香脆，配上香甜醬汁，味道可口。炸醬麵配上黑色韓式春醬，味道香甜。圓麵味道煙韌、彈牙，食落爽口，而且份量十足。牛肉紫菜飯卷麻油味濃，配上面頭芝麻、牛肉🐂、紅蘿蔔🥕、菠菜等餡料味道可口。꧁☬小編食左咩☬꧂✅芝士炒年糕✅醬油雞翼（7件）✅炸醬麵✅牛肉紫菜飯卷(◔◡◔) ♥️ 人均傷害💰：~ $150♥️

尖沙咀係韓國菜🇰🇷集中地，分佈無數大大小小嘅韓國餐廳、小食店、雜貨店等，所以有小韓國之稱😜。其中一間就係「漢城美食」，當年韓國文化仲未咁普及，已經係尖沙咀開業，算係區內數一數二老字號👍🏻。.✨ 漢城美食主打傳統韓式菜式，食店早於2001年開業，開業超過22年，屹立不倒😱而且菜式種類繁多，超過80款小食、主食、定食等，更加特設學生優惠價，所以人氣程度不能忽視‼️✨ 環境餐廳走簡約路線，以木系餐桌枱櫈為主，整潔之餘，座位亦十分寬敞☺️。最特別係門口位置，保留咗舊鋪嘅招牌💈，帶啲年代感得嚟，亦證實長年屹立不倒！🥢 韓式小食一坐低，除左擺低餐牌外，仲會有三碟免費小食，有泡菜、大豆芽、韭菜煎餅，大多都十分開胃🤤。🥢 韓式牛肉炒粉絲 $109韓式粉絲比中式粉絲比較粗身，爽口彈牙😋而且唔易折斷，而且吸引曬醬汁、麻油香味🫧，條條粉絲都上曬色😍；牛肉絲小大適中，配埋粉絲一齊食，口感豐富！🥢 部隊鍋 $198經典韓國料理菜餚 — 部隊鍋🍲！配料超豐富︰辛辣麵、年糕、午餐肉、腸仔、冬菇、茄汁豆、泡菜、翠玉瓜、紅蘿蔔、金菇。濃郁辛辣麵湯底搭埋芝士味，超級惹味😋。再食埋標誌性嘅泡麵🍜，依餐飯十分滿足🥰。

今晚去開尖沙咀，突然間好想食韓國菜，想簡簡單單食飯同肉，就行左去好多韓國餐廳嘅韓國街，隨便點左幾樣野食。蜜糖蒜蓉炸雞🍗（半隻）甜甜地真係特別惹味加埋蒜蓉就更加香喇，半隻兩個人食就啱啱好喇。韓式石頭飯🥘（辣豬肉）嘩嘩嘩📣有飯蕉堅係正，當然撈埋辣豬肉、生雞蛋就好鬼正啦⋯⋯鐵板豬肉餃子🥟因為鐵板嘅關係熱住黎食，所以豬肉餡仲係保持到好多肉汁，好好味🤤今晚就叫支韓國啤酒🍻啤啤佢先🤩好滿足呀⋯⋯

同朋友嚟到尖沙咀「韓國街」食晚飯，見呢間餐廳環境乾淨、座位寬敞，適合同屋企人、一班朋友聚餐，一於入去試試！呢間餐廳係韓國人主理，係正宗嘅韓國料理👍🏼 食物款式有好多，睇menu都有排睇😂 店員首先畀咗3碟前菜我哋，碟碟都好大碟！我哋嗌咗支濟州柑橘生米酒，酸酸甜甜嘅味道！終於喺香港食到醬油蟹😍 比起大閘蟹真係易食好多，啖啖肉，啲汁又調得好味，啲蟹膏同醬油一定要用嚟撈飯食，將啲飯倒去蟹蓋食超正！仲嗌咗個牛肉鍋，湯底較甜，都係適合撈飯，食完個身暖笠笠！

鋪頭老闆係韓國人，傾過之後先知道，原來呢間鋪頭係尖沙咀區開店22年，屹立不倒，足以看出經濟實惠啦。入去的時候見到隔離台係一桌韓國人，果然地道。餐牌種類繁多，適合聚會。我地嗌左半份韓式滷豬手配生菜，一鍋牛肋骨湯，韓餐多有佐酒小食，我地都試左一款韓國特色既紫薯米酒。 豬手非常入味，搭配甜麵醬同特製醬料，有小小辣，幾惹味。生菜包住，整體口感非常清新。 牛肋骨湯端上黎時熱辣辣，有四舊大塊牛肉，非常實惠，配飯食，暖暖地幾舒服。第一次試紫薯米酒，清清甜甜，非常好入口，淡紫色，幾靚幾夢幻，飲落去淡淡紫薯香味。

好耐冇食韓國嘢啦，今日行開尖沙咀經過呢間韓國餐廳之前已經見到好耐，一直都想試但係都未去，今次終於試吓入到去見到環境寬敞又整潔，裝修擺設好似韓國嘅小食店咁😆 原來呢間餐廳係韓國人主理，所以佢哋嘅食物美味又正宗😋👍🏻我哋見到佢嘅餐牌菜式種類好多，我哋叫咗炸醬麵、牛肉紫菜飯卷、芝士炒年糕、蜜糖蒜香雞翼炸醬麵🍝放在一隻太陽蛋響炸醬麵上面，望落去好吸引😋同炸醬一齊撈埋好好味，而麵質彈牙😋牛肉紫菜飯卷🍙 份量好多，紫菜飯卷嘅餡好足料，真係料多個飯😂😋入面有醃蘿蔔、雞蛋、牛肉、紅蘿蔔、菠菜！牛肉好香口，好好味👍🏻芝士炒年糕🧀本身已經好鍾意食韓國炒年糕，佢加埋響上面放咗塊芝士，撈埋一齊食真係好正，醬汁唔係好辣，所以唔食得辣嘅朋友都可以食到蜜糖蒜香雞翼🍯味道甜甜鹹鹹，充滿蒜香味🧄😋雞翼脆卜卜，入面好Juicy👍🏻仲有啲煎過嘅年糕，外表香脆入邊好煙韌，同芝士炒年糕嘅口感唔一樣😋

老公今年生日，我哋終於唔洗係麥當勞慶祝啦！問親老公想食乜，佢就一定答，老婆想食乜佢就想食乜，咁我真係唔知食乜好，所以決定行到邊食到邊。當日行咗成日街街，去到尖沙咀金巴利道，見到呢間韓國餐廳，菜式種類繁多，環境整潔，又乾淨，座位又夠寬闊唔迫，所以就入咗去試吓。🤣🤣🤣漢城美食 Han Sung 地址:尖沙咀金巴利道74-76號地舖韓式小食(三小碟)泡菜 - 唔太酸，唔辣，好爽口魚片 - 唔太特別韭菜煎餅 - 好食呀，點埋年糕個汁，簡直正正子甜辣雞翼$88好香脆，甜辛辣又好味，甜甜哋，小小辣，超JUICY，我最鍾意嘅係佢唔係全隻都唔係撈晒甜辣醬，仲有大約1/4係冇，咁就唔會只食到甜辣醬味，又可以食到佢雞翼嘅原味。😀😀😀香辣豬肉紫菜飯卷 $84辣豬肉好出色，配料超多，如果再多少少麻油味仲一流。😆😆😆炸醬麵 $89有驚喜喎，其他地方食會偏甜，佢又唔會，味好好食之餘，仲要唔係公仔麵，麵質好彈牙，又滑，大家可以一試。😃😃😃拉麵(公仔麵)炒年糕 $95我同老公一致認為係最好食的，味道好味，我食以上咁多樣食物，都要點呢個拉麵年糕汁嚟食，年糕又滑又彈牙，醬汁超好味，甜、酸、辣在一身，簡直汁都唔放過。😋😋😋

漢城位於尖沙咀金巴利道74-76號地舖餐廳由韓國人經營食物由店主一手包辦餐廳門口寫住由2001開業主打韓國菜有炸雞，醬油蟹，湯麵類，肉類，湯類，飯卷，麵類等等營業時間每日中午12點至下午3點下午五時至晚上十一時今晚8點到餐廳，等左一陣就有位餐廳地方大用左木檯木椅牆壁好多美食照片仲有一個大雪櫃平日去食韓國菜的餐廳多數飲真露呢間餐廳由來自韓國的米酒今晚我叫左醬油蟹加飯糰$190［1人份］人蔘雞湯配飯$175，濟州柑橘米酒$220醬油蟹醬油甜甜地非常多膏今次係我第二次食醬油蟹雖然係生醃的做法但都好接受呢個菜飯糰有紫菜要自己整個小飯糰落手落腳玩因為有紫菜鹹鹹地好食人蔘雞湯有鹽同黑椒可以自己調味原隻雞非常淋有人蔘片甘甘地濟州柑橘米酒米酒有柑橘香非常清新呢間餐廳出菜快又熱辣辣深受客人歡迎❤️

金巴利道留意到有間老字號韓國菜，店內都算大，地方乾淨而寬敞。店內員工都係媽媽級，好有親切感。🌹每枱都有三款小食我自己就叫左4款野食拉麵(公仔麵)炒年糕$95呢款有一點點辣，貪心嘅我最鍾意，食到年糕又食到拉麵。紫菜飯卷食親韓國嘢，我必食飯卷，好有家嘅感覺。蜜糖蒜蓉雞翼 （7件）$88呢款雞翼好啱細路仔食，甜甜脆脆嘅雞翼，加上有芝麻，食落更香。海鮮餅$119煎到薄脆嘅海鮮餅，裡面夾住一點鮮魷、葱段、洋蔥、香口帶脆，口感豐富。

為什麼這家沒人推！？作為一個海鮮餅愛好者，金巴利街韓餐店基本都試過。這家的海鮮餅是最實在用料最厚實的，魷魚很Q彈！海鮮餅不咸，可以自己沾料調節，配的沾料酸甜微辣，口感很豐富。店主韓國阿姨人也很nice，經常過來問我們taste如何，很可愛。店內環境也還不錯，桌面地板都很乾淨。價格方面也還算合理，是韓國街附近性價比比較高的。吃完超級滿足，下次會帶朋友再來多試一些其他的菜！（菜單上的炸醬麵看上去真的很好吃

🥘本来没有抱太大期望的，但是结果是我来香港吃过的最好吃的部队锅！🥬店主说泡菜都是自己做的，放在锅里很入味。最喜欢午餐肉和脆皮肠，量还挺多吃到最后还剩了好些。方便面是韩国那种厚厚的面条，筋道。年糕味道很惊喜！最重要的是很多蔬菜，在香港年能够吃到这么丰富的蔬菜真的很难得了🥹🥕总的来说味道正宗，位置好找（就在尖沙咀韩国街）人气还挺高～而且无意中听见老板跟厨房的人说的是韩语！所以可能是韩国老板开的店吧所以那么好吃！以后我想吃部队锅都来这里了！