漢城美食

营业中

休息中

下晝同朋友去咗尖沙咀金巴利道食韓國菜。餐廳由韓國人🧑‍🍳主理，味道美味正宗。餐廳環境整潔，座位寬敞，適合同朋友🧑‍🤝‍🧑傾計聊天，亦適合一家大細嚟食飯。餐廳菜式地道且多元化，我同朋友叫咗芝士🧀炒年糕、醬油雞翼、炸醬麵同牛肉紫菜飯卷。芝士炒年糕食落有嚼口，既有辣醬嘅辣味🌶，亦有芝士嘅甜味，但整體味道更偏甜。醬油雞翼炸得香脆，配上香甜醬汁，味道可口。炸醬麵配上黑色韓式春醬，味道香甜。圓麵味道煙韌、彈牙，食落爽口，而且份量十足。牛肉紫菜飯卷麻油味濃，配上面頭芝麻、牛肉🐂、紅蘿蔔🥕、菠菜等餡料味道可口。꧁☬小編食左咩☬꧂✅芝士炒年糕✅醬油雞翼（7件）✅炸醬麵✅牛肉紫菜飯卷(◔◡◔) ♥️ 人均傷害💰：~ $150♥️

尖沙咀係韓國菜🇰🇷集中地，分佈無數大大小小嘅韓國餐廳、小食店、雜貨店等，所以有小韓國之稱😜。其中一間就係「漢城美食」，當年韓國文化仲未咁普及，已經係尖沙咀開業，算係區內數一數二老字號👍🏻。.✨ 漢城美食主打傳統韓式菜式，食店早於2001年開業，開業超過22年，屹立不倒😱而且菜式種類繁多，超過80款小食、主食、定食等，更加特設學生優惠價，所以人氣程度不能忽視‼️✨ 環境餐廳走簡約路線，以木系餐桌枱櫈為主，整潔之餘，座位亦十分寬敞☺️。最特別係門口位置，保留咗舊鋪嘅招牌💈，帶啲年代感得嚟，亦證實長年屹立不倒！🥢 韓式小食一坐低，除左擺低餐牌外，仲會有三碟免費小食，有泡菜、大豆芽、韭菜煎餅，大多都十分開胃🤤。🥢 韓式牛肉炒粉絲 $109韓式粉絲比中式粉絲比較粗身，爽口彈牙😋而且唔易折斷，而且吸引曬醬汁、麻油香味🫧，條條粉絲都上曬色😍；牛肉絲小大適中，配埋粉絲一齊食，口感豐富！🥢 部隊鍋 $198經典韓國料理菜餚 — 部隊鍋🍲！配料超豐富︰辛辣麵、年糕、午餐肉、腸仔、冬菇、茄汁豆、泡菜、翠玉瓜、紅蘿蔔、金菇。濃郁辛辣麵湯底搭埋芝士味，超級惹味😋。再食埋標誌性嘅泡麵🍜，依餐飯十分滿足🥰。

今晚去開尖沙咀，突然間好想食韓國菜，想簡簡單單食飯同肉，就行左去好多韓國餐廳嘅韓國街，隨便點左幾樣野食。蜜糖蒜蓉炸雞🍗（半隻）甜甜地真係特別惹味加埋蒜蓉就更加香喇，半隻兩個人食就啱啱好喇。韓式石頭飯🥘（辣豬肉）嘩嘩嘩📣有飯蕉堅係正，當然撈埋辣豬肉、生雞蛋就好鬼正啦⋯⋯鐵板豬肉餃子🥟因為鐵板嘅關係熱住黎食，所以豬肉餡仲係保持到好多肉汁，好好味🤤今晚就叫支韓國啤酒🍻啤啤佢先🤩好滿足呀⋯⋯

同朋友嚟到尖沙咀「韓國街」食晚飯，見呢間餐廳環境乾淨、座位寬敞，適合同屋企人、一班朋友聚餐，一於入去試試！呢間餐廳係韓國人主理，係正宗嘅韓國料理👍🏼 食物款式有好多，睇menu都有排睇😂 店員首先畀咗3碟前菜我哋，碟碟都好大碟！我哋嗌咗支濟州柑橘生米酒，酸酸甜甜嘅味道！終於喺香港食到醬油蟹😍 比起大閘蟹真係易食好多，啖啖肉，啲汁又調得好味，啲蟹膏同醬油一定要用嚟撈飯食，將啲飯倒去蟹蓋食超正！仲嗌咗個牛肉鍋，湯底較甜，都係適合撈飯，食完個身暖笠笠！

鋪頭老闆係韓國人，傾過之後先知道，原來呢間鋪頭係尖沙咀區開店22年，屹立不倒，足以看出經濟實惠啦。入去的時候見到隔離台係一桌韓國人，果然地道。餐牌種類繁多，適合聚會。我地嗌左半份韓式滷豬手配生菜，一鍋牛肋骨湯，韓餐多有佐酒小食，我地都試左一款韓國特色既紫薯米酒。 豬手非常入味，搭配甜麵醬同特製醬料，有小小辣，幾惹味。生菜包住，整體口感非常清新。 牛肋骨湯端上黎時熱辣辣，有四舊大塊牛肉，非常實惠，配飯食，暖暖地幾舒服。第一次試紫薯米酒，清清甜甜，非常好入口，淡紫色，幾靚幾夢幻，飲落去淡淡紫薯香味。

好耐冇食韓國嘢啦，今日行開尖沙咀經過呢間韓國餐廳之前已經見到好耐，一直都想試但係都未去，今次終於試吓入到去見到環境寬敞又整潔，裝修擺設好似韓國嘅小食店咁😆 原來呢間餐廳係韓國人主理，所以佢哋嘅食物美味又正宗😋👍🏻我哋見到佢嘅餐牌菜式種類好多，我哋叫咗炸醬麵、牛肉紫菜飯卷、芝士炒年糕、蜜糖蒜香雞翼炸醬麵🍝放在一隻太陽蛋響炸醬麵上面，望落去好吸引😋同炸醬一齊撈埋好好味，而麵質彈牙😋牛肉紫菜飯卷🍙 份量好多，紫菜飯卷嘅餡好足料，真係料多個飯😂😋入面有醃蘿蔔、雞蛋、牛肉、紅蘿蔔、菠菜！牛肉好香口，好好味👍🏻芝士炒年糕🧀本身已經好鍾意食韓國炒年糕，佢加埋響上面放咗塊芝士，撈埋一齊食真係好正，醬汁唔係好辣，所以唔食得辣嘅朋友都可以食到蜜糖蒜香雞翼🍯味道甜甜鹹鹹，充滿蒜香味🧄😋雞翼脆卜卜，入面好Juicy👍🏻仲有啲煎過嘅年糕，外表香脆入邊好煙韌，同芝士炒年糕嘅口感唔一樣😋

老公今年生日，我哋終於唔洗係麥當勞慶祝啦！問親老公想食乜，佢就一定答，老婆想食乜佢就想食乜，咁我真係唔知食乜好，所以決定行到邊食到邊。當日行咗成日街街，去到尖沙咀金巴利道，見到呢間韓國餐廳，菜式種類繁多，環境整潔，又乾淨，座位又夠寬闊唔迫，所以就入咗去試吓。🤣🤣🤣漢城美食 Han Sung 地址:尖沙咀金巴利道74-76號地舖韓式小食(三小碟)泡菜 - 唔太酸，唔辣，好爽口魚片 - 唔太特別韭菜煎餅 - 好食呀，點埋年糕個汁，簡直正正子甜辣雞翼$88好香脆，甜辛辣又好味，甜甜哋，小小辣，超JUICY，我最鍾意嘅係佢唔係全隻都唔係撈晒甜辣醬，仲有大約1/4係冇，咁就唔會只食到甜辣醬味，又可以食到佢雞翼嘅原味。😀😀😀香辣豬肉紫菜飯卷 $84辣豬肉好出色，配料超多，如果再多少少麻油味仲一流。😆😆😆炸醬麵 $89有驚喜喎，其他地方食會偏甜，佢又唔會，味好好食之餘，仲要唔係公仔麵，麵質好彈牙，又滑，大家可以一試。😃😃😃拉麵(公仔麵)炒年糕 $95我同老公一致認為係最好食的，味道好味，我食以上咁多樣食物，都要點呢個拉麵年糕汁嚟食，年糕又滑又彈牙，醬汁超好味，甜、酸、辣在一身，簡直汁都唔放過。😋😋😋

漢城位於尖沙咀金巴利道74-76號地舖餐廳由韓國人經營食物由店主一手包辦餐廳門口寫住由2001開業主打韓國菜有炸雞，醬油蟹，湯麵類，肉類，湯類，飯卷，麵類等等營業時間每日中午12點至下午3點下午五時至晚上十一時今晚8點到餐廳，等左一陣就有位餐廳地方大用左木檯木椅牆壁好多美食照片仲有一個大雪櫃平日去食韓國菜的餐廳多數飲真露呢間餐廳由來自韓國的米酒今晚我叫左醬油蟹加飯糰$190［1人份］人蔘雞湯配飯$175，濟州柑橘米酒$220醬油蟹醬油甜甜地非常多膏今次係我第二次食醬油蟹雖然係生醃的做法但都好接受呢個菜飯糰有紫菜要自己整個小飯糰落手落腳玩因為有紫菜鹹鹹地好食人蔘雞湯有鹽同黑椒可以自己調味原隻雞非常淋有人蔘片甘甘地濟州柑橘米酒米酒有柑橘香非常清新呢間餐廳出菜快又熱辣辣深受客人歡迎❤️

金巴利道留意到有間老字號韓國菜，店內都算大，地方乾淨而寬敞。店內員工都係媽媽級，好有親切感。🌹每枱都有三款小食我自己就叫左4款野食拉麵(公仔麵)炒年糕$95呢款有一點點辣，貪心嘅我最鍾意，食到年糕又食到拉麵。紫菜飯卷食親韓國嘢，我必食飯卷，好有家嘅感覺。蜜糖蒜蓉雞翼 （7件）$88呢款雞翼好啱細路仔食，甜甜脆脆嘅雞翼，加上有芝麻，食落更香。海鮮餅$119煎到薄脆嘅海鮮餅，裡面夾住一點鮮魷、葱段、洋蔥、香口帶脆，口感豐富。

為什麼這家沒人推！？作為一個海鮮餅愛好者，金巴利街韓餐店基本都試過。這家的海鮮餅是最實在用料最厚實的，魷魚很Q彈！海鮮餅不咸，可以自己沾料調節，配的沾料酸甜微辣，口感很豐富。店主韓國阿姨人也很nice，經常過來問我們taste如何，很可愛。店內環境也還不錯，桌面地板都很乾淨。價格方面也還算合理，是韓國街附近性價比比較高的。吃完超級滿足，下次會帶朋友再來多試一些其他的菜！（菜單上的炸醬麵看上去真的很好吃

🥘本来没有抱太大期望的，但是结果是我来香港吃过的最好吃的部队锅！🥬店主说泡菜都是自己做的，放在锅里很入味。最喜欢午餐肉和脆皮肠，量还挺多吃到最后还剩了好些。方便面是韩国那种厚厚的面条，筋道。年糕味道很惊喜！最重要的是很多蔬菜，在香港年能够吃到这么丰富的蔬菜真的很难得了🥹🥕总的来说味道正宗，位置好找（就在尖沙咀韩国街）人气还挺高～而且无意中听见老板跟厨房的人说的是韩语！所以可能是韩国老板开的店吧所以那么好吃！以后我想吃部队锅都来这里了！

星期六喺附近整完指甲已經9點幾，諗住近近地食韓國嘢，就入咗「漢城」試吓，點知就出事😣海鮮炸醬麵份量好多，醬汁味道比較淡，海鮮只有魷魚同青口，同普通一碟炸醬麵差$40，情願嗌一碟炸醬麵仲抵食炆牛肋骨牛肋骨份量非常少，只有兩大舊，其餘嘅都只係骨頭連少少肉，唔知係咪因為就嚟收工嘅關係，但味道就不錯嘅，香甜嘅湯汁非常下飯部隊鍋湯底味道怪怪地，內有辛辣麵、年糕、午餐肉、腸仔、冬菇、茄汁豆、泡菜、翠玉瓜、紅蘿蔔、金菇，但係部隊鍋唔係應該有芝士架咩？$198呢個部隊鍋真心唔抵食📍漢城美食 (尖沙咀)尖沙咀金巴利道74-76號地舖人均消費：$300-400食物：⭐️⭐️環境：⭐️⭐️⭐️回頭率：⭐️⭐️

其實尖沙嘴條韓國街真係有好多韓國野食，漢城我都算成日黎食平心而論，知道有呢間餐廳好壞占半，我自己就本著咁既價錢咁既質素黎食野係香港地食韓國野其實唔係平，所以有時如果只係過下口癮，其實黎呢到都係一個唔錯既選擇我今日黎就食左3碟野，分別係炸醬面，炸醬面同埋 GIMBAP先請炸醬面，佢既面量比較少，上面D料太多，如果面量多番D會更好，整體就還好啦一定唔係驚喜之作，但又唔會係驚嚇炸雞我就點左半份既蜜糖蒜蓉雞，份量都幾多，炸粉方便唔會太厚，食落去唔會覺得淡淡都係粉，肉質方面都OK，唔會有雪藏味然之後就係gimbap,呢一個嘅話，我就覺得真係三個入邊最普通，因為佢包得唔紮實，冇咗一種食落去好實在嘅口感整體嚟講愛得，如果有時候想係咁以揀一間嚟食，其實呢度都係一個唔錯嘅選擇，至少又坐得舒服，唔會好迫，店員亦都唔會hard Sell

如果大家要食，請諗清楚餐廳外觀走簡約設計，見到d座位好闊落同朋友仔決定食呢間！ 我地叫既野食都好大路，係平時開韓國菜必點！ 炒年糕，食落去個味完全係即食既味道，年糕同啲醬既味係分開架大佬，點做到架！牛肉紫菜飯卷，本人唔食得紫菜所以冇試，但朋友話唔掂，好難食！豬肋骨湯，豬骨係夠味既，但佢落太多紫蘇葉同粉，搞到成個湯好大陣味，我唔知係咪本身個湯係咁⋯可能韓國人係咁食囉，我地真係搞唔掂😩豬手配生菜，豬手正常囉、但係好多毛未處理好，都算啦，但最唔正常係菜有蟲呀大佬！同個外藉侍應講，佢話唔係蟲😤佢初時仲話係hole…我話你睇清楚啦！後尾佢先發現係蟲跟著佢拎走左，換左碟菜，但無對件事道歉最後，埋單話無得用信用卡😑一定要用現金！好彩有朋友有cash! 無下次！

所有嘢都唔好食，所有嘢都係垃圾侍應好似死老竇咁嘅樣行入嚟好似要打佢哋靶咁啲雞肉「鞋」到可以用來抹地肯德基仲好食過佢辣豆腐海鮮湯得三隻死咗嘅蜆肉冇其他海鮮啲湯冇味純粹係辣椒粉加水啲死蜆佢搵對筷子幫我格硬撬開佢就算唯一可以放得入口嘅係罐裝可樂同汽水呢間嘢完全冇性價比可言，因為佢嘅質素係零所以零除乜嘢都係等於零食呢間嘢係嘥我時間完全無誇張，你嫌錢多咪食囉我都唔知自己食咗啲咩點解我咁辛苦搵錢都要俾佢賺唔講🤢🤢🤢🤢🤢🤢🤢🤢🤢