漢城美食

营业中

休息中

尖沙咀韓國街有好多間韓國餐廳阿zip今日帶大家去一間區內開業最長時間算得上係香港嘅老牌韓國菜 經濟又實惠 仲有學生優惠價嘅餐廳🇰🇷一黎到就會有3款小菜 泡菜 魚糕同煎餅✿ 韓式豬手 $310(全份) / $168(半份) ✿今次叫左半份黎試 份量都好夠 佢亦配埋生菜🙈豬皮好淋 食落去好煙韌(⁎⁍̴̛ᴗ⁍̴̛⁎)豬手加埋個甜麵醬同特製醬汁 好惹味(*¯︶¯*)✿ 年糕人蔘雞湯 $119 ✿天氣咁凍 飲返碗熱辣辣嘅湯就啱☺️入面有好多片年糕 同平時食人蔘雞湯唔同佢係用雞絲 唔洗自己拆骨😀呢個湯仲會配白飯 食完好有飽足感✿ 生米酒 $105 ✿食韓國嘢點可以唔飲酒😎今次揀左生米酒 易入口 好香米味🍶可以用黎解辣同埋食物嘅濃味呢度好適合同朋友或一家人黎聚會佢嘅款式種類繁多 可以叫多幾款share食🤩

漢城美食地址: 尖沙咀金巴利道74-76號地舖今日同你分享我最近去嘅一間小店食嘢，真係好正啊🤤。蜜糖蒜蓉雞翼🍗 $58超讚嘅蜜糖蒜蓉雞翼！外皮炸得香脆，肉質鮮嫩多汁，每一口都帶有蜜糖嘅甜味同蒜蓉嘅香氣😋，真係啖啖都想再啖一口！芝士炒年糕 🧀 $95芝士炒年糕係真係太過癮啦！年糕爽口彈牙，配上濃郁嘅韓式醬，一啖落肚就有融化嘅甜味🤤，真係太滋味啦！炸酱麵 🍜 $89炸酱麵好有家的味道！麵條彈牙有嚼勁，配上香濃嘅炸醬，入口爽滑又滿足😍。一碗麵下肚，心情都好啲！牛肉紫菜飯卷🌯 $84牛肉紫菜飯卷好好食！紫菜包裹住嫩滑的牛肉，配上鮮美的飯粒，每一口都是滿滿的口感和味道🥰。如果再蘸上醬汁，更加美味👍#nicefoodie尖沙咀----------------#food #hkfoodblog #hkgoodblogger #foodie #foodblogger #goodstagram #hkfood #hkfoodie #hkfoodlover #delicious #hk #香港 #香港美食 #美食 #尖沙咀美食 #打卡 #尖沙咀 #香港口味 #隱世美食 #隱世小店 #半價優惠 #

呢日約朋友傾計最啱食炸雞啤酒，又再來呢間韓食。呢間餐廳食物種類多，炸雞都有八種味道選擇。以前韓風吹起時，呢間店已在尖沙咀開店，由韓國人主理，正宗的韓國料理，已經20幾年了。🔥香辣魷魚韓式石頭飯 $129色彩豐富，甜甜辣辣的石頭飯，真係百吃不厭。同生雞蛋，魷魚及全部配料攪拌一齊食好正，底下仲有脆薄的飯焦！🔥蜜糖牛油炸雞半隻 $109好味！香甜味道！粉漿唔厚炸得好脆。🔥海鮮餅 $119必點必點！煎餅好厚，用料實在，蘸店舖特有醬汁超級好食。另外都點了一支大啤酒。之前都食過漢城美食，算是同區最經濟實惠既店了。環境整潔，座位闊，食物份量大，好適合一大班朋友聚會，家庭聚餐。

好耐冇食韓國野，今日就黎到尖沙咀呢間叫漢城嘅韓國餐廳，入面環境整潔，座位寬敞岩哂一家人或者同朋友黎聚餐，而且菜式選擇好多，仲要係由韓國人主理嘅正宗韓國料理，食物質素絕對有保證🐖韓式豬手(半隻) $168 可以話係我食過最好食嘅韓式豬手，半隻豬手嘅份量都好多，絕對足夠兩個人食，豬手嘅肉好嫩滑，肉質軟腍，而且味道亦都非常出色，餐廳準備嘅大醬同埋醬汁，配埋生菜，包住一齊食，食得非常享受🐂牛尾湯 $128 天寒地凍整返鍋牛尾湯簡直係一大享受，牛尾湯嘅牛肉味非常濃郁，而且仲要係熱辣辣，食到最尾嘅湯都仲係熱嘅，牛尾份量都幾多，而且牛尾亦都燉到非常軟腍，配埋白飯食，非常滿足🍶生米酒 $105 喺韓國餐廳就會好想飲酒，呢間餐廳除咗有啤酒之外，仲有生米酒添，唔係成日見到，所以就叫咗黎飲吓，大大支兩個人飲住咁食前菜小食，真係好好味📍尖沙咀金巴利道74-76號地舖 - 漢城美食

今日見返有成2年無見的朋友，於左係著名婚紗街附近搵野食。大家都異口同聲話好耐無食過韓國菜，見到漢城美食就入去試試。一見面就派利是。即時點個韓國醬油蟹慶一慶新一年的來臨。餐廳由韓國人經營，已經有20年歷史。經歷過疫情都無倒閉，證明好食。它們主打韓國菜。餐廳地方寬闊，檯及椅都用木。醬油蟹+紫菜飯團 $360/2pcs我成世女真係第一次食醬油蟹，估唔到口感幾得意，食落生的蟹肉唔會好腥同過重海水味，食落蟹肉非常鮮甜。口感似食緊龍蝦剌身肉，鮮嫩彈牙。醬油好香，食落帶微甜，超爆多膏。最緊要食完無肚痛，證明夠新鮮衛生。飯糰有紫菜、紫菜帶鹹味再加上醬油蟹的甜，味道好match。年糕人蔘雞湯 $119今日天氣凍凍地，大家都共同記要點湯飲。所以我們點了進補的人蔘雞湯，剛才紫菜飯唔夠飽，現在有年糕食，可以飽肚暖胃返。以石鍋上可以保持湯的溫度，非常貼心。 生米酒750ml $105本人好少飲酒，但來得韓國餐廳都試下韓國米酒。入口帶微甜，天氣冷冷的飲住米酒食韓式晚餐、感覺就彷彿置身韓國一樣。

不嬲都知道金巴利道又有小韓國之稱，由街頭到街尾幾十間韓式舖頭，不過呢間淨係睇個名都知道有啲歷史……今日就唔去首爾～去漢城啦！！感覺餐廳環境整潔座位都幾寬堂舒適～都適合朋友共聚或者家庭聚會～上次全份炸雞太飽，今日就食住半份先～都係鍾情香蒜蜜糖炸雞，老細始終都係愛甜～天氣凍凍地，嗌返多啲澱粉：一個辣豬肉石頭鍋飯，同埋我至愛嘅水冷麵！🥰🍗蒜蓉蜜糖炸雞：份量剛剛好，每人都有三四件，炸得好脆，今次叫多支大啤，炸雞配啤酒，絕配！🍲辣豬肉石頭鍋飯：上枱熱辣辣，隔一陣先至用匙羹摷亂佢，就係貪佢有飯焦，脆卜卜～香噴噴！韓國嘅泡菜嘅辣連老細都頂得順！！🍜水冷麵：最鍾意嘅爽口彈牙，配上白醋同埋佢有個蒜蓉芥末醬，撈一撈，好清新～亦中和一下炸雞嘅熱氣！！

今日嚟呢間韓國餐廳，已經喺尖沙咀䇄立左多年，係同區較經濟實惠嘅鋪頭。佢嘅裝修簡約，位置寬敞，私隱度足，傍邊嘅細枱適合兩三知己談天說地，中間嘅大枱適合家庭聚會或者一大班人飲酒耍樂，真係相當唔錯。前菜一埋位就已經遞上3款前菜，每款都很精彩。我特別欣賞個泡菜並唔會十分之辣而很惹味，仲有個簿餅十分軟糯香口。韓式石鍋飯（牛肉）賣相一流，而且配料十分之多，除左牛肉之外，一貫傳統韓式飯嘅特色，就係好多唔同嘅蔬菜，既健康又不膩，加埋個底有少少焦，幾好味。半份芝士炸雞首先，炸雞上枱係熱辣辣嘅，外皮十分香脆，同炸粉唔會十分之厚。肉質鮮嫩，啖啖都係肉，食得好爽。加上濃濃嘅芝士粉，真係十分惹味。

襯住依幾日返風涼涼地，又去咗韓國街食野。今次去咗間成日食都開咗差唔多有廿年既韓食店。由韓國阿珠媽主理，得到有好多韓國人幫襯既認證👍🏻佢哋啲菜式好多選擇，由炸雞去到燉湯, 石頭鍋飯至部隊鍋都有。總有一款韓國野揀到🤣🤣#韓式豬手 (半份-$168) – 豬手份量好多，半份都夠幾個人share食。豬手煮到好冧身好入味，就咁食都得配埋米酒冇得頂。另外本身跟咗幾塊生菜同包飯醬，亦都可以食燒肉咁樣食，再加埋少少泡菜就係最佳食法嚟😋😋#年糕人蔘雞湯 ($119) – 年糕既份量好多，食極都有😱雞佢已經拆哂骨好方便食，而且雞冇煮到好韌。個湯清得嚟又好夠味唔錯既選擇。啱哂依兩日凍凍地補身食#馬格利酒 ($105) – 食韓式野梗係要配埋韓式米酒㗎啦

呢間餐廳係2001年開店，尖沙咀區內開店最長時間，而且係同區最經濟實惠既店舖，佢仲好適合家庭聚餐由韓國人主理美味正宗韓國料理，呢度環境舒適座位寬敞整潔，菜式種類繁多，佢有前菜俾我地食煎泡菜餅一啖一口岩岩好細細粒，我地叫左冬天之選~ 燉湯系列人蔘年糕雞肉湯，熱辣辣大大煲，入面仲好多料有紅棗，手撕雞肉，好多年糕片仲有叫左半份豬手，豬手好厚肉，好軟淋，夾埋生菜同櫻花蝦辣醬食，唔會好肥膩。配埋一支韓國米酒，配肉一絕甜甜地好易入口。

🇰🇷韓國街懷舊風餐廳🍻-想喺香港食韓國人主理嘅韓國菜 通常會喺尖沙咀嘅韓國街搵😏 呢間除咗喺韓國人主理 仲已經開咗廿幾年 可以一試😋 入到去裝修行懷舊風 中間有兩張大枱 好適合多人聚餐👬👭🧑‍🤝‍🧑👫 枱與枱之間都有足夠距離 寬敞乾淨 入座後 職員會先奉上三款前菜 有泡菜 魚糕同煎餅 味道唔錯㗎👻-🥘辣豬肉韓式石頭飯 $119韓國菜主食嚟講 石頭鍋飯係我嘅必然選擇 鍾意佢多蔬菜比較健康之餘 仲有機會食到飯焦 口感好豐富🤩 辣豬肉碎用咗面豉調味 加埋蛋黃 好易撈勻 唔洗額外加韓式辣醬都夠味 佢嘅飯焦我都好欣賞☺️ 鍋底刮起喺金黃色 啱啱好 咬落脆脆地 同時唔黐牙 正👍-🍗蜜糖蒜蓉炸雞 半隻 $109有6嚿左右 有髀有翼 外皮用炸粉炸到乾身🫡 內裏仍然留有水份 肉質幾軟熟😋 蒜蓉蜜糖味既香且甜 叫埋啤酒($29)配炸雞 Perfect💯-📍漢城美食尖沙咀金巴利道74-76號地舖

尖沙咀出名多韓國嘢食，但呢間由2001年開店,到而家已經有23年歷史嘅韓國餐館就係區內開得最長時間,而且係同區最經濟實惠嘅小店👍小店係由韓國人主理,菜式種類繁多、好味又夠正宗。今日同朋友嚟食晚餐，我地叫左⭐蜜糖蒜蓉雞翼(4件)$58⭐香辣猪肉卷$84⭐芝士炒年糕$95每樣食物都好韓式家庭風味，而且份量都足，性價比好高!而且環境整潔,座位夠多又夠寬敞，好適合三五知己、一家大細嚟聚餐。而且小店仲好窩心，下午設有學生優惠價，所以見到好多學生都會嚟用餐，真係充滿人情味!

尖沙咀金巴利道基本上就是韓國街就大家都知啦，但漢城美食係區內最早開嘅韓國餐廳之一，其實早喺2001年嘅時候已經開咗，當時已經係同區最抵食嘅韓國餐。呢度無論裝修定話餐牌都好適合家庭嚟聚餐，因為除咗環境井井有條，座位又寬闊，菜式選擇又多，更加特別會有學生優惠價添。由於一直都係韓國人主理，品質一定有保證，必定會食到好味嘅韓國菜式。今次我同朋友嚟都唔例外，叫咗幾樣嘢都好好食。我地超級懷念韓國嘅醬油蟹，所以見到餐牌有，就即刻要咗個醬油蟹配紫菜飯糰。另外都叫咗個牛尾湯，同朋友嚟，就梗係要叫酒飲啦，所以就要咗我最鍾意嘅生米酒。醬油蟹配紫菜飯糰d醬油蟹好新鮮，又多膏，豉油亦都唔會過鹹遮蓋住蟹嘅鮮味，超級好食！加埋紫菜飯嘅份量都好多，所以一定食得飽！牛尾湯雖然話清淡，但係好有層次感，味道唔會好單調。牛尾份量都好多，我覺得如果冬天嚟食，一定好暖胃。生米酒係我最鍾意嘅韓國酒精之一，鍾意佢有微甜味，易入口！

上次去韓國無食到餃子🥲最近朋友介紹咗間2001年開店仲要韓國人主理嘅韓國餐廳比我哋去彌補返遺憾🥹環境整潔，座位寬敞，新年屋企人聚會都好適合🩷真係全間舖頭都係阿豬媽員工🫨韓式豬手 半份 $168豬手大大份，肉質鮮嫩多汁💦豬皮爽口，唔會軟瀨瀨👍🏻加埋新鮮生菜食，口感清新唔會太油膩🥬蜜糖蒜蓉炸雞 半隻 $109蜜糖味唔係好甜，蒜蓉味反而較出！雞件都好多肉👍🏻年糕餃子湯 $98餃子好大隻，非常包滿，而且有成5隻咁多🫨🥟年糕好煙韌😆冬天飲完個身暖笠笠超正😆生米酒 $105食韓國菜梗係要飲米酒🍶 麴醇堂韓國米酒易入口，口感滑順、清爽澀味少❣️平日唔飲酒嘅大家都可以試下！漢城美食尖沙咀金巴利道74-76號地舖#bei9sik尖沙咀

天氣凍凍的就是想食暖心的食物好耐無食過韓國野一諗食韓國野一定係搵尖沙咀呢間漢城美食位於著名婚紗街餐廳由韓國人經營主打韓國菜有炸雞，醬油蟹，湯類，飯卷等等餐廳地方大 用木檯木椅檯與檯之間有相當的距離好岩同家庭或朋友聚會既地方地道韓菜 韓國人主理 超過20年經營 係附近最長時間又抵食//醬油蟹+紫菜飯團 $360/2pcs//醬油蟹是以生醃的做法醬油好香味道甜甜地而且非常多膏蟹肉口感好鮮甜入口肉質鮮嫩仲好彈牙飯糰有紫菜自己落手落腳整個小飯糰紫菜鹹鹹地加埋醬油蟹的蟹膏好好食紫菜飯團跟醬油蟹味道原來好夾可以將蟹膏蟹肉混合入紫菜飯團然後用手握飯團放入口食又可以調番轉將飯團撈落蟹蓋度好好玩而且味道又好正！ //年糕人蔘雞湯 $119//天氣突然轉冷正好就是食熱鍋物所以我們另外點了人蔘雞湯這個人蔘雞湯加埋年糕更好可以飽肚湯用石鍋盛上可以保溫可自行加鹽同胡椒調味入口人蔘味味道不算很強烈但仍能清楚地飲到人蔘味雞肉一絲絲　經湯底煲過之後更加軟淋仲有軟身入口Q彈的年糕喝完真的很暖//生米酒750ml $105//呢間餐廳有來自韓國的米酒供應入口非常清新天氣冷冷的飲住米酒食韓式晚餐感覺就彷彿置身首爾街頭一樣

肚餓要搵嘢食，路過呢度，見到裏邊光猛企理，朋友話不如入去試吓，咁我咁順得人就梗係唔反對啦🤣朋友負責點菜，我就瞇埋對眼只係食🤣$84「香辣豬肉紫菜飯卷」：飯卷大大條好粗身，裏邊有啲蔬菜、紅蘿蔔、雞蛋、咁當然仲有啲豬肉同埋白飯，好飽肚👍$58「醬油雞翼（4件）」：雞翼炸得好香口，外邊脆卜卜🤣；仲竟然配有幾件年糕🤩$95「拉麵（公仔麵）炒年糕」：公仔麵🍜煮得超級腍，非常容易消化👍，又有炒年糕，撈咗喺一個好厚身嘅醬汁裏邊，非常飽肚👍$89「炸醬麵」：黑鼆鼆嘅炸醬又係好厚身，配埋都係好腍嘅麵條，可以食得相當飽👍有公仔麵有炸醬麵有年糕有飯卷，多姿多彩又食得經濟實惠，仲真係飽到呢🤣