漁釧 (V Walk)

营业中

休息中

兩個人叫咗四樣嘢，400$。係一間咩嘢日本野都有啲嘅居酒屋。1）玉子燒無蛋味，太甜。2）拉麵，麵身好似意粉，叉燒太Dry. 唔夠拉麵店嘅好味。3）牛舌串燒，肉厚係好事，但係無肉味。4）碎吞拿魚腩手券無吞拿魚味。啲服務快但唔係日本餐廳嘅細心服務，係香港茶餐廳果種服務質素。放低碗碟時手指放咗入裏面，唔係好衞身。茶水嘅溫度超級唔正常嘅熱。大家要小心。地方睇落唔錯，入到去見啲嘢唔平所以有期待。不過結果好失望。我一定唔會再嚟。

約咗一班同學行V Walk呢個新商場，順便試吓啲新餐廳，今次就試咗日本菜🤤裝修都唔錯，幾有居酒屋嘅風味食物選擇亦幾多，除咗刺身壽司之外，仲有天婦羅，串燒同其他熟食等，搞到我哋有選擇困難症😀火炙系列啱晒唔係好食得生野嘅朋友！和牛壽司牛味濃，牛油脂重，但毫無膩感，經過火炙後，肉質唔會un；三文魚火炙後，魚油更出，正!中拖羅仲差少少就可以做到入口即溶，下次一定要叫大拖羅😭但中拖羅係平價之選，都食得過！鰻魚芝士芝麻反卷份量多，每一嚿反卷都有塊肥美嘅鰻魚，再配埋芝士，邪惡野果然係最好食😈本身以為鐵板牛油焗帶子會煮得過熟，但點知佢可以保持鮮嫩，好淋。海蝦天婦羅蝦肉彈牙，炸衣唔厚。仲有個熱辣辣嘅天婦羅汁俾我哋點野菜天婦羅有齊青椒、冬菇、茄子、南瓜同番薯，一次試晒唔同蔬菜！燒茄子有木魚同鹹甜嘅醬汁配搭，都幾神奇串燒方面，雞皮同牛舌最為驚艷。前者脆而不油，後者厚切有口感兼juicy😍海鮮海膽炒飯炒得好香，當中嘅海鮮有蝦同八爪魚粒，海膽鮮甜，亦creamy

漁釧 Isana Kushiro 本身都出品都相當唔錯佢既老闆係一個好有品味同要求既食家定期會重金請來名廚大師傅開辦料理晚宴10月個場就十分精彩日本清酒配美食食到頂級既食材同手藝品嚐到獨特既清酒當晚氣氛非常熱鬧,就像去到日本居酒屋有興趣就留意漁釧 Isana Kushiro聽講11月也會有一場晚宴,想試就快D報名！單係美食已經值回票價!唔飲醉唔好走！ 呢一場名為熊本和牛懷石料理Ｘ日本酒$498一位每一道菜都配上不同的清酒作為配搭飲到不一樣的清酒滋味本來我已經好多年無飲咁多酒當晚我都忍唔住飲了好多杯！好多獨家既名貴清酒都可以任飲!前菜有煎海蝦,燒帆立貝,大黑煮伴以純米作穗乃智,清雅甘甜酒味,易入口當季既時令鮮魚刺身中拖羅,白身魚海膽卷,甘海老,金目鯛等刺身油花平均,油脂甘香肥美配返上寫樂,爽口既清酒味道特別夾 煮物配白隱正宗濃郁醇厚,帶甘辛味,配上煮物係最好既選擇 百合根,海鼠腸,蟹肉茶碗蒸,汁燒秋刀柚味曾汁鮟鱇魚肝,炙燒魚壓壽司配以七本鎗純米原酒 蒸物,煮,飯,燒物,這幾款菜式最合適配酒每款精緻小巧,將山海滋味放入小碟之中! 甘苦酸甜辣咸,味覺體驗極之豐富 個人最期待就是熊本和牛了！合

南昌地鐵站個新場好多野食，今次嚟咗呢間日式嘅餐廳食飯，入到去見到乾淨企理，餐廳本身有唔少日本風味飾物，坐位亦算寛闊，唔會背貼背咁。叫左香葱吞拿魚腩卷($138):好多吞拿魚腩，啖啖入口喺吞拿魚腩，正。唐揚池魚仔($48)，成個小食嘅presentation好靚，超過十條炸池魚仔放係一個漆製竹籃，唔單止外形好睇，池魚仔入口外皮香脆可口，肉質仲好鮮嫩，唔會話炸到過晒火喉，攪到成條魚仔乾爭爭咁，廚師工力一流👍，抵讚。帶子三文魚親子丼($126)，呢個飯幾特別，會附加上熱辣辣嘅魚湯，侍應話可以食到尾聲時將魚湯撈埋啲飯到一齊食，話會幾好食，於是乎就按侍應介紹嘅食法試吓，又OK喎，因為魚湯夠熱又冇乜腥味，都幾好食。

生日同屋企人黎試下呢一間日本嘢Menu 入面最引人注目嘅就係大阪城丼，餐廳將唔同嘅材料分做唔同層，再裝落城堡到，特登叫左個黎打卡😂，第一層係幾款唔同嘅刺身，有油甘魚，三文魚，甜蝦。比起單點嘅刺身，丼入面個d相對好厚，食落更加滿足，第二層就係魚生飯，有海膽，三文魚魚籽，吞拿魚蓉，三款魚生都好適合撈飯。最低層嘅冷麵就無乜特別。另外加叫刺身拼盤，三文魚腩入口即溶😍帶子好大塊但唔係特別鮮甜，海膽唔腥幾新鮮

The decoration of this restaurant is beautiful ❤️We are attracted by the appearance of this restaurant as it seems that we are really dining in Japan👍🏻This is the first dish. We ordered different kind of sushi. Some are raw. They are super yummy and the rice is not very big in size~鰻魚芝士反卷～ it is recommended~ enough for 4 girls. One eat 2 pieces燒帶子～有牛油味😋One is fried vegetables and the other one is fried shrimp 🍤 with sour sauce which taste good👍🏻串燒肉和茄子🍆，it is hot enough~ worth to give it a trySeaf

松葉蟹肉野菜沙律，啖啖蟹肉～好滿足，沙律汁帶酸好開胃，而且都幾大碟，抵食。然後一人叫左個飯，男胖子食海鮮海膽炒飯，炒得好香好乾爽，如果有多啲海膽會更好！我就食炙燒平目魚邊三文魚籽丼，好多丼飯都食過，唯獨呢個係毫不吝嗇成碗都係平目魚，即係左口魚邊，超好味，燒過嘅平目魚通常都好油，放喺壽司上會油膩啲，但放喺碗丼飯上可以話係絕配，魚油香慢慢滲落啲飯入面，帶少少咸味，個平目魚邊本身都好新鮮，再加埋啲三文魚籽更加豐富，大推呢個丼飯！此外個飯仲跟個鯛魚湯，呈奶白色，魚味濃而不腥，讚！最後我地叫多個100g 嘅石燒牛小排，放喺熱石上慢慢煎熟，肉質鮮嫩，每切一下都好大煙咁吱吱喳喳聲，好有鐵板燒嘅感覺。入口牛味好香，略有嚼頭！

漁釧的午市套餐有唔少日式定食或壽司盛選擇，價錢相宜，食物及環境水準高👍🏻✨✨豚肉生薑燒御膳✨💰價錢：$58💰⭐️⭐️⭐️⭐️一份定食包括主食、沙津、麵豉湯、日式蒸蛋、漬物，以午餐嚟講非常豐富。其中以日式蒸蛋最出色，蛋蒸得滑溜，海鮮味道亦突出，味道與日本吃到的十分相似。主食部份雖然無咩驚喜，但都絕對有水準，都係平時能食到的豚肉生薑燒。加分位係白飯用了日本產米，每一啖都好滿足😻✨黑咖喱炸雞飯定食✨💰價錢：68💰⭐️⭐️⭐️⭐️日式定食常見的選擇，雞肉咬落仲有肉汁，唔會炸得太乾，同黑咖喱好夾。一樣雖說未有驚喜，但都係水準之作。💡總結💡午市套餐嚟講真係好值得試，整個用餐感覺由環境到食物都非常有心機，而且價錢亦唔貴，會有下次👍🏻✨

有一段時間冇食日本野啦 今晚決定同朋友去南昌新商場 漁釧食飯🧞‍♂️新餐廳門面裝修都幾日式幾靚 走木系風🧚‍♂️ 座位都好舒適闊落 入邊仲有吧枱可以坐🧚‍♂️價錢中等唔算太貴 壽司盛最平由$128起至$300左右🧞‍♂️我地兩個人叫左一個$128壽司盛加一人omakase share 食物都幾豐富🧞‍♂️壽司盛有七件壽司加三件鐵火卷 壽司幾岩我口味 除左有必備既三文魚 呑拿魚 鰻魚 仲有左口魚同海蝦 雖然唔算厚切 但每件都好鮮美🧞‍♂️ 特別係左口魚 咬落去爽口又鮮甜 甘甜既魚油緩緩係口腔滲出 層次超豐富🧛‍♂️蝦都係好甜 肉質緊實 食落都幾彈牙🧚‍♂️Omakase漬物 蒜頭幾清新 無平時食開果啲咁濃味🧞‍♂️刺身三點 三文魚腩超正 肥美油脂重 入口都幾有濃郁既魚油香味🧞‍♂️茶碗蒸有蟹肉 蝦🦐 蒸得超幼滑 火喉控制得相當好🧚‍♂️天婦羅🍤 以茄子冬菇最出色 炸漿唔會太厚 亦唔算太油膩 茄子同冬菇既原味都保留到 可惜炸蝦就唔夠味🧟‍♂️ Omakase壽司有九件 好多同壽司盛重覆 帶子就高水準 肉厚味甜 點少少wasabi仲正🧞‍♂️

男友呢個星期都係VWALK呢頭開工，放工黎接佢收工，順手係附近食飯, 呢頭我唔識地型,見到呢間日式嘅裝修都好有和風居酒屋嘅感覺，又係星期五，所以想放肆一下。七味炸魷魚圈出面嗰層炸粉厚度適中 冇咁厚重既炸漿感覺炸到香脆口感 入面既魷魚好新鮮 夠哂彈牙魷魚味濃 醬油濃雞白湯拉麵有水準個湯底好濃雞湯味叉燒好大塊X2, 肥瘦適中, 燒得幾好成塊入口都唔覺會肥膩, 夠哂厚啖啖肉，入味得黎唔會太咸, 拉麵比較粗身幾彈口, 質地煙煙靭靭既爽口, 滑捋捋嘅麵條掛汁力高吸到個雞湯汁 e流心蛋都好正，個黃仲係流貿狀態，入口滑每次食放題都會點一個雪花牛肉鍋自隊， 想知居酒屋既味道會咪不一樣甜豉油呢個汁真係令人好開胃，會令人無遺和感，真係食到飲左2/3個湯鍋內有菜+豆腐+菇，量多，肉一碟，無咩肥肉，肥瘦適中牛肉味都OK重，兩個人食都好飽，鍋係不錯的說既選擇仲有點左炸墨魚咀同天婦羅, 香口惹即炸係無得輸整體來說，環境舒服，食物有水準，每樣既份量都幾多，一定要大大力錫佢個拉麵，呢個超水準兩個人都飽到反左艇

今日想嘆日本菜，諗起深水埗V Walk的漁釧，就即刻call個friend去。最喜歡日式拉麵，該店招牌嘅醬油濃雞白湯拉麵係首選，湯味濃郁，叉燒稍微煎香，配合彈牙拉麵，同大量葱花木耳，味道一流。炙燒平目魚邊三文魚子丼，魚肉新鮮甜美，加埋大大粒三文魚籽，配合晶瑩嘅飯粒，每啖都有滿足感。仲配埋鮮魚湯，店長話可以食到一半先加入飯內，變成湯飯，頗為特別的食法，鮮魚湯極之有鮮甜味，一定要試吓！仲有唐揚雞件及海蝦天婦羅，同樣炸得出色，食得滋味，令人胃口大開。梗係有甜品點綴，就係日本抹茶及黑芝麻雪糕，兩者的味道極之濃郁，作為飯後甜品非常合適。蜜桃汁甜甜酸酸，好飲餐廳坐得舒適，而且餐牌選擇豐富，值得一試

經過V Walk商場地下，一間日本食肆 “漁釧” 座無虛席，一於冇執輸入去品嚐美食。日式裝修設計加埋寬闊卡位佈局，坐得十分舒適。同行的朋友唔想喝酒類飲品，所以點咗兩款日式汽水，靜岡蜜瓜梳打及富士山可樂，都各有特式。店長推介‘鰻魚柳川鍋’，食法比較特別，用平底鑊將雞蛋及鰻魚蒸好端上枱，口感夠濕潤惹味，不過略嫌醬汁稍甜。壽司自然少不了，壽司盛有14件，材料有三文魚、蝦、鰻魚、三文魚籽及呑拿魚等等，再加鐵火卷三件，上碟時色彩繽紛好吸引，加上款式多多，食材味道新鮮，一定滿足壽司捧場客。最後仲有日式餃子，煎得香噴噴，極之脆口，滋味無窮，令人愛不釋手。 食物選擇夠多，想試邊樣日本料理都有

第一次嚟南昌，見到新起咗一個好靚好大嘅商場！同朋友行完街之後，就搵左呢一間日本餐廳食啦！餐廳望落去好乾淨，而且當日六點去嘅時候，餐廳嘅職員、侍應都已經好多，所以如果要嗌嘢食或者叫侍應，都好快就會有人服務你🤣牆上仲有啲好有特色嘅牛奶妹海報一坐低食完就已經浸左兩杯玄米茶俾我同朋友，味道好濃而且好開胃。之後睇餐牌都發現佢食物嘅種類算多，除咗要刺身、壽司、炸物之外，都有啲暖胃嘅飯同麵！每次去日本餐廳，我一定會嗌雞軟骨。呢度嘅雞軟骨炸得好好食，而且唔會好油或者太乾身。配合埋啲沙律醬，成個味道嘅層次都豐富左。而睇張相都見到佢嘅擺盤一流！然後都見到餐牌上有一個好推薦嘅人係彩色就係呢一個海膽酒盗芝士啦！一碟總共有四塊，睇張相都見到佢海膽好足料，下面亦都有好厚嘅芝士同酒盗。而呢一個火灸鰻魚芝士芝麻反卷，個人最推介。首先睇張相，已經見到佢每一舊壽司上面嘅鰻魚，非常之大而且好厚身，燒得啱啱好。再睇下個價錢，先$120都唔使，咁樣嘅價錢，食到咁嘅份量同質素，真係好抵食！而且反卷入邊有芝士、青瓜等等嘅配料，令到成個味道都提升左！而呢一個望落去唔知係乜嘢，而且出面餐廳亦都冇見過嘅食物，原來係燒明太子長芋！佢嘅芋

今天終於找到了一間很想推介的日本餐廳， 就是位於新商場V walk的漁釗。餐廳位於商場地下。 商場的設計比較奇怪，第一次到這商場的人不容易找到餐廳的位置。 如果搭地鐵可在南昌站A出口進入商場地下。 如果在商場二樓便要到萬寧旁邊的扶手電梯落一層。餐廳的設計很有日式風味，門口掛著一個很大的日式燈籠， 內裏佈置得像日式居酒屋。 廚房是開放式，選擇吧檯可以見到廚師即叫即做菜式。 今日想和朋友促膝長談， 所以沒有選擇了吧檯。餐廳菜式的選擇很多， 沙律，串燒，壽司，刺身，天婦羅，拉麵，什麼都有！ 我朋友很貪心，兩個人一次點了六款菜式。松葉蟹肉野菜沙律 ($98)松葉蟹肉味非常濃，加上新鮮的沙律菜和大量的蟹子，味道鮮美，口感清爽。份量也很大，足夠兩三人食，推介！鹽燒牛舌串 ($38)牛舌串牛味非常香， 廚師只加了小量的鹽，因此不會太鹹。唯一不夠好是有點韌。火炙和牛壽司 ($28) 和火炙劍魚腩壽司 ($16)和牛是薄切，微微火炙，牛肉味和牛油很突出。正！火長劍魚腩比較普通， 可能劍魚腩刺身會較好。粟米天婦羅 ($32)我和朋友一致認為這個是最特別和最好吃的。很少日式餐廳做粟米做天婦羅，應該是粟米一粒

食日本菜引起， 揀咗呢間閒日都算多人食嘅漁釧。舖頭入面正正方方，有好多四人枱同二人枱 。座位同座位之間嘅走廊尚算寬闊。menu食物好多元化有浜燒海鮮、石燒牛、天婦羅、串燒、揚物、鍋物、有拉面、有壽司、魚生、卷物。總之講得出嘅野食應該都有。我叫左燒鱈魚片、唐揚雞、牛油焗帶子、 軟殼蟹卷、 豚肉露筍串、三文魚富士山。 鱈魚片好似雞泡魚乾咁，甜甜地，食惹味嘅小食前菜唐揚炸雞炸到皮脆肉嫩，d肉仲keep到juicy。炸粉唔厚。三文魚富士山面頭舖咗幾塊好長嘅三文魚同少少沙律醬三文魚子。點解佢做到座山呢，因為佢鋪咗好多青瓜卷。三文魚幾新鮮，甜冇腥味。呢道菜性價比幾高。焗帶子熱辣辣好惹味。佢有好多粒，都幾抵食。軟殼蟹卷入面嘅軟殼蟹幾大舊，加埋面頭少少紫菜碎都幾好味。飯嘅份量適中，唔會太多。