漁釧 (V Walk)

营业中

休息中

今日因為工作關係咁啱會行過南昌站 諗住一於就行吓位於南昌站嘅呢間商場V City啦 一入去就畀一間裝修超靚嘅日本餐廳-漁釧吸引住啦 門外有大大嘅日本燈籠。餐廳出面有好多食客排着隊等食 見到咁多人 一於趁下熱鬧啦 等左成半個中 一邊睇住餐牌上面精緻嘅日本美食超期待😋餐廳服務超好 一坐低已經有幾個侍應過嚟望吓需唔需要加茶 又好留意我哋幾時想落單 食客好多 要有嘅服務質素都真係唔係咁容易 餐廳入面嘅食物選擇都好多有壽司 天婦羅 黃金軟殼蟹 刺身 仲有啲好特別嘅壽司種類例如係火灸和牛壽司 🤭🤭令我最驚喜嘅就係黃金軟殻蟹同埋和牛壽司啦 黃金軟殼蟹外皮超香脆 被濃濃嘅鹹蛋包住但入面嘅蟹肉依然保持厚實既口感 兩隻味道神奇咁樣好夾完全中和左鹹蛋嘅油膩感和牛壽司同樣都係好驚喜 原本只係覺得比較特別想叫黎試下 但意想唔到和牛肉汁勁豐富 加上微微煎過 外面係好香嘅油香味 咬落入口即溶🥰🥰係幸福既感覺壽司雖然唔大件 但係件件都係手工心思之作 一啖一件 啱晒女仔食 😊下次一定要再叫多d種類 試哂佢啊

今日同女友人黎左南昌呢個新開既商場V walk行街， 商場唔算大但勝在多野食， 我同女友人行到攰就揀左漁釧呢間日本料理黎醫肚。佢既鋪頭格局係走日本風，連d卡位都有竹簾隔住外面，好有日本風味既呢。 野食方面我地叫左松葉蟹肉野菜沙律，石燒牛小排，海鮮海膽炒飯，炎燒平目魚邊三文魚井. 個松葉蟹肉野彩沙律係有一大對蟹籽同松葉蟹肉撈落一般沙律菜度再加d酸汁,超開胃幾好味的說。石燒牛小排就有專人係我地面前幫我地燒埋燒得岩岩好味道都唔錯..個海鮮海膽飯炒得好香再撈埋片海膽黎食真係一絕..而個炎燒平目魚邊三文魚井呢.. 女友人就話都唔坐好新鮮爽口..我地兩口子叫左4 樣野都差d食唔晒.. 最後就埋單飽住走滿足的說

最近南昌新開了一個商場VWalk,聽聞入面的推廣非常多，所以就特意來逛逛。商場內的食肆也挺多的，與友人最後選定了這家日式料理。入面的裝潢充滿了日式風格，以木頭做主角，加上燈籠，添了少許氣氛。開放式的廚房，可以見到師傅烹飪，提了幾分高級。海膽酒盜芝士。作為前菜，味道非常濃郁。是海參腸、魚內臟，加鹽腌漬半年以上以成，本以為必定很腥，但味道出乎意料地好，是很出色的前菜！中拖羅。雖然未及大拖羅可以入口即化，但亦因此，它的油脂較少，相對沒這麼大負擔。鐵板牛舌。牛舌燒得很嫩，不煙韌。在底下的洋蔥亦相當入味，不錯。鐵板牛油焗帶子。牛油香很濃烈，帶子算大，不過略嫌過熟，肉質過於煙韌。極上四色刺身丼。有四款刺身，分別是大蝦、帶子、三文魚和吞拿魚。刺身都頗為新鮮，特別是帶子，鮮甜味好出。鰻魚炒飯。鰻魚粒唔算多，但炒得很香。平均水準。總括而言，環境同食物質素都可以，同價錢成正比。

南昌港鐵站有個新場叫V Walk，V Walk有間新舖叫漁釧，令我食完再食，D客越見越多，今晚同愛人再去，一早已經滿座要坐吧枱喇😅松葉蟹肉野菜沙律（$98），新鮮蔬菜令碟沙律色彩繽紛，配上鮮味松葉蟹肉及蟹子，就此開動我味蕾。自家製玉子燒（$68），玉子香滑非常，卷得厚，切得頗大件，咬落有層次，微甜超啱我口味👍🏼👍🏼👍🏼👍🏼👍🏼火灸鰻魚芝士芝麻反卷（$118），反卷內有芝士、青瓜、蟹柳，上面鋪一大片火灸得焦香嘅鰻魚，一口一件，口感都非常豐富。海蝦天婦羅稻庭烏冬（$88），即叫即炸，炸爐就在眼前，爐具清潔，炸油新鮮，絕對冇油益味；食到烏冬至覺得佢至係全set嘅重點靈魂，烏冬好滑，一「𠽌」入口如果唔用條脷頂住喉嚨，一定直達入食道🤪醬油濃雞白湯拉麵 （$78），飲第一啖湯已經愛上呢碗麵，好濃雞味，有D似我阿媽煲嘅老火雞湯，但仲要更濃郁，麵質比較粗而且煙韌，好食到飛起🥰

今日去左探朋友，晚餐過左V walk 覓食，見到漁釧個裝潢好日式，而且有唔少食客，所以一於試試。餐牌有唔少選擇，咩都叫d試下先。海鮮海膽炒飯，炒飯鑊氣十足而且海鮮足料，加埋海膽就再多左一重鮮味。黃金軟殼蟹配紫菜，呢個好惹味，炸起上枱熱辣辣，軟殼蟹十分香脆，大力推介。鐵板牛油焗帶子，牛油味好香。帶子大大粒，加上黑椒同蒜粒，調味一流。火炙和牛壽司，大大塊和牛十分吸睛，生熟程度啱啱好。火炙牛油赤海蝦壽司、火炙劍魚腩壽司、醬油三文魚。呢幾款火炙壽司都唔錯，三文魚燒完都好鮮味。自家製玉子燒，大件夾抵食，蛋味濃厚，而且非常滑溜。燒雞肉串，啖啖肉。餐廳食物質素唔錯，而且環境舒適，即使今日係平日夜晚，餐廳都坐滿人，唔少捧場客。

上網睇到南昌開咗個新商場，諗住去行吓順便食個晚飯，見到依間日本野門口都幾多人排隊，人云亦云嘅心態所以我都排埋一份🤧睇佢餐牌啲嘢食唔算太貴，亦都有唔同種類嘅日本酒，果然係應有盡有。餐牌上有刺身，鍋物，天婦羅，手卷，壽司，串燒，丼飯，拉麵，爐端燒，只要你諗到嘅日本野佢基本上都會有！叫咗個壽司拼盆，由於我地坐吧枱，所以可以望住師傅即場整。魚生方面非常新鮮，無雪藏味，吞拿魚無筋，油甘魚肥瘦適中。另外叫咗兩串牛舌，厚身得來燒得啱啱好，爽口彈牙而且啖啖肉，高質！再叫咗個西京燒，魚肉嫩得來亦都不失魚味，因為淨係食魚實在太寡，所以最後順便叫咗一個鰻魚飯鰻魚飯即叫即炒而且啖啖都係鰻魚嘅肉粒😍兩個人食咗$649，但係有咁多嘢食所以都收貨，尤其是串燒可以encore😝

今日同家姐去咗南昌站度行街，行到八点鐘左右就肚餓啊噉見到有間入，本嘅料理好似唔錯啊，於是乎就入咗去食下帶子三文魚親子丼 $126啲三文魚新鮮同埋都幾多下嘅唐揚雞軟骨粒 $42呢個係炸雞軟骨嚟嘅，噉佢會畀啲沙律醬你點嘅，鍾意食炸嘢，同埋有口感嘅朋友，呢樣啱晒 松葉蟹肉野菜沙律 $98啲松葉蟹撈落啲沙律，再撈埋啲芝麻醬，都吾錯希望之露蘋果汁 $28不過不失嘅蘋果汁，唔算話太特別特盛醬油濃雞白湯拉麵 $88呢間餐廳有卡位嘅，如果早少少嚟可以坐卡位，噉我哋入到去都全場爆滿啊，噉我哋就坐咗喺吧台

今日嚟到南昌v walk 食日本野7:00嚟到已經好多人入邊有吧枱同埋order枱裝修都幾有日式風格，色調比較柔和仲有少少復古風菜單主要都係圖文並茂介紹仲有部份係呢度獨家設計嘅菜式見到旁邊有客人都有叫呢一個鍋物分量大到成個面盆咁炙燒帆立貝黑松露牛油果野菜沙律配和風醬個賣相好靚帆立貝刺身嘅份量都好多牛油果同黑松露嘅味道出乎意料地夾另外個汁酸酸味味咁亦都好開胃陶版清酒煮蜆會係你面前即時煲住由於清酒不停蒸發嘅關係味道會稍為重蜆肉都好新鮮鮮甜，而數量亦都唔少海蝦雜錦天婦羅都幾有驚喜炸粉一啲都唔厚海蝦亦都非常之大隻食落去一啲都唔覺得油膩足量香蔥吞拿魚腩卷入口即溶吞拿魚腩經過絞碎之後再加上少少香蔥同芝麻非常好食卷入邊仲有個青瓜，平衡返個油膩感覺最後仲叫咗燒秋葵，鹽燒牛舌，鹽燒雞肉同鹽燒雞腎串燒黎講算係幾大串燒得亦都啱啱好唔會，幾多汁

今日特登黎左呢到新開既商場行下地鐵站一岀就係好方便😆見到間日本餐廳就二話不說衝入去食😆今日時間尚早！餐廳未係好滿但見到好多好有特色既裝修🤩餐牌好多選擇☺️基本上你全部想食既日本野都會有🥳而且感覺上價錢都合理😈我地先叫左set壽司🍣好新鮮！而且啲飯既黏度酸度都剛剛好😉好滋味！其實有少少唔夠喉🤣另外叫左兩個剌身飯！係我最鍾意既呑拿魚腩蓉🤘🏻好正好足料！啖啖呑拿魚蓉好滿足😘朋友叫左帶子三文魚丼🤩望落都好吸引！偷食左粒帶子好正😎另外都叫左個明太子小食幾特別👻

Weekend冇人煮飯，近近地去咗V Walk食飯。呢度有幾間餐廳都唔錯，我哋今晚揀咗漁釧。我哋要咗啲小食、串燒、丼飯、窩物等等，樣樣野都幾好食，價錢亦好合理。松業蟹海鮮豆腐味道清淡，豆腐好滑，魚片味道鮮甜。串燒選擇都唔少，我哋要咗燒雞皮、燒雞肉同埋燒安格斯牛肉粒。燒雞肉搽咗鹽麴醬，味道偏喊。燒雞皮非常香脆，食到停唔到口！燒安格斯牛肉粒亦都好好味，好淋好juicy炙燒平目魚邊三文魚子丼性價比高，$136大大碗，仲連埋魚湯材料豐富，燒完嘅平目魚油香十足，送飯一流最後仲食埋甜品，黑芝麻雪糕！

今個星期係南昌新屋苑搬完屋諗住去附近新開V WALK 行下順便搵野食醫肚, 離遠見到有間裝修別致既居酒屋, 一行二人於繁忙時間亦好彩有位入座。店員安排廚師發辦位就座, 坐滿哂人都唔覺太迫叫左個14件壽司拼盤, 壽司飯唔會多過舊肉岩岩好值得一讚既係醬油濃雞白湯拉麵既湯底好多膠質,半肥瘦叉燒入口即溶得黎又唔太肥膩, 拉麵仲要係我至鐘意既粗身拉麵夠哂咬口總結黎講,呢間居酒屋既野食好食又唔會太貴，份量都幾多，環境舒服, 下個星期再去食多次先得

最近喜歡上食日本野，所以同朋友來到深水埗食這間日本菜， 他們的餐牌有很多不同選擇。有必食推介嘅餐牌 ，相中每樣菜都很吸引。沙律前菜也很吸引。刺身非常之多， 價錢也很合理， 份量亦很大我們點了一個必食嘅推介 -牛 ，上菜的方式非常特別， 是在一個燒熱了的石頭上，放上牛扒， 然後店員就會很細心地幫我們分切這塊牛扒，它非常之香， 入口即溶 ，生熟分明 我朋友也非常喜歡。這是 店裏推介的壽司拼盤， 壽司種類繁多 ，有魚子， 海膽， 蟹肉 ，我非常之喜歡這碟壽司， 壽司飯入面包含咗青瓜， 這樣配搭非常之爽口。這個前菜在日本非常之出名， 是走酒到芝士， 味道非常之好味， 有海膽， 有芝士 ，有生嘅肉 ，這樣配搭非常之美味可口。燒生蠔也是我們的最愛， 職員會先攞兩隻生蠔畀我哋個目 ，然後再拿去燒 ，這生蠔 入口即溶 我非常之喜歡。

VWalk開咗咁耐都冇嚟過呢度食飯，今晚就黎咗食日本嘢。環境都唔錯。漁釧好多選擇，壽司、刺身、串燒、窩物等等乜都有！先叫咗兩件火炙三文魚三文魚都幾厚身肥美。之後我哋要咗海蝦天婦羅烏冬烏冬好滑，口感唔錯；天婦羅都做得幾好，炸漿唔會太厚。 不過湯底稍為淡左少少。我哋見Menu有得食壽喜燒，就叫左一鍋試吓。味道幾好喎，甜豉油湯底簡直係我至愛受喜燒嘅份量都唔少！蔬菜煮淋啲就更加好味最好味係豆腐同金菇，同壽喜燒個湯底好夾最後當然要食埋甜品！我哋要左杯蘋果汁同埋芝麻雪糕埋單每人先$200左右，性價比幾高，下次可以再試吓其他食物

從同事口中得知深水埗有一間高級日式餐廳，名叫漁釧，把日本高級料理平民化，無論用料、味道、賣相都媲美高級日本料，今日同老公去深水埗買嘢，順便去試試。餐廳位於近期新開V walk商場内，裝修擺設如日本居酒屋。店內設有吧枱，可以睇到師傅製作食物。特盛醬油濃雞白湯拉麵：雞湯底超濃郁，义燒不會太肥，肉質軟嫩，温泉蛋滑溜，拉麵比較粗身，掛上濃湯，彈牙又美味。極上四色刺身丼：刺身好新鮮，有三文魚、帆立貝、赤海蝦、吞拿魚蓉。三文魚角切，所以有很好的口感，魚脂甘香，帆立貝鮮甜，赤海蝦鮮美爽口，吞拿魚蓉鮮味十足，口感creamy，還有一壼綢魚湯跟上，可以加入壽司飯做日式漬飯，奶白色的魚湯好鮮甜，加入軟硬適中的壽司飯中，極之美味！帆立貝壽司：帆立貝大粒厚身，鮮味十足。珍寶赤海蝦壽司：赤海蝦大隻，已經去殼去腸清潔得好乾淨，非常爽口。海蝦天婦羅：即叫即炸，熱騰騰，外層香脆可口，蝦肉爽口。唐揚池魚仔也是即炸，細细條好脆口，配啤酒一流。Suntory啤酒，有優惠第二客半價，抵飲就飲多杯。

南昌站新開的v walk 有不少特色餐廳進駐，我地趁假日去逛左陣，最後決定到［漁釧］食晚餐🍣🍣🍱🍙 餐廳格局都非常有特色，有日本居酒屋既感覺食物種類都頗多，有不少熱食串燒拉麵，亦有創意壽司手卷等等。帆立貝$18@ 三文魚$10海膽三文魚卷 $188 總共六件卷物，鋪面的海膽份量不少，色澤鮮豔，味道鮮甜不苦 足量壽司 $168名符其實係足料份量多到完全蓋過下面的飯卷，分別有吞拿魚蓉、蟹柳、魚籽、海膽、蟹肉，非常豐富 個人較喜歡蟹肉，一啖啖結實的蟹肉，好滿足 如果將蟹柳改為蟹膏會更吸引！海膽醬油三文魚$12@ 火炙平目魚邊$14@火炙和牛$28火炙鵝肝$40喜歡和牛的朋友可以一試。鵝肝份量偏少，有點失望。醬油濃雞白湯拉麵$78估唔到壽司店的拉麵做得幾出色，湯底濃郁又不會重味精感，奶白的湯底加上彈牙拉麵 再配埋大量爽口木耳、微微煎香的叉燒片，非常吸引價錢也合理！