漁釧 (V Walk)

营业中

休息中

年初三 到到都排隊呢間唔算好多人 就試下啦 4個人gathering 又唔算好餓就樣樣叫dSushi又幾新鮮啵！ 由其係油甘魚樣樣串燒叫少少燒得唔干 雞皮脆 好難得呢種餐廳有呀豬肉果串就一般 ！牛舌少少un 呢個海鮮 黎到時比人影下相佢再幫我地燒 想話係樣樣都新鮮！海鮮鮮味係個鮑魚唔個係咪咁 少少唔熟😂蟹蓋配薯片 第一次試 食完好口渴😂另外仲叫咗兩碟芝麻雞翼冇影相 好香脆有機會會再來試下美人鍋四個人食 又海鮮又盛 每人250價錢算合理啦 坐得又舒服

剛剛過完農曆新年，大部份店舖已經開始營業，即刻和家人到漁釧食日本菜,很喜歡到這裏食飯因為這類食物款式多，食物又新鮮餐牌上每一款食物都好想食香芒大蝦卷😋份量亦不小，大蝦炸得脆卜卜，蝦肉新鮮爽口，芒果酸酸甜甜非常開胃，再夾埋一齊食味道都幾特別，幾清新。海蝦雜錦天婦羅👍👍👍炸漿酥脆之餘不油膩，雖然是炸物，但仍然食得出鮮蝦甜味，肉質彈牙，配埋特色醬料味道有多個層次。金茹牛肉卷😋牛肉入口有即溶感覺，牛肉味濃郁，配金菇一齊食簡直絕配，醬汁亦冇得輸。特盛醬油濃雞白湯拉麵醬油雞湯是我最愛，麵條煙韌度適中，叉燒肥瘦比例恰當，不會感到油膩，每啖湯都能食出濃濃的味道。韓醬八爪魚粒😋這個前菜一入口已經好好味，每粒八爪魚及青瓜都新鮮無比，韓醬又惹味，好食又健康。👍

農曆新年到了，這幾天都躲在家裏，直至今天才與家人出外逛逛，順道到深水埗V Walk的漁釧吃晚餐🍣🍱🍜這間餐廳環境很別緻，餐廳內以木質為主調，牆頂有很多燈籠作裝飾，容入日式元素。餐牌上圖文並茂，十分清晰，食物種類繁多，有一品料理、壽司🍣、魚生🐟、天麩羅🍤、串燒、拉麵🍜及沙律🥗等。韓醬八瓜魚粒🐙味道清淡爽口。牛油炒露筍野菌🍄材料有：筍、鮮冬菇、金菇等，熱騰騰上枱，滿口鮮菇味，非常清新。特盛醬油濃雞白湯拉麵🍜，豚肉肉質不太肥膩之餘非常淋，湯濃，蛋香夠滑，好味😋。還有海鮮海膽炒飯，材料有：八瓜魚、蝦🦐、蟹柳絲及海膽，將它撈勻吃，滿是香味好食😋。最後吃這個鐵板牛油焗帶子，不油膩，帶子入口熱辣辣又有陣陣蒜🧄香味，十分惹味。

漁釧主打日本高級料理，但價錢卻非常親民，並已經在南昌的V Walk開設分店，附近的日本餐廳不多，今晚就去試試！餐廳的裝潢設計採用傳統與現代結合的日本昭和風格，牆身貼上日式懷舊海報，天花高掛魚形竹籠吊燈，很有和風。先來日本小食《海膽酒盜芝士 $68》酒盜有咸香，配上芝士又香滑味濃，口感更rich，餅乾脆口，整體簡單得來口感又豐富。《鹽燒青花魚 $54》皮薄脆，肉質嫩滑汁潤，蘸上檸汁更提味。《燒雞心串 $28》雞心味道香濃，口質實在，爽而有口感。《鹽燒牛舌串 $38》牛舌厚切，部位夠爽嫩，一點不會韌。《鰻魚柳川鍋 $98》鰻魚爽嫩又汁潤，豐富的蛋舖底，但放久了整鍋會比較水，要新鮮食。《軟殼蟹卷 $98》軟殼蟹卷即炸夠香脆，帶點蟹肉，壽司蘸點豉油更美味。《劍魚腩x2 $14》劍魚腩新鮮厚身，性價比高。《平目魚邊 $12》油潤有魚脂香，壽司蘸點豉油更美味。《飛魚子軍艦 $12》飛魚子不腥又爽口。《腐皮x2 $8》每次必點，最愛腐皮甜甜香香的味道，壽司完不用蘸醬汁都好味。

一黎到V walk地下，就會見到有間裝潢典雅嘅日本餐廳，除左門面嘅大燈籠外，入面嘅擺設都好有特色，用上唔同嘅木簾分隔開唔同嘅卡位，感覺就好似入左個包箱入面，私穩度立時提高唔少。咁今次我地黎到主要就食左壽司同刺身，見店家其實都因住天氣有推介火鍋同蟹粥等合時菜色，不過因為怕眼闊肚窄，都唔敢叫太多。先講刺身先，4款刺身都係厚切，有jumbo嘅size，而且入口都覺得相當肥美新鮮，比坊間嘅刺身靚上唔少，一食便知龍與鳳。至於壽司呢，最岀色嘅一定係魚子壽司，味道鮮甜，粒粒飽滿。加上呢d用嘅紫菜乾身，唔會好似岀面食個d咁多水份，望到起曬皺紋咁。另外，都叫左天婦羅烏冬，天婦羅品質都相當好。外皮脆口但唔會過硬，茄子做到非常岀色，大大舊，撕開一半，見到氤氳繚繞，令人食指大動！總的來說，高質日本餐廳，係市區，又係黃店，唔係唔黎啊麻？

今日黎到南昌嘅V walk，試下呢間黃到發金嘅日本餐廳。因為下就食左下午茶，所以3個人食，都無叫到太多，只係淺嘗輒止。首先黎嘅，係滑蛋鰻魚，下面墊左d薑絲，食落幾暖胃，作為第一樣野食，岀乎意料地好喎。之後再黎嘅壽司拼盤，有5款唔同嘅壽司，最岀色嘅一定係魚子軍艦，鮮味同係日本食嘅有得比！其他嘅魚類味道就比較淡，無太深印象。對比起壽司，刺身嘅魚，用嘅品質就突岀唔少啦，有拖羅，帶子，三文魚等等嘅食材，食落去甚至比係自助餐食嘅更肥美腴滑，物有所值！另外，重叫左天婦羅烏冬，天婦羅炸得啱啱好，粉同涵嘅比例恰到好處，唔會好似坊間嘅炸物咁，外皮太硬乾爭爭。總括黎講，係一間相當唔差嘅餐廳，重要係黃店，你唔係唔黎啊麻？

今晚我先到深水埗買揮春，然後和老公到南昌站V Walk 一逛！見到這家漁釧，人頭湧湧，實在勾起我這股壽司癮!先來點了一大盤壽司拼盤，讓我最深刻的壽司確實有幾款，所以也重複點了，呵呵。自選壽司平目魚邊咁有口感，而且充滿魚油香！自家製玉子燒壽司有點不同，看得出是「自家製」，沒有機器的死實實感，反而有人手製那種層次口感。黃金軟殼蟹想不到這到軟殼蟹深得我心，原來鹹蛋和軟殼蟹是這麼的相配，配上紫菜後，減去蟹的油膩感，可謂是必點！特盛醬油濃雞白湯拉麵麵條口感煙銀，配上厚切的豬肉片、加上雞肉濃湯，很對味！而且醃過的雞蛋咬下時，真是驚喜！ 很入味呢，配上麵條，確實一絕。難怪這店一直人頭湧湧，確實有道理。記起好姊妹就住在南昌站附近，下次必然要和她來試一試。

今日同鍾意食日菜嘅友人去食下依間居酒屋。晚市時段餐廳差唔多滿座，睇落唔錯。Menu 圖文並茂，睇圖就容易d揀到食咩。首先我地點咗個美人鍋($188)，本身想叫個博多華味鳥美人鍋，不過最後都係平平地食個普通版算。湯底好清甜，忍唔住飲多幾啖。雞唔算太入味，清清地都幾好。配菜方面，有小棠菜、娃娃菜、豆腐、冬菇同金針菇等，全部吸收哂湯味，所以好好食。因為友人鍾意食鰻魚，所以我地點咗餐廳都推薦嘅鰻魚柳川鍋($98)。鍋size唔大，但鰻魚彈牙實肉。入面仲有牛蒡絲滑蛋入味嫩滑見到menu個圖咁吸引，忍唔住叫咗幾款燒海鮮。有帆立貝、鮑魚同大蜆。有專人幫你燒埋。佢應該淨係落好少調味，比你食到個鮮味。最後食埋個黃金軟殼蟹。鹹蛋同軟殼蟹簡直係絕配，包埋紫菜食好滿足

喺V Walk嘅漁釧，主打中價位的日本料理，就算座住坐滿，也能極速上菜，而且質素不錯，真正快靚正！松葉蟹肉野菜沙律 $98超多蟹肉同埋蟹籽嘅沙律，蟹肉是拆出來的，味道極鮮甜，內含少量軟骨碎，證明不是蟹柳棒！極體味道上佳，很開胃，推介！三文魚壽司 $10/件魚味濃郁，肥瘦適中，不錯的！劍魚腩壽司 $14/件刺身頗為厚肉和清甜！火炙平目魚邊 $14/件燒同出晒油，又香又滑，正！鹽燒牛舌串 $38/串超級軟腍仕味，加少少檸檬汁提味，更加醒神，超正，推介！鹽燒黑豚腩串 $20/串肥得黎唔膩，肉味香濃！鐵板牛油焗帶子 $68帶子煎至兩邊微焦，加埋炸蒜粒同埋牛油，香口到搶住黎食！醬油濃雞白湯拉麵 $78濃郁的白湯濃而不咸，味道的平衡相當出色！是我最最愛的粗身拉麵，有咬口得黎又掛湯！日本白檸波子汽水 $18買個童年回憶，不錯！

今日同家人來逛下新商場v walk，晚餐時間，發現原來都幾多餐廳選擇。由於商場嘅一字型設計，由頭行到尾都需要啲時間，我哋決定見到居酒屋幾啱食就唔好諗咁多.屋企人鍾意食牛舌，鍾意佢呢個鐵板牛舌所以係寒冷嘅天氣保存食物嘅溫度。牛舌薄薄一片，有口感得來唔會太難咬。個人認為偏甜，但勝在牛舌好食 $248嘅魚生飯雖然唔平，但係勝在份量夠多，厚厚好新鮮嘅魚生一啲都唔吝嗇，足夠同家人分享而唔覺得飽濟。平時落豉油同芥辣，呢度嘅魚生飯附送魚湯，幾特別嘅食法，魚湯嘅鮮鹹味唔會好似豉油咁蓋過左魚生嘅味道，反而相輔相成，冬天有湯落肚，更覺得溫暖屋企人比較鍾意食熱食，我哋叫咗一個海蝦天婦羅稻庭烏冬。烏冬煙韌，天婦羅稍為厚粉最鍾意嘅係呢個美人雞鍋，湯底鮮甜，上湯配菜很鮮味。雞份量夠多，美中不足係我地冇選擇較貴嘅美人雞，雞件唔太有雞味，相比個湯就失色少少。不過，$188有咁嘅份量，一家人食相當夠最後每人叫咗一隻燒日本蠔，都係一人$26。待應會俾你睇吓未燒嘅樣，再幫你拎去燒，認真周到

今日去左深水埗做野, 之後約左女朋友去v walk食野去左一間叫漁釧既日式餐廳, 入面既牛好似好正, 仲有中拖既壽司食, 睇落壽司仲要好新鮮中拖羅壽司油脂都算豐富, 飯會好細舊, 但可以帶出中拖應有既油脂口感海膽少飯海膽都算多, 撈埋飯一齊食真係好正, 海鮮粒都好豐富,唔會只係得飯海鮮爽口彈牙, 應該有魷魚, 蝦仁等等, 飯粒彈牙, 仲可以食到海膽既淡淡海水味,正芒果海老反卷佢地係用原隻大蝦炸, 然後去殼放上飯及配料上再卷, 見到都流哂口水,加上芒果酸酸甜甜既味道,令人食慾大增黃金軟殼蟹用咸蛋整既野食唔可以話簡單, 但一定係香港人既最愛佢地首先炸到軟殼蟹脆卜卜, 再用咸蛋快炒, 個口感真係好正, 咸香加脆卜卜既軟殼蟹, 真係食唔停口炸鰻魚玉子天婦羅呢樣野對我黎講好新, 因為未聽過有炸鰻魚加玉子既配搭鰻魚本身味濃, 少少爽口, 有鰻魚應有既味道, 玉子甜甜地,加上炸既口感, 真係新口感, 但又幾夾厚燒牛舌燒到剛剛好, 仲要厚切, 食落口口感好豐富, 牛舌本身唔會好多汁, 但竟然食到汁, 唔會乾曾曾wow唐揚雞軟骨粒炸物當然唔少得, 炸得剛剛好, 唔會過濃, 脆卜卜唔駛講, 加上沙律醬一齊

I chose this restaurant mainly due to its large number of great reviews out of all restaurants in V Walk. It did not disappoint. The Osaka Castle Bento as it's name implies is modeled after the Osaka Castle, which contains 3 layers. All the sashimi were fresh especially the sea urchin. The soba had a lovely firm consistency to it. It may seem small but with all the sashimi, rice and soba, it is very fulfillng so prepare an empty stomach when you order this.

上星期約咗個朋友出嚟食飯，因為佢最近搬咗屋，喺深水埗南昌站嗰邊，我哋揀咗 v walk商場裏面一間日本餐廳，食物質素唔錯，價錢都中肯。我哋點了三款菜式，一款鰻魚柳川鍋，鰻魚非常肥美，魚身肥嘟嘟，鮮甜軟綿綿，配搭自家調製鰻魚汁，還配有嫩滑日本蛋伴碟進食，把鰻魚推至更高峰。另一款吞拿魚腩蓉當丼， 又係上乘之作，鮮嫩魚腩蓉，鮮甜至極，餐廳絕不吝嗇，滿滿一大碗，珍珠米粒粒圓潤飽滿，柔軟幼滑，只需加一點點醬油提升魚腩蓉嘅鮮已經很可口。還有一款博多牛腸味噌鍋，超大的一鍋，有數款材料配搭，非常惹味嘅肥嘟嘟牛腸，當你在口中咀嚼時滋味非常，濃濃嘅牛香柔韌兼備。仲有鮮雞件 同樣出色，跟著原汁原味湯底，香甜微辣，連同佢嘅配菜，例如日本大蔥都非常清甜。最後我哋連整大窩湯都冇放過，捧著滿滿的肚dum 結帳離去。

We went there around 8pm and it was a full house! First time trying out this japanese restaurant around the block and it’s surprisingly good! Espicilly the uni sushi is a must try!!! The uni melt into tightly hand pressed sushi rice ! Perfect!!Also the ramen noddles is one the the best I have tried in Hong Kong even tho the restaurant is not specialised in just ramen! Over all very high quality japanese restaurant

第二次定係南昌站呢個商場食晚飯今日想食日本野，漁釧唔洗等位睇個樣似係比較貴價嘅居酒屋但其實價錢合理唔算貴，而且質素仲好高！揀咗幾款壽司試吓油甘魚、帆立貝、珍寶赤海蝦$14-18一件 幾新鮮 唔錯👍🏻另外有刺身五點刺身超級厚切$178 有五款 非常抵食新鮮好味！推薦💕💕除咗壽司，仲叫咗唔同嘅串燒推介牛舌同雞腎！食物質素高，價錢合理，一定會再嚟🤤特別推介刺身，其他餐廳唔會食到咁厚切！壽司有唔同拼盤，唔想揀可以揀set！