漁火海鮮刺身火鍋

营业中

休息中

訂咗為準時到，點知要等超過45分鐘都冇枱，投訴過，職員態度差，話係咁嫁啦，唔等可以走，跟住冇理我地，一啲唔好意思都冇，完全覺得冇責任需要留枱比我地，我哋俾錢食嘢好似行乞咁樣，結果要自己埋枱邊等先至有爭到個位。約咗個重要朋友敘舊，去到等差唔多一個鐘頭，自己都感覺極不好意思。清潔程度連大排檔都不如，食物比市場價格貴一節，但係完全唔覺特別好食，而且我打咗之後仲要等好耐。完全覺得呢個服務同質素唔值呢個價錢。

呢日我同男友去完律師樓，只想靜靜地搵個地方大啖食見天氣開始涼涼地，我地兩個滾友就身痕，諗住搵間邊爐烚下烚下，但想搵個靜靜地嘅地方。行過見到呢座野幾多野食，就入去搵間試下啦！呢度上下幾層其實都有好多野食嘅，但今次我地就揀左呢間位於8樓嘅 漁火一出𨋢已經有人出黎迎接，唔洗喺門口企勁耐都無人帶位！可能係閒日同過左食晚飯高峰時間嘅關係，我地兩條友都被安排坐勁闊落嘅卡位，好寬敞舒適！內部亦十分乾淨整潔，唔同一般邊爐嘅餐廳咁，比較「Lau較」呢度啲野食就係散叫嘅，唔係一個價錢任食果種，而且價錢屬中上，所以我地都有所期望架！加上我地唔係勁餓，所以散叫仲岩我地！上菜前，點少得呢個混醬嘅環節呢！呢度有9種材料，而且每樣都好正！打邊爐，湯底最重要！我地揀左中高價嘅「漁火花膠雞湯翅」做湯底！個煲上檯果時，我同男友兩個係嘩左出聲！因為真係好大煲，同埋真係有翅架！當然只係得一「住」仔啦！但個賣相好高貴呀！再上埋其他野食！我地點左個三文魚刺身、魚片頭、午餐肉、蟹柳等普通材料午餐肉明顯不是用普通的質素！三文魚刺身亦十分新鮮！菜的份量亦很多！讚呀！出外用餐，多多少少都要攝取蔬菜嘛！重點來了！個湯底嘅名堂就夠架勢！飲落

今日Monkeyssss 又出嚟食飯，我地選左去銅鑼灣打邊邊，又係上次同朋友食烤魚既京都廣場。 打邊邊湯底都幾重要嫁！佢依度有成十幾款湯底，由$98至$438都有！ 平啲既選擇有芫茜皮蛋豆腐湯，養顏牛乳湯胡椒白果豬肚煲等，中價啲有天麻白芷魚頭鍋，花甲海蝦魚湯鍋，花膠響螺燉豬展等。另外仲有漁火花膠雞湯翅，真係未用過翅打邊爐，我地就無咁豪，情願留返啲錢食刺身！由於有一隻monkey唔食辣，佢自己選左自家鮮魚清湯鍋，個鍋有少少鮮甜而且很濃, 啲配料同依個湯底食，加添不少味道。我就加左$20同另一monkey 食正宗麻辣鍋， 這鍋好多料，大大少少既香料同豬血，唔會太辣食唔到～所以響靚靚9味架上都拎左唔少新鮮辣椒自行加辣！ 見到Openrice 好多人點小食，睇佢menu 真係幾吸引，椒鹽海中蝦，椒鹽炸大腸，脆炸蝦餅等，我點左脆炸午餐肉，外面好脆裏面既綿且實，但又唔會好乾身。 鮮打墨魚滑($88)，墨魚起曬膠，食到一粒粒墨魚粒，有雙重口感。見到自家帶子餃同雲吞王都有手指公響旁邊覺得應該有保證($78+10)， 雲吞隻蝦夠大又爽，調味又啱，帶子餃就係店主將帶子切成粒

一行四人一齊到銅鑼灣食火鍋，朋友介紹話呢間唔錯，決定一試。點了菜乾白肺燉豬骨湯底，豬骨味道濃郁， 白肺份量也很多。海鮮方面，我們點了大蜆，隻隻都體型巨大，煮完仍然保持10分清甜。鮮味十足。脆骨腩係火鍋中最喜愛的配料之一，除了厚切之外，質感非常之爽脆，吃完一塊就停不下來。另外點了一款其他火鍋店少有的：魚卜隻隻都脹卜卜，很新鮮，附上竹籤可以載着之前吉穿。未到煙煙韌韌，帶點膠質。手切肥牛也是必點的，雖然有花不是很多，但肉香味濃郁。還有竹笙，吸滿火鍋湯底的精華，爽口好吃。

好耐無同班豬朋狗友傾到天昏地暗啦，何解係豬朋狗友其實就係每一次見佢地都大破戒，食到捧腹而歸！今次生日聚梗要食啲不一樣既，所以揀左依間火鍋慢慢涮慢慢傾！一早訂左枱所以去到就有位坐低，卡位闊落舒服，環境光猛更加印象分，服務員都不時問我地既需要，幾貼心！又到揀火鍋配料環節，每次最頭痛既時間，選擇困難症的苦啊！所以我多數都會比機會其他人發辦，反正吾揀飲擇食haha最後點了菜乾白肺燉豬骨湯底，好居家但又好溫暖既感覺，都吾惹少，入面有好多料，豬骨同好多白肺！白肺好滑，菜乾都係我愛的～火鍋配料我地都點左好幾款，最令我期待既就係魚卜，上枱時真係個個都脹卜卜，好新鮮既感覺附上竹簽比我地自己拮穿佢，好療癒喔！煮完之後口感係好爽脆，外面又好滑既質感！好正～我地order左牛頸脊同極品牛舌芯，但我偏愛後者，牛香重啲又帶獨特爽口厚切口感！另外既亮點係脆骨腩，$78既價錢但都好多塊！而且夠爽又吾難啃骨，好岩我食！另外仲點左珊瑚蚌、墨魚滑、魚腐等等，質素幾高！下次會回頭喔～

到咗涼浸浸既季節，就梗係要去打邊爐啦！京都廣場就最多嘢食架啦，我同朋友就選擇去漁火打住邊爐傾下計😊中式既門面，望落好高檔，所以入去試下😏我地2個人，叫左個胡椒豬肚湯底，可以見到真係好大個鍋😍個湯底唔算好辣，材料都算多，真係夾到好多舊豬肚👍🏻我朋友超級鐘意飲個湯，直情要追住飲😂飲得出係淆出黎既湯底，即使我地之後有再加湯，個味道都好keep到，無淡到！醬料有好多選擇，食得出材料好新鮮👍🏻我地人少少所以就只係叫左咁多☝🏻有帶子餃，稻庭烏冬，冰豆腐，手打蝦滑，走地雞件同埋雜菜籃😋我哋最欣賞嘅係蝦滑、走地雞同個烏冬！先講講下話啦，同出面嘅好唔同，咬落去入邊真係有啖啖既蝦肉，口感好豐富👍🏻 稻庭烏冬相信大家都食過，我哋以為三個烏冬會好多，但係原來係唔夠架！好少火鍋店會買咁靚嘅烏冬，非常之滑又彈牙，我食到停唔到！影個雞既近鏡先！可以見到隻雞好新鮮，都幾多肉！我哋煮熟完之後食，都食得出啲雞肉好嫩好滑！所以值得推介俾大家試吓！大家可以睇下上面嘅Menu參考吓，我覺得黎漁火打邊爐真係一個唔錯嘅選擇！

呢一日同朋友走咗去銅鑼灣打邊爐，大家烚吓烚吓，由於係佢生日，所以揀咗間比較高級嘅單點食火鍋，價錢相對較貴，不過食物質素有保證，刺身以及牛肉都是相當吸引！門口見到擺放着新鮮嘅海鮮，讓人吃得放心。我哋嗌嘅自家鮮魚清湯鍋＄１２８，魚湯煮出來的湯汁不會太油膩，涮涮牛肉定必有獨特的風味。我哋叫咗一個漁火特選牛盛薈$428。原來呢個拼盤包括5款牛，分別係手切頂級prime牛肉、手切本地牛頸脊、一口和牛柳粒、手切本地牛邊位和極品牛舌芯，睇落去嘅色水唔錯，令人食慾大增。首先是嘅係手切本地牛邊位，牛邊位是肋骨肉外層部分，佢嘅肉質比較林身，脂肪量唔算好多，食落去有少少un， 肉質具有嚼勁，牛肉勝在夠大塊。仲有嫩滑的手切本地牛頸脊這個手切頂級prime牛肉非常高質，牛肉味非常之香濃，口感林身，一大口嘗試，個人應為質感非常嫩滑，的確是不錯的牛肉。。極品牛舌芯，牛舌粒肉質非常厚身。他不是經過鹽燒，或者醃制和炆煮，因此味道不太入味，主要是以牛味為主，脂肪非常重，建議點上醬油吃會比較好食。一口和牛柳粒肉質非常軟林，牛脂味非常香濃，即是放入鍋裏煮耐左，亦都唔會話好難食。另外叫咗d芝士丸同埋雜菜籃，價錢又唔貴，重點是都

呢個天氣最好就係打邊爐啦， 又方便又暖身， 仲唔使煩添想食乜就點乜。 放工約埋同事兩個女仔落銅鑼灣行完街跟住上咗漁火， 一齊十下十下𨋢門打開就會見到佢有個 魚缸， 雖然唔係好大但係見到裏面啲海鮮全部都好新鮮時間仲早我哋喺第一枱客人， 畀咗張卡位我哋坐， 可以舒舒服服咁一路傾下計一路食嘢餐廳環境好乾淨企理， 而且坐得都好舒服商量之後，我點咗個杏汁豬肺 菜乾 湯底， 呢個湯底平時出邊打邊爐都好少有得點， 而且呢個天氣咁啱曬啦。老闆介紹佢哋嘅湯底係冇味精 淆咗一日嘅老火湯底， 於是我哋兩個拿拿林一人飲咗兩碗湯， 超正呀， 濃沃， 豬肺夠曬林腍好好味， 飲完成個人暖曬。走地雞， 肉質夠曬結實彈牙， 雞味濃， 加埋落個湯底度 連個湯 都更加再甜啲海鮮拼盤 淨係見到都覺得好豐富呀， 龍蝦，珊瑚蚌，帶子，龍躉，聖子，大蜆，大蝦 ，夠曬我哋兩個人食，食完一定飽。貝殼類時間一定要掌握得啱啱好如果唔係就會過咗火韌咗就嘥咗㗎啦， 本身已經夠曬身先再加埋個湯底又甜又好味，成個鮮味當堂提升曬隻龍蝦種啖啖肉， 新鮮又彈牙， 一食即刻愛上呀呢個海鮮拼盤， 一定要點呀，推介！

天氣開始凍，同朋友出街食飯就選擇打邊爐啦一去到火鍋店門口，望去右手邊有大水缸，好多大大隻既海鮮，好似幾生猛門口就大大個寫住漁火兩個字，設計都幾有型餐廳環境都幾闊落，可以坐得舒舒服服咁食餐牌上面嘅火鍋配料同刺身款式都幾多種類，而且價錢合理。就連湯底，都有好多種選擇，令人心大心細醬料方面都有好多款，個人最鍾意就係佢嘅麻醬，味道非常濃郁，點牛食一流湯底方面我哋就揀咗養顏牛乳湯，味道非常清甜，仲有好多雞髀菇喺裏面，都幾足料油麥菜非常新鮮，而且處理得幾乾淨鹹蛋豬肉丸，一望就知道係手打丸，口感非常之彈牙，配埋鹹蛋，豐富左豬肉丸嘅層次，而且增添左鹹香黑豚豬肉片，睇得出師傅嘅刀工非常之好，薄薄既一層，即使唔洗點醬料，就咁食豬肉已經好好味烏冬口感彈牙，索晒牛乳湯嘅精華和牛柳粒，脂肪比例均勻，而且非常重牛味，即使煮左好耐，都唔會好韌。整體來講，食物質素方面幾高，食材新鮮，而且湯底足料，好滿意嘅一餐火鍋。

見到朋友之前嚟過呢度打邊爐，之後喺網上分享左啲水之後搞到我流晒口水，好想試吓佢哋嘅特色湯底，今日終於約齊朋友可以一齊試吓啦！ 湯底都點左兩個，一個係飲湯為主，另一個就係用來打邊爐！ 🍲花膠響螺燉豬𦟌🐷（$198） 唔使講都知花膠響螺係自家製，熬足火候，湯底先甜無味精，而且花膠、響螺非常大件，非常足料，女人飲完個人都靚啲！ 飲完靚湯係時候打邊爐啦！ 另外點左個麻辣鍋拼自家製鮮魚清湯鍋 鮮魚湯真係好鮮甜架！ 🌶台式正宗麻辣鍋🍲（$128） 配 🐟自家製鮮魚清湯鍋🍲（雙拼加$20） 🥐即炸鬆脆響鈴（$48） 即炸響鈴真係熱辣辣架，香脆又好味，上枱時非常熱，大家要小心啲！ 🐄牛黃喉（$78） 牛黃喉爽脆可口，正！ 🐠沙爆靚魚肚（$68） 魚肚軟腍又大件，勁吸味！ 🐮手切本地鮮牛頸脊（$248/中） 吃火鍋點可以唔叫碟靚牛肉？牛頸脊色澤均勻、紅卜卜的非常新鮮吸引！ 餃類、丸類、墨魚滑、蝦滑也是店內自家製的，一定要試呢！ 🍄冬菇釀墨魚拼鮮打靚蝦滑（$98） 🍤招牌雲吞皇拼自家帶子餃（$88） 裡

行完Sogo，出到嚟涼涼哋就想打邊爐，咁啱見到對面京都廣場有間火鍋店，近近地就呢間啦!漁火海鮮刺身火鍋裝修幾高雅舒適，門口放左一箱生蠔，大大隻，好吸引! 餐廳嘅座位幾好坐，基本上所有都係卡位形式，而且牆身用鏡面，睇落好有空間感。同朋友都肚餓了，揀左湯底先。Menu嘅湯底都有14款，比較平嘅湯底仲可以加20蚊轉雙拼!龍皇海鮮湯、花膠雞湯翅、菜乾豬肺湯，全部都係靚湯底!! 其中一款天麻白芷魚頭鍋$168可以話係我最愛，好彩朋友對藥膳類都ok，終於有人陪我食藥膳湯底15分鐘左右個湯底就上枱了，奶白色嘅湯底，濃郁嘅天麻白芷味見佢啱啱上，滾熱辣，同朋友每人即刻裝左一碗魚湯嚟飲，入口有陣陣甘香嘅藥材味，仲有魚湯嘅鮮甜味! 朋友唔食多骨野，d魚頭益哂我，煲湯魚頭最好食，d肉又香又滑，食極都唔夠!醬料都有9款俾你揀，但食藥膳湯，湯底本身都夠濃了，我同朋友都冇另外加配料~火鍋料選擇都幾多︰因為天氣開始涼了，我哋一致決定唔食刺身。但打邊爐必定要食牛!牛!牛! 點左一份漁火特選牛肉盛薈$428，一上枱發現陣容鼎盛，種類非常多。一口和牛柳粒(左上)，極品牛舌芯(右上)- 牛柳唔好睇佢細細粒，其實滾落就有啲難熟

Whats the best thing to do in cold days? Hotpot definitely was one of the top options. Having tried some all-you-can-eat hotpot recently, finally decided to try something good and chose this!This hotpot restaurant was located in Causeway Bay - just a 5-min walk as from SOGO. It was around 8pm upon our arrival and the restaurant wasnt really very full that we were immediately seated.  At the entrance, there were a big fish tank that included quite some choices, such as lobsters, crabs, abalones,

最近同朋友傾起打邊爐嘅話題，佢地話銅鑼灣有間漁火餐廳好值得試下。今日就帶埋女朋友去試試到底有幾正先！七點黎到相當多人，等左大約十分鐘有人離座先有位。呢到環境幾寬敞，唔似一般任食火鍋店，坐位密密麻麻，寸步難行，令食客好有壓迫感。坐低之後，我地叫左一個鮮魚清湯底。睇睇個餐牌上嘅配料，發現呢到嘅選擇都相當多！肉類方面，我地叫左一份鯇魚片，芝士丸，仲有我至愛嘅三文魚刺身！而蔬菜方面，我地叫左一份什菜籃。另外我地仲叫左一碗白飯同一渣竹蔗茅根下下火。唔洗一陣，個鮮魚湯煲就滾起左。嗯，味道唔會太濃，且鮮美，真係適合鍾意清淡嘅我阿。試下個芝士丸先，真係相當好味！但要小心內裡熱騰騰嘅芝士，千祈唔好太心急，辣親條脷阿！而鯇魚片都黎左，份量真係相當多，有一大碗！建議大家煮耐啲，直至肉質鬆軟。而什菜籃則有冬菇，栗米同生菜，多款種類。打邊爐食開多款蔬菜嘅朋友不妨叫下。牛有好多唔同款...樣樣都好正, 有牛味而且脂肪平均分佈, 岩哂牛魔王我地.牛粒啖啖肉, 好有鮮味!你地一定要自己去試下!最後不得不讚下呢到嘅三文刺身！首先佢相當大塊，整塊放入口相當有滿足感。其次，三文魚肉質十分鮮味，同平時買到嘅3蚊壽司有天淵之別

天氣轉涼最岩就係打邊爐 平時都會係京都廣場搵下有咩食因爲地點方便收工同班同事就去依間好出名嘅漁火雖然鋪面唔大但店內嘅座位都好寬落 一坐底叫左個花膠響螺燉豬展$198........一滾起一人一碗湯飲左先鮮甜 真係好足料一鍋入面蟲草花.花膠.響螺螺片.雞腳.豬展樣樣都有 有個大大嘅螺頭係湯底一大舊🙈要叫職員比把交剪我地剪開先食到...香港人個個都忙邊有咁多時間可以自己煲湯飲所以今日大家飲到一碗接一碗好快個湯就見底所以我哋決定再叫一個地獄麻辣鍋拼自家製鮮魚清湯鍋打邊爐...麻辣鍋夠辣夠香👍🏻而魚湯都好正啱晒啲鍾意一邊打邊爐一邊飲湯底嘅人😋火鍋料一見到有黃喉即叫因為唔係間間火鍋店都有 ....烚完入口好爽脆正到不得了 即炸鬆脆響鈴響鈴偏薄即炸係真係脆卜卜食落比厚嘅會再香脆啲午餐肉厚切重要一啲都唔肥膩好好味蝦滑可以見到粒粒蝦肉爽口彈牙順德魚腐好好味 👏🏻👏🏻無論係配魚湯定係麻辣湯都一樣咁正 食左好多粒 😋時令什菜籃 冬菇好新鮮 👍🏻粟米就加落魚湯滾食落清甜雲吞王拼帶子餃 份量唔多 雲吞食落有大粒蝦肉 😋味道中規中矩 帶子餃第一次試比味道都唔錯沙爆靚魚肚依個又係唔係到到有所以一見到都係必點😜