漁火海鮮刺身火鍋

营业中

休息中

銅鑼灣遍佈了很多不同的食肆餐廳，要在芸芸中脫穎而出，除了懂得利用不同的宣傳手法外，最重要的是每位光顧過的顧客的口碑。而這間餐廳，都是經由我朋友介紹，所以今次經過銅鑼灣，專登到這間餐廳品嚐它的火鍋。入到餐廳選擇了一個比較清的湯，蕃茄薯仔粟米湯湯底：估唔到都好足料，比起其他餐廳，雖然係同一個湯底，但係往往只係得書仔多，唔似呢個湯底咁多番茄同粟米。漁火特選牛盛會：呢個特選牛盛會有五種不同嘅牛肉，有店員悉心解釋，以及建議食法：中間係美國牛肉；左上係肉眼邊，店員表示滾到5-6成熟，就可以食；而右上就係牛頸，呢個肉味比較重；左下就係牛舌粒中間，要滾耐一啲，因為肉比較厚，肉肉質比較爽脆；右下係牛柳肉。爽脆珊瑚蚌：喺第二度食，同一個價錢未必有咁大碟，而且每隻珊瑚蚌，都算大塊同埋好爽口。鮮墨魚滑：墨魚滑好爽口，加埋啲魚子脆卜卜咁，食完一舊，好快就想食第二舊。即炸鬆脆響鈴：估唔到呢度啲響鈴真係即炸，啲響鈴上枱，都感受到佢哋嘅微溫，放入湯底度，真係唔需要浸得耐，浸大約1秒，已經食得！淋淋地脆脆地，正呀！健康竹笙：竹笙好乾身，烚完仲係好爽口，加上吸收埋湯底嘅精華，所以咬落竹笙度，感覺就好似飲埋啲湯咁。自家竹蔗

最近半年，到處飛。好耐無靜靜咁留係香港食一餐好飯，所以大家都好耐無見我寫食評喇～ 唔知大家有無掛住我呢～ 哈哈～ Anyway 今晚做完野已經九點幾，係時候要醫醫肚～於是我搵埋朋友仔落銅鑼灣覓食～ 一到冬天，我就好掛住打邊爐喇！ 而難得留係香港，就一定唔可以hea食啦～呢次就搵左 bodyshop 對面，京都廣場 入面既「漁火 海鮮刺身火鍋」試下～ 一入梗係拿拿臨搵個卡位坐，揀個靚湯底先！一向揀飲揀食既我，即刻瞄到個活血祛寒祛風既天麻白芷魚頭湯！而家既天氣飲，簡直係一流！必選*1000個天麻白芷魚頭湯，一上臺，我同我朋友都嘩左一聲～ 真係好大煲！ 而且重重重點係好足料丫！ 唔信？睇相啦！有圖有真相丫嘛！ 除左有祛風散寒既白芷之外，亦足料既天麻幫助改善血氣，加入紅棗補血，以及桂圓的滋潤，足見直材實材！168蚊既湯底，有人煮埋比你，抵到爛！睇到呢度，係時候講下味道如何喇！天麻出名有一陣獨有味道，正好同魚腥味互相制衡，達癖腥之餘，更激發出奶白色魚湯既濃郁鮮甜，一碗像落口，暖在心頭，鮮味在口中低留打滾。去待應叔叔就準備好九宮格調味料喇！開始混醬喇！我係醬怪，朋友都見慣不怪了！有個咁正既湯，梗

一間十分高質既刺身火鍋店！天氣凍，OT完就心思思想打邊爐，見到呢間9點半後有八折優惠就決定一試。有刺身有海鮮拼盤有生蠔有火鍋，但絕對唔係求其，而係每樣食材都十分新鮮！啲野食未上，太餓試一試個湯底，牛乳湯係十分鮮甜，絕對一試難忘，係漁火秘製既配方！魚湯都好濃郁又唔腥，仲有豆腐，飲完應該皮膚白白滑滑。叫左個什錦刺身拼盤，有三文魚帶子北寄貝等等，件件都厚切好肥美！而火鍋料既冬菇釀墨魚必食，又爽口又吸哂湯既精華。叫左個蝦滑，入面真係有一隻隻的蝦，口感好豐富。火鍋必食當然仲有響鈴，竟然係自家製剛剛炸好。脆脘片都好爽口新鮮而且冇泥味。都試左極品黑豚腩肉，肉味十足！打邊爐當然最後一定要吃返個麵或者烏冬啦，個烏冬吸收哂個牛乳湯同魚湯，味道好夾！食飽捧住個肚走，真係完全感受到漁火無論係對海鮮刺身定係火鍋既身材，都有一定既高要求同用心製作, 絕對是一分價錢一分貨！

今日天氣超凍得幾度，有咩好過圍爐滾下滾下，於是來左在銅鑼灣地鐵c出口對面百米,京都廣場樓上的漁火海鮮刺身火煱，實行食得精，食得健康D。湯底十分有特色總共有十四款，款款標榜專人淆製，不加味精，真是極吸引。較特別的有菜亁白肺燉豬骨，天麻白芷魚頭湯，花膠嚮螺燉豬展....最後決定食精D來個最top的漁火龍皇海鮮湯。龍皇係指龍蝦，整整一隻，還有3隻比手掌大的元貝，3隻想唔起名的大刀貝，6隻大赤蝦，好足料，湯底以蕃茄為主副料，睇到湯色就知味濃，入口極為鮮甜。未滾其他料我倆先嘗足料湯底，接連各飲了2碗海鮮湯，整個身已暖和了，為免海鮮久煮走汁失鮮味，快快撈起放碟慢慢食。點了Prime 級的手切頂級牛，肉的油花平均分配，美極，稍稍焯下就食，海鮮蕃茄托得本已豐富的肉味更鮮，嫩肉及鮮汁在口內流動，給我不一樣的滿足及享受。續加的湯都很濃色，一問得知是用鮮豬骨及鮮鷄長時間淆的湯，所以沒有湯底被沖淡的擔心。放鮮潤氾油光的極品一點都不肥的黑豚片入湯焯，入口較牛有𡁻頭但不韌，肉味濃郁，不容錯過。有推介標緻的脆肉鯇片，晶瑩通透，一見就知新鮮啦，食落果然爽彈，good。落3個稻庭烏冬去滾，代它索盡海鮮、牛，豬的鮮味後食

香港地想食個質素好嘅火鍋，漁火就梗係要分享俾大家！一行四個人去食，埋單$2588，個享受絕對值回依個價。仲記得來到位於京都廣場嘅漁火，第一時間見到擺設得好靚嘅生蠔。連殻用冰鎮住放喺店門，好大隻，色水好靚，本身係生蠔fans嘅我已經流哂口水。老闆娘帶我地入座四人卡位，足足有其他餐廳八人卡位咁闊落，配上高身嘅椅背同暗色嘅玻璃牆，好有私人廂房嘅感覺，夠晒隱私。老闆娘話佢地餐廳嘅每個湯頭都係用多個小時熬製，未熬足鐘數，就算客人想落單，都會推介佢地試其他，認真敬業呀。我地就點左佢地嘅招牌嘅台式麻辣湯同胡椒白果豬肚湯做火鍋湯底。一上枱，見到胡椒白果豬肚湯好足料，雪白嘅湯底好香濃，即刻放入手切P R I M E肥牛，試一試佢先！湯底入口係肉香嘅鮮味，一陣味精湯底比唔上嘅鮮香氣，濃而鮮，但並唔嗆鼻，有種鮮肉熬煮方有嘅滋養潤滑質感，讚呀！不得不提係佢嘅手切 P R I M E 肥牛，忍唔住多角度拍攝肉身嘅雪花，記得細細欣賞先放湯，啲雪花好似藝術品咁均勻可愛，口感軟嫩而毫不油膩，更加唔會令湯底同其他食材變到油淋淋，變左好多火鍋都會遇到嘅災難。跟住要試嘅係佢地龍皇珍寶海鮮拼盤，試過就知個拼盤名有幾到位而唔浮

今日星期日假期 同女朋友出街咁岩天氣又凍 於是就決定左打個邊爐🤤行過一棟大廈見到有間火鍋店 就走左上去試🤔一入門口 店員已經主動埋黎招呼 👍🏻坐低左之後店員好快就拎左醬料過黎交左點菜紙之後 第一道菜就黎左花金鼓刺身一上台 大大塊魚片鋪左係冰上面 數埋應該有二十幾塊 最令人驚訝係條魚仲郁下郁下😱 証明師傅既刀工應該唔差👍🏻 蘸上wasabi加豉油一入口 魚既鮮味湧出黎 魚肉夠結實 絕對不比三文魚刺身遜色食到一半 個鍋就黎左 部份配料亦上台 等候時間唔長😝叫左個鴛鴦鍋 一半清湯一半半濃湯 清湯方面就係鮮魚清湯 湯到有少許芹菜條 豆腐同秀珍菇 未落料前飲左一啖 嚐到應該有少少白胡椒加左落去另外既麻辣湯底好足料 一大堆辣椒香料浮上面 加埋豬紅 湯底唔太麻但真係辣 唔食得辣既朋友應該頂唔順鮮豬肝豬肝仲有血 賣相新鮮 咬落爽口結實🤩蘿蔔片一碟有好多舊 咬落無渣 最好唔好淥太耐 好快變淋 冬瓜件冬瓜賣相都唔差 味道中規中矩魚皮餃魚皮餃一共有六粒 唔係雪藏貨 皮薄餡靚 比起出面個d大隻少少☺️肥水大花甲花甲差唔多拳頭咁大隻😂 花甲食落雖然唔會話有海水味 但係鮮甜而且抵食手切本地牛頸脊牛肉賣相睇落唔錯

因為從來都無食過海鮮刺身火鍋嘅關係，今日就同咗三位朋友一共四人去咗銅鑼灣京都廣場8樓呢個專食海鮮刺身火鍋嘅部頭試食。因為上去嘅時間算早，所以唔使等位就入得，負責人安排咗我地四人坐卡位位置。嗰度湯底有好多款，由於我地唔係好決定到揀咩湯底，就問咗負責人有無咩好介紹，佢介紹咗幾款湯底，我地決定咗揀四川湯底同鮮魚湯底。因為佢地即場餚製嘅關係，需要等大約十分鐘時間比佢地預備湯底。不過由於係咁，我地都係改咗做椒鹽豬肚同四川麻辣湯底，負責人仲好有心問我地食辣程度大約幾多 按我地需要調整返辣度。湯底一到我地即刻試咗個湯底，當時已經好惹味，所以好快就將嚟齊嘅食物放落去。我地嗌咗刺身海鮮，啲墨魚滑同蝦滑好好食，我地同負責人講好鍾意食，佢話呢啲係自家製墨魚滑蝦滑。其他海鮮何如龍蝦、蝦等等嘅海鮮都係好新鮮，無乜暗食同腥味，個魚腐係佢地自家製，入面好足料同好入味（融入咗湯底嘅味）。而令我最難忘嘅就係呢間店舖嘅豬紅！事關我本人已經十年無食豬紅，細個嘅我好鍾意食，自從有一次食到好難食嘅豬紅後就一直都無食過，十年後今日見朋友嗌咗嚟試，就破咗十年嘅戒淥咗一嚿嚟試，點知！！係我咁耐以嚟食過最好食嘅豬紅！！嗰度咬落去有少少

近期天氣真係好凍，好想日日都打邊爐但又怕悶，於是有日比我搵到依間漁火，啲湯底好似好吸引咁，就即刻約人去試下。嗰日我地六點九左右到，一出電梯就見到門口有水箱養住啲新鮮既海產，而入到去裝潢都比較私隱度高，一枱枱既卡位椅背係高到唔會睇到其他人，覺得咁樣好好，唔同出面咁隔係好似同啲唔識既人坐埋一齊咁。我地叫咗兩款湯底，雙拼加廿蚊但多個選擇喎緊係加啦哈哈台式正宗麻辣鍋+自家鮮魚清湯鍋覺得兩款湯底都好唔錯！魚湯一嚟到嗰時我試咗啖，然後馬上飲咗成碗！佢真係好鮮甜，而且仲好足料，入面啲豆腐係一磚磚咁落。而麻辣湯就食落嗰時先知正，辣得嚟唔係死辣，係有麻香，同埋唔會蓋過曬食物既味道，反而令食物更加出色，尤其係配合返魚！叫咗雪白鮮鱔片，份量嚟講都算多，價錢都公道。爽脆得嚟魚肉鮮嫩，用麻辣湯碌比用返魚湯碌更覺得佢係鮮甜既，真心推薦依個組合!!!叫埋個漁火特選牛盛薈，入面就有齊曬依度每一款牛肉，以為會得幾塊比你試下啦，點知嚟到既份量係可以三至四個人share。最鍾意手切頂級prime牛肉，軟韌適中又有牛味。牛頸都幾好，出面比較少地方有，係要去啲中價位既火鍋店先見到。始終唔同平價既肥牛嘛。整體覺得都幾好，而價錢埋

銅鑼灣既火鍋店話多唔多話少唔少，但嚟嚟去去都係食某幾間連鎖店都食到悶，有時仲要等好耐位添。聽同事介紹話依間漁火啲料好新鮮，食完真係會覺得值得，聽佢講咗幾次結果我就心絲絲拉咗男朋友去食喇火鍋湯底都有好多款選擇，男朋友想食台式正宗麻辣鍋而我本身想食牛乳鍋既，但店員就好推薦話自家鮮魚清湯好多人都嗌，所以我地就叫咗嚟試下。果然，魚湯真係好鮮味又好香，真係可以就咁當湯飲。麻辣鍋入面都好足料！之後店員就拎咗啲醬料比我地自己加，佢個麻醬幾特別，好重芝麻香之餘仲保留少少質感。好快肉類就嚟咗了~我地兩個人但好貪心咁叫咗一大盤漁火特選牛盛薈，入面有曬所有牛，份量多到怕食唔曬呀。最好食既係一口和牛柳粒同prime牛肉，前者脂肪感重啲但有油脂香氣，後者則重於食牛肉本身既質感同肉味。另外仲叫咗店蒙古肥羊片添~依個係漁火特色四色丸，其實我只係想試咸蛋豬肉丸，不過見既然有得咁開心樣試曬佢就叫啦。咸蛋豬肉丸真係第一次見，食落唔會話好咸，係有啲咸蛋黃混入咗肉丸裡面，都幾得意，唔錯~手打鮮蝦丸真係食得出依間舖頭係幾有誠意，我一心以為佢只係蝦滑咁樣既一粒丸，結果佢係每一啖都食到蝦肉，比蝦餃入面嗰粒餡更多蝦！食完依餐之後真係

今日約了朋友在銅鑼灣食飯。天氣寒冷，最適合是去吃火鍋，逛著逛著，黎到京都廣場，發現一間叫『漁火』的海鮮刺身火鍋在8樓，有火鍋又有刺身食，雙重享受，於是我地就決定去見識一下。搭lift 上到去8樓，一開lift 門，就見到一箱蠔擺在門口，並且寫著『新鮮空運，西班牙巨型石蠔』，睇落d蠔新鮮，成間店鋪都變得好吸引啊！點鋪裡面寬落，環境乾淨，坐落非常舒適。服務員一路為我地講解下呢度嘅推介，介紹尼度嘅優惠之選。因為工作遲放嘅關係，我地去食嘅時已經好夜後，但原來佢地夜晚9：30後有八折優惠。呢度好多火鍋湯底揀，有十幾種湯揀，而我地叫了自家鮮魚湯鍋及養顏牛乳湯。牛乳湯的是奶白色的，呢個唔意外，但鮮魚湯都係奶白色嘅，而且仲有大大的豆腐，食完一定好養顏。而飲落去好重魚味，一d都唔腥，非常鮮甜，而且似乎仲有少少胡椒，令人十分醒胃及和暖。牛乳湯都好出色，濃濃嘅牛乳味，原來是由秘製材料煮成，我個人必點推介，讚！呢度d醬油係自助式嘅，但服務員會拿黎俾我地添加，唔洗我地走黎走去，非常體貼，欣賞！我地叫了好多菜式，首先來一個什錦刺身拼盤（大），有帶子，三文魚及北寄貝等等，件件都大大隻隻，靚靚仔仔，鮮甜肥美，我都係第

門口已經有生猛海鮮養住相信所有海鮮都是即劏即打用料新鮮的火鍋店多數去街打邊爐都係味精湯佔大部份 但第一次用老火湯打邊爐果然滋味鮮甜了不少烏龍茶解解渴餐具都好有個人特色帶有點點中國風 令人舒服放鬆職員手腳都好快 一揚手就會留意到 唔會等太耐磨調配醬汁既材料都特別多足足有9大種芫荽好新鮮綠油油咁岩曬我d芫荽愛好者首先食個三文魚刺身先 由於佢既三文魚略厚切 所以性價比都算高8大片三文魚兩個人食真係夠曬 過足口癮花甲豬骨煲一試就已經有鮮甜豬骨同花甲味果然名不虛傳花甲好大隻 佔左我湯碗既三分之二鮮甜彈牙 煙煙unun咁 啖啖肉 食得我好暢快蒙古肥羊片同牛胸爽都係大大片咁上一班朋友都唔洗怕唔夠食而且佢既肉質都算軟糯新鮮叫翻少少蔬菜類佢既雜菇盤大份豐富而且無菇腥味 反而吸曬湯既精華同鮮味所以好推介大家點呢個雜菇盤叫左個特色丸 鹹蛋豬肉丸當然唔會太鹹 仲有好香嘅鹹蛋香味而且豬肉丸嘅調味剛剛好 兩個人八粒 一啲都唔算多因為佢係好味到可以不知不覺食完一粒接一粒正花枝片又係一樣好鮮甜 用料實在 工夫做足老火湯打邊爐果然零舍不同 看來香港人以後用老火湯代替味精湯打邊爐會更健康

呢排天氣又轉涼，最啱就係打邊爐啦，不過香港人一年365日都最鍾意打邊爐架啦！平日食開嘅都係放題打邊爐，今日朋友生日就食好啲啦，揀咗呢間係銅鑼灣嘅「漁火」，之前睇過唔少食評都對呢間讚不絕口，今日一於試吓佢。一出𨋢門口就見到好日式嘅裝修，旁邊仲擺着個水池養住啲龍蝦同埋其他海鮮，十分新鮮！可能嗰日我哋都比較早上去食飯，無book位嘅我地等左一陣都已經可以入座。坐低後，店員好快就過來招呼我哋，同我地介紹餐牌，之後捧上一盤有九種火鍋醬料，十分細心，客人可以自行在座位中調味，並唔需要行去其他地方拎，呢個位抵讚！我哋嗌左個「芫荽皮蛋豆腐湯底」，味道香濃、清甜，一啲都唔油膩，而且十分足料，有大量嘅皮蛋、豆腐、芫荽，我好鍾意呢個湯底，直情可以就咁飲啲湯！火鍋配料方面嗌左漁火特色四色丸、漁火特色牛盛薈同時令雜菜籃。四色丸包括手打墨魚丸、手打牛筋丸、手打鮮蝦丸、手打鹹魚豬肉丸。一次過可以試晒四隻味道，呢隻丸係生上的，並唔係預先整定，十分新鮮，煮熟後爽口彈牙，尤其是鮮蝦丸，好濃蝦味，咬入去仲有好多細細隻嘅蝦，正！而漁火特色牛盛薈令我更加驚喜，有齊餐牌上嘅牛頸脊、牛邊位、頂級prime牛、牛舌芯、和牛粒。一上枱

平時去京都廣場，都已經見到呢間「漁火海鮮刺身火鍋」好多人等位見到咁多人食，心諗一定質素不會差，所以決定今次上去朝聖下！因為怕夜晚時間太多人等位，加上灣仔返工既我就是放工比人早六點鐘就入座。火鍋最著重湯底，這裡的精選特色湯底有好多款式。由於今次得我同朋友兩個人，叫咗「芫荽皮蛋豆腐湯底」試吓。「芫荽皮蛋豆腐湯底」賣相十分吸引，遠處已經聞到鍋入面有好濃郁嘅芫荽味道，而且非常足料，入面有好多芫荽、皮蛋同埋豆腐！飲左一啖湯，非常之清甜！之後我地叫左啲火鍋配料打邊爐，食物上枱速度都幾有效率，落單後冇幾耐就上菜啦。我們簡左漁火特選牛盛薈，個賣相好靚，份量十分多而且味道真係超級正！特別係手切PRIME牛肉，牛肉色澤紅潤，紅白相間，不肥不瘦剛剛好，口感幼嫩，牛肉味香濃，連平日唔鐘意食肥牛既朋友都食到停唔到口！另外仲有自家製嘅肉丸，涮熟左之後夠爽口彈牙，值得一試！餐廳更有多款飲品、啤酒提供，呢度仲有自家製嘅竹蓆茅根水，打邊爐當然唔少得要叫啦，我就叫左一榨，一邊打邊爐一邊飲，完全唔驚會熱氣啦！呢間餐廳嘅食物價錢屬於中上，但食物質素確實高，完全對得住個價錢！另外仲有好多食物想試，下次會再約多啲人一齊試多啲火鍋

天氣凍就梗係又要去打邊爐啦！ 之前聽朋友講漁火的刺身海鮮火鍋質素高， 今日去開銅鑼灣就過嚟試下啦！座位好闊落！先來一渣自家竹蔗茅根，大大渣$48，好清甜唔係街邊超甜糖水。淨係睇個菜單啲湯底都覺得勁！ 所以我哋冇揀到一般火鍋店都有嘅湯底，反而㨂左個花膠響螺燉豬展！個湯好甜，唔覺有味精！因為落左好多料！足料之甜到我未落火鍋料就已經飲左幾碗湯！好有屋企阿媽煲湯嘅味道！呢度刺身價格合理，我哋見象拔蚌刺身今日特價$588，就叫了一客，非常新鮮爽口鮮甜！仲要讚下個鮮打靚蝦滑，非常爽口彈牙，仲食到有粒粒蝦粒係入面！打邊爐又點可以少咗靚牛，我地乜牛都想試就要揀漁火特選牛盛薈$428， 有齊頂級靚牛肉牛舌牛頸脊牛柳粒，好香牛味，好正！

天氣凍凍地最岩打邊爐🤩本身預約左9:15分宵夜時段，點知早左收工，結果一行四人9:05分就到左。職員二話不說就安排左座位俾我地，等我地唔洗等到夠鐘。員工有禮，用笑臉迎接每一位客人，值得一讚。食之前最緊要混醬！呢度醬料選擇都幾齊全，而且無限供應，我可以盡情多蔥多莞西再加沙嗲醬啦！湯底係打邊爐既靈魂。平時黎黎去去都係沙嗲 同麻辣，有時都想試吓啲特別嘅湯底。呢度竟然有雞湯魚肚做湯底，幾特別，就試下佢啦！個湯上到黎既時候面頭仲有D翅，誠意十足。雞有雞味，食得出係新鮮雞，個湯飲落仲好鮮甜。原本返工返到頹頹地，心情即刻靚晒，飲碗靚湯，為今餐揭開序幕。唔好睇佢係平平無奇既四寶丸，原來內有乾坤。墨丸入面包多陣蝦膠，咬落去滋味DOUBLE，好有驚喜。而豬肉丸入面有咸蛋黃，總之粒粒新奇又好玩！打邊爐點少得牛肉。佢份PRIME牛肉真係無得輸，色澤好靚，一咬落去肉汁四溢，肉味好香濃。壓軸出場係主角海鮮拼盤，盡左力張相都影唔晒成盤野，份量好大，好豐富。有蝦，多種貝類，聖子同龍蝦。龍蝦啖啖肉，龍蝦膏爆晒出黎，充滿鮮味，必食！其他仲有即炸響鈴，帶子餃，跪魚片全部都有咁上下水準。埋單望下張單，仲有8折優惠，非常抵讚！