漁火海鮮刺身火鍋

营业中

休息中

朋友聚會 揾左openrice入面評價好嘅幾間選擇， 我地都係夜鬼所以大多數人都揀漁火， 9：30後全單八折！我哋一行八人， 職員話俾間房我哋， 一入到去原來係有兩張大枱 需要同人share的，舖入面環境非常嘈窄， 要傾偈需要增大聲線

因為慶祝生日，所以同屋企人試下新餐廳。第一次食，覺得好好味。雖然間餐廳出名食刺身，但係我阿爸不嬲都唔食生野，所以冇叫到。而我就好鍾意食牛同埋墨魚丸，味道好鮮，好好味。又叫左魚腐，本身我麻麻地既，但係依間既魚腐整得好好味，所以我都食多左。連阿爸都覺得間餐廳既材料好新鮮。個湯就係牛奶湯，因為同兩個小朋友一齊食，所以就叫左牛奶湯，都幾特別。仲有叫左魚卜食，唔係間間餐廳有，第一次打邊爐食魚卜，都幾好玩。因為唔識野啦，放左魚卜落個鍋到，見煮左咁耐都咁漲，後來先發覺原來有枝竹簽比我地整穿左先放落個鍋到既，但已經太遲了⋯當我用枝竹簽一「吉」，就有一下「巨響」，嚇親我地⋯所以如果食魚卜就要記得整穿左先放落個鍋到。仲有一件搞笑野⋯餐牌寫住牛胸爽，我問Waiter係咩尼既？佢話係牛、爽既、白色。雖然最後都唔知係咩尼，但都叫左尼食，都幾好食既。由於太肚餓，所以冇乜點影相。

叫了一些牛（新鮮一般）份量好少，蝦（十分細隻，又不新鮮）又要收醬料費頗貴，地方好細，坐得唔舒服，服務普通，價格頗貴！下次唔會再去，算啦！只此一次。十分失望，大快活、大家樂或吉野家都好過漁火海鮮刺身火鍋。

好耐都冇見兒時玩伴，終於有時間啦，就約一齊見下面聚下舊啦，老友就話食咩好呢，天氣涼涼哋不如去食火鍋啦，一向都唔太喜歡食任食火鍋，嫌質素麻麻，咁就提議食漁火，食過都ok嘅。老友話要晏啲先嚟到，咁我同另外老友食住等啦，叫左個炸墨魚餅小食，估唔到出奇的好食，咬落鬆脆香口，墨魚肉爽口彈牙。清魚湯窩好好飲，以為會清淡， 點知好有魚味。牛頸脊肉份量也不少，好新鮮，烚幾下就食得，好爽滑，唔鞋。雲吞同蝦丸就一般。鱔片夠新鮮，咬落彈牙爽口，D魚油滲入口中，好好味。第二次食都滿意，维持水準。

預約左八點準時上到去，店面不太大但都唔會感覺迫喼，我地四人坐左唯一一張圓枱，但係坐唔哂個圓，反而唔係幾好，因為我地坐偏一邊先傾到計，但食物黎到就要成日起身去拎同夾，希望下次坐到卡位😁😁第一次黎所以唔知亦都無特別要求。鍋底嗌左一紅一白，麻辣同豆乳，兩邊都好香😍😍😍呢款麻辣湯底應該係台式果種，好香既香料味，花椒丫、丁香葉等。而豆乳鍋都好香奶味，未打先飲碗為敬😛配料我地四個女仔唔太大食就嗌左一份牛頸脊、雞子、桂花蚌、花甲好大隻🤤、沙爆豬皮、鮮斑片、墨魚滑、花膠筒、凍豆腐、西洋菜、皇帝菜，而且豆乳鍋底本身跟左滑豆腐、粟米，都唔少所以好夠食。海鮮類都好鮮，菜夠嫩，特別要讚個沙爆豬皮真係好夠沙唔係啫喱狀果種😍豬皮一定要落豆乳鍋，索哂個湯咬落又沙！好正！👍🏻👍🏻其他食物都水準中👍🏻👍🏻唯一失望少少係個花膠筒，淥完之後縮左水，但味道都有唔係無味。四人食左$1805，服務都好好，會再幫襯。

正好碰到一班人搞party,吵到爆炸，一群人起哄了两个小时，一会拍手起哄亲他，一会拍手起哄脱衣，一会拍手起哄脱裤，然后二十几个人欢呼叫好，被吵到头都要爆了，但是餐厅服务员完全不理，还说人家生日嘛，建议散客就不要来了，餐厅可不会顾及你的感受。这种情况明明可以叫他们包场，或者用一些折叠门隔离起来，至少散客的用餐环境可以保障，和老友聊天，完全听不到对方在说什么，相比起菜价，人均400，这个用餐环境太糟糕。还有北极贝刺身一口吃下去全是沙子。很差的用餐体验。。。。

話說今日想打邊爐就上OpenRice睇吓有咩好嘢啦！就見到呢間「漁火」，雖然睇食評好似幾好，但我份人就鍾意去試多過做CD-ROM，因為人人口味都唔同，可能自己會唔鍾意呢😆餐牌：叫咗個招牌湯底「花膠響螺燉豬展」，其實如果唔出聲，我話呢煲係燉湯或者老火湯都有人信呀！未必會諗到係火鍋嘅湯底，店員都叫我地試吓味先，完全係媽媽老火湯嘅味道，我一下就飲咗三碗手切肥牛，雪花分明，入口即溶，二人份量啱啱好 手打蝦丸加墨魚丸，爽滑彈牙，新鮮製造脆魚鯇，正呀喂，口感一流，d肉唔會霉霉爛爛點少得打邊爐必備o既午餐肉同豆卜呀！好入味最後叫咗個皇帝菜中和一下啦！好滿足嘅一餐

家中有長輩生日，經大家研究後，決定到魚火試試。跟小朋友一起火煱，不叫太多海鮮！ 叫了手打四式丸，丸質地彈牙！ 本人喜歡吃魚，這裏的脆肉鯇非常好吃，肉質鮮甜，脆脆的口感，值得推介！ 本身不太吃牛，所以覺得肥牛片一般。此店材料新鮮，裝潢整潔！ 愛火煱的人可以一試！ 價格頗高，但可算是值得的！

銅鑼灣一向多嘢食，當要諗去邊食飯一定好辛苦。所以今次黎到哩間漁火海鮮刺身火鍋打邊爐，一坐低即刻叫咗個漁火花界豬骨煲。再黎就叫咗個龍蝦刺身，食落龍蝦肉非常新鮮，食完重可以將龍蝦加到湯底入面，令到湯底慨味道更加鮮甜。漁火特色四色丸亦系值得一提，因為渠並唔系坊間慨四寶丸，四種丸都各有特色，而且份量亦都各種丸有3粒。食都未食完爽彈脆鯇片就送到台上，鯇魚片食落真系彈牙無比，而且份量亦唔少。值得一提系，上菜速度絕對唔慢。最後就放埋一個清遠走地雞落去個鍋度，雞肉非常嫩滑，食落亦唔似老雞。而飲品方面就叫咗自家制慨竹蔗茅根，可以飲到竹蔗有小量慨回甘，唔同一般只系得個甜字。

今日約了朋友去《渔火海鲜刺身火鍋》吃晚飯， 因為地點方便， 在銅鑼灣地鐵站C出口，步行兩分鐘就到達目的地。 我推薦《漁火花膠雞湯翅》，材料豐富， 有花膠、雞同冬瓜等材料， 滋潤養顏， 味道亦十分清甜。 《加拿大野生象拔蚌刺身》， 廚師切成薄片，晶凝通透，入口肉質爽甜， 美味可口。 切片的《深海龍躉斑片》， 入口甜美彈牙， 魚味十足。 必食之選《手切本地鮮牛頸脊大》， 油花分佈平均，牛肉味濃， 肉質肥美嫩滑，切成薄片， 灼幾灼便可。 《漁火特色四色丸》， 有我最愛鮮蝦丸、牛筋丸、墨魚丸和鹹蛋豬肉丸， 每樣各兩粒。 我最喜愛是鹹蛋豬肉丸，豬肉丸內加上鹹蛋，特別惹味，非常特別。 食物有水準， 環境舒服， 交通方便， 值得一試!

朋友想吃火鍋，我推介了這家「漁火海鮮刺身火鍋」，之前吃過一次，實在回味。銅鑼灣港鐵站C出口，對面就是京都廣場了，不用另外找個集合點，朋友們都輕鬆找到。我們選了沙發位置，座位寛敞舒適。湯底有十多款，可以隨意選擇，亦可雙拼。全部真材實料，堅持不加味精。就算加湯時也是加豬骨及雞湯，推崇健康滋味，多喝幾碗也不會口渴。滿$800就可以以七折$201點選什錦刺身一客(細)，有四款新鮮刺身，份量很多。最好吃是帶子刺身，鮮味厚彈。除了牛頸脊和海鮮聞名，我最欣賞是即炸響鈴$55，上枱時熱呼呼的，超長足料，十分鬆脆，可以當小食，蘸湯更是一流。地點方便、不限時、服務好、質素也很高，值得回頭。

平時如果又想打邊爐又想食刺身 都好難揀 但係漁火一次過可以滿足曬兩個願望我哋嗌咗花甲海鮮魚湯鍋，寶物沉歸底，海鮮喺曬底唔見人。象拔蚌同埋活魚刺身果然不負眾望好夠新鮮，刀功一流，完全展現左活刺身嘅魅力。 原隻象拔蚌同埋原條魚咁上，條魚仲識郁🤕 鬼馬油條其實就係將啲蝦膠釀入去油炸鬼度炸， 香脆彈牙兩種口感都有。 打邊爐必備墨魚滑同蝦滑，夠彈口可惜份量較少。 一眼就睇到花枝片好新鮮，形容唔到個口感，係要新鮮花枝先有，勁快就清左碟。都要提下啲配料，響鈴係即叫即炸，所以好香脆。竹笙係非常之大條，吸曬啲海鮮湯嘅精華，掂呀！將佢到加埋入濃濃地海鮮湯，完美作結！

用openrice訂了9點半，怕遲到9:20就到了，但成10點才入座，雖然店員一直說很快有位置，因為不限時，所以我覺得訂與不訂沒有什麼分別，至少那天我們離開時沒有人再進來了。看見好多食評推薦這間店，說真的，湯底用足料，單單是我們那煲花甲豬骨湯，豬骨有3舊，花甲有3隻；其他材料也很好味同新鮮丫，響鈴即叫即炸，擺係湯度灼一灼已經好好食；脆肉鯇好爽脆丫，但碎骨好似好多；四寶丸蝦丸那個超好吃，其他3款不過不失啦；新鮮滑牛這個超好吃；烏冬唔錯，軟軟的風格最岩我了；芝士腸拼魚皮餃，我覺得冇咩特別；帶子餃拼雲吞，我見網上好多人贊呢個，但我又唔覺得有幾特別；至於豆苗真的很新鮮。至於飲品方面，我們叫了竹蔗茅根，我略嫌唔夠凍因為9:30入座既關係，全單8折，幸好有看單，因為發現多收了一瓶竹蔗茅根的價錢，這個應該是我們一開始就下單但等了很久還沒有送來，我們催單但侍應生誤會了的關係，所以查清楚帳單真的很重要。埋單差不多800蚊，呢個價錢算中上了，但一分錢 一分貨，簡唔中食一餐都唔錯既

今晚同朋友仔出黎銅鑼灣行街～諗唔到食咩咁就一齊十下十下打邊爐啦！呢到地理位置唔錯 都有好幾間餐廳進駐呢到，想食呢間既就搭電梯時就限睇清楚樓層啦！上到黎嗌好湯底，就有呢盤混醬九工格！生蒜熟蒜辣油辣椒蔥啦連芝麻都有！啱曬我呢啲重口味 🤤🤤正式打邊爐前先食下招牌既象拔蚌刺身！三個人分都好夠食！鮮而不腥，加少少刺身豉油就真係有好好既提鮮效果！鮮而不腥既仲有呢條活！魚！刺！身！「食魚有魚味」第一次食活魚刺身既我都要造作啲講呢一句！條魚新鮮到條尾仲識郁！口痕既我地仲嗌左鬼馬油條 好食 🤤🤤湯底清清地 不錯～墨魚同蝦滑都好好食 🤤🤤

適逢世界盃足球賽季節，有波睇又想搵嗰地方同班frd一齊睇，知道呢度有電視播，而且坐得幾舒服，就過咗嚟幫襯吓新鮮海產有九款配料任你加重口味嘅我放咗勁多蒜啊～泰式生蝦 $108本身就咁食落去有少少腥加翻特配嘅汁冇咗陣腥味，食完仲開胃咗我哋叫咗兩款湯底- 招牌麻辣鍋呢個麻辣鍋色香味俱全，唔會太辣完全蓋過食物原味，又好香- 蕃茄薯仔粟米湯一眼見到好足料，滾咗之後可以飲吓湯先～響鈴 $55好大條！上枱時仲係熱辣辣，新鮮炸起因為呢隻響鈴有一定厚度，浸完後食落去中間仲係脆卜卜要讚吓呢個蝦丸幾特別，好似真係食緊鮮蝦咁墨魚滑唐生菜鮮牛肉稻庭烏冬估唔到呢度有稻庭烏冬點超級好味，我哋前後叫咗6個因為啲烏冬同普通嗰d唔同，彈牙啲，幼少少食食吓嘅時候，睇緊波，服務員同我地傾埋一份哈哈