漁初·魚丼 (已結業)

今次試咗喺長沙灣嘅日本菜😍🐟海鮮丼飯系列今次我哋試咗兩個丼飯，刺身都新鮮好食！我哋試咗雜錦系列嘅三文魚、油甘魚、帶子、北寄貝、赤蝦、蟹子、玉子燒，好多種唔同嘅刺身，滿足晒你所有願望😆。另外仲試左三文魚系列嘅三文魚、炙燒三文魚腩、熟帶子、玉子燒，呢款係餐廳嘅必食推介！🍢串燒今次我哋試咗明太子雞肉、大蔥雞肉、牛舌、橫隔膜筋、司華力腸。雞肉嫩滑，牛舌有少少韌，橫膈膜筋出奇地好食，司華力腸外皮有蜜糖，不錯。

✨海鮮丼飯✨🥢火炙鰈魚邊、磯煮鮑魚、吞拿魚腩蓉、玉子燒 $128🥢火炙鰈魚邊 $88睇我叫嘅呢2個丼飯就知，我有幾鍾意鰈魚邊😍而且火炙後更係香噴噴呀！見到個丼滿滿肥美嘅鰈魚邊，好滿足又快樂😂磯煮鮑魚入味又鮮甜，仲有隻秘製鮑魚汁，好滋味！仲有我呢排好鍾意食嘅吞拿魚腩蓉，口感好細緻creamy😋✨串燒✨🎈美國安格斯牛小排 $58🎈燒牛舌心 $58🎈秘製燒豬大腸 $48呢度仲有好多日式串燒，牛舌心係我每食都必點嘅串燒，爽口多汁，牛小排串燒幾軟腍，仲叫咗份燒豬大腸，少有，要試一次😂

新開就黎試吓牛舌用牛舌芯… 都算有heart! 燒榮螺… 仲有啲海水咸味，也鮮甜！海膽同甜蝦非常非常甜！水準以上刺身三文魚腩輕輕一燒，油膩減少..增加油香！正算係有驚喜，值得試一試☺️☺️

夜晚諗住落街買外賣，經過依間日本餐廳裝修得幾靚，就睇下餐廳個menu ，依間餐廳一個丼大約$100-150，而其中有個海膽系列起碼$200，但我見memu海膽丼d相都幾吸引，就order 左個海膽、吞拿魚魚腩蓉、三文魚子、玉子燒丼黎試下。我攞左個飯盒睇發現佢俾我得4塊海膽，我話「係咁架啦？」，佢地話「改左用日本海膽」，我話「你哋好似違反商品說明條例」後先俾多少少我。D食物十分普通，唔係難食但真係完全唔值$250

諗住長沙灣新開，幫襯一下， 點知十分失望，如果你唔想中伏,千祈要三思！職員態度極差，餐廳做緊啤酒買一送一，我地想叫第六杯時，女職員：你地已經叫左第9杯！我地：😮不是啊，這是第六杯。女職員佢（大聲&惡死）：一定吾止6杯囉！然後，佢check 單，發現自己錯左，死死氣咁講：是但啦當六杯。（好似覺得施捨我哋咁)😖我地叫左第一輪食物，食物又細件，仲好咸，例如鰻魚飯😩未飽就急急腳走，極之受氣，此生不再光顧。😫

近年，不少文青咖啡小店駐足深水埗，令這區更添藝術氣息，成為文青聚集點。但其實深水埗一帶還有不少滋味選擇。最近 BeautySearch 便在深水埗天悅廣場發現了一間日式小店《漁初 · 魚丼》，木系門面，懸掛著日系小燈籠，感覺猶如來到日本，很治癒。店內地方不算很大，五六枱，加上吧枱位置，環境裝潢十分舒適，加上日系擺設，令人仿似置身於日本居酒屋。先來一碟三文魚腩，橙紅肉色上一層白色膜，紋路較粗而密，滿滿的omega-3滋味。入口肉質細嫩鮮美，帶有豐富的油脂，特殊的香味及濃郁的味道，魚油香味十分濃郁！單看 MENU，已被海鮮丼飯系列的相片吸引著，每一款都滿載著吸睛的刺身，相當足料。最後，我選了當中的三文魚、蟹籽、帶子、玉子 丼飯。 6大片三文魚刺身，搭配蟹籽、帶子、玉子，滿滿的感覺，真的超級幸福喔！三文魚肉厚肥美，油脂滿溢，口感滑嫩；配上爽脆的蟹籽，一顆顆爽口彈牙在嘴裡爆開，瞬間的鮮甜滋味，還有帶子及玉子，非常足料，人間美味，令人滿足。原條鰻魚飯，長長的鰻魚全長超過 15cm，蓋過整個白飯。鰻魚表面燒到香脆，而且厚肉肥美，肉質細緻嫩滑，魚骨更是去得乾乾淨淨的。醬汁較稠，甜度剛好之餘，份量又多

今日慶祝朋友搵到新工，所以就諗住食好啲，揀咗間日本餐廳食。三文魚、火炙三文魚腩、燒帶子、玉子燒 (魚生飯)三文魚係厚切，食落去啖啖肉，而且都幾香三文魚嘅香味；火炙三文魚腩就較為多魚嘅油香味，火炙去處理亦都令到三文魚腩入口即溶，一啖都可以送到幾下飯；帶子都算大粒，而且食落都仲食到佢嘅鮮味，唔會因為經過燒烤而失去咗原來嘅鮮味；玉子燒就故意整成牌坊嘅樣，食到蛋香味之餘，亦都食到少少甜味。原條鰻魚飯鰻魚係即叫即燒，鰻魚嘅份量都算大條，肉質唔會係「梅」，食得出唔係平時係超市買到個種包裝鰻魚；餐廳調嘅汁都唔會太甜，但又會好好送飯。三文魚腩刺身三文魚腩都係厚切，食落好Juicy，一咬啲魚油就出曬嚟；擺盤方面都好有心機，最啱拎嚟打卡。明太子雞肉明太子同雞肉融為一體，意想唔到都幾夾，明太子嘅香味都幾濃，但又唔會蓋過雞味，雞嘅肉質亦唔會因為燒過而好乾身。牛小排好香牛嘅油脂味，本身應該係用咗鹽去調味，所以唔會令到牛嘅味道冇曬。肉質都幾好，唔會好難咬開。翠玉瓜翠玉瓜本身好甜，而且燒到啲汁都出曬嚟，咬落去已經成口都翠肉瓜甜香，而師傅應該用咗啲鹽去調味，所以甜中有咸大茄子原條茄子去烤，但外皮又唔會烤到好乾身，可以

今日朋友相約一起去深水埗行嘉頓山，行完山後一起去附近魚初吃日式料理。日式料理必食刺生，刺生象拔蚌、玻璃蝦、磯煮鮑魚拼盤買相十足，配有新鮮的蔬菜沙律，好味又健康。必食推介火炙鰈魚邊、磯煮鮑魚、吞拿魚腩蓉、玉子燒丼，配有中華沙律和麵豉湯，夠水準，值得品嘗。生薑厚切豚肉五花腩丼，豚肉肥瘦相夾肉質嫩滑，濃郁的香味肉汁滲透到米飯裡，口感豐富而滿足。串燒牛舌軟腍爆汁，齒夾留香。鱈魚片鮮香無比。烤大茄子蒜香撲鼻有特色好味。

上星期路過長沙灣，入左間新開既日式料理店，進店內，有一點日本感覺（解一解沒返家鄉日本之愁），店員有禮貌地帶我去counter坐，可能我一個人，坐counter仲好，睇到師傅切魚料見到刺身很吸引，於是乎今餐晩飯就食刺身加個「哥Han」赤蝦 很甜肉質新鮮，蝦膏撈飯，ichiban墨魚很爽我至愛油甘魚厚切，不得了三文魚腩正常現在新張期內9折，啤酒是suntory 有黑有白，買一送一，埋單$2xx ，性價比甚高，值得再黎！

1. 服務混亂2. 丼飯迷你, 無味三文魚, 灸燒魚腩份量薄而且少3. 未試過食丼飯有生米, 食左幾啖無食4. 性價比低, 9折都要144元埋單有中伏感 新張試業, 好難有回頭客. 

好少可寫劣評見新開試下食晏晝始終附近都好少日本嘢點知食完後悔到真係伏到爆炸😦😦😦😦😦😦首先佢價錢唔平我哋叫咗3個魚生飯佢攞出黎我都呆左份量超細仲要係感覺爭鮮既貨色但比我再簡我會簡爭鮮起碼價錢預左🤓佢收緊百幾蚊一個魚生定食啲魚生平時分量 佢一開二左咁而Pat 三文魚子係迷你版完全唔知自己比幾百蚊食左啲乜😨😨😨😨絕對唔建議

見到有間新嘅日本餐廳，試吓。佢哋啲丼飯有啲已經配晒料，或者可以自己配toppings. 叫咗兩個丼飯。細細碗。刺身topping ok. 如果唔夠可以添飯。壽司感覺偏貴但質量唔高。三文魚籽軍艦$45一件但魚子好細粒。其實成件軍艦都好細件。三文魚子出咗好多水/油。就好似平時買急凍三文魚籽解凍之後會有好多油喺度咁。覺得以呢個價錢唔係好抵。吞拿魚刺身質素亦都唔係好好。$42有三片。啲肉有啲柴柴地嘅感覺…總之就係怪怪地。整體來講我覺得叫丼飯係可以嘅。不過壽司就真係麻麻哋啦。兩個人食，平均每人$260…如果冇叫壽司會好好多。

很久沒有去過長沙灣，發現了一間清新有驚喜的日本小店，餐牌主打魚生飯及刺身，魚生新鮮兼厚切，口感豐富，同個主廚傾咗一陣，佢為我哋做咗好幾款熟食, 估唔到係另一個驚喜，尤其係嗰個煙燻鯖魚，同埋豆腐鰻魚紫菜卷，去開長沙灣嘅朋友真係不要錯過啊！

第一次來到這家小店，品嘗廚師的精心安排，戒緊carbs仍然可以吃得豐盛，大滿足！魚生都很鮮甜，煙燻青魚特別有驚喜，在家真的造不來，清酒煮蜆的湯給我們喝光光，三五知己來一個獺祭清酒，笑翻了的晚上。

深水埗少有日本魚生飯餐廳😍😍😍環境舒適，適合三五知己聚腳點🥰🍶可以飲番兩杯！🤗價格都好親民，有良心嘅良心小店👍🏻👍🏻，食材質素高！仲有我最愛嘅日本海膽，海膽好鮮甜，少有平民飯店有日本生蠔，好creamy 好新鮮，絕對唔輸蝕過一些高級嘅omakases（我意思係隻生蠔🤣🤣）質素相當高🤩🤩🤩魚生飯嘅飯，都可以無限量添加，一定食到你飽飽🤣🤣最緊要係每個員工服務態度好好👍🏻值得一讚