滿軒新派粵菜 (已結業)

位於食物大樓既h8 1樓既餐廳留意到呢間既MENU傳統同新派食品各佔一半當然就要試下水準如何竹笙野菌豆腐鐘意食豆腐既一定要叫黎食!! 個豆腐係超超超嫩, 外層少脆既口感加埋個野菌味既醬汁, 真係無得頂既有竹笙, 野菌, 豆腐仲有生菜係底, 吸收哂咁多食材既醬汁, 正拔絲咕嚕肉咕嚕肉粒粒都充滿醬汁, 咬落去外層係脆, 而入面就係熱辣辣既豬肉, 嫩滑非常怡香茄子煲超香既茄子煲, 入面有肉碎同茄子, 都係超超超香口雖然見到有辣椒, 但都只係微辣程度既辣味最佳既食用方法就係撈飯食!! 真係食到停唔到口

呢間餐廳既裝潢一點也看不出係傳統既中式酒樓但係餐單上既食物都係有傳統又有新潮既MIX AND MATCH燒鵝半隻呢隻燒鵝斬得整整齊齊，燒鵝皮好脆，肉都好香雖然都知燒鵝肉不多，但係都好想食外脆內軟既靚燒鵝肉都算係幾多既，燒鵝皮都係燒到好脆口，肉質唔韌而嫩滑！星洲醬龍蝦伊麵經典的組合當然就是芝士龍蝦伊麵但呢個竟然有得選用星洲醬來焗龍蝦伊麵, 非常特別龍蝦爽甜，廚師已經處理好龍蝦，不用什麼工具已經可以食得很滋味最吸引的就一定是呢個沾滿星洲醬的伊麵，星洲醬甜甜的，想不到和伊麵很配合

厚福街，又叫做肥仔街，事關短短嘅街入面，雲集左好多唔同類型嘅餐廳，每次黎，好次都會有唔同嘅餐廳，可想言知，個競爭有幾大。今次我地就簡左去H8 1樓嘅中菜去試好西，見佢寫住係新派，一於就試下你又幾新派啦。一打開Lift門，員工見到我地，就即刻好熱情咁招呼我地，帶我地埋位坐，仲好有禮貌咁問我地想像咩菜，同埋話我地知餐廳有咩好推仲介，仲好認真咁話俾我地我地有興趣嘅菜式入面有咩材料，同埋咩味道，仲話我地知佢地鐘意食咩菜式。XD睇黎呢間餐廳嘅伙食都幾好，餐廳員工應該個個都試暈哂大廚嘅手藝，真係好可愛又親切。因為男朋友近排唔係好舒服，所以我地都盡量簡D味道清淡少少，唔會太刺激嘅野食，我地兩個就揀左：清蒸老虎班 $168清蒸老虎班大大條，即叫即蒸，上檯時仲係熱氣騰騰，條魚蒸得剛剛好，入口非常嫩滑，好似入口即融咁。魚身上面撤左好多蔥花，陣陣個蔥花香散發，個蒸魚鼓油味道剛剛好，淋係魚肉上面，幾樣野夾埋簡直係Perfect match，D姐姐仲好好咁幫我地拆開D魚肉，等我地可以食得再方便D。食力超強嘅男朋友連魚骨髓都食埋，完美將條魚毀屍滅跡。蟹肉海皇燴花膠 $128蟹肉海皇燴花膠好似大家平時食到既湯羹甘，

難得約齊人，梗係出尖咀shopping，順道飯聚一番。每個人都攞住一袋二袋戰利品，搵位唔容易，唔駛同人逼更加唔容易，尤其是撞正食飯時間，就算樓上舖也座無虛席。好好彩搵到這間粵菜館，新開冇耐暫時無咩人知，所以不用爭位，坐得好舒服又唔會俾人趕走。牛肝菌雞肉燉湯火喉十足好夠味，不單湯料好諗，仲吸收了燉湯嘅精華，一併食埋才不致浪費。醉香乳鴿皮脆肉又嫩，不用再添加調味。還附上即棄手套，夠晒貼心!金銀蛋浸莧菜係家常小菜，清清地正氣又有益。黑松露帶子炒蛋有著濃濃的黑松露氣味及味道，未入口都已食指大動。用櫻花蝦配帶子炒飯係第一次見這樣配搭，啖啖都蘊含著蝦香。聽職員介紹才知，電梯兩旁的燈箱圖片，每一款都有其特色。下次再來時，一定品嚐一下!

H8 難得有中式嘢食有新派點心，仲有新開張九折 🤑【酒香寶貝鴿】Lunchtime 就食乳鴿，全因 $38 隻超抵呀無將貨就價拎啲奀鴿出嚟，兩隻都好有肉地啲肉好嫩，鹹度適中【蝦兵蟹將餃】有少少結合咗燒賣蝦餃咁，哈哈餡料豐富飽滿，影相都吸睛～【水晶鮮蝦餃】傳統點心都好掂脹卜卜爆多彈牙嘅蝦 🦐【野菌金魚餃】勁得意呀 😍個皮摺成金魚造型都無過厚，唔錯呢將野菌切到細粒釀入去，咬落爽口【紫薯天鵝酥】外形可愛嘅鴛鴦色天鵝紫薯甜而不膩，外皮超酥脆 🍠【銀蘿脆皮腸粉】春風得意腸係包油炸鬼呢個係變奏版，卷住啲脆皮所以口感更加香脆！【太極馬拉糕】另一邊應該係竹炭馬拉糕 ☯️個樣都幾 cute，同埋都夠鬆軟【野菌茄子炆伊麵】屋企人點都要食返個主食唔想咁 heavy 就點咗呢個炆伊麵入味得嚟唔油膩【椰汁桂花糕】好好食呀，桂花好香底層嘅椰汁糕都好有椰香又滑最後要讚一讚呢度啲姐姐招呼好好

這道菜為特式燒味拼盤 為本次父親節晚餐打開序幕平日到酒家吃晚飯 在頭盤上見到燒味拼盤 亦不足為奇 稱不上什麼特式不過 細心一看盤上叉燒的切法及紋路 都跟平常吃到的叉燒不一樣 吃後感覺非常特別 比平日吃到的叉燒軟身 燒汁亦很濃烈 味道很好 問過餐廳 原來他們選用腩位位置製作叉燒 另外 拼盤中 餐廳竟然選用花膠作開胃菜而非一般餐廳所使用的海蜇這一道黃金脆蝦球 亦非常有特式 不像一般蛋黃蝦球 有一種很油膩的感覺 吃兩口 就不想吃相反 這道脆蝦球味道非常平衡 新鮮炸出爐 陣陣香味傳出 脆而不膩 蝦味亦非常濃郁 是一道非常出色的炸蝦球每次吃到晚宴尾聲 肚裡7分飽往往輪到炸雞上場 見到油脂滿佈的雞件 已經不了今次的脆皮燒雞 吃落沒有油淋淋的感覺 雞件燒得很香 沒有絲毫一般雪藏雞的味道又是一道出色的菜式

昨天和一位朋友吃飯，早已預訂了一間在尖沙咀的中菜，為何會選擇吃中菜呢？因為昨天跟我吃飯的朋友是不吃豬、牛、雞等陸上食物，所以有很多食物都不能跟她一起吃，那麼只好和她吃海鮮類的。最近在尖沙咀H8開了一間新派中菜，確實有興趣跟朋友試試，不過要留意H8由於有大量食肆，樓下長期有大量的人在排隊，要去的話記得要早一點。一上去，便是藍藍的一片環境，座椅都以藍色為主題，確實新派，個人也很喜歡藍色，這還真是不錯💙天花的吊燈也有中式的氣派。餐廳叫「滿軒新派粵菜」，名字還真不是蓋的，有很多小菜都是偏向新式的，即是平常在傳統的中菜館並不會有這些菜式。例如是柚子豚肉粒、海鮮芋頭烙、黑松露帶子炒滑蛋等等。海鮮的種類也有不少，有螃蟹、花參蚌、鮑魚、龍蝦和游水海斑，其中以「游水海斑」最為昂貴，使用「新派食法」的更要三百多元。先點了手工菊花羹，開始的時候還以為裡面真有菊花，原來並不是呢🤣只是裡面的豆腐被切成菊花的形狀，像菊花般散開，這很考廚師的刀功，刀功稍微不好，便會把豆腐切斷。裡面還有蟹肉和蝦肉，真想不到呢，羹的質感也夠稠身，不會很稀，要是太稀就不像羹，變了湯似的。芝士焗龍蝦在這裡的價錢也不便宜，不過也是的，光是在

同老人家食飯，食中菜就最穩陣！ 今日我老媽子剛係尖沙咀shopping 完，問我放工未？ 叫我陪這位老人家食飯。 係尖沙咀，我食西餐、火鍋比較多，但要附合老人家心水，食中菜就真係無idea. Openrice 咗一陣，見到一間新開的中式小餐館， 就膽粗粗同媽去食了。 由於新開張，睇見一切都是新的餐廳是以藍白古典色做主調，此外餐碗碟都是藍白色， 一體性得好好！ 令我一入嚟就已經好加分。 見他們新開張有新優惠，咁當然要試下啦！ $38 就有一隻乳鴿，真心正。 係尖沙咀地段真係難搵到。 他們出的乳鴿是不需要點任何醬汁的，因為想要的料味已經包含係曬隻乳鴿到。 咬落去，好入味！ 落肚後，係會有小小酒香味湧出嚟。 而且他們的真是乳鴿，size 細小而紮實。 方間的乳鴿真係肥腫難分。 首上菜就已經有驚喜，而且依家有推廣價，必試唔傷銀包依個是另一個推廣優惠，每人只限叫一隻的海虎蝦上菜後，先知道真係咁大隻。 不過我個人認為這碟的靈魂在於淋上蝦的醬汁，好味，是沙嗲再加咖哩混合汁，但又唔辣，好特別。 個汁拿來送飯一流。 我食中菜必定其中一個菜式： 咕嚕肉。 但他們的是拔絲咕嚕肉夾起身真係拉到絲出嚟咖！ 醬汁

尖沙咀人流甚旺，要搵嘢食一D唔難，特別是厚福街一帶，成條街都係食肆，各有特式，今晚去咗近街尾呢間滿軒新派粵菜海鮮酒家食晚飯！新開張不久，裝修企理，入到去D員工招呼好好，和顏悅色，而且有禮貌，令人感覺舒服！開完茶，見餐牌有D特價嘢食，先叫一碟前菜小食，冰鎮話梅涼瓜，叫咗一只酒香寶貝鴿！兩只大海虎蝦，一個龍蝦汁羽衣甘藍、同埋鍋燒海參煲！冰鎮涼瓜這醒胃前菜，爽甜而帶話梅味道，沒有苦味！很清新的感覺！ 酒香寶貝鴿，燒得好香口而且鴿肉好入味，肉汁豐富，嫰滑可口！大虎蝦真係好大隻，煎香後再配以金寶汁，味道一流，蝦肉爽口彈牙，甜味十足！羽衣甘藍一般在西餐廰多見的蔬菜，營養豐富而健康，今次以龍蝦湯燴，令蔬菜吸收了龍蝦湯精華所在，食落甚有口感豐富，配以爆香的大粒蝦干，十分好味！煱燒海參煲，以沙鍋盛載，能保持溫度，熱騰騰上桌，香氣四溢！香蔥，冬菇和雞脾菇切片，海參件一同以醬油爆香，都非常入味！飯後仲送甜品，桂花糕同咖啡糕都好特色，好好食！今次晚飯覺得這裏廚師甚有水準，下次會再來飲茶、食吓佢地嘅即製點心先！

尖沙咀H8岀名餐廳多，最近新開了一間叫滿軒的新派粵菜館，還有新開張的九折優惠，所以中午就來了吃點心試試新餐廳～入座後先開茶，這裡的茶類除了鐵觀音和陳皮普洱之外，還有玫瑰花茶和茉莉花茶可以選擇，我們則選了蠻少見的陳皮普洱。棕褐色的普洱味道甘醇香甜，茶湯溫潤順滑，帶有獨特的陳香味和果皮清香，著實為不錯的開始新店開幕優惠還有這份酒香寶貝鴿，只需$38一隻～這裡是兩隻的份量，肉嫩而且滷得入味非常，外皮閃著油光，不用點淮鹽也很夠味。先來了一籠野菌金魚餃，金魚造型的餃子俏皮可愛又好吃充滿濃郁菌香紫薯天鵝酥賣相優雅，十分吸晴。咬開酥皮內裡是綿綿的紫薯泥，清甜不膩這客是銀蘿脆皮腸粉，絲滑的腸粉有米香，裡面包著炸得非常甘香酥脆的網紋春卷，又脆又軟入口即化～這籠蝦兵蟹將餃內餡豐富，包得漲卜卜，賣相十分誘人，味道更是鮮香太極馬拉糕是鴛鴦的口味，分別是黃糖原味和芝麻味，新鮮蒸起熱騰騰又軟熟 ，十分鬆化傳統點心當然不少得水晶鮮蝦餃和蟹籽燒賣皇。蝦餃晶瑩剔透，蝦肉大隻彈牙。而燒賣皇也豪不遜色，惹味又多肉汁甜點嚐了椰汁桂花糕、咖啡千層糕和芝士凍餅，大家都吃得十分滋味呢

今日和媽媽到尖沙咀的滿軒新派粵菜嘆茶。得悉餐廳5月18日才新開。不怪得餐廳的裝潢和碗碟都是新淨的。媽媽對這裡的環境感滿意。服務方面都是一流的, 店員彬彬有禮,有笑容。至於食物亦相當不俗。茶有陳皮普洱,茉莉花茶,鐵觀音,玫瑰花茶。出面酒樓好少見有茉莉花茶和玫瑰花茶。我們則選了茉莉花茶。茉莉花茶的芳香迷人。酒香寶貝鴿$38原價$68一隻,現在Lunch優惠價,每隻$38。有這個優惠,當然要了一隻來試試。寶貝鴿一開四,又給了手套,方便客人易食,不會把手弄髒。寶貝鴿皮香肉嫩,媽媽說没有叫錯。水晶鮮蝦餃$38蝦餃粒粒雪白晶瑩。皮薄,蝦肉滿滿。蟹籽燒賣皇$38燒賣面有蟹籽作點綴，燒賣則扎實。春風得意腸粉$29香脆春卷內釀滿蝦肉，外層則包著簿簿的腸粉。有點像吃炸兩一樣。燒味雙拼湯米$58燒味雙拼要了香口鮮腩仔和脆皮燒鵝皇配湯米粉。燒腩仔脆口, 燒鵝皇則皮薄香脆。桂花糕和芝士餅,兩者皆美味,幼滑。

以前喺尖沙咀返工，成日去厚福街覓食。H8呢幢大廈有好多食肆，lunch time 我經常會去上面間德美，佢個lunch set 超滿足超抵食！ 重遊故地，德美猶在，但就見到有間新嘅新派粤菜。我都想知粤菜可以點新派法，於是就俾個機會佢！入到去，環境唔錯，以藍色同淺木色做主調，雲石紋枱面，碗碟都幾有質感。水箱入面啲海鮮幾生猛。首先開左壺茶，陳皮普洱，陳皮味極濃。叫左兩個前菜，分別係冰鎮話梅涼瓜同脆皮八味豆腐，兩個都非常好食！個苦瓜透心涼，話梅味滲入每一條苦瓜，每一啖酸甜清涼，好正呀！！個脆皮豆腐熱辣辣好香脆惹味，個皮嘅厚度適中，豆腐軟滑，外脆內軟。食完前菜，飲碗手工菊花羹。豆腐𠝹成菊花形，巧手之作，成碗都係非常豐富嘅蟹肉，每啖都食到，湯底似魚翅湯嗰啲味，只係爭左魚翅。食完前菜同羹，愈食愈肚餓！一次過上晒3個主菜！銀山火焰牛柳條、參巴醬炒象拔蚌同埋我喺其他地方未見過嘅海鮮芋頭烙。侍應放低個煲，即刻點火。燒一燒，啲酒香、肉香就散晒出黎，真係流晒口水。牛柳下面有好多洋蔥氈底，好多洋蔥汁，啲牛柳keep住juicy唔會太乾，調味夠!👍🏻 海鮮芋頭烙好特別，以為佢會似蠔餅，但更似flat bread

平時都會係厚福街搵食，剛好見到呢間新開無耐既新派粵菜餐廳。立即去試下，一入到餐廳有大量長枱和卡位。 我地一行二人， 所以安排坐卡位，環境寬敞，坐得舒服😌。茗茶可選陳皮普洱/鐵觀音/苿莉花茶/玫瑰🌹花茶，我地決定試陳皮普洱，飲落啖啖陳皮香，理氣健脾，溫胃散寒。☕️櫻花蝦帶子炒飯（HKD 118) : 櫻花蝦🦐咸咸香香，配埋鮮味十足的帶子一絕， 炒飯重點要睇個飯🍚， 粒粒分明飽滿又吾會太乾身，好考功夫👍🏽配埋辣醬🌶點綴也不失為過。水晶鮮蝦餃（HKD 20)：2 顆🥟：餡料有夠滿， 一大粒鮮蝦比水晶似既皮包住， 一啖咬落去好滋味，略嫌蝦餃皮味夠薄，如果係就真係皮薄餡靚。脆皮奶皇包🥠 （HkD 23) 一籠有三個，金黃色既外表，外脆內軟，濃濃既咸蛋黃內在，係口腔內爆發，普通既野都變得高質美味，不簡單。第一次食炸包， 而且沒有油益味，欣賞🍼紫薯天🦢酥（HKD 31) : 一睇賣相，影相呃like 一流📷 食落一般，紫薯味吾夠重連甜味都無，不過顏色好出，酥皮有陣油益味，望落好睇， 食落一般。酒香乳鴿🐥 ，每隻做緊HKD 38,叫左一隻兩份細，店員好細心， 比左每人一對手套🧤同埋濕紙巾🧻，重點係佢連乳

又係時候食下晏，今日有新野益大家！H8多餐廳都係街知巷聞嘅事，最鐘意搵好野食嘅foodie知道1樓新開左間粵菜館半個月左右，所以即刻就走黎試試佢！.呢間餐廳午市做點心，晚市做小菜，點心價錢係老尖黎講唔算貴到飛起，正常價錢啦我覺得！例如碗燒腩仔湯米都係$52🤔仲要係肥瘦均勻，燒肉皮仲係脆卜卜，性價比幾高！.竹炭流沙包係阿姐極力推薦嘅點心，口感一流有淡淡嘅竹炭⚫️香氣，流沙奶黃做得好出色，食完又唔會有膩嘅感覺，very good!☺️😍👍🏻.仲有就係$38嘅酒香脆皮乳鴿🐣經理好貼心咁問我地要唔要切半或者1/4比我地方便食！隻鴿個脆皮好好味，唔會肥，啲肉都入左啲酒香味🤤38蚊堅係抵！👍🏻👍🏻👍🏻.服務態度一流不停幫我地加茶斟茶，全手造點心嘅水準都好好，新張期仲一人送一舊甜品（芝士凍餅同椰汁桂花糕都好好食！！），連廁所都無敵乾淨，希望佢地keep到咁好啦！

去開厚福街揾食都知，咩餐都有，唯獨缺中餐！ 最近因為有外國朋友嚟到住尖沙咀，揾食去到厚福街先發現原來開左間中餐廳，晚餐時間又唔駛等位，就梗係要同朋友食返餐香港既中菜！呢度環境唔錯，非常開揚，電梯一打開就見到晒！坐位算多，入面有間私隱度高既大檯房間，仲有一排窗口位，都坐得幾舒服！食物方面就主打海鮮為主，仲有d小炒，小食咁，貴精唔貴多！海鮮價錢都ok, 魚蝦蟹都有的揀！呢度有個魚缸，見佢哋都係即叫即劏，喺個魚缸度撈出嚟送入廚房，條條斑都跳跳扎幾新鮮！落完單之後，小食好快送到嚟！先有酸酸甜甜帶點甘味既冰鎮話梅涼瓜，非常開胃仲有我最鍾意既脆皮鮮燒腩仔併 無骨貴妃雞 脆皮卜卜脆，無骨貴妃雞都幾嫩滑！經理推介既乳鴿，賣相唔錯，外皮香脆，肉質都幾嫩！主菜緊接一個跟一個，今次到拔絲咕嚕肉，賣相都唔錯，大大舊既菠蘿，爽甜又多汁，同酸酸甜甜咕嚕肉都令人開胃！ 再嚟有黑松露帶子炒滑蛋，香噴噴既黑松露香，配上蛋香，香味十分吸引，仲有嫩滑既帶子肉，餸飯一流！主菜一個接一個，招牌菜星洲醬蝦球配薄餅出場！ 辣得嚟帶點甜味既醬汁，配上薄餅嚟食，真係好有星加坡既風味。大大隻大蝦，啖啖肉鮮味十足！最後既主菜脆米魚湯海