滿軒新派粵菜 (已結業)

今天是假期，我和老公出去尖沙咀行街，順便食個晚飯才回家，之前朋友推薦一間新派粵菜，今晚就來一試。我們先開了茶，我點了要普洱茶，經理告訴我這裏的普洱茶是加了陳皮，叫陳皮普洱茶。老闆詳細介紹了茶葉的來源，他們精心挑選茶葉加陳皮的份量，所以客人飲起來有很香的陳皮香， 原來兩者混合，可以做出這樣甘香，陳皮味香，茶香味濃的效果。在外面從來沒有嘗試過這種茶味。茶位每位$10, 我覺得一點也不貴。先來手工菊花羹 $52材料是豆腐和蟹肉，師傅把豆腐切成菊花的樣子， 化腐朽為神奇，賣相好看之餘，味道也十分吸引。羽衣甘藍浸龍蝦湯 $86新鮮的羽衣甘藍加上蝦乾，再浸上龍蝦湯。羽衣甘藍本身帶點苦澀，但用龍蝦湯來煮，變得比較鮮甜。上湯龍蝦 $198龍蝦的size不算太大，是一隻小龍蝦。但它的肉質很豐厚鮮美，啖啖肉。很美味。清蒸老虎斑 $168這條老虎斑不算太小，也不算太大條，二人份量剛好。師傅控制火候很好，保留到魚的鮮味， 不會煮過火，完全不鞋肉。我相信在大酒家食的話，一定不能做到這個價錢。這店雖小，但他的食物媲美酒樓，我會寧願揀這小店。如果提早打來訂座，告訴店員你想吃的食物，他們會幫你安排，有點像私房菜！推薦

今日同媽子去尖沙咀，佢鍾意食中餐，一時之間唔知揀邊間好，就去厚福街搵，見到H8有間新開張叫滿軒嘅中餐廳，即管去望吓，原來係主打粵式小菜，睇啲菜名都幾特色咁，再睇海鮮餐牌，價錢相宜，埋去水缸睇吓，水清兼海鮮生猛，就拍板定案。茶可以揀玫瑰花茶，好少餐廳有架！【蟹肉海皇燴花膠$128】一窩仔大概有四至五碗，啖啖都係蟹肉、帶子、魚肉同花膠，非常足料。 鍾意飲湯嘅阿媽一路飲一路讚。【黑胡椒生猛龍蝦$178，伊麵+$40】龍蝦都幾大隻吓，肉質爽彈味道鮮甜。有上湯、芝士焗、黑胡椒同星洲醬四種煮法選擇，我哋揀咗黑胡椒，食落帶甜不過都惹味。加個伊麵底都係$40，食到飽飽。【清蒸老虎班(一條)$168】大大條老虎班。老虎班咁高質最啱用嚟清蒸，極嫩滑嘅魚肉，以甜豉油同香蔥提味，味道更加鮮美。【甜品】食完仲有甜品送。【椰汁桂花糕】濃濃椰香配合桂花清香；【咖啡糕】咖啡味香濃；我最鍾意係芝士蛋糕，芝士味道同甜味平衡，口感軟滑再加脆脆餅底，真係想encore。估唔到中餐廳都食到咁高質嘅西式糕點。本身已經覺得呢度價錢幾平民，媽子話出去買生猛龍蝦同老虎班都唔平，而家百幾蚊就有得食，好似餐廳免費煮俾你食咁。原來新張期內仲

今日提早慶祝父親節，帶老爹食下新派粤菜，我地早過晚飯時間少去去，所以可以坐到窗口位。好豪氣咁叫咗幾個餸，食到好飽。冰鎮話梅涼瓜 - 第一次食唔係切片上嘅苦瓜，但意想不到嘅入味，酸酸甜甜，味點回甘，連平時唔食苦瓜嘅細佬都覺得好食，呢碟前菜瞬間KO。藍莓鮮淮山 - 話明新派菜，呢個真係好創新。因為藍梅醬係甜味，淮山沾上藍梅醬，可以當甜品。黑松露帶子炒滑蛋 - 香、嫩、鮮齊晒! 松露嘅香氣配上嫩滑的炒蛋，加上帶子嘅鮮味，呢個配搭係無敵嘅，而且帶子嘅份量都好多。脆米魚湯海星斑 - 全餐晚飯嘅重點主角，大家都期待佢係點樣嘅賣相。果然犀利，條魚來勢洶洶，比人分咗屍，拆埋骨，個樣都仲想游埋嚟咁款。哈哈! 其實係大廚好有心思，將條魚起骨蒸，擺位好靚，灑上香口嘅脆米。魚骨用嚟熬湯，食嘅時候將湯倒落碗度同魚肉、脆米一齊食。呢個餸真係有驚喜，食法夠新穎，魚又厚肉又夠滑，鮮甜嘅魚湯同脆米一齊食，做到互相提升味道嘅功效，魚湯同脆米都比我地掃光。星洲醬蝦球配薄餅 - 店員話每檯客都叫呢個菜，星洲醬香辣惹味，有d蕃茄酸甜，開胃之選，原本店家是配饅頭，但咁啱今日冇，改為配薄餅，我覺得仲好，咁樣食更有星洲風味。拔絲咕嚕

粵菜是港人最愛的菜式之一相信沒有人會反對, 但要在眾多粵菜餐館給顧客有深刻好的印象, 相信有一定的難度。今天給我發現了一間剛開業不到一個月的新派粵菜館。粵菜是媽媽最愛吃的菜式，生日，母親節，中秋......都是上酒樓吃粵菜，有時都有點膩，滿軒卻給我有驚喜。酒香寶貝鴿小小的一隻鴿子，充滿酒香，外皮脆脆的帶點甜味，肉帶淡淡的酒香而且多汁嫩滑。海鮮芋頭烙第一次吃芋頭烙，下單的時候不知道是甚麼，侍應小姐推薦的，上桌時看到圓圓脆脆的薄餅上，有海鮮和芋頭粒。侍應小姐親切地為我們把餅切開，挾一塊放進口裏，脆餅香脆，芋頭粉嫩，海鮮粒鮮味，很有驚喜的一道新菜式。黑胡椒生猛龍蝦香辣惹味的黑胡椒與生猛波士頓龍蝦的配搭有點像新加波胡椒蟹，龍蝦斬成件，蟹爪也被破殼，黑胡椒醬完全浸入龍蝦肉，辣中帶微甜，好惹味創新的龍蝦。

位於尖沙咀厚福街剛開業不久的滿軒，打正旗號自己是新派粵菜， 為食的我當然要來試一試。首先滿軒的裝修比較像西餐廳， 簡潔舒適而不失優雅。服務方面：侍應、部長、經理都招呼殷勤，面帶笑容，一頓飯吃下來，侍應小姐主動為我們換了8次碟子，比去飲宴更換碟子勤奮。拔絲古嚕肉非洲豬瘟令香港豬價倍升，但餐廳堅持用鮮豬肉及鮮鳳梨。炸醬包裹豬肉脆而不厚實，拔絲甜酸的搭配也洽到完美。這道拔絲古嚕肉是我這幾年吃到最出色的古嚕肉。黑松露帶子炒滑蛋帶子與滑蛋比例差不多2比3, 超鮮味又香滑，再配上黑松露的香味，果然是新派創新粤菜芝士焗龍蝦伊麵底濃郁芝士醬配上波士頓龍蝦 + 伊麵底，很多地方可以吃得到，但在滿軒吃到的除了好味外，更能吃到廚師的心思和認真--每塊龍蝦殼都被破開一截，讓醬汁可以完全進入龍蝦肉裡。這份認真態度真是少有，給十個讚香口鮮腩仔：燒腩仔的燒皮鬆脆，腩仔肥瘦分明有層次，瘦肉完全不「鞋」口。超滿足的晚餐，一定會再回來幫襯😋

年輕潮人集中地老尖就真係數一數二，話明係潮人集中地日韓泰意美加菜色都應有盡有，但偏偏好少粵菜餐廳能夠立足。或者一般人品嚐「中菜」會到酒樓，而酒樓感覺太老餅；跟年青動力的少男少女格格不入。今天走到尖沙咀厚福街（食街）抬頭一看，竟然有粵菜開設於樓上鋪？！呢個真係要比十個趣🤭為左滿足下我既好奇心，決定去試試看... 於新派典雅的裝潢，擺脫了老派感覺。雖然menu 內菜式選擇不多，但四季精品總是不會少。改造粵式形象，刺激味蕾視覺新體驗！ 定價親民品嚐頂級手藝.. 誠意十足。花膠伴薰蹄。$68無睇錯牙，有無搞錯$68有花膠食；但一點也不欺場黑醋霸王骨。$118肉質鬆軟，甜酸味道恰當；開胃之選；食完再三回味芝士焗龍蝦伊麵。$198足料芝士，味道色調都係無得陣1人價錢食到King size 份量.. 去邊到搵牙？龍蝦湯什菜煲。$108平凡中帶點不平凡...呢道菜既精髓無疑係個湯底；令全煲既配菜既味道提升至極至（特別係冬菇）要食粵菜就當然試細緻手藝及傳統精粹，呢到滿軒新派粵菜比傳統更傳統粵式風味。無論烹調矜貴菜色或家常小菜，真味彰顯，絕不令人失望。

尖沙咀厚福街最近有間新開半個月左右的中菜館，滿軒新派粵菜，食物非常好味，服務亦一流！先來一杯陳皮普洱茶，普洱茶中加入陳皮，有果香！小菜餐牌一覽，如果你有其他嘢想食，其實可以問吓店家，又或者佢哋會有廚師推介，係Menu上冇㗎！二哥黑腩叉（$118/例牌）用上大廚嘅名字去命名呢道菜色，睇得出佢對自己嘅出品非常有信心。叉燒用上新鮮豬腩肉，整成「腩叉」，肉質腍滑。上湯浸莧菜（$86）鮮沙薑爆炒牛柳（$138）有鑊氣小炒！沙薑醬加薑蔥嘅滲透入牛肉度，非常惹味。清蒸老虎斑（$168）蒸魚非常抵食，而且見到魚缸即叫即撈再即蒸，新鮮生猛！飯後免費甜品都好好食，有我最鍾意嘅咖啡千層糕、仲有椰汁桂花糕同芝士凍！呢餐食得好滿意呢！

知道最近尖沙嘴厚福街開了一間新派的粵菜館—「滿軒」，今天中午就相約朋友前來試試。一出Lift, 便有店員有禮貌的招待及帶位，服務值得一讚👍至於環境，枱與枱之間也很濶落，坐得很舒適。今天嚐了多款點心，味道一流，非常美味。有些點心外型還很精緻，<紫薯天鵝酥>外型是天鵝🦢，裡面是紫薯🍠，<千絲蘿蔔糕>蘿蔔糕外用香脆蘿蔔絲包着，非常香口，<酒香寶貝鴿>非常入味。也嚐試了三款甜品，（木糠布甸、咖啡千層糕及椰汁桂花糕）木糠布甸很香，兩款糕點不會過甜，很美味。今天飲了陳皮普洱茶☕️非常清香。在「滿軒」這個舒適的環境下，與朋友一邊享受美食，一邊談天💦💦。真是一樂也。

Facebook見到新開粵菜，標榜係新派粵菜，一家8人試左廚師推介。 先講下乳鴿，係我食過最少味精的乳鴿，皮脆肉嫩，內裏肉汁保持得非常好，真係有d驚喜另外試左高高蟹，未試過咁做法的蟹，佢係先用蘿蔔糕做底，然後用秘製醬汁炒蟹放係上面，下面既蘿蔔糕舖滿哂蟹膏蟹汁都真係唔錯。另外，蔬菜方面竟然有羽衣甘藍，揀左龍蝦湯浸，我地原本都驚食落好苦，但出奇地好食甘甘甜甜非常出色。其他菜味道都唔錯，所有餸菜味道評分中上，8人海鮮餐埋單$3900，新張有九折，服務同味道都俾到我，尖沙咀黎講合理！會再黎，因為味道真係唔錯！

呢幢大廈每層都進駐不同餐廳，仲要係唔同口味及菜式，要係呢度搵食只會患上"選擇困難症"係網上搜尋，發現呢間新開嘅粵菜店，主打新派粵菜，咩係新派粵菜?! 有D興趣想知喎店內設有卡位及長型枱，今餐入坐卡位，開左壺陳皮普洱，飲落有陣陣陳皮香味，幾特別!餐牌上食物選擇唔算係好多，主打小食/燒味/海鮮/特式小菜及湯羹以新式煮法演繹粵菜，增加食客新鮮感，主意唔錯，唔駛食黎食去都係果D傳統煮法!呢客手工菊花羹 ($52)，打去盅蓋時，見到朵"菊花"，構圖吸引!  手工在將豆腐切成絲令佢變成一朵菊花，另有蟹肉，簡而清!原盅上，入口夠熱度，湯底味道似海皇豆腐羹，清清地但又好味道!滑蛋蝦仁就食得多，呢客黑松露帶子炒滑蛋 ($118)就真係未食過 (以粵菜黎講)，份量唔少，帶子比例同蛋係一樣咁多!黑松露同炒蛋本身都係好朋友，再加上炒蛋真係做到滑蛋效果，入口滿滿黑松露香味，就咁用黎送飯都已經好好，再加上帶子，入口甜又唔痴牙，多一份口感!睇到呢個咁靚嘅魚缸，生猛海鮮係你面前係咁游，不期然想叫條魚食下新鮮生猛靚魚莫過於清蒸就最好，就呢條清蒸老虎班 ($168)，價錢算幾抵食，呢條斤幾重，用黎清蒸包無走鷄清蒸時間控制

I love modern dimsums because they are more presentable and possibly taste better.At Mun Hin, the decor is modern and I love the blue theme.Started with the Dried fruit peel and pu er tea which was fragrant.Normally I won't choose pu er but the fruit peel gives it a lovely flavour.The older the fruit peel the better.For starters had the crispy pigeon which was so different to the ones I have had before.The pigeon was crispy and it has been marinated in wine before it had been cooked hence the lo

星期六慶祝妹妹生日，試了這間新開的粵菜！日本菜廚師發板就試得多，粵菜就第一次！每一道菜都好有心思，味道非常好之餘還有創意！龍蝦配香檳汁，非常開胃。大蝦足足有12cm配上金榜醬，超級滿足！胡椒蟹令人齒頰留香！紫薯壽包比起蓮蓉餡更香！以後又多一個地方食飯了😋