滿軒新派粵菜 (已結業)

難得約齊人，梗係出尖咀shopping，順道飯聚一番。每個人都攞住一袋二袋戰利品，搵位唔容易，唔駛同人逼更加唔容易，尤其是撞正食飯時間，就算樓上舖也座無虛席。好好彩搵到這間粵菜館，新開冇耐暫時無咩人知，所以不用爭位，坐得好舒服又唔會俾人趕走。牛肝菌雞肉燉湯火喉十足好夠味，不單湯料好諗，仲吸收了燉湯嘅精華，一併食埋才不致浪費。醉香乳鴿皮脆肉又嫩，不用再添加調味。還附上即棄手套，夠晒貼心!金銀蛋浸莧菜係家常小菜，清清地正氣又有益。黑松露帶子炒蛋有著濃濃的黑松露氣味及味道，未入口都已食指大動。用櫻花蝦配帶子炒飯係第一次見這樣配搭，啖啖都蘊含著蝦香。聽職員介紹才知，電梯兩旁的燈箱圖片，每一款都有其特色。下次再來時，一定品嚐一下!