滿屋日本料理 (大鴻輝(荃灣)中心) (已結業)

今日要黎荃灣做野，順便約埋女朋友黎食飯，荃灣要揀野食唔係二、三坡坊，就係大鴻輝,今次揀左滿屋放題試下。放題就食得多，次次都講刺身，壽司，放題重有好多熟食可以試下。今次食左好多熟食，都好正，好好好食，款式多。辣汁煮東風螺就味道正呀，辣辣地唔算太辣幾易入口，不過勝在Ｄ螺就新鮮嘅。芝麻雞翼個皮好香好脆，果d雞肉好滑，仲好有口感，一試再試係咁encore!!焗廣島蠔，大大粒，唔係Ｄ普通放題可以食到既味道，好正呀！！！！！！！羊鞍都好正，比我地想像中大件，又有肉唔老！孜然粉味好香，一定要試下。重有特飲要試下，杯紫貝天葵白桃梳打，紫貝天葵同白桃既味道都幾夾，甜甜地有陣陣的白桃味。最後就梗係食甜品啦！甜品方面我揀左好多朱古力味嘅甜品，每款甜品都唔會太大件，size岩岩好，所以可以試多幾款。雪糕只係每人只限一杯我食左movenpick 雲尼嗱味，作為最後，真係好滿足。

大鴻輝一向都多餐廳，多人排隊等lift,星期日路過附近，望下有什麼餐廳，見到放題就心思思想食😁入到去安排卡位，座位夠寬闊，坐得舒服！沙律、甜品、前菜都放在外邊自助枱面龍蝦沙律下是一片芝士！蟹子新鮮，芥末八爪魚手卷微微的芥末醬，辣得好過癮燒菠蘿，菠蘿夠甜又多汁香辣牛柏葉 - 比較少在放題見到， 香辣即係微辣，怕辣的也可以試，勝在份量少，食完可以再食其他鰻魚 - 可以單點鰻魚👍🏾唔怕食飯食飽晒，味道ok， 香芒龍蝦沙律 - 芒果及士多啤梨配壽司，夠清新燒雞翼我最鐘意食！超級多麻芝，雞翼又熱又脆👍🏾榴連波波內是榴連味的流質涵料，啱晒榴連友！芝士年糕相對比較飽肚，但我就是喜歡食煙韌的年糕😍估唔到會有避風塘炒蟹！很多炸蒜🤤香口熱氣，又愛又恨放題點少得刺身！象拔蚌刺身夠新鮮！其他也不錯，點了一大堆忘記影相鹽燒海蝦 - 大大隻海蝦，蝦肉彈牙，燒完更吸引，海蝦配上少許鹽味就是絕配花膠鮑魚單點都唔平，更何況在放題內可以任點！我都‘補’了2轉😂好開心可以自製棉花糖，好簡單，但真係未試過自己整！還有爆谷機可以食爆谷雪糕雪條有10款可以選1款，食完大滿足,唔使再心思思～

朋友介紹黎食，但係佢提醒我地一定要book枱，由於有訂枱所以去到唔使等即刻有得入座，老實講比起出面食放題既日式既野食唔算多，天婦羅得4款，不過就有好多唔同類型既小食，出面有個沙律吧同有好多甜品可以隨便自取，飲品亦好多，有凍有熱，不過當日7點已經無晒樽裝飲品，但係其他野飲亦唔少，亦有幾杯特飲可以落單，味道亦唔錯，另外仲有幾張另外俾既甜品紙，每人淨係可以揀一款，有好多唔同既正雪糕揀，其中一款係haagen dazs，呢間舖可以揀既野食唔算多亦唔係特別話好好食，不過呢間放題最難得係完全無漏單，而且啲職員個個服務態度都好nice好友誼，星期五晚7點幾晚飯黃金時段，每人$280左右，以放題黎講價同食物質素可以接受，整體個人覺得不過不失~

放題呢家野，其實唔係旺角先多，荃灣都不乏，食過咁多間，滿屋實在不錯！入到去，發現環境都不錯，都幾闊落，坐落都幾舒服。野飲任攞一坐低就瘋狂叫xD牛柳粒係本人推介之一，整得岩岩好，食落唔會痴牙，鬆化有牛香！鵝肝壽司都係重點推介，油而不膩，好正！之後仲ENCORE左一碟！羊架就唔太膻，一般人都接受得到，怕膻既人就有福喇！牛舌，好爽口，加埋佢D配菜食就最match喇！呢個壽司就夠特別啦，又魚子、又海膽、又蝦，夾埋一齊估唔到又幾特別，好清新既海鮮既FEEL！件件都好大件呀，剩係睇舊牛同舊魚，真係好誇張！扇貝都好好食，一淡數哂落口。塊魚既調咪岩岩好，唔會太鹹，加埋檸檬汁就好清新喇！完左仲有haagen daz食TIM出面仲有甜品同水果攞嘩，食完真係食到好滿足，真心覺得不錯，推介呢間放題，會再來

平時食開放題都離不開雞煲火鍋，日本料理同埋甜品，而且仲越來越多方便一班鐘意飲飲食食嘅人士光顧，冇論何時何地都能食到，至於食物質素就見人見智，何能未必係最好但點都可以接受分分鐘有驚喜，當然俾貴D會食好D呢D係道理，我自問係個平凡人所以冇乜要求，至於今次就去咗食日式放題，食肆位於眾安街大鴻輝中心一坐定先order 刺身，一時之間眼見餐單款式同種類都有好多選擇，唯有要等一陣點埋其他嘢食，先來有豐富嘅刺身大赤蝦，甜蝦，帶子同赤貝等，份量足之餘食落好鮮甜，連泰式天使蝦都有得食真有驚喜除咗刺身係焦點外其他美食都有水準，我就比較喜歡食佢呢度壽司同火炙壽司，款式創新之餘用料出色食得夠滋味，真係咁密密食佢已經回本其後再點咗不同特色美食有炸物同天婦羅炸得鬆脆可口，輪到海鮮同埋一品料理，又估唔到食到珍饈百味食到嘴舐舐再飲番杯夢幻特飲解吓渴繼續作戰一番，食到尾聲時記得點埋限定雪糕咁先至係識飲識食話咁快又食完一餐豐富嘅日式放題。

閒日晚上9點到入座都唔算等太耐 座位幾闊落 空間感幾大 兩個人食記得分開唔好一次過落哂D單 唔係就會唔夠位擺刺身淨睇個擺盤同款式咁多都知係有誠意 材料大件又好色水 食落亦覺新鮮同鮮甜 淨係大赤蝦天使蝦都夠我慢慢試 個人就比較鍾意大赤蝦既口感同佢既味道比較濃點點壽司方面都有好多好多選擇 賣相就夠哂的色同鮮艷 味道方面更係各有特色 我就鍾意食D濃味D既例如黑松露同火炙既配搭等等佢都唔錯鐘意新鮮既朋友就可以試下佢D原創壽司 不過我就冇試到喇燒牛柳粒都幾出色 夠哂蒜香同D肉質夠稔又唔會痴牙另外有D小食係出面可以自由夾下 等野食之前可以先淺嘗一下特飲都有幾款梳打飲品 但唔太特別甜品可以揀既其中一樣係HAAGEN DAZS對我黎講係新口味 但真係唔太接受到

夜晚約咗一位朋友食飯，由於太肚餓嘅關係，朋友就介紹不如試吓兩個人食放題六點半上到去好彩唔使等位，直接可以入去一邊環境都算舒適，唔會似其他放題枱距離好近，坐得好焗促放題第一輪叫魚生是常識吧，魚生都好新鮮,三文魚佢哋係用三文魚腩，油香味非常濃郁，結果我同朋友叫咗三輪先滿足另外佢哋嘅熟食都唔係求其，蒜香牛柳粒味道非常濃郁，必點！牛柏葉亦都炒得非常爽脆，燒帶子配合個酸酸甜甜嘅醬汁都非常開胃，其他熟食我都覺得係其他放題店嘅水準之上

因為早啲入座有優惠，未到五點半已經到滿屋等位，一開lift 門就見好多人都同我一樣等入坐，早到嘅雀仔(early bird)有好位坐，侍應俾左個窗口位俾我，時間尚早仲有陽光，遠望藍色天空特別靚；未坐暖張櫈就出去攞我嘅至愛爆谷及黑啤＋清酒，一邊食住爆谷飲住美酒，一邊慢慢點食物；岩鹽火灸和牛壽司、火灸原條海鰻壽司、火灸咖哩三文魚壽司、焦糖鵝肝壽司、海苔帆立貝伴吞拿魚茸、磯之雪魚生醬油漬壽司、磯之雪千禧露筍卷，我都食哂，各有特色，細細件口感豐富，我個人比較鐘愛焦糖鵝肝壽司及海苔帆立貝吞拿魚茸，所以我叫左兩次；鹽燒油機先菠蘿，又甜又多汁，成個豉油碟咁大，我同樣叫左兩次；仲有好多嘢都好食，如燃燒牛舌、榴槤炸彈、鹽燒青花魚、紫貝天癸白桃梳打、沖繩之戀⋯⋯都值得推介；最後想講係我一坐底見有張告示，有「食用喜馬拉雅山粉紅岩鹽」期間限定，我問侍應係唔係仲有，佢隔無耐俾左一舊粉紅水晶嘅岩鹽我，連埋個磨器，好過癮，張告示話呢個岩鹽益處多籮籮，真係要磨多幾下😆

以前食過其他地方嘅分店今次同朋友就食荃灣 好彩都冇令我地失望 一入到去啲冷盤冇幾多 可能因為我哋係第二輪 不過等多10分鐘佢已經有fill返 啲嘢食整齊咁擺係你面前真係令人食慾大增 同埋帶小朋友嚟食佢可以 睇到乜就揀食乜 唔使我下下都問佢要乜嘢刺身拼盤擺得好整齊好壯觀 食唔停咁滯 普遍都好新鮮好好味 唯獨冇甜蛋有啲失望 蝦有三個款 我都分唔出叫咩名 不過大隻啲嘅口感厚啲 細隻啲嘅鮮味比較濃 我自己鍾意食細蝦多啲非常之鍾意呢間嘅創作壽司雖然我已經唔係好記得啲壽司叫咩名 但係食材新鮮 飯嘅軟硬度適中 溫度唔會太凍 遺憾嘅事佢冇火焰三文魚 只有咖喱火焰三文魚 not my favourite 🙊叫咗兩杯特色飲品 都整得幾好 有啲似以前黑夜壽司嗰啲梳打飲品 細細杯唔怕浪費燒嘢食好味過焗野食 焗蠔略嫌有啲老 太乾身 記得以前或者其他分店都係好juicy 但燒嘢食就做得好有水準 牛舌厚薄適中 燒得啱啱好好多肉汁 又彈牙

今次係專程去荃灣食放題，平時去開旺角，朋友話不如試下呢間，點知一試就覺得旺角果d放題比下去了。晚市放題價錢，正常價錢，旺角都係咁上下，但呢度款式好多，由其係地方舒適，夠晒闊，又乾淨，服務又好，真係可以再黎食多幾次。有特飲選擇，不過冇叫，因為雪櫃都大把飲品選擇。目測最多人攞荔枝味，芒果味果罐飲品。我試完都真係幾好飲。影左幾張食物紙比大家睇下，冇影晒。但款式選擇好多，必定有壽司刺身果d之外，仲有d熱食，有炒蟹，秘製牛柏葉，雞亦，又有天婦羅，燒物等等.....數之不盡.....最正係.....你可以坐定定係度點野食之餘.....仲可以出去自己攞野食....有沙律，甜品，生果......再放d食物相，不過我影得麻麻 最後，我一定會再去。岩岩兩個朋友一齊去...下次會一班朋友一齊去，因為佢地有卡位台，又有大台，方便幾個又得，一班朋友又得。

荃灣大鴻輝中心地下大堂嘟左地鐵嘅兩蚊優惠之後直接上十樓呢間餐廳食日本料理放題，去到已經好多人，等左一陣侍應帶我地去坐低的枱度，跟著又介紹我地邊個方向有自助餐枱攞嘢食同埋邊度攞飲品，值得一讚，因為而家喺其他放題餐廳啲侍應已經好少會咁做。呢度仲有就係樓層高，可以望見出面嘅街景同埋天上嘅雲，感覺舒適。講返啲食物，刺身、壽司丶串燒丶羊架丶炒蟹、特色飮品應有盡有，我最喜歡呢個泰式生蝦，我用紫蘇葉包住佢嚟食，味道一流。仲有就係好有創意嘅紫菜帶手吞拿魚茸壽司同埋磯之雪魚生醬油漬壽司，冇壽司飯喺𥚃面，附合食放題唔食咁多澱粉質嘅原則，但又好味道，我食左兩個會合。呢杯超級芒果艦隊濃郁芒果味但又唔會太甜，啱我口味。

同best friend好耐無見約食飯，大家都住荃灣就去附近食滿屋放題，位置又方便！一上到去見到餐廳幾乎滿座！好彩預先book左位咋！食放題主角當然係刺身，基本平時食開果啲款色都齊嘅，好似三文魚，劍魚，海膽，希靈魚，帶子，海老，甜蝦等等嚟到嘅時候都好新鮮！上菜速度好快，侍應都好爽手同好helpful! 熱食同樣出色，烤菠蘿，牛舌，雪花肥牛鍋，雞翼，避風塘炒蟹等！款款都好好味！飲品方面都好多選擇，成幾個大雪櫃裝滿各式各樣嘅汽水，果汁！連啤酒都任飲，清酒梅酒任飲同埋有凍有熱，真係好貼心！最後揀了Haagen dazs chocolate做總結！下次可以叫多d朋友黎食！因為餐廳環境真係好寬敞！坐得好舒服！

今天約了朋友一起去滿屋吃晚餐...餐廳的環境不錯...我們點了很多不同的食物嘗試一下...每份的份量都剛剛好不會太多...有幾樣特別好吃...一定要推薦一下~首先就是海膽海葡萄大赤蝦壽司...海葡萄吃下去的口覺很特別,所以決定要再點一次...再來就是鵝肝壽司,大大的一塊 😋~就算肚子有點撐還是要再點...還有一個就是我這一頓飯最喜歡吃的蝦子...平常的我是不喜歡吃蝦子，但今天吃了第一隻蝦子後就忍不住再點了四隻來吃...另外很欣賞那裡服務生的服務態度, 看到我們碟子盛滿很多垃圾就主動給我們一個空盤子,真的很細心~最後真的吃不下了,但我們還是點了一個甜點就是冰淇淋,我點了一個阿波羅的巧克力香橙味,超級無敵好吃！

原先相機食先既我，唸用美圖影靚啲，等食慾都開心啲，點知係惡夢比錢食爭鮮刺身，一行三人唸住黎食，點知真係想走，本身係銅鑼灣分店食過，都幾滿意，點知荃灣呢間好似旺角啲200內一位有找既放題質素一樣，一入去冇爆場，雖然價錢唔係貴238再加1服務，但係食物質素認真麻麻刺身只有雪味，象拔蚌又腥，三文魚有厭食症，瘦到一個點，甜蝦得雪味只有炸物同海膽系列壽司較為出色，其他野真係食完想喊，我真係唔明同一集團點解會差咁遠，同樣238但係食物真係唔同質素，以後真係過海去銅鑼灣戈間算

行完山，胃口大開，好想食放題，近近地就黎呢間。冇試過咁餓，掛住食冇咩點影相。一黎梗係叫刺身同創作壽司啦。由於我地人數眾多，成11個，諗住一人一件試下啲創作壽司，點知總數寫左差不多成一百件，個店員專登走埋黎係咪真係要一百件壽司😂😂最後減左一大半變成咁......嗰條海澡好似蟲咁，不過係好食嘅。啲蝦同海膽都幾新鮮。刺身必點大頭蝦，因為真係好大隻同埋好鮮甜！！！仲有要食泰國生蝦，出面食泰國菜，叫一碟成過百蚊仲要得嗰幾隻，所以呢度要食返夠本。主角三文魚就一定要叫啦，好肥美，魚油爆燈！食到滯一定要食燒菠蘿，即刻開胃返。其實呢餐嘅重點同驚喜位係清酒梅酒任飲。個人鍾意清酒多啲，同埋佢係暖清酒，飲完真係好暖胃。一人一瓶係基本。最後一人任揀一盒haagen dazs or movenpick雪糕。今次真係大滿足喇！