滿屋日本料理 (大鴻輝(荃灣)中心) (已結業)

食物質數唔錯，刺身新鮮、熟食都唔錯，飲品款式好多，最值得欣賞地方係收費二佰多元日式放題，竟然有酒店級即叫即整梳乎厘、心太軟，簡直非常吸引同值回票價，甜品店食一款都要四十多元，現在係任食😍.值得再食😘

昨晚突然心血來潮想大吃一頓，然後就襯著放假中午來到了滿屋吃放題。我來到的時候已經坐了五、六枱客人，由於是閒日而且場地超大，就算是一個人來也不會感到尷尬！！加上十分開揚的景觀，令人相當舒適，一不小心就可以坐兩三個小時了。ps.我發現這裡的員工都是笑容滿滿的，相當友善。由於我是第一次吃這店，我習慣把餐牌上有興趣的食品都先點一份，吃到好吃的再點。下單後六、七分鐘，大大的刺身船就送到了，而其他食物亦陸陸續續送到，簡直目不暇給。各款刺身都相當新鮮，沒有冷藏味和腥臭，不會有「伏」，而我特別推薦帶子、甜蝦和北海道角螺，三款都十分鮮甜，亦很爽口，美味！！壽司種類不算多，但款款精緻，食得出是精心設計過，海膽系列的壽司配搭得出奇地好，很有驚喜，四款也是必食的。而火炙系列全都屬水準之上，我認為咖哩三文魚壽司最為有趣，值得一試！三文魚子粒粒飽滿，三文魚亦新鮮甜美，而且切了粒，更方便進食，醋飯的酸味亦適中。天婦羅方面外脆內軟，蟹棒天婦羅我第一次已經愛上了，天婦羅絕對是encore首選！這個雞翼超級香，未上枱已經聞到它有多惹味，味道亦很好，很香口。芝麻雞翼雖然沒避風塘的那麼香，但醃得相當入味，燒得很脆口。再來四款

平時其實唔係好鍾意食日本放題 始終覺得質素爭少少 但係我老婆就好鍾意 尋晚拉咗我去荃灣大鴻輝 試下間未食過嘅滿屋一嚟到咁梗係點咗刺身食先啦 食咗大赤蝦 帶子 象拔蚌 食之前完全冇諗過 二百幾蚊嘅放題可以畀到一個咁高嘅質素 大赤蝦係必食嘅 真係超大隻蝦仲長過隻碟 可能因為好多人係咁點 所以啲貨去得好快 超新鮮 隻蝦係勁肥美同勁黏口嘅 出麵食起碼收你廿蚊隻而其他刺身亦都好正 溫度啱啱好 唔會凍到結曬冰咁食完刺身我建議食啲熟食 同壽司 但係唔好叫太多 如果唔係食到飽曬 因為之後仲要勁食刺身上面嗰幾款都係我覺得好食嘅呢間放題 仲有一樣嘢係絕對值得一讚嘅就係佢嘅飲品種類超多 有勁多款嘅韓式飲品 仲有梅酒任飲添之後再食多兩round刺身 主力都係食佢嘅大赤蝦最後我自己食咗十幾隻 一定番本啦最後佢每人會送多一杯雪糕我揀咗haagen dazs 我老婆揀咗榴槤 今次真係飽曬啦呢間放題 暫時嚟講 係我食過最好食嘅一間 質素比得起出面4,5百一位果啲

放工後想大吃大渴又唔想去咁遠地方，我就會揀荃灣嘅「滿屋日本料理」放題，貪佢就腳食物同服務都OK。先講一講刺身先，本人最欣賞係個帶子同埋象拔蚌夠甜，其次就係大赤蝦同埋甜蝦，之後就食壽司個海膽鵝肝帆立貝壽司一口一件食落去有三個口感同味道之後係個岩鹽火灸和牛壽司，需然個和牛唔算大塊，不過就係依個size我可以食多一舊，因為面有輕輕燒過食到和牛個陣牛油香，之後我要讚吓個海苔帆立貝伴吞拿魚茸需然屬壽司系列係係無飯先個紫菜係脆上面就係帶子同埋吞拿魚咬落去成件事都係剛剛好令我食完一轉又一轉。跟進就係到熟食今次我揀咗蒜片牛柳粒，羊架，芝麻雞翼，蟹柳天婦羅，紫心番薯天婦羅都係我鍾意食，但不得不提係個榴槤炸彈，除個面係脆，皮係簿裏面個榴槤蓉香到爆又夠甜，簡直啱灑我依D榴槤怪食到攬住個肚走。

荃灣呢間放題想試左好耐， 奈何星期五六日一個禮拜前都book唔到位🙈 唯有將就下食平日.真係可以慢慢坐慢慢食成三個鐘，非常夠時間👍👍傾一嚟緊去食刺身先啦，事關最快回本，雖然兩個人食，都encore左3次😎😎叫咗一大盤刺身，哇🤪🤪有冇咁大隻先😁食落口重好新鮮好黏口😋，我連啲蝦膏都啜埋，yummy 😋😋total order 咗3 round值得一讚嘅係，諗住食日本放題熟食一定麻麻哋啦，一試焼牛舌好味過好多好多燒烤店，同埋種類實在太多太多但實在冇辦法試曬因為食完刺身已經好飽飽地😅😅一定要留肚㗎，因為仲有個每人一杯雪糕，我就揀咗榴槤味，好香仲有啲果肉😋，朋友就食咗Häagen-Dazs，呢個係穩陣派嘅朋友😂😂好靚靚自助梅酒清酒大到呢，名副其實大大大赤蝦😝仲有個梅酒清酒係自助形式都幾好飲如果可以加埋冰就perfect 啦😅

今日放假約左好朋友去荃灣行街街shopping,行到又攰又肚餓的時候，好朋友突然諗起荃灣大鴻輝中心10樓有間叫滿屋日本料理又平又好食，於是我地2人便急急腳走上去呢間餐廳！搭完電梯一上到去，便有個好有禮貌的男侍應招呼我地坐低。椒鹽鮮魷~炸得啱啱好，脆卜卜好好味，食落咸咸地辣辣地好惹味秘製香辣牛柏葉~牛柏葉煮得夠軟熟，小小辣好好味蒲燒鰻魚~呢樣是我同朋友的至愛，鰻魚燒得香脆可口，簡直是人間極品焗廣島蠔~蠔加左芝士去焗，食落好香濃惹味皇帝蟹棒天婦羅~脆卜卜好正鹽燒海蝦~一食就知隻蝦好新鮮，咸香惹味香芒龍蝦沙律卷、花之戀壽司~呢間D壽司真是超新鮮好味，一個字-正！呢度連熱盤都有，真是超多選擇，抵讚總括來説，呢間日本放題真是超多選擇，有不同的甜品、飲品供客人選擇，我同朋友都食到捧住個肚埋單走人，呢餐令我地都好滿足好開心

我朋友帶我去荃灣食放題，甫踏出𨋢門，看到大大個滿屋日本料理標誌，入座後枱、椅子及裝修都給人休閒感覺。好快上來刺身，三文魚出乎地嫩滑，飽魚片有刺身的水準，厚切油甘魚比人新鮮觀感，泰式天使蝦用日本芥辣加豉油醬，味道相夾是更有芥辣味，食入口彈牙配搭未試過新鮮肉質。赤貝同帶子都是我愛的。三文魚親子軍艦，三文魚跟魚子都好搶眼。海膽劍魚壽司，有份量多的鮮美海膽要加重點食。燒蝦串是必食之物，蝦味夠濃厚又保持鮮味，食多2串。沙津冷櫃有各式沙津，拿個秋葵什菜沙津，現場新鮮即焗梳乎厘是放題的重點推介之一，見住在場內好多件完成品，惹人垂涎，我排隊五分鐘才拿到手。飲左藍堂白桃梳打，再有青紅羅白老黃瓜煲豬骨，煲得是老火湯。桂花榚形味都好，什果蛋撻不是少見之物，但做得很精緻，給人夏天感覺。

荃灣的大鴻輝中心出名美食多， 今日就試了這間日式放題店【滿屋日本料理】。 這間滿屋日本料理可為平、靚、正。晚市放題亦只是250元左右， 並可以食足三小時，和屋企人食飯、朋友聚會等都是不錯的選擇。先講一講環境，設有卡位坐， 而且窗邊的座位更可以望到荃灣市的夜景。而且食物方面選擇眾多， 令人花多眼亂。 有放題必食之選：刺身以及壽司。 另外還有各款燒物、炸物、天婦羅、日式一品料理、以及甜品等等。除了點餐紙的食物之外，還有自助沙律吧， 有各款新鮮沙律菜、番茄、日式小食例如：中華沙律、辣味螺肉、八爪魚仔等等。 可以隨各人口味，在餐前吃點蔬菜， 更加有益健康。另外我最欣賞的就是有即叫即製的梳乎厘， 平時在甜品店吃到的梳乎厘都要數十元， 這間放題的梳乎裡質素實在拍得住甜品店， 空氣感十足，發得夠高，而且蛋味香濃，可謂相當出色。串燒方面推介鹽燒牛舌， 牛舌爽口， 簡單用鹽和黑椒來調味，味道已經相當出色。加上一抹檸檬汁，減低串燒的油膩感，令人食過返尋味。燒菠蘿亦非常甜美，菠蘿多汁juicy， 經過燒烤之後， 菠蘿味更為濃郁，清新之餘亦幫助消化，又可以再戰幾個回合。炸物方面我最推薦人氣的榴槤炸彈， 榴槤炸

想食放題又唔想去太遠，荃灣依間"滿屋日本料理"絕對係唔錯嘅選擇，價錢合理坐位唔太迫，服務都唔錯。坐底就打開本點心紙叫嘢食，就見到有夢幻特飲在 酷熱天氣警告下見到心都涼D，就揀個紫貝天癸白桃梳打同埋芒果柚惑嚟試吓，味道ok仲有少少果肉係裏面。之後就揀刺身甜蝦同大赤蝦，北海道角螺都好鮮甜，當然唔少得仲有三文魚，油甘魚，象拔蚌壽司我就鍾意火焰原條海萬壽司同埋焦糖鵝肝壽司，鵝肝唔係細細塊仲煎到好香又無多餘嘅醬汁，食到原味。熟食嘅點心紙有個新嘢係鮑魚冬蔭功海鮮鍋，個冬蔭功味道都唔錯帶少少辣海鮮都可以，避風塘黃金炒蟹炒得夠香有原隻蟹係度，天婦羅就叫咗蝦，蟹棒，紫心番薯同埋南瓜炸醬唔算厚芝麻雞翼同芝士年糕都係我必食，食到咁上下我就開始飽，但都要食埋個羊架先可以收手，次次都飽到抱住個肚走。

近來食左好多放題，開始有d分唔到邊間打邊間，今次呢間叫「滿屋日本料理」。-飲品既種類好似係我食過暫時最多選擇既-刺身新鮮，大件又厚身，甜蝦好甜-壽司飯唔會太大舊，可以每樣都叫黎試下鵝肝壽司（應該係🤔）好好食，好香肝味-牛舌好林不過略嫌過少，得兩三塊-唔記得呢兩個係咩款既壽司，但好有創意，味道都唔錯。話說我地研究左好耐綠色果塊野食唔食得，男朋友話可以，我覺得好似紙既味，所以唔敢食但餡唔錯，鮮味足夠-炸味不過不失，脆就夠脆既，最重要係新鮮炸起上枱-焗帶子好好味每次去呢間旗下既放題店都會點，真係好鐘意-最後用兩種季節限定既雪糕/雪條作結，太幸福了，滿足既一晚

唸住天氣咁熱，周圍都咁多人，而且用餐時間好多時得1.5小時，於是今晚去食放題。呢間餐廳嘅刺身，不論質量同數量都同落單個陣一樣。特別係個蝦，好鮮甜，個蝦頭爆哂膏。第二樣值得介紹係個鵝肝壽司，好多放題，都一定唔會提供鵝肝，真係好易回本。仲有個芝麻雞翼都好值得嗌！下次要再嚟過先得！

依家香港百物騰貴想食餐好嘅，分分鐘過千，食放題就係最好嘅選擇，唔需要就住就住食，最喜歡就係滿屋日本料理，款式多不在話下，食物比較新鮮，刺身好新鮮，款式多，有鮑片，帶子，甜蝦，三文魚，赤貝，螺頭，都係新鮮清甜的❤️👍熟食更加係我心頭好，首先係蟹粥，蟹粥好鮮甜，粥好綿好正，珍珠米熬粥特別好味，避風塘炒蟹，真係有大排檔嘅感覺，而且蟹好清甜，係新鮮嘅蟹肉好彈牙，燒鰻魚更加係超正，超好味，厚薄啱啱好好滑，不得了，炸榴槤更加係外面好薄好脆，裡邊係濃濃嘅榴槤肉，好香，榴槤迷一定要食，仲有燒菠蘿好甜好大件，無渣，仲有燒牛舌和羊胺都超級好味，仲有係花膠炒飯，炒飯底味道比較淡，但係撈埋上邊啲花膠一齊食，味道就啱啱好啦❤️👍蔬菜類可以揀定四季豆，炒四季豆味道好濃郁，好多唔同青紅辣椒，超級正❤️而且全部都份量啱啱好。唔會太大份，咁就係試多啲唔同嘅嘢啦❤️最後係甜品不得不提，只有呢間先有嘅疏乎厘係超級無敵正，外邊嗰層好脆，裡面好滑，比美5星級酒店👍掂吖😍

放工後，最開心當然是大吃大喝一餐！！什麼煩惱、壓力都統統透過美食消去，咁先係人生！！刺身包括三文魚、油甘魚、甜蝦、帶子，全部都比想像中新鮮，非常好！！！相信好多評語都貼左好多刺身圖，所以今次想重點講下熟食方面，原來放題嘅熟食都可以咁好食！200幾蚊食題食到刺身嘅新鮮不得止，賣相都超乎想像，看得出廚師的心意及用心，值得一贊！！其實salad bar 都好吸引，平時一碟中華salad 都$20，宜家任裝唔嬲，仲可以自製蟹籽沙律，想多D蟹籽？完全無問題！仲有螺肉、八爪魚擺得整整齊齊！避風塘炒蟹，賣相好，夠惹味，絕對唔馬虎！椒鹽又多，過口癮好正！食放題以為熟食唔好食？咁你就錯！一樣可以好似出面小炒咁，食下菜排毒，仲要日式！出面一碟都$50幾啦～～哈哈燒鰻魚有驚喜！味道佳～鰻魚入口即融～又唔多骨，喜歡鰻魚嘅朋友一定要試！最令人驚喜係有花膠、鮑魚仔食～～一D都唔差，鮑魚有味夠咬口、花膠夠膠質！補下D⻣膠原！一口甜薯！一個字：正！甜品有jelly、布甸、豆腐花等等！仲有即製梳乎厘！梳乎厘熱辣辣，軟綿綿！最後，每人可以選一雪糕～～～～

環境舒適 食物水準高放題黎講，滿屋各樣性價比真心高，有大玻璃望到出面，多卡位，坐的舒服唔擠逼夏日炎炎，仲有好多特飲，唔怪得咁多人黎滿屋，比起其他放題，滿屋有好多新鮮野，好吸引食物種類都好高，樣樣都好想食呀唔好睇佢細細粒，可以任食，一口壽司的的色色，好可愛呢個鵝肝壽司好食到有幸福感覺，入口即融，估唔到有鵝肝壽司，好好食，起碼要食10件刺身款式想食都有齊，非常新鮮肥美特別鍾意食三文魚、螺肉壽司好精美，每件都係藝術品，好得意食好多生冷野？唔怕！煲埋滋潤靚湯你飲熟食都燒得岩岩好，唔會鞋好鍾意食放題，又有刺身、壽司食，又有熟食一口甜薯、牛油栗米、最後又有雪糕、生果食，好圓滿

早幾日收到朋友嘅訊息這裡好抵吃，於就相約到此吃一番，這裡都有好多選擇，但朋友看了一輪都係選佢，原因係食物選擇超多，而且食物質素新鮮，一入門口轉個灣就係甜品自助吧，有唔同嘅甜品任食，旁邊亦有個自助日式小吃吧自己選擇，飲品亦係自助，咁當然首要就係點個刺身拼盤，有爽口彈牙嘅大赤蝦、彈牙鮮味嘅鮑片、爽口嘅赤貝同角螺，肥美軟滑嘅三文魚、同埋泰式天使蝦，味道夠新鮮！而壽司就點了海膽系列，而比較喜歡嘅就係海膽磯之雪大蝦卷，同埋個海膽鵝肝帆立貝壽司，味道鮮味，正！另外火灸壽司亦不能放過，岩鹽火灸和牛壽司同火灸原條海鰻壽司，和牛肥美軟滑，原條海鰻軟熟嫩滑，絕對要多點！而人氣之選嘅榴槤炸蛋，愛吃榴槤嘅朋友真係必吃之選，外脆內軟，咬開時重有好香嘅榴槤味道，而芝麻雞翼嘅味道亦十分出色，外脆內軟！而且重有最愛吃嘅蒲燒鰻魚，當然要勁吃一番！燒得香脆軟滑，入口啖啖肉，絕對係必吃推介，最後還有特色雪糕選擇，一個價錢多重享受，超值！