滿屋日本料理 (大鴻輝(荃灣)中心) (已結業)

這間店已多次光顧，午市放題也食過了。今次再食午市定食，仍然沒有失望😬。昨天在旺角也是食日式定食，價錢只平這店數元，但質素真的差距甚大。今午二人來食，叫了一份細烏冬夾數件壽司的。首先，烏冬是巑岐烏龍，爽口彈牙，質感當然不俗，還有數件壽司🍣，不是切頭切尾的，看落都很吸引，食也令人滿意。而且，每個定食還包沙律，今天是三文魚伴沙律菜，醋味令人非常開胃。還有一小杯甜品，飲品除一般啡茶外，還可到飲品櫃選取一罐。我叫了牛肉鍋，牛肉都很好味，不是超肥的那種肥牛，數量不算多，但足夠。這種除主菜還包吸引的沙律和甜品、飲品，真的很有誠意，值得推介👍👍。

昨晚母親節訂枱晚上來慶祝，食五點半放題，已預早排隊上十樓排隊，但一出𨋢門，細小的等位地方已塞滿人，很辛苦才出到𨋢企穏，人貼人，又好熱又好焗，就算已過17:30，職員見到咁嘅情況也沒有迅速安排入座，令很多人鼓燥。真係想轉場，不過基本上唔會有空位俾你走到......萬一有人暈倒就大件事了。入到座後，沿路地上到處也很污糟，又油又濕，眼見老人，抱著BB的也行得十分驚險，我們的座位枱下的地上異常污糟，好恐佈，而洗手間又要行番去入口處附近，對於老人家十分不便，由於歺廳呈長型設計，十分不方便。食品方面，出面拿冷盤的食物不多，而且食到了未溶雪的😨（取食物處正是出入必經的路，好狹窄），飲品也算多款式。其他食品主要是寫紙仔order，基本上得榴連波，蝦刺身，鹽燒蝦和牛舌好D，其他也不好吃，食物也上得慢，要追幾次，到走時又要人貼人的，而且三架𨋢忽然壞剩一部，唯有年輕的走十層樓梯走，讓有需要的搭𨋢。一家人食得很不開心，真心不會推薦。

因為今日母親節 食客好多 d位完全爆晒好唔容易先有張細台坐 一開始好期待 因為我一年前黎食過 幾好食 但今次黎食完全失望至極!我明白咁多客 出單一定慢d 但係我一點黎到食 等左個幾鐘 d野食黎得4樣 跟住3點要清場 2點距地就要埋單 2點半就要截單 我即刻炆 我比二百幾蚊 等一個幾鐘食得4樣野 轉個頭就要截單 我覺得好唔開心 冇晒食好野嘅心情!不過服務員態度都ok 即刻幫我跟翻d野食 呢點好好跟住講野食。d刺身全部有怪味 尤其是三文鱼 真係唔好食個蟹粥粥底冇蟹味 係白粥求其加舊蟹 完全唔好食個雪花肥牛鍋味道ok 但得一舊肥牛焗蠔同焗扇貝太多沙律酱 食落好漏!牛柳粒食唔出味道 同埋太硬最好食係炸物 紫心香芋丸同芝麻雞翼好食仲有榴槤雪糕 好正服務員態度都值得讚比起其他放題 食物質數大可改善

今日收工諗住食放題，結果其他無位，咁試下呢間啦，結果中伏，三文魚太凍，口感好冰，其他凍食都吾係好得，熱食就好少少。不過如果有其他選擇，我一定吾會再去。因為真心吾太好食

同3個好耐無見既朋友食飯，其中一個話天口熱唔打邊爐，怕燥熱，另外兩個提議食放題應有盡有，佢地兩夫妻話呢間同朋友食過幾多野食選擇，性價值頗高，所以預先夾定日子，book好枱開餐。假日七點上到黎，電梯一開好多人等位，好彩book左枱無遲到。老納我特登晏晝同下午茶都都唔食，就係為左留番個肚嚟食放題，所以一坐低係咁喪點。頭盤當然唔少得就刺身一大盤啦，刺身一定係少不了重要大量咁食先最痛快。必點: 剌身系列食放題, 當然要點剌身"暖暖"胃啦!我們點了甜蝦、赤貝、三文魚、油甘魚、 鮑魚片、大赤蝦、象拔蚌、三文魚 ，帶子等等，幾乎樣樣都點d。三文魚既紋理清晰 ，肉質橙紅鮮豔唔發白；甜蝦刺身大隻厚肉 ，味道鮮美肉質嫩滑 ，很肥美新鮮，貝類都好新鮮好爽口非常好食，帶子好鮮甜每款刺身都不錯吃，我們encore左三次刺身，4條友都食到好滿足。 食完生野就係時候要飽飽肚，食壽司有啲飯落下個肚，手卷壽司令人回味， 紫菜都好脆。再嚟梗係要試吓啲特色嘅卷物，呢個海膽鵝肝帆立貝壽司& 海膽磯之雪大蝦卷有齊晒我最鍾意嘅海膽、鵝肝、帆立貝同甜蝦，食落相當之鮮味，一次過幾種口味入口，正。除左魚生刺身壽司，仲有唔少熱食可供選擇

又是落雨的晚上，今晚同朋友係荃灣打波，之後順片食個晚飯，最多選擇就係大鴻輝中心啦。集齊雞煲火鍋、中日韓等，大家都係餓底，決定食日式放題。滿屋這間食店在10樓，勁多人排隊搭電梯，一出 lift 已見有很食客等入座，果然好生意。天氣熱辣辣坐低先叫飲品，出面自助雪櫃有好多款的罐裝飲品，我還是喜歡特式飲品夠晒特別，顏色又靚。食物種類算多，朋友最推介就係 蒲燒鰻魚，真係食到停唔到口，水準之作，新鮮熱辣好味道。海曼壽司一樣食材矜貴。炸物超多選擇，芝麻炸雞翼同埋炸榴槤非常好食，一口一個。另一個心水推介就係花膠鮑魚，無論賣相定係味道都攞滿分。感覺名貴。仲有必食燒元貝，口感彈牙，酸酸甜甜的醬汁非常開胃，好正呀。我哋今日返傳統，差不多最後先叫刺身，個樣就好新鮮啦！食落味道都唔錯，三文魚好肥美，應該係用魚腩部份，油香味濃。甜蝦、元貝和象拔蚌剌身是推介之選。我仲大胃口到叫咗個海鮮喇沙食，湯底刺激美味的辛辣。甜品部份仲有薰衣草味雪糕？真心正到爆炸。食物沒有漏單，環境闊落，一班人都坐得舒服。加上店員服務態度友善，又要加分。最後個人覺得價錢合理，必有下次。

去荃灣大鴻輝開餐，又唔只得打邊爐既，放題開到成行成市，荃灣都有好幾間選擇，今日同屋企人訂好枱嚟到滿屋一試，食物比預期好，最好味係燒物，近近地值得再幫襯放抵手袋就去揀飲品，除咗雪櫃既包裝飲品，仲可以點特飲，不過我見到有新出既cola plus就攞咗罐試下，同平時紅樂差唔多，最緊要係0糖，飲多咗都冇有怕；連清酒、梅酒都有得飲刺身係放題既焦點，我最愛帶子刺身，比五毫子大既帶子原粒放入口，味道鮮甜；赤貝榮螺同樣食唔停口燒物亦係我所愛，牛舌、菠蘿、大蝦、羊架同樣encore幾次食飽出去行個圈，凍盤選擇唔多，出到去得花甲；螺肉個芡汁比較杰但都唔錯，仲有唔會失手既中華沙律凍櫃既甜品只有牛奶布甸比較吸引，不過都冇乜奶味有爆谷機同棉花糖機，可惜棉花糖機壞咗，爆谷勝在焦糖夠多炸榴槤同芝士年糕都係多數放題有既食物，但都要師傅炸得好，唔油膩又鬆脆最後係雪糕，我承認係揀錯，人工榴槤味既gelato又凍又實，總之叫返movenpick或者appolo premium好過

荃灣大鴻輝真係可以話係食之天堂，尤其是我們這些喜歡放題任食的，簡直選擇多多！上星期同細佬及朋友去試下呢間滿屋，估唔到 除左食物質素唔錯，食物選擇種類亦十分豐富！我哋當然係要喪點一啲貴夾唔飽嘅刺身啦喺點菜期間，我哋先行出去自助區睇下有乜好嘢食啦……，喺自助區發覺有蜆肉， 螺肉， 象拔蚌刺身等等， 而且仲有西瓜， 甜品如啫喱， 牛奶布甸， 仲有爆谷機，飲品方面除咗各式汽水仲有清酒及梅酒，種類都算多元化！先來了一個大海鮮刺身，大蝦非常新鮮，鮮甜味美， 亦貝及螺肉爽口彈牙，原隻帶子大大隻，肉質結實沒有雪味！天婦羅亦很有水準，薄脆漿沒有多餘嘅油份， 同樣美味！燒大蝦及燒菠蘿，比一些串燒專門店仲專業，沒有過熟的情況！鹽燒牛舌，確實值得推介，我們來回叫了幾客，真係令人回味無窮！面對競爭咁激烈，食物質素及環境相當之重要 呢間滿屋，確實水準極高！

同朋友慶祝生日, 食放題選擇較多, 而且又唔會太貴.荃灣而家多左放題選擇, 滿屋以前食過其他分店有信心所以再黎.訂左星期日晚6點, 好彩有訂位, 見到有人walkin要9點先有位, 所以一定要訂位.點餐紙依然精美, 睇圖片已經樣樣想食.和牛壽司薄薄一片和牛, 半生熟食落特別軟腍, 好滑, 肉味香濃.再黎鹽燒牛舌, 牛舌都幾厚, 不過依然保持軟腍唔韌, 鹽燒唔會過咸, 味道剛剛好.刺身又係樣樣點D, 牡丹蝦好彈牙, 夠晒蝦味. 油甘魚同三文魚夠新鮮, 食落好嫩口. 赤貝同帶子爽口鮮甜.要左幾款炸野, 有芝士, 有榴槤餡, 炸得夠脆口, 唔油夠乾身, 榴槤一食真係好強既榴槤味, 唔漏好好味, 又唔會太甜.椒鹽雞翼夠味但唔會太咸, 幾惹味, 雞翼大大隻, 個皮好香口.食到差唔多就準備叫雪糕, 平時多數得haagen-dazs同movenpick揀, 但呢度有多兩樣, 最特別有榴槤雪糕, 真係好多選擇.呢度人流非常多, 但都無漏單情況, 唔錯.

約左個朋友去行下街, 行行下已經到左食飯時間, 之後大家都話放題比較抵而加最近既地方竟然係大鴻輝, 好似果到得一間放題?最睇睇OP約左滿屋, 因為睇D評價都唔錯哇, 去到都幾多人, 大約等左半個鐘左右先入得入到坐因為大家都幾餓, 所以就拿拿林叫野食大約5分鐘D食物就上枱啦三文魚新鮮肥美, 元貝夠哂冰凍, 蝦亦幾好食螺肉都爽口好食海鰻壽司鮮味, 唔會落得太重醬油, 可以食出鰻魚鮮味, 肉質爽口鵝肝壽司真係大大塊鵝肝, 估佢唔到, 鵝肝入口少少脆口, 油脂細滑, 肥美簡直想再食多次花膠炆鮑魚花膠夠哂足料, 雖然鮑魚唔算大隻, 但係可以無限任點個價都抵番哂, 花膠炆得夠入味, 滑不溜口, 我真係食完再叫芒果特飲飲落滑涌地, 芒果味都幾重上面仲有芒果雪糕, 真係夠哂芒果啊,哈哈

今晚同朋友係荃灣食晚飯，當然選擇係大鴻輝中心食啦。因為依個中心已有很多不同的食店。有雞煲，火煱，韓燒和日本放題等不同類型食店。實有一款適合你口味。最後我同朋友決定選擇食日本放題，食店名叫滿屋日本料理。這間食店在10樓，乘電梯上去，一出升降機，已見有很多人在等待安排入場。好旺埸。但等入埸的時間算耐，约10分鐘，便可入场。首先講飲品，約有20多款的罐装飲品選擇，也有3款啤酒。而且還有特式飲品選擇。食物種類也算有很多。最深刻印象有串燒大蝦，好有水準，好鮮味。炸物都好多選擇。個炸榴摙，非常好食，一食再食。另外必食的是牛肉粒串燒，好有口感，好正呀。刺身好新鮮，三文魚、甜蝦、海膽和象拔蚌剌身是必食的。食物上枱都算快，環境幾闊落，坐得幾舒服。店員服務態度都很友善。埋單每人约$250，價錢好合理，必定再光顧。

經朋友介紹今日嚟到滿屋放題 呢度嘅放題同平時唔同嘅事佢唔會好擠迫 枱同枱之間都好友空間 起碼唔會聽到隔離枱講乜 呢一點已經係好值得加分～因為食咗太多野同大家介紹一下必食嘅嘢先刺身厚賜非常新鮮 我哋叫咗兩Round 嘢食好快到仲有冇甩單呢度仲可以自己出去夾嘢食 好似自助餐咁～～啲蝦都好爽叫咗個沙律做前菜聰明嘅我哋 喺夾嘢食嗰度攞咗啲蟹子同埋蟹柳加落去啖啖蟹子OMG放題居然有鵝肝壽司 非常加分嘢飲有好多選擇 啤酒任飲唔使加錢

荃灣這間滿屋一直都很多人來吃，我們訂了座都要等一會才能入座。一坐下當然馬上點餐啦，刺身都不用多數，反而這次多了點與眾不同的食物紫貝天葵白桃梳打，很香的白桃味道，微微的梳打水，不知道是否白桃太香，紫貝天葵的味道不太喝到避風塘雞翼，有別於芝麻雞翼，加上炸粒啖啖香味，但我更為喜愛芝麻雞翼的Juicy蒲燒鰻魚，醬汁生而鰻魚肉滑，encore了不少呢牛舌燒得很香，啖啖黑椒味道，肉質不會太韌，放題質素來說算是不錯鵝肝壽司！超軟滑超香濃，入口溶化，濃郁的鵝肝油香已攻佔我們的心，已加添無數件鮑汁燴花膠，一大塊花膠炆得入味軟滑，鮑魚冬菇軟林最愛的芝麻雞翼和紫芋波波，非吃不可！雞翼一貫炸得香脆，令人愛不釋手芝士龍蝦沙律軍艦，微微芝士味道，紫菜不會濕林，龍蝦沙律味道是不錯的飲品種類也算多種，除了可以在點餐紙下單的，還有自助拿的最後雪糕有多款品牌可選擇，最後選了榴槤雪糕，選擇多也可謁客人選自己喜歡的，不錯喔

和朋友去了位於荃灣眾安街55號大鴻輝中心的滿屋日本料理，這裡是放題，餐廳好企理，而且食物選擇好多，重要是我們點食品後，很快速食上菜，而且食物質素好。如果有水果攞的放題，我習慣先吃生果，西瓜好新鮮和甜，是我生果中最愛。帶子三文魚壽司，真是和日本餐廳出品的無異，夠鮮夠甜。鰻魚小小一件，不會太大，可以有空間食到其他食品。甜品櫃有勁多選擇，而且質素有水準，不會因為是放題而因價就貨。食放題刺身盤當然是不能缺少，三文魚夠肥美，油脂足，而甜蝦更是我的最愛，夠鮮甜。焗蠔有香濃的芝士及沙律醬，十分開胃。燒牛舌，有趙頭，是我食燒物中最愛。避風塘雞翼，鋪滿炸蒜，好惹味。想不到在放題都可以食到避風塘炒蟹，雖然只是花蟹，但都幾有肉，可以一試。最後雪糕甜品是一人一款，我們點了APPOLO的脆皮朱古力雪糕，和榴槤雪糕，如果自己出街買，都要十多二十元，食完雪糕，感覺非常滿足。總結：滿屋算是間不錯的放題店，食物選擇多，而且夠新鮮，上菜速度亦相當快速，食得夠放，不用就住就住。

今晚約個老友食飯....因為佢係大食積，加上佢又鍾意食日本嘢.....所以今晚決定要食餐勁嘅放題。既然嚟到荃灣...一定去大鴻輝搵食....聼講十樓嗰間滿屋好似幾好食...所以今晚決定一試見佢裏邊啲位置坐得都幾舒適而且仲有好多高質素嘅食物任你揀。呢度最緊要....佢有好多唔同嘅冷盤畀你自己攞嚟食....仲要任添任攞而且佢哋嘅刺身都相當新鮮。最緊要加添都好快上臺仲要有我最鍾意食嘅唔同種類壽司鰻魚仼叫...仲要肉質超軟熟牛肉粒超級彈牙最後兩個人食到超飽先返歸