滿屋日本料理 (大鴻輝(荃灣)中心) (已結業)

對上兩星期都唔洗返足五日, 但好景不常了, 下星期就要返足五日了, 有點唔開心, 唯有同女朋友食下好野安慰下自己啦今次想試下係荃灣舊英皇10樓既滿屋, 聽左人地講好多次, 今次鐘意去試下啦食開放題都係呢個價錢, 都合理的都幾多人光顧, 而且我地兩位都可以坐卡位, 坐得鬆動舒服放題應該要有的食物都應有盡有等食物黎之前, 佢地有任扲既前菜吧同埋甜品吧比你醫一醫肚先, 有味付螺肉, 蜆, 凍蝦, 中湯等等, D個設計幾好, 可以等食物黎既時候有野做, 用盡放題的每分每秒!飲品係除左雪櫃任扲的汽水/茶/啤酒外, 仲可以叫佢地既特色飲品, 特色飲品都幾好飲, 而且有唔少椰果係入面, 增加口感, 唔錯辣酒煮花螺: 好少放題有辣酒煮花螺食, 而且食落就都幾正, 螺都幾大隻, 幾易督出黎, 而且辣度都適中, 唔錯刺身都幾新鮮下, 甜蝦係連頭既甜蝦黎, 保證新鮮, 而榮螺片都幾有驚喜, 好味鵝肝壽司: 大大舊鵝肝, 異常香口, 食完仲有滿口鵝肝的香味, 出面放題都比較少食到D個鰻魚壽司: 長長既鰻魚配合細細舊壽司飯, 可以令你食多D海膽系列: 有唔少帶子, 蝦等等既壽司加入海膽做成海膽系列, 刺身, 壽

原本見佢好多好評就試下, 反正都係公司附近,試下無所謂啦 .係樓下都要排好耐隊先上到黎,因為依度實在太多餐廳,好多人排隊上黎.我地一早Book左枱,黎到發現好多空位,生意好似麻麻先講座位張枱好細係細到要碟疊碟至有位食到嘢.刺身極唔新鮮,其他好普通嘅料理都可以整到好難食,牛舌好似食緊牛肉乾一樣三文魚都可以做到冇味又唔新鮮真係好伏 .服務方面, 係誇張到啲saff係見到你張枱full哂都唔會幫你收嘢 態度極差 食物質素已經唔好後尾隔離枱一樣係兩個人但佢地係可以轉去卡位,呢個價錢我寧願去食其他日式放題餐廳

呢間滿屋合共食左2次，旺角果間都食過一次。第一次食嘅時候刺身不錯，係佢啲避風塘系列伏左啲，因為佢呢個系列好似預先做定，又凍又唔好食。今次再食，一個字，差！首先刺身唔靚，三文魚比背脊位，帶子碎上，赤貝唔爽又腥。熱食係啲雞翼、紫心香芋丸呢啲大路野可以。野食唔好都算，經常漏單，野野叫左又唔出，朋友嗌左個荔枝特飲，催左5、6次都未黎，準備離開時杯野飲先到。張枱亦唔好得去邊，因為佢用單張細枱拼做一張大枱，張枱好容易就成日跣走左，幾次都差啲倒瀉左啲野食。唔推薦去滿屋。

滿屋的放題食過兩次，一次是今年過年的晚餐食的，另一次是上年11月下午試的。基本刺身、生蠔、天婦羅都有。要強調一下第一次去吃時，蝦很大一隻，還有海膽手卷。雪糕有MöVENPICK和Häagen-Dazs選，甜點有馬卡龍，也可以自己弄棉花糖。避風塘炒蟹的味道又不錯，特飲任叫。而第二次來試吃就試了一些新派壽司，味道還可以，價格也可以，算係比較劃算。但感覺第二次可能由於是晚上的關係，擺盤沒有第一次新開時那麼細心了。

有朋友喺英國返黎,由佢決定食尼間,點知真係麻麻地三文魚 唔可以話係難食,但竟然可以係無味囉, 咁多樣刺身,得d蝦係最好食之後再叫多一次,但都係一樣三文魚既紋係靚左,但依然係無味尼間野選擇勁少,又不停漏單, 漏單情況係好嚴重直到最尾最少一轉刺身一轉前菜,一轉炸物係無到過, 埋單前侍應表示last order 問我地有無野未到, 但,已經無乜心機食, 只追返少少前菜,反正唔好食。絕對無下次, 離開餐廳後, 友人都表示佢係上年食過係可以,所以今次返黎先再食, 點知竟然係伏

今日放工，班同事話好想食放題，所以就去左大鴻輝到食滿屋放題啦黎到食放題，緊係要講下而到Ｄ食物啦！因為我唔係好食得咁生，所以今次講下熟食啦！一口牛柳，牛肉唔係Ｄ咩平野，食落去好有口感，細細舊好易入好，唔會林過頭。牛油粟米，有好均行既牛油味，食落去好甜，好滑。燒菠蘿，燒菠蘿好多汁，又香甜。避風塘系列做得好香口，我地點左避風塘炒蟹，吃得出用料新鮮非常，而且味道辣辣地真係好好食。重有Ｄ炸物，Ｄ炸物個皮唔算太厚，重要好脆，芝士年糕好重既芝士未，芝士愛好者就要試下啦！！呢間特別之處有得整綿花糖食，可以玩可以食真係一流。

每次一諗唔到食乜， 老婆就話去食放題， 都係嘅，去到自己想食乜就order, 唔使理其他人， 而且價錢又唔係話太貴。 今次去開荃灣， 就選左滿屋黎試。呢到有個自助吧，可以自己整蟹子沙律，仲有啲凍盤好似蝦， 螺肉， 八爪魚仔可以選擇。基本嘅刺生都齊哂， 如三文魚， 甜蝦， 油甘魚， 帶子， 象拔蚌等， 可惜冇左我鐘意嘅劍魚， 但就多左個平時小見嘅泰式天使蝦。 味道方面都幾好， 都帶有甜味同冇話一陣雪味。。而鐘意蝦嘅朋友， 我就建議試下個泰式天使蝦， 個人覺得佢個味道同甜味都比大赤蝦同甜蝦好。雖然冇劍魚刺生， 但壽司個到就有佢啦， 而且仲係係海膽系列入面添。 平時食放題好小食壽司，因為怕飽肚食唔到其他野，但呢到嘅壽司就encore左一陣。 推介有海膽劍魚壽司同海膽海葡萄赤蝦壽司， 前者兩樣甜甜高嘅野擺埋一齊，鮮甜味大滿足。 後者有海葡萄嘅爽， 海膽嘅甜， 再加埋隻蝦， 幾個感覺一湧而上，正！其餘食物好似羊架， 一口牛等都係好野，(一口牛要夾蒜片一齊食呀), 差唔多一個人食哂成碟。。最後就係野飲同甜品， 呢到都係多款飲品俾客人攞， 比較特別係有hogaarden同自助清酒， 而雪糕雖然只可

點解我咁講呢, 因為呢度係我唯一一間食過咁好態度嘅放題。平時食開嗰D 都係衝鋒陷陣咁, 但呢度會有員店停下腳步為你推介一下,連10款唔同雪糕都主動介紹一番。 而且呢度放題時間係2.5 小時,可以等我放輕鬆咁食, 慢慢下單, 仲可以慢慢嘆埋個雪糕先埋單!好！講下啲食物先！赤貝新鮮好爽，帶子都好鮮甜, 會停留喺口腔!三文魚同油甘魚都係厚切，不過蝦就淡味啲，甜蝦都唔夠鮮甜！海膽得小小劍魚腩都係好甜。仲有三文魚子手卷，飯就多左啲.。海膽海葡萄大赤蝦壽司,仲真係有一個海葡萄喺面，沖繩先有得食，正！凍盤有蝦 同蜆, 蝦都好爽口嘅。花膠冬菇炆鮑魚, 唔算入味!佢嘅沙律吧最令人興奮就係可以大大匙咁裝D 蟹子做蟹子沙律,雖然唔矜貴但小女子我喜歡。避風塘炒蟹, 新鮮度普通,但勝在夠火喉。芝麻雞翼真係一樣好好食嘅野, 未放到落枱就聞到嗰個香味. 仲有剛炸起嘅熱味, 刺激到係好想即刻咬啖。雪糕真係有十款比我揀, 好就好在唔係比cheap 雪條雪糕,有Haagen-Dazs, Movenpick, 仲Appolo Premium , 仲有榴槤雪糕... 當然揀個平時放題無嘅榴槤味。員員哥哥推介appolo話出面

男朋友生日，帶埋媽咪去食，好正，升級版既放題加自助餐，價錢合理，加完一都係二百五，好抵食，其他放題有既佢都有，食物有驚喜，會再食。員工有禮貌，動作快，係咁收台上面既空碟。值得一讚

結婚週年一家3口去試新野，老公見食評唔太差就去試吓啦！收費不算抵 小朋友原本都食很少，但都沒所謂食物質素普通，最緊要係慢，我們都只有出了2轉單，每轉份量也不多是剛巧2人吃的份量，第1轉除了魚生很快，炸物、燒物嗰d都20-30分鐘才到。結果老公吃不飽,我也是吃不多海膽不太好，我那麼喜歡吃都不太挑剔都覺得不好吃。其他魚生還算ok新鮮，其他食物都很普通叫了一轉，甜品選擇也不多。這個價錢可以選擇這其他的放題,應該會更有質素保証

今日老細請食飯，食荃灣滿屋。銅鑼灣嗰間就食過，感覺唔錯，外界反應都幾好，今次試試荃灣嘅，睇睇水準如何。款式方面，銅鑼灣有嘅，呢度都有，我鍾意呢滿屋嘅其中一個原因就係佢有d壽司款式出面少見，睇黎以後唔使特登出銅鑼灣先食到呢d款式了。首先要讚嘅係效率好高，寫咗好多刺生，好快就上齊，擺到靚靚仔仔。其他熟食溫度夠，唔會凍。唯一美中不足嘅係羊架，冇乜肉食同埋唔太香，叫咗一次就唔想再叫。最後要讚一讚嘅係呢度嘅服務態度好好，今日咁啱有同事生日，我地book嗰陣又冇講定，同事即場係咁R生日蛋糕（搞到我地都唔好意思），服務生不但冇嬲，最後仲真係上咗個生日蛋糕俾佢......（辛苦曬）

讚賞：1.場地較大，台的座位較闊落。2.飲品較多，除了有罐裝汽水和飲料，亦有梅酒和碑酒，特別的是還有特飲。批評：1.食物種類少，得個幾款點菜式的紙，可能是重質不重量。2.食物味道一般，除了刺身和炸物，其他炒野都係麻麻地。3.上菜速度極慢，大約點一輪，需時一小時出齊才有下一輪。4.漏單，通知左，服務員話d人唔得閒，整唔切，就無左件事，最後係無出到。5.無服務員執碟6.性比價低總結：本人第一次食呢間，但是無下次機會了。

喺荃灣揼完骨，最近唔係二、三坡坊，就係大鴻輝!上次食過隔離果間放題，今次就試埋呢間滿屋日本料理。原本我都係麻麻地想食日本嘢，點知入門囗果刻比我見到“避風塘”系列，即刻變成有d興趣……係!我知!我唔應該抱住期望入去食可能會好d。初初入去見到放咗好多前菜、小食喺喥，有煮蜆、蒜茸蒸蝦、凍蝦、螺肉、中華沙律……等，心諗都覺得唔錯啦!我最鍾意佢比你自己夾，好過入紙等佢比，又比得少。凍蝦~冇食……唔知咩味!沙律菜~見到生晒鏽冇食。蒜茸蒸蝦~可以接受煮蜆~麻麻地蟹棒蟹籽沙律~正常味道出面仲有個雪櫃放咗d小食煙鴨胸~雪到硬堀堀溫泉蛋~比較正常飲品都有好款果汁熱情果汁~好味，酸may may~士多啤梨汁~難飲菠蘿蘆薈汁~唔錯同一時間我哋就開始填order 紙，食物種類比起隔離係多少少，佢仲有d期間限定~象拔蚌刺身，質素都ok，我係有encore嘅!不過竟然兩次都唔記得影。而刺身方面有11款，正正常常，中規中矩。我同以往一樣都係只喜歡食貝類，可惜今次得3款。帶子~係細細粒，唔夠鮮甜。赤貝~ok北海道角螺~同平時食嘅榮螺差唔多，冇特别。赤蝦~好似唔太新鮮咁甜蝦~ok希靈魚~ok三文魚、油甘魚、劍魚腩~ok一

收工同屋企人去食飯 佢哋話想食放題😯所以我就OpenRice一陣就揀咗呢間🤔 見佢地點都幾方便 啲刺身燒物又好似唔錯咁💕 一去到佢安排左個卡位俾我哋坐😛 嘩見到有hoegaarden啊！！！仲係任飲喎！我哋每人率先飲咗一支先😂😂佢有冷盤可以係出面自助攞既 啲大蜆都唔錯 中華沙律都好味😋 想省時間食多啲😝作為頭盤都幾好😝之後就叫啲燒物同埋刺身！試咗廣島蠔啦牛舌 蒜片牛柳粒 青魚 羊架😋😋😋 最好食都係個牛舌 一啲都唔老 又算厚切！好推介！！不過食放題就當然係狂食刺身啦😍品種唔算好多款🤔不過common一定要食嘅都有齊晒！除咗北海道角螺 其他我哋都試晒🙊我最鍾意個甜蝦同油甘魚😋😋 油甘魚超正wo 有魚味但唔會話好腥😋反而三文魚我就覺得可以再肥美啲🤤另一重點係吉品鮑燴花膠！😍😍有成三舊花膠😍都幾厚 但唔重味既 唔怕好咸既鮑汁😝可惜我第二round叫果陣太遲 已經賣哂😭果然好野係多人食既😭食飽飽就食生果😙個燒菠蘿好甜好juicy！唔會乾哂 燒完帶出哂個甜味🤤🤤臨走又俾我見到佢有梅酒飲架！我又飲左杯 哈哈😝😝😝不過有冰就仲好啦😝 今晚一家人飲左佢5支hoegaarden 好抵阿！😝

夜晚泥左滿屋食放題入面環境衛生其實都算睇落幾乾淨但安排既座位位置就好窄問過啲員工可唔可以另外俾張椅俾我地擺袋，員工話唔可以所以只好擺大脾啦但之後先知原來張椅係可以打開入面放物品的如果個員工一早同我地講有得咁做就更好囉另外，雖然食物上菜係幾快但由於張枱都比較窄關係，啲員工上菜時只一味顧住想上菜，而唔理枱面上已經滿到放唔到食物有好幾次只直接將啲食物放我地客人既手上就算咁既服務質數真係唔係好掂囉咁都得既食物水準泥講其實都唔錯既，唔會難食。而最好食個人就覺得係炸芋頭南瓜球食左4個哈哈饅魚都幾好食喔！個特式飲品就完全唔好飲！伏來的勁似藥水味至於其他食物都幾好食的，但甜品就一般般啦。呢間特別之處有得食爆谷雖然啲爆谷過哂氣但都ok的另外一人可以包一款甜點雪糕🍮嗌左個奶凍雪糕，感覺好似食梗芝士蛋糕咁不過雪糕係幾好食的。總括呢講，服務真的唔太好，所以就算食物還好但都唔係留下太好印象呢！