滿屋日本料理 (大鴻輝(荃灣)中心) (已結業)

坐位不闊，不太舒服，熟食落單很久未到，要追才到，令食客心情大減，海鮮粥好像白粥，竹笙翅冇味，刺身很可以。價錢比較便宜，在open rice 定有9折，但下一次一定不會再來。

滿屋近日疫症關係，好多餐廳都有優惠，所以食放題係超級抵食👍🏻一餐半餐無所謂好多放題店一樣，刺身壽司燒物天婦羅炸物一品料理乜都有，單餐紙選擇最少十款沙律同湯就可以喺出面自助吧自取，食物係櫃入面比較衛生飲品有4個雪櫃比你擇，仲有啤酒任飲，唔岩仲有清酒同梅酒，仲有茶水咖啡，最重點係有唔凍飲同無糖飲品👍🏻👍🏻刺身必食，回本之選，全部無雪味，非常夠凍，小編最欣賞甜蝦壽司小編認為必食火灸類壽司👍🏻👍🏻比普通壽司出色，我推薦醬燒三文魚壽司，三文魚好腍有啲入口即融嘅感覺。熟食花菇花膠勁大塊花膠有膠質🤤女士食既養顏燕窩鐽都要食下總結，食物正常放題質素，其中火灸壽司同燒物較為出色，食物款式都幾多，上枱同收碟都快，哩個價錢都抵食。

好耐無食過放題，其實荃灣都有幾間放題，我地研究左一陣，決定食滿屋，見佢食評都唔錯，我地食5點鐘個場，今日是星期六，所以好早雖然食5點，但個場都已經坐滿9成，咁其實餐牌，個個放題都差不多，所以無刻意影相，但出面既野有點不同，所以就影出面先甜品都可以，水果及沙律就唔係間間放題都有，值得一提西瓜及蜜瓜都唔錯幾好味，我哋好快叫咗盤刺身，刺身質素都唔錯，尤其是蝦，都好新鮮元貝好好味，所以不停叫左口魚超正，其實仲有牛舌都好味，最後每人一杯貴價雪糕，完結，整體來講唔錯，尤其是服務員的態度，收碟快上菜快，值得推介。

每次食親放題都好開心, 因為可以任飲任食自己鍾意嘅野!  呢排大家都好大壓力, 係時候放縱一下喇!  於是同friend子近近地到左荃灣<滿屋>食放題~ 呢度嘅放題質素不錯, 之前係第二度都有食過 同一集團嘅放題~ 二百幾蚊一位就有交易!飲品, salad, 生果, 小食和甜品都係自助的,  款式多且供應充足, 還有凍蝦, 青口和螺可以任食啊！ 太開心! 刺身種類繁多而且好新鮮, 我勁鍾意食帶子, 蝦和三文魚, 點左好多轉~ 壽司亦有很多選擇, 唔會太大件, 可以試多啲款,  真係食得好滋味呀~ 辣酒煮蜆很惹味, 鹽燒牛舌和烤羊架也烤得很嫩滑多汁! 燒有燒菠蘿很清甜, 串燒都燒得剛剛好, 唔會乾身~ 貓山榴槤炸彈實在令我一再回味,  因為裏面嘅榴槤實在太豐富甜美,  外層炸粉唔多, 口感不錯~美中不足嘅係當晚嘅<咖啡炒蟹>已經賣晒,  所以今次食唔到, 期待下次再嚟食過啦~ 臨走前, 食埋1人1杯Haagen Dazs雪糕和任食雪米糍,  非常滿足的一餐!

呢間「滿屋」之前食過覺得唔錯，依家想食下放題又黎番呢度！呢間放題除左點餐紙上既食物仲另外有啲放左係廳中間既任夾食物，相比其他放題，款式比較多！刺身刺身正常，帶子鮮甜，大大粒創意壽司（超級推介）呢幾款壽司確係唔錯，我都叫左兩次，舊飯咕算大，放題嘛，唔通食飯咩手卷（超級推介）呢兩款手卷係必食海膽唔腥，仲帶啲鮮味，我膽男朋友都encore 左幾次！蟹膏都好好味，味道濃厚，第一次放題係禁食手卷😋熱食呢碟燒蝦，真係幫唔落，淨係燒熟蝦身及蝦頭，尾部仲未變色，生既炸物飲品

幫襯過這集團的其他分店，感過質素幾好。甜蝦刺身好新鮮白滑，帶子則圓潤肉厚，好正! 以放題來講，我覺得這放題店供應的壽司款式算係非常之多，而且做得有水準。天婦羅的粉漿夠薄，而且有少少脆口，做得幾好。 日本串燒番薯仔細細隻，多食也唔怕滯。串燒蝦殼不黐肉，蝦肉不會乾身而且還有少少彈性。燒牛舌很爽很有口感。這間的小炒王、花膠、咖哩蟹也相當不錯，一個有鑊氣，一個炆得夠淋，餘下一款則好夠味。其實我都唔知點解，食放題會叫烏冬。Anyway，叫左就食啦！稻庭烏冬都幾彈牙，ok架!燕窩燉奶出面比較少見，食落感覺好清涼好滑。還有我愛吃的雪米糍添!

同事話好耐冇出去食嘢，見今日出糧，就想去食吓日式放題，於是就揀間係公司附近的「滿屋日本料理」這餐廳在大鴻輝（荃灣），䌓忙時間都幾多人等lift，但等lift時間唔算耐，好快就上到去，餐廳係10樓全層因疫情原因，入座前先量體溫，要睇客人手腕有冇隔離手帶，門口放置酒精搓手液，真係做足所有防禦措施，亦因政府推出一啲臨時性要求，所以食客與食客之間，都會相隔一些距離自助區有少量海鮮，炸物，熟食，沙律就放入凍櫃內，保持溫度，汽水，樽裝飲品有數拾款，仲有清酒可選擇坐低，先攞中華沙律，泡菜蘿蔔，清一清味蕾跟著叫個必食刺身拼盤，有三文魚、油甘魚、劍魚腩、甜蝦、大赤蝦、北海道帶子、角螺、北寄貝、鮑片刺身好新鮮，三文鮮肥美，油甘魚、劍魚腩，肉質結實鮮甜，甜蝦、大赤蝦，彈口壽司有海膽吞拿魚蓉、鵝肝伴帶子，另有火炙鰻魚、鹽燒左口魚邊、火炙芝士和牛、芝士蟹棒黃金燒壽司飯細細嚿，米粒幾軟糯鰻魚、左口魚火炙後，燒出魚的油香，令壽司入口更美味串燒就非常出色，有雞軟骨，蕃薯仔，蝦，优其較鍾意係燒牛舌，好juicy香口，燒菠蘿好甜天婦羅脆口，牛肉鍋有好多材料，牛肉嫩滑，蟹膏、海膽手卷，全部都好好好味最後係甜品，同每人一個嘅

食5:30-8:00 1.其實可以揀食到7:30 我覺得食兩小時就夠 可以慳返$502.要讚嘅係啲枱夾得好開3.可惜款式比較少 尤其是刺身4.同埋熱食拎到黎都係熱嘅 呢到加分 5.天婦羅嘅選擇都比較少6.牛肉烏冬幾推薦7.自助雪糕方面有三種味道嘅糯米糍同埋黑牛略少選擇8.但係係肺炎期間仲有自助區域呢個位可以改善9.甜品方面牛奶布丁好食 10.雪糕方面每人限食一杯 有Häagen-Dazs movenpick 同dreyer's 紅豆

呢日黎到荃灣食放題，係連鎖人氣放題品牌嘅滿屋，已經唔係第一次黎，目前黎到嘅餐廳都會安排到坐得鬆散D，衛生情況都處理得相對理想。而且食物質素無受到人流減少而降低，反而上菜速度加快左唔少。🔷日式放題 💙75/100🔹自助區荃灣分店同其他分店同樣都設有自肋區，款式都大致上差不多，前菜嘅有沙律、中華沙律、螺肉得，亦設有炸物、湯品及水果等。仲有凍蝦及青口等岩哂海鮮族，擺出黎嘅份量都好足夠而且re-full得都好快。🔹刺身刺身嘅份量比得好足，兩個人去食寫左幾多片就真係比足幾多片，速度上其實個口都keep住有野食落肚。三文魚依然肥美，油脂充份；滿屋著名既甜蝦及大赤蝦亦keep住名不虛傳，尤其係甜蝦，又大又甜又夠新鮮；仲有厚切嘅北海道帶子刺身，又厚身又鮮甜簡直一級棒。🔹熟食 (燒物、天婦羅、廚師推介)其實刺身選擇已經好多，到熟食就更多，各款天婦羅、串燒及鍋物，次次食完都好滿足咁走。天婦羅炸到不會過油而又脆卜卜，牛舌串燒亦好有口感，另外仲有拉麵或竹笙翅等，真係好滿足。🔹飲品、甜品、水果當日去都仲有酒類飲品可以任攞嘅，有汽嘅汽水亦有好多選擇，無糖人士亦有好多茶類飲品。到最後雪糕更有Haagen Dazs，

今晚去荃灣食日本放題，這間唔係第一次食，只因刺身新鮮，串燒也唔錯，尤其是牛舌😋而家分享返先，有熟食、沙律、甜品、冷盤區， 還有爆穀食😚清酒、梅酒等……今次有啲驚喜😚 各樣都有新品🤗除刺身新鮮外，壽司賣相吸引，味道唔錯👍 今晚因有人 願意分享🤭叫咗個炸炸榴槤波波，估不到嘅好味😋 燒菠蘿當然係不容錯過既🤭炸天婦羅蘆筍，鮮嫩脆口😚 羊架燒到脆邊甘香，食落肉質嫩滑😋最後食返個季節限定 Haagen Dazs 藍莓雪糕~yummy❤

放題可說是與朋友們聚餐選擇，雖然最近疫情嘅關係，唔應該聚餐。但兩個人去食放題，一樣冇問題丫。好多菜式都會食厭，但我自己覺得日式放題係從來都唔會食厭。大概用酒店自助餐一半嘅價錢，但選擇絕對唔會畀酒店自助餐少。刺身、壽司、手卷、天婦羅、串燒、烏冬、炸物、甜品、青酒、Häagen-Dazs雪糕…應有盡有。包你捧腹而回！食物選擇雖然多，但完全冇粗製濫造。出品該精緻有精緻，該新鮮有新鮮，超值！大部分食物都係即叫即做，絕無欺場。

今晚決定食個放題減吓壓先！滿屋不嬲係日式放題首選！刺身食放題必食刺身，北海道帶子新鮮又大粒、甜蝦、大赤蝦、希靈魚、油甘魚😋呢個西京燒比目魚甜甜地好好味😋牛牛牛燒牛舌、汁煮牛舌好厚呀！仲有牛柳粒！岩哂我呢個牛魔王！黃金燒帆立貝其實我好鐘意食呢個醬😋加埋粒帶子👍創作壽司我叫咗呢幾樣👉🏿海苔牛油果醬伴鮑汁元貝、鵝肝伴帶子壽司、海膽吞拿魚茸壽司。芝麻雞翼每次都要叫兩轉因為實在太好味炸到好香口送啤酒一流👍黑松露炒雜菌今晚既神秘嘉賓藍莓雪糕😋

超級耐冇食刺身，所以我唔得啦約咗個朋友喺荃灣食放題，呢間係阿哥食過介紹嘅～呢間放題都係有前菜拎嘅，因為開咗全日會，我勁肚餓！沖入嚟去拎前菜先都係中華沙律啊海蜇啊之類質素正常之後啲刺身開始嚟啦！邊度有帶子食架！好好味😋雖然唔會話特別好高級點甜，但係都好大粒，唔係下攔野！之後嗰個黑椒牛柳粒吵得勁香囉！同埋我想講呢度所有熟悉同埋炒野都唔會好多油，不過都會保持超級香口 熱辣辣水準非常高呀！牛柳粒好有彈性，有牛味食完我已經好滿足！點知好戲在後頭好變態囉 我想講呢個炆花膠超級好味呀！炆得好琳好入味而且勁有膠質嘅感覺一路食個口一路粘住咁😭😭呢個真係不得了好真材實料！而且係一定救火喉！無論點樣都一定要整呢個，我好後悔我太遲點搞到飽咗食唔多呢個黑松露炒雜菇都好好味囉！我本身好鍾意黑松露嘅味，呢碟野真係捉了架！同樣都唔會多油，所有熱食都係新鮮整起㗎！呢個真係要讚燒野唔講得笑，牛舌好彈牙，燒蝦面頭灑啲鹽 令到蝦嘅鮮味昇華！原來可以咁簡單又夾！咁當然係因為佢材料本身新鮮，先帶到個味出嚟羊架都好好味！我本身唔係特別好炸嘢，有人嗌左我就食粒榴連波啦🤪🤪 好味啊！不過食到最後太飽嗌唔到多粒環境方面，呢度好闊落！我哋

講到喺荃灣食放題都會諗起大鴻輝，之前同好姊妹喺旺角食過覺得質素都幾好，今次就黎荃灣滿屋食日式放題。全勝抗日期間，每一位客人進入餐廳時都要量度體溫，門口亦有酒精搓手液提供，確保每位客人食得放心。入座後店員會講解限時兩小時同埋除咗點餐只另外有啲小食同前菜甜品蔬菜都可以出面攞，另外飲品區都係自助形式。首先當然點壽司刺身，都幾多選擇而且仲好新鮮，點好餐好快就上枱，我自己比較鍾意壽司類別，有啲仲特別，京蔥三文魚壽司，蟹膏帝王蟹腳壽司，黑松露赤蝦壽司，柚子油甘魚腩壽司，松葉蟹膏手卷等等。。。我地食完再點就知好味啦～另外，炸物/天婦羅都要讚一讚，之前喺旺角店食過都覺得好OK，即叫即炸，炸漿又唔會太厚，外脆內嫩，天婦羅都係點完再點。仲有仲有，燒菠蘿都好正，酸酸甜甜仲開胃。飲品方面都好多選擇，汽水，茶類，啤酒都有。自助柜會有已切好一小件既餅點同甜品，隔離冰柜仲有雪條。而每人都可以自選一杯Dreyer’s/Haagen-Dazs/Movenpick，超正，我㨂咗焦糖餅乾係我至愛。兩小時放題，時間絕對足夠，食物上枱速快，值得一提店員收走食完既碟都好快，唔會放到全枱都係碟都無人理，絕對有下次。

肺炎日日留係屋企，忍唔住同朋友出去左荃灣食放題，本身都有d擔心安全問題。但係一到步，服務絕對令你食得放心。第一，門口有消毒酒精比你消毒雙手。第二，職員會幫你用體溫槍探熱。第三，台與台之間都會相隔一張台既距離。第四，每位食客出去令野食都要定要戴住口罩。非常安全同體心。另外，職員非常有禮貌，餐廳亦唔會出現miss order情況。食物方面: 第一名係西京比目魚，少少甜加上即煎即拎出黎，冇雪味，非常好食。第二名係羊架，都係好抵食，無限任叫唔嬲，重點都係調味好，亦都係即燒的。第三名係刺身，特別係甜蝦同帶子，非常大隻同新鮮，超好味。第四名係鮑汁花膠，新鮮又好味，大大舊花膠，任叫唔嬲。其他仲有好多都好好味不能盡錄，十分推薦大家去食。