影片
更多
2020-04-13
241 浏览
呢日黎到荃灣食放題，係連鎖人氣放題品牌嘅滿屋，已經唔係第一次黎，目前黎到嘅餐廳都會安排到坐得鬆散D，衛生情況都處理得相對理想。而且食物質素無受到人流減少而降低，反而上菜速度加快左唔少。🔷日式放題 💙75/100🔹自助區荃灣分店同其他分店同樣都設有自肋區，款式都大致上差不多，前菜嘅有沙律、中華沙律、螺肉得，亦設有炸物、湯品及水果等。仲有凍蝦及青口等岩哂海鮮族，擺出黎嘅份量都好足夠而且re-full得都好快。🔹刺身刺身嘅份量比得好足，兩個人去食寫左幾多片就真係比足幾多片，速度上其實個口都keep住有野食落肚。三文魚依然肥美，油脂充份；滿屋著名既甜蝦及大赤蝦亦keep住名不虛傳，尤其係甜蝦，又大又甜又夠新鮮；仲有厚切嘅北海道帶子刺身，又厚身又鮮甜簡直一級棒。🔹熟食 (燒物、天婦羅、廚師推介)其實刺身選擇已經好多，到熟食就更多，各款天婦羅、串燒及鍋物，次次食完都好滿足咁走。天婦羅炸到不會過油而又脆卜卜，牛舌串燒亦好有口感，另外仲有拉麵或竹笙翅等，真係好滿足。🔹飲品、甜品、水果當日去都仲有酒類飲品可以任攞嘅，有汽嘅汽水亦有好多選擇，無糖人士亦有好多茶類飲品。到最後雪糕更有Haagen Dazs，
呢日黎到荃灣食放題，係連鎖人氣放題品牌嘅滿屋，已經唔係第一次黎，目前黎到嘅餐廳都會安排到坐得鬆散D，衛生情況都處理得相對理想。而且食物質素無受到人流減少而降低，反而上菜速度加快左唔少。🔷日式放題 💙75/100
🔹自助區
荃灣分店同其他分店同樣都設有自肋區，款式都大致上差不多，前菜嘅有沙律、中華沙律、螺肉得，亦設有炸物、湯品及水果等。仲有凍蝦及青口等岩哂海鮮族，擺出黎嘅份量都好足夠而且re-full得都好快。
🔹刺身刺身嘅份量比得好足，兩個人去食寫左幾多片就真係比足幾多片，速度上其實個口都keep住有野食落肚。三文魚依然肥美，油脂充份；滿屋著名既甜蝦及大赤蝦亦keep住名不虛傳，尤其係甜蝦，又大又甜又夠新鮮；仲有厚切嘅北海道帶子刺身，又厚身又鮮甜簡直一級棒。
🔹熟食 (燒物、天婦羅、廚師推介)其實刺身選擇已經好多，到熟食就更多，各款天婦羅、串燒及鍋物，次次食完都好滿足咁走。天婦羅炸到不會過油而又脆卜卜，牛舌串燒亦好有口感，另外仲有拉麵或竹笙翅等，真係好滿足。
🔹飲品、甜品、水果當日去都仲有酒類飲品可以任攞嘅，有汽嘅汽水亦有好多選擇，無糖人士亦有好多茶類飲品。到最後雪糕更有Haagen Dazs，完美呢餐放題嘅ending。
张贴
