滿屋日本料理 (大鴻輝(荃灣)中心) (已結業)

今日帶屋企人嚟食放題，因為呢間嘅性價比實在不錯。除咗正常嘅日式壽司刺身熟食之外，佢仲有三款凍海鮮俾你揀。我自己就鍾意食凍蝦同埋青口，都好新鮮㗎，好彈牙。食完凍嘅就梗係食埋燒㗎啦，燒蝦都好新鮮彈牙。然後我最鍾意食嘅就係呢度嘅炸蠔。因為佢真係外層鬆脆，但內裏Juice。另外佢啲天婦羅都唔錯㗎，唔會好厚粉而且個個層都炸到好鬆脆。我幾鍾意佢呢度啲壽司的的式式，細細粒咁一啖一粒，唔會因為食太多飯而撐大個胃。而佢壽司嘅種類都真係好多，我哋都食唔晒咁多種。講起壽司刺身就更加唔使講啦，都有十幾款俾你揀㗎。而我哋就揀咗自己喜歡食嘅幾種，食落都好新鮮，不過就雪得凍咗少少。呢期有個蟹肉竹笙魚翅羹，都真係幾足料，但係佢就爭咁個紅醋。熟悉方面我哋仲嗌咗個黑松露炒雜菇，我覺得佢呢個菇炒得幾好食，好夠味。另外仲有一個XO醬炒象拔蚌，雖然佢個象拔蚌腥左少少，但係佢啲豆豆真係好甜， 啲蔬菜配埋個XO醬真係好正。另外仲叫咗個燕窩燉蛋做甜品，佢個燉蛋雪得比較實淨，所以嘆一嘆好食啲。

話雖抗疫期間應該盡量留喺家中, 減少外出, 但正因如此, 今晚專程去左滿屋開餐, 因為貪佢呢段期間人流會少 D, 唔洗等位就有得入, 而且仲可以坐得鬆動 D 添晚市價錢照舊 $248 一位, 有齊刺身、壽司、手卷、軍艦、天婦羅、炸物、燒物、串燒、一品料理、煮物、廚師推介、創作料理、飲品 & 甜品自助區有前菜、沙律、冷盤、炸物、熟食、湯、甜品、水果、飲品自助區有部爆谷機, D 爆谷味道真係唔錯飲品櫃入面除左有罐裝 & 支裝飲品外, 仲有啤酒任飲｡ 另外仲有熱飲櫃 & 熱茶刺身有 12 款刺身: 三文魚、大赤蝦、油甘魚、劍魚腩、帶子、希靈魚、吞拿魚、鮑片、甜蝦、北寄貝、松葉蟹棒 & 北海道角螺, 非常新鮮肥美壽司款式夠多, 除左有一般壽司同軍艦外, 仲有手卷 & 創意精選｡ 大推創意精選入面嘅鵝肝伴帶子壽司 & 忌廉芝士玉子燒, 同埋海膽手卷, 只要食多幾 Round 就回本串燒/燒物串燒方面, 大愛鹽燒牛舌同鹽燒雞軟骨, 牛舌超爽口, 而雞軟骨配啤酒簡直一流 燒物我就推介西京比目魚, 燒完又香又滑, 就算唔配醬汁都好好味炸物/天婦羅先食左忌廉蟹肉棒 & 特長大蝦春卷榴槤控絕對唔可以錯過貓

同朋友又黎食放題，揀最夜的時段，貪佢少啲人又平啲呀，宵夜時段$218一位，食到11點鐘。一坐落梗係去拎飲品同寫紙仔落單啦，飲品依舊很多選擇，汽水，果汁，啤酒都有，拎左無糖嘅罐裝茶。刺身新鮮厚切，很鮮味大滿足。卷物壽司賣相靚靚，勁多沙律醬嘅花之戀呀～正～火灸壽司又係勁正，軟綿綿入口即溶，一口魚油好甘香。牛仔骨不錯，燒得幾juicy。比目魚同羊架必食，魚超嫩滑，甜醬汁好好味，羊架啖啖肉，滿滿的香草味，咬落仲好有肉汁。天婦羅不過不失，新鮮炸起上枱時仲熱㗎。牛柳粒很香口，有少許筋但可以接受啦。一次性嘅雪糕杯揀左藍莓味同朱古力味。可以無限添食嘅雪糕糯米滋，朱古力味同士多啤梨味勁正，綠茶就唔得了。價錢牌，宵夜時段改左9-11點啊～仲有好多野食無影相，總括黎講食物有水準又無漏單，上菜收碟也快，正呀！

今日同朋友去荃灣食放題今日食"滿屋日本放題"我們是在星期二 7:00食$248 /人 食2hrs食物種類都幾多！有魚生都好新鮮，帶子好大粒！😍燒物燒羊架！好好味！肉香淋滑！燒菠蘿～燒一燒好甜好甜！燒牛脷～燒得剛好！炒物一口牛，象拔蚌都不錯！壽司火炙三文魚壽司和火炙牛肉壽司油香肉香！😋😋👍🏻👍🏻👍🏻飲品櫃有三大個！有啤酒，汽水～梅酒，清酒，又有熱茶！甜品毎人有一個雪糕其他蛋糕......都是在出面拿

好耐冇食過放題，要食餐勁嘅估唔到疾情期間都唔少人食相信大家都忍左好耐無出街😣😣😣所有地區嘅滿屋我都已經食過尖沙咀，銅鑼灣，而旺角有兩間今次黎荃灣試下啦我地八點半入座刺身質素不錯，我最重視嘅甜蝦十分新鮮帆立貝、劍魚腩、三文魚都唔錯👍🏻👍🏻熟食方面，牛舌非常好味 食左好多串🥳🥳🥳整體食物選擇算多，熟食質素都好好！仲有雞軟骨，簡直係去咗居酒屋咁自選雪糕有Dryers紅豆味第一次食幾好味👍🏻

岩岩出左糧，決定今晚帶媽咪去食餐好既。之前朋友食過呢間滿屋日本日本料理，係食放題而且價錢公道，就決定一齊去試下。一入去就見到價錢牌，我地6點就去到，因為係平日，所以就248，連埋加一大約280一位，都可以接受，跟住我地就直接入去。坐定定之後，我地就先拎野飲，凍熱都有，甚至有清酒同梅酒飲，不過我同媽咪驚一陣食太多生冷野，都以揀熱茶打底。之後開始揀野食，發覺選擇非常多，甚至連一d比較難整同偏門既食物都有，好驚喜，所以同媽咪即刻把握時間點食野。一開始我地想由刺身同壽司開始。刺身方面，當然叫左我最愛既甜蝦，三文魚仲有帶子。估唔到好新鮮，甜蝦都好鮮甜，我地好快就食左成盤。壽司我地叫左好多唔同種類，特別推介海膽手卷，佢細細個唔會太多飯，配埋海膽既鮮味剛剛好。另外，火灸和牛同火焰牛油三文魚都必叫，用火逼一逼，油脂既香味都出曬黎，媽咪好滿意。食完魚生類，我地都有試下佢既熟食，串燒就食左燒牛舌同燒日本蕃薯，牛舌好有肉汁唔會乾身，燒蕃薯一啖一口岩岩好。食到最後當然唔少得甜品。食雪糕之前，我哋先食餐廳推介嘅炸榴槤。估唔到真係好驚喜。出邊熱辣辣入邊有少少凍，而且好足料，淡淡香甜嘅榴槤味。最後我哋當然都貪得意，

今日去左位於荃灣大鴻輝嘅滿屋度食放題以前都有去過同一集團嘅其他分店放題質素十分唔錯 所以今次就試下荃灣嘅分店餐廳好好 我地兩個人 但安排左4人枱比我地坐得舒服 有別於其他放題通常都坐得十分逼夾刺身選擇好多而且非常新鮮尤其推介帶子 大大粒無雪味天婦羅一共有五款 全部即叫即炸上枱時熱辣辣 粉漿唔厚 炸得唔錯 沒有好油膩嘅感覺超級推介燒紐西蘭羊鞍非常大件爆肉汁 非常juicy用咗特制嘅餣料 好惹味壽司有成30款選擇全部都係細細件可以試多幾款食多幾件仲有好多其他食物最後仲有每人一杯品牌雪糕十分滿足嘅一餐好飽！

疫症期間😷都少咗好多出街，成日留喺屋企就發霉啦，朋友仔都忍唔住要約出嚟聚一聚大吃一餐🥳，咁就梗係非食放題莫屬。真係少咗好多人出嚟食飯呀，唔駛等位，平時起碼等成粒鐘先食到。每位食客入去都必須先量體溫🤒，保證安全。呢度嘅款式有好多，包括刺身、壽司🍣、火焰壽司、創作精選、手卷、卷物、串燒🍢、一品料理、燒物、煮物、廚師推介、天婦羅🍤、炸物、飲品🍹。淨係飲品方面都有超過二十款，包證有一款啱你。外面有自助區可以拎炸薯條🍟、青口、蝦🦐、蜆、中華沙律🥗、昆布麵豉湯🥣。刺身我哋點咗甜蝦🦐、三文魚、空運大目吞拿魚、北海道帶子刺身、北海道角螺、油甘魚、鮑片、松葉蟹棒，全部都好新鮮鮮甜🤩。卷物方面點咗花之戀、香芒忌廉芝士加洲卷、櫻花戀人，全部都好好食。火焰壽司係我至愛😍😍😍，平時去壽司店都好鍾意點嚟食，喺度我唔客氣啦，可以任點，芝士蟹棒黃金燒、火灸芝味和牛、火焰牛油蒜蓉三文魚，芝士蟹棒黃金燒超好味，encore咗幾次！😋😋😋手卷有松葉蟹膏手卷，細細舊，份量啱啱好，唔駛怕食完手卷會飽食唔到其他。虎蝦天婦羅啲粉唔會太厚，又脆又熱。串燒好好味，鹽燒雞軟骨、鹽燒牛舌、燒有機菠蘿、鹽燒海蝦、沙嗲雞串全部都好值得試。西京

兩小時任飲任食，一入座便不停劃紙仔（笑）這裡食物款式非常多，食物附有彩色圖片，看起來全部都好吸引！疫情期間，自助美食區好像暫停開放（我只看到甜品櫃、飲品櫃和少許炸物）我覺得合理的，這段時間大家包容一下。刺身新鮮，種類齊全。其實我自己對刺身的熱愛只屬一般，所以我們沒有點很多。來過滿屋幾次，讓我最念念一忘的是這裡的壽司！真的好好味好有水準！飯小小的，帶微微白醋味，放題來說，質素非常高！火炙壽司是必食之選，三文魚火炙後的油脂好香啊～吞拿魚蓉軍艦，紫菜脆卜卜，證明真是即叫即做的。卷物亦不俗～有些人說我吃放題幹嗎不停吃飯（笑）但我覺得吃放題就食吃自己喜歡吃的東西嘛...不是嗎？還有其他食物我覺得是必食的，天婦羅整體都很不錯，炸粉不算太厚，蝦大隻多肉，不錯不錯。燒銀鱈魚，甜甜的燒汁，皮脆肉嫩！這個月見牛肉鍋其實很高質，在外面吃一個分分鐘要過百元，這裡可以任食，賺到了吧～ 不得不說，其實好好味，真是一點都不馬虎，好高質！！每位送一杯雪糕，可選haagen dazs / movenpick / 日版 dryers，很滿足了。這個價錢可以吃到這麼多美食，滿屋真的很值得一來再來！

呢排疫症嚴重，少咗人出街食飯行過荃灣大鴻輝商場，下面完全無人等搭Lift好奇心驅使下睇睇啲自助餐放題韓燒嗰啲有冇人真係少人到難以置信，未見過層層樓都無人排隊等食飯少人嘅情況下，反而覺得OK加上情人節嘛，都想食好少少，最後揀咗呢間放題食值得讚嘅係，留意到員工好落力做清潔同搞衛生抗疲工夫都做得足坐低呢度食嘢都放心啲基本上都係剔紙就OK，好過出面攞嘢食嗰啲起碼唔會食到其他客人噴嘅口水花飲品﹕清涼蜜柑、Sake有幾款特別嘅揀，不過珍珠奶茶四圍都有就唔揀啦蜜柑幾清爽舒服，估唔到食呢啲普通放題會有日本清酒飲我本身唔飲酒，不過男朋友就鍾意飲少少佢話飲得出唔係好cheap嗰啲sake，有啲料到刺身﹕甜蝦、吞拿魚、大赤蝦、三文魚、劍魚腩、油甘魚、北海道帶子、希靈魚、鮑片壽司﹕京蔥三文魚腩壽司、香草牛油果煙三文魚壽司、黃桃煙鴨胸壽司、黑松露赤蝦壽司火焰壽司﹕火灸芝味和牛創作壽司﹕海苔牛油果醬伴鮑汁元貝、鵝肝伴帶子壽司、忌廉芝士玉子燒、海膽吞拿魚蓉壽司卷物﹕櫻花戀人手卷﹕海膽手卷、松葉蟹膏手卷軍艦﹕黑松露櫻花魷魚軍艦最驚喜唔係刺身，係佢啲壽司平時食親放題都好少會點好多壽司，因為多飯會好快食飽肚唔抵食所以通常

因為疫情原因都好耐冇食日式放題，見呢排好似平靜少少，在阿仔要求下食返次，揀呢間因為價錢唔算貴同埋評論唔錯。晚上7:00，喺荃灣區呢間分店唔會太多人，坐得都算鬆動，任食時間去到8:30，$ 248一位，價錢都幾吸引。先來刺身：油甘魚、甜蝦、三文魚、劍魚腩、帶子、希靈魚、大赤蝦等，基本上質素都好高，我最欣賞油甘魚同帶子，質素拍得住出邊單點刺身水平。壽司亦有好多選擇，鵝肝帶子壽司值得叫，黑松露赤蝦壽司亦有水平，火焰芝味和牛肉鮮味濃。手卷雖然只有三款，但都係精選，當然最值得食一定係海膽手卷，手卷全部細細份一口食晒。燒物試了羊胺、比目魚及黃金燒帆立貝，比目魚拍得住銀雪魚水平，肉質鮮滑，少骨，啖啖肉，所以我都Encore。炸物有兩樣我最鍾意食嘅食物，吉列炸蠔及貓山榴槤炸彈，高水準，榴槤香味十足，好多汁，最後我一個人食咗3個貓山榴槤炸彈。自助飲品選擇多元化，日本梅酒係我至愛，我差不多飲咗三壺酒，另外佢哋有好懷舊嘅涼粉涼茶。最後加埋生果甜品，再有限量Häagen-Dazs雪糕，滿足。

入鋪頭既時候會先要求量體溫，叫有基本保障入到去只係大約坐滿一半人，真係好耐無見過咁淡市好處係上菜快，執碟快，唔會漏單最神奇係店員居然會返黎同我解釋返張單邊啲係無貨__________⭐️晚市閒日最平 $208加一 7點半前離坐除左剔紙既野食，出面重有少少海鮮，熟食，生果，沙律菜，日式前菜，兩款熱湯，飲品櫃，甜品櫃，雪糕櫃🔹刺身👰🏻:🌕🌕🌕🌕🌑🤵🏻:🌕🌕🌕🌕🌑食放題緊係先隊刺身北海道帶子雖然切開左一半，但依然好大粒，係珍寶size口實較札實，唔使特別加錢都有靚帶子真係幾加分.北海道角螺大粒爽口三文魚都幾有油脂味北寄貝爽得黎，要畀少少牙力去咬希靈魚居然採用厚切，口感有點失色赤身解凍做得麻麻，但味道幾ok虎蝦唔爽口，甜蝦就大隻有膏.🔹燒紐西蘭羊鞍👰🏻:🌕🌕🌕🌕🌗🤵🏻:🌕🌕🌕🌕🌗羊架厚到核爆，幾有肉汁，食落無乜羶味.🔹黃金燒帆立貝👰🏻:🌕🌕🌕🌕🌑🤵🏻:🌕🌕🌕🌗🌑帆立貝唔算好大隻，用好多其他材料填滿.🔹御品鮑汁燴花膠👰🏻:🌕🌕🌕🌕🌘🤵🏻:🌕🌕🌕🌕🌗花膠好大片，而且好有膠質，食完會黏咀，大推!!.🔹自家製吉列炸蠔👰🏻:🌕🌕🌕🌗🌑🤵🏻:🌕🌕🌕🌗🌑炸蠔鬆脆，唔算厚粉，蠔身肥美，可惜有少少油.🔹忌廉蟹肉棒

話說有一段時間冇食過放題😅😅，咁啱個朋友又得閒😜，所以我哋就打算搵一間放題🍣食🤩，由於放工之後要去荃灣整少少嘢🏢，所以我同朋友就搵咗呢間放題🏯，呢間放題個地點都算就腳👍🏻，我哋亦都好快就安排到入座🎉🎉，一坐低我哋已經攞本簿，剔咗啲刺身🐟🐠🐙，由於我哋剔咗之後獨立比侍應🤭，所以刺身好快就嚟到🤤，一睇落去都覺得幾新鮮🉐️，我哋試咗幾款，果然唔錯！跟住我哋另外叫咗啲壽司🍣🍙，同埋一啲料理🧆🦪🥟， 啲調味都啱啱好🧅🧄，絕對唔係一啲馬虎嘢👌🏼，另外值得提一提係啲侍應🤵，好快手快腳🏃‍♂️🏃‍♀️，所以我哋都幾欣賞呢間放題🥳🥳

話說我哋班好朋友其實每年有生日嘅都會請大家食下放題，今年亦都唔例外啊係呢一個武漢肺炎襲港嘅情況下我哋都唔會放棄去食呢一間放題，雖然好平唔算太多，不過勝在環境好交通方便讓我地鍥而不捨都要揀呢一間餐廳，除咗餐牌以上嘅食物外面其實都有唔少嘅雜物海鮮蛋糕同雪糕嘅，不過我哋真係好鍾意食嘢，好多相都唔係好記得影。 而呢一度最痴線嘅係可以俾我任筆魚子同埋中華沙律，對於我呢一啲超喜歡食佢嘅人來講真係食極都唔厭，而且又唔算太肥，所以我哋食得幾多下！對於我哋呢一啲咁鍾意食壽司嘅人來講當然係要食海膽手卷啦，呢一度嘅壽司就真係非常之好，海膽非常之鮮味，紫菜亦都係好博博趣，再加埋個飯都唔錯啊！另外再叫埋佢嘅刺身拼盤，我最鍾意食甜蝦同埋欺凌魚，佢嘅甜蝦同欺凌魚都非常之新鮮，食落真係好有新鮮口感喎！以日本嘅炸雞翼同埋炸號都係呢一度最出色嘅食物，我哋都叫咗幾多碟嚟食，完全冇一啲普通放題餐廳咁差又有油油嘅問題另外佢呢一舊牛柏葉都幾出色哈哈最後我最鍾意食呢一度羊架，佢呢一度嘅羊假煎得好香完全冇蘇媚！總括嚟講呢一間放題餐廳嘅CP值非常之高！值得大家來一試！

說話都好內冇食過荃灣滿屋了，今日再食返果然冇令我失望。係依個時世，仲可以保持住水準，侍應服務仲係好好，令我都食得好放心。其實放題不外乎食尼食去都係刺身，燒物，壽司，炸物，個d野，但好吾好食又係另一件事尼。明明一樣嘅野，但有人就係可以做得好出色，有人就做到送都吾想食多次，你話依家世界幾咁公平？滿屋又搞搞新意思了，叫左3款壽司，但有2款可以完全冇飯，但又幾好食喎，左起：鰻魚玉子(壽司)，帶子牛油果醬(壽司)，帶子鵝肝壽司。全部都吾錯，鰻魚皮夠彈牙海膽手卷吾算十分好，但都對得住個價錢嘅刺身不過不失la楊荔甘露說話食到中途都見到有人食家埋單走，見到侍應都好快手執晒d野，仲拎左好大支應該消毒噴霧嘅水出尼清潔枱面，當堂覺得自己食得放心又安落呀