滿屋日本料理 (大鴻輝(荃灣)中心) (已結業)

好耐無食放題朋友就推介依間滿屋一早訂左7點半星期一至三自選時段$248加一食足兩個鐘除左任嗌野食餐廳仲有提供冷盤沙律甜品自助吧野飲都係自己拎而且選擇款式幾多仲有apple cider同蜜桃氣酒食物落完單交比職員上菜速度好快刺身方面特別推介甜蝦、帶子、油甘魚食落鮮甜肉質新鮮壽司細細粒食多幾件都唔覺得飽滯而且水準唔錯特別推介蟹膏甜蝦手卷蟹膏既鮮味配埋甜蝦味道唔錯鹽燒牛舌燒得香口，燒菠蘿好香甜熟食嗌左魷魚鬚、牛柳粒都唔錯近排天氣開始轉涼就嗌左個雪花肥牛鍋牛肉肉質唔錯唔會太韌炸物天婦羅亦都唔錯咬落仲係熱辣辣夠哂香口今餐仲包左一人一杯名牌雪糕有齊三隻牌子比大家揀整體食物質素唔錯上菜速度快又無漏單亦跟足落單果陣嗌既數量依樣野係放題黎講真心抵讚下次想食放題都會揀依間

食物種類繁多，燒牛脷，燒羊髀，雞軟骨，三文魚刺身，甜刺身，帶子刺身，等等，食物都新鮮好食指定雪糕每人只限一杯，但有雪米滋及一種雪條都可以任食嘅但入坐選枱就不太好，由於係限聚令當中，最多4人同枱，佢哋都係要我哋坐岩岩4人枱，我哋本身都唔係肥，但都覺得迫，眼見有啲濶啲嘅枱，就白白放喺度無人坐，拍烏蠅，真係唔抵得隻烏蠅咁自在，我哋就扁咗，哈哈

釣完魚好肚餓，即刻打電話book定八點食放題😬入座時會經過冷盤、水果區，但唔太吸引，我地只係攞左葡撻。好多放題已經用Qr code落單，但呢度仍然用order紙，雖然唔環保但圖文並茂望落去吸引啲，order紙分兩本，一本係刺身壽司，一本係熟食。食物中規中矩，勝在壽司款式多，幾豐富，我地都係食壽司🍣多過熟食 😛入座時會派一張雪糕紙，可以擇Hagar-das 或者movenpick雪糕，如果想食期間限定可以問下員工，當日期間限定係Hagar-das芒果味！上一次食宵夜時段大家都講燕窩燉蛋無味，估唔到今次再食依然都係無味😂

今日假期又去了荃灣大鴻輝搵食，今次就去左 10樓 滿屋日本料理食放題。價錢 $198 加一。12點食到3點。放題就家家差不多，不過這家就有 吞拿魚刺身(大目吞拿魚)，其他地方比較少見。 劍魚腩，夠肥美。其他刺身都夠新鮮的。壽司方面就有 黑松露吞拿魚醬油漬壽司。手巻方面，海胆手巻，甘蝦松葉蟹膏手巻必點。羊架燒得剛剛好，夠淋，值得一試。天婦羅蝦都好新鮮，炸得超好吃。食得多凍野整個瑤柱蟹肉海皇粥。仲有驚喜溫泉蛋飲品方面，基本汽水都有，最特別是有多款酒類飲品，我就試了有汽蜜桃酒，很好喝。最後甜品每人有一個 哈緊大雪糕，不過我喜歡Movenpick 多點。

今晚約了朋友一齊到滿荃大鴻輝灣屋食放題。我同朋友都愛食放題任飲任食多款式。放題可以隻點一件，喜愛的又可以無限點來食，我當然每樣都想試嚇，所以每款要的數量都是1~2件，可以食多些款式。刺身要了空運大目吞拿魚及三文魚，新鮮又甜美。還要了花之戀壽司、加州卷及蟹子軍艦。花之戀壽司當真是軟滑油香，芥辣令壽司更是鮮中帶辣，刺激味蕾。也喜愛太子軍艦鮮味中帶卜卜脆的口感。鹽燒青花魚鹽燒青花魚，細細件，細件正可以食多些其它種類，試多些其它款式，鹽燒青花魚燒得香口，魚味特別濃郁。鐵板安格斯牛仔骨，牛味香濃又入味。和風汁牛柳粒，有三色椒一齊炒，一口一粒的牛柳粒肉汁豐富又惹味。鐵板三色香辣炒牛柏葉，雖然不是很入味，但調味都不錯，爽口中帶點煙韌。炸物當中要了芝麻雞翼及榴槤炸彈。每食放題，榴槤炸彈當然不會放過，外脆內流心的榴槤炸彈，濃濃的榴槤香味，好味哦，愛食榴槤的我當然不會錯過。芝麻雞翼肉嫩多汁又香口。飲品中，梅酒是我的最愛，酸酸甜甜帶酒香。放題的尾聲要多個水果，食得當真開心又滿足。

好耐冇嚟呢度食嘢，今日阿仔考完試又提早放暑假，放肆食一餐慶祝一下。嚟過呢度幾次，佢哋嘅水準不嬲都好穩定，今日疫情大爆發，客人比平時少所以坐得更加鬆動，上食物嘅時間亦都比平時更有效率，完全唔會漏單。刺身來講我最鍾意食油甘魚、劍魚腩及帶子，其他亦保持水準。出面有其他小食、甜品及生果，我發現佢嘅葡撻仔都唔錯。海膽手卷入面海膽大大份，反而飯只有少少，鍾意食海膽可以食得多啲。海膽帆立貝壽司上面亦有唔少海膽，海膽新鮮甜美。燒比目魚亦勁似銀雪魚，香滑幼嫩，魚肉帶少少甘味。榴槤炸彈及炸蠔亦係我必點食物之一，佢個水準冇令我失望。飲品有 Jolly Sandy . Apple Cider 、清酒、梅酒及其他大路飲品，最後都飲咗2-3款酒精類飲品。食完再揀Häagen-Dazs 或Dreyer 雪糕，好滿足。

話說已經好耐好耐無食放題🙈見到疫情緩和啲就同朋友搵放題食下🤣順便滿足下大家想食日本野嘅心！今次就黎左滿屋食 質素又真係唔錯❤️黎食放題點可以放過刺身同壽司呢！講真以放題黎講 佢地嘅刺身真心幾新鮮 啲蝦非常爽口彈牙 幾推薦❤️❤️ 而火炙壽司都好食🤤🤤雖然左口魚有啲細 但味道唔錯 燒得幾香😈 火炙三文魚呢啲又係無得輸嗌左炸榴槤波波 不過個波波中間榴槤唔夠多🙈吉列蠔都係 皮厚啦 但個牛肉粒就真係有返咁上下質素 幾軟 又唔韌 我幾鐘意😉羊架油分比較重 一啖咬落去真係好爽💕咁岩係新鮮整嘅羊架 熱辣辣咁 加上個肉好嫩滑 羊羶味唔重 我覺得有小小先真係羊味😌😌😌呢個幾推介仲嗌左炒蜆呀同魷魚試下 等唔使下下得生野咁🙈🙈兩款作為小食都唔錯 送酒一流 現場有無限任飲啤酒 真係可以啤啤佢燒牛舌係我去到日本餐廳必叫嘅 呢到個牛舌做得算唔錯 以放題餐廳黎講 佢above avg 添😍 仲嗌左啲特色卷 我覺得芒果呢個幾fresh 下❤️❤️出面仲有啲自助區可以比你揀野食圖後面個碗海鮮粥就真係幾好味🤭超綿，燒魚就普通左啲食完放題點可以唔食啲甜野做ending!甜品櫃有啲細件嘅cake, 我食過個芒果布甸就唔錯嘅 朱古力ca

已經好耐冇食日式放題，今次來到滿屋感覺唔錯，以前d 放題店人感覺樣樣都來唔齊要追單，但今次我食就冇呢個問題， 食物來齊。食物款式方面真係好多，刺身，壽司，串燒， 天婦羅，甜品，飲品樣樣齊，如你胃口超大真係可以每樣都叫齊來食， 但我係眼闊肚窄型，所以。。。老豆提我第一轉唔好叫咁多，食哂先再叫。第一轉我已叫一大盤刺身和幾款壽司， 滿足左老豆先，因老豆都好喜歡食刺身壽司，刺身整體新鮮， 呢到壽司幾好，有d 創意壽司唔會好悶來來去去果幾款咁。 所以我又係忍唔住叫左十舊八舊壽司，我知啦！你地一定話我食放題就唔好食咁多壽司，但冇計我地真係好鍾意食壽司。老豆好滿意呢到的牛柳粒夠腍，比目魚夠滑，而我就鍾意呢到的御品鮑汁燴花膠和燕窩燉蛋， 骨膠原咁多女人緊愛啦。最後我地仲食牌子雪糕先走，呢餐絕對超值。

自己平時一向都好少食自助餐、放題！因為胃仔細細食唔到咁多嘢，成日覺得好蝕🤣不過今日晏晝嗰餐都冇點食嘢，好肚餓😣就破例就同我個大胃男朋友一齊嚟試吓！呢日雖然係閑日，不過好似都坐滿晒人！好彩咁啱有枱唔使等位！呢度選擇好多，又有熟食區😍見到有我至鍾意食嘅葡撻，即刻夾返兩件！食落仲暖暖哋，唔會太甜❣️作為一個養生人，所以打算先叫咗一啲熱嘅嘢食墊一墊個胃再食刺身同埋壽司🍣想講個黑松露汁蘑菇芝士釀雞翼真係好食到不得了！完全想像唔到原來放題啲嘢食都可以咁高質咁好食👍🏻一啖咬落去，爆曬啲蘑菇芝士出嚟🤤啖啖肉！牛柳粒亦都相當驚喜！食落係有肉汁，唔會乾爭爭👍🏻壽司都有好多選擇，舊飯唔會太大！炸物同天婦羅亦都相當有驚喜！真係新鮮即叫即炸🔥另外每人都可以叫一杯Haagen Dazs、Movenpick、Dreyers雪糕🍦食完真係大滿足❣️咁耐冇食放題，先發現原來放題嘅食物都可以咁高質！必定會再推介朋友過嚟試😍

今日又再去返滿屋，今次明顯比較多人，坐既位置都比較入，兩人都係坐四人枱就唔驚無位擺野食啦。刺身是放題必點吧，呢度螺肉好鮮，仲有帶子，唔係咁多放題有，細細粒都幾好味，仲有海膽手卷，一啖剛剛好。今次仲點左榴連波波，好熱，又脆口，仲好香濃榴連味，另外最愛係花膠，好淋好入味。睇相就知有幾正啦，我地唔會浪費食物，每樣點夠就好了，食完剛剛好。呢度種類真係幾多，選擇都好多，兩個人每樣試少少就好滿足，呢度員工相對好好禮貌，又有效率，啲野食質素都中上，同朋友黎邊食邊傾計真係好好既選擇，佢連清酒都是包埋，唔需要呢樣個樣加錢咁。

星期三放工要叉下電，食放題就岩哂。呢間餐廳有唔少卡位，都坐得幾舒服，唔算好逼。.帶子迷既我一黎到就點下佢啲帶子試試佢，刺身同壽司都有嗌，件壽司上面仲有啲海膽，細細件一啖食落口，食得出帶子同海膽既鮮味。刺身方面都唔差，份量都比足，仲嗌左赤蝦、甜蝦、北寄貝、三文魚等等，都好新鮮！.燒物方面，我地嗌左牛舌、蕃薯仔、菠蘿，牛舌落左啲黑椒，更加突出到牛味。日式蕃薯仔細細粒甜甜地，過下口癮都唔差。燒菠蘿就好juicy又唔酸，放題必點！.佢既手卷細細件，岩哂我呢啲咩都想試既人，唔會浪費胃既quota!.熟食方面比較特別既係有花膠，配埋啲汁好好味。下次都會再同朋友encore呢間！

趁住聽日唔洗返工 約埋朋友兩個人一齊去荃灣食放題 之前都曾經聽過有朋友話滿屋嘅食物高質 今日終於有機會試下啦！7點去到已經坐滿哂人咁濟 果然好旺場😯😯～餐廳入面環境乾淨企理 一坐低我地兩個已經急不及待落單啦🤣🤣 由於太肚餓嘅關係先偷步喺餐廳自助式嘅位置拎咗啲前菜👇🏻食放題點可以少咗刺身！雖然我地叫嘅刺身份量唔多 但全部都好新鮮😋我知道放題食飯唔抵 但佢地嘅火灸壽司真係 好 好 食 ！尤其係呢個牛肉同左口魚壽司 忍唔住encore多次！我地兩個女仔都叫到成枱嘢食～滿屋嘅食物整體嚟講水準都不錯 雖然店入面嘅員工好忙 但仍然保持良好嘅服務態度 每人$300都唔洗但食足2個鐘 好滿足呀🥰😚

荃灣滿屋8點都唔係好多人，可能地方夠大既關係，睇落都仲好闊落，而且仲可以2人坐4人枱，坐同食得都好舒服。/平日自選2小時時段，我2人8點入去加埋一都只係$273，仲有我最關心有冇既每人一杯Haagen-Dazs/ Movepick/ Dreyer’s 雪糕🥰宵夜時間9點15都只係$208加一。/除左有普通放題都有既刺身、壽司、炸物、卷物、燒物、串燒外，仲有自助區比客人自己拎野食，分別有冷盤（蝦、青口、螺)、熱冷飲品、薯條、葡撻、麥樂雞、壽司、雪糕糯米糍、蛋糕、泡芙、雪條，仲有爆谷等！/服務方面，員工態度都好好，有求必應，同埋成日會有人清走你食完既野，確保你有位放食物🤣✨設加一-🤍刺身刺身每樣都新鮮，唔會食落有陣雪味，切得厚薄適中，由一開始食到尾，先食完一盤刺身，都唔會話變味，保持新鮮，不錯🥰/🤍炸物放題店食過，依間係最保持到肉汁，雞肉肉質鮮嫩，香芋丸炸得好香脆，炸粉皮薄，香芋味岀。/🤍御品鮑汁燴花膠⭐️⭐️⭐️⭐️之前係其他滿屋都食過，個陣係一碗上，黎到時熱辣辣既，依間就用碟上，黎到時就小小凍所以扣左小小分，不過味道都不錯的。-環境：8/10服務：9/10好味指數：8/10回頭率：8/10

是朋友介紹我們來這間満屋， 確實 侍應有礼貌 客人大家也有規矩 不過可能當天星星期六 客人多些， 我們點的柯打 成曰失踪左 出品有點遲，送到桌上的火炙壽司巳凍凍的 第一round叫的， 部分也沒來，不知去了那張枱。 我忍不住 要追問羊架， 才來了！ 今次感覺真不太好☹️

滿屋放題種類繁多 有自家創作壽司 天婦羅 炸物 刺身拼盤 小炒 燒物任點 記得食幾多叫幾多🤣放題其中一個重點當然係刺身拼盤 🤩每片刺身厚薄適中 帶子味道鮮甜 而三文魚肥美 滿滿油脂魚油味道🥳一品料理方面 水蜜桃大蝦同鐵板黑椒炒牛柳粒唔錯 不過上到檯只係微溫 建議熱d比較好牛柳粒唔韌係較肥 黑椒味道好夠😇串燒推介烤牛舌 外面燒得香脆 大部分串燒夠熱 調味適中 最後每人仲有一杯雪糕 係movenpick或者haggen daz 我最鍾意焦糖脆餅味道🤤🤤外面自助區亦有 甜品 乳酪 芝士蛋糕 同雪條 -𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝:💃🏼 💃🏼 💃🏼/𝟻𝙿𝚛𝚒𝚌𝚎: $208/𝚑𝚎𝚊𝚍. ————————————————滿屋日本料理 (荃灣)荃灣眾安街55號大鴻輝(荃灣)中心10樓————————————————